][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][ - صفحة رقم 674 - نادي الهلال السعودي - شبكة الزعيم

S.SAM · #10096 19/12/2009, 01:13 AM

بالنسبة لمباراة اليوم
ان شاء الله بحسموها ابرا وميسي

أتوقع سيدو كيتا اذا بكون موجود بكون له دور كبير بالمباراه صحيح مبتعد عن جو المباريات بس النهائيات غير

بالتوفيق ان شاء الله يا رب للبرشا والسداسية

رساوي برساوي · #10097 19/12/2009, 01:40 AM

إقتباس


	وان شاء الله السداسية لنا مدام نزل التقديم بمعرفي

هذا اللي مخوفنا أكثر يانايف

* هل ترى القرعـة كانت عآآدلة للفرق؟؟؟
اللي مايواجه فريق قوي من الأدوار الأولى .. راح يواجهه بالأدوار الأخيرة ..
لذلك اللي طموحة دور الأربعه ودور الثمانيه .. راح يقول انها ظالمه له القرعه
أما اللي طموحة البطولة .. ما اعتقد بيحس بظلم القرعه .. لأنه ماراح ياخذ البطولة الا بالفوز على هالفرق الكبيرة

* نظرة لمستقبل الفرق الإيطاليــة في القرعـة؟؟؟
كلها في الباي باي

* تعتقد ستكون هنآك مفاجآت للفرق الإسبانية بخروجهآ خصوصا البرشآآ ومدريد.؟؟؟
الفرق الاسبانيه والانجليزيه كلها بتتأهل للدور الثاني

محب الذئب9 · #10098 19/12/2009, 01:52 AM

عزوز توى ماخذ فرة على المقر كامل الجميع صاحي
وكل جندي ماسك مكانة ..

< خش جووو ههههه

ايووووب منور الرابطة يا حُبي انت ..

معلـق مبـاراتنـا بكرة النهـائية : يـوسف سيف

.. حبيب حسيـن ..

اخ لو ابو خليـف يعلـق ..

--

* هل ترى القرعـة كانت عآآدلة للفرق؟؟؟

تقريبـاً اشوفهـا عـادلة ولو انها طبعـاً مستحيل تكون عـادلة 100%

* نظرة لمستقبل الفرق الإيطاليــة في القرعـة؟؟؟

اهم شي فيورنتينـا يتـاهلون ..

* تعتقد ستكون هنآك مفاجآت للفرق الإسبانية بخروجهآ خصوصا البرشآآ ومدريد.؟؟؟

برشلونة
ريال مدريد
اشبيلية

متوقع لهم التأهل جميعهـم ..

S.SAM · #10099 19/12/2009, 02:04 AM

إقتباس


	معلـق مبـاراتنـا بكرة النهـائية : يـوسف سيف .. حبيب حسيـن .. اخ لو ابو خليـف يعلـق ..

ليت لو كان عبدالله الحربي

مالت عليهم بس

B a R c A ™ · #10100 19/12/2009, 02:28 AM

~.~

يقولكـ, !!

دآني ألفيس <~ لع ـب 10 نهآئيآت <~ كلهن فآز فيهن <~

وهذآ النهآئي الـ 11 نقول إنه فآل خير علينآ ؟

~.~

صبح ~ صبح يآ عمي الحق ~{

~.~

قفله <~

رنيم · #10101 19/12/2009, 05:53 AM

يسعد صباحكم
.........

إقتباس


	Barca Rules

هلا وسهلا فيك

...........

القرعه ولله الحمد وضعتنا مع فريق
مستحيل يلعب معك بخطة 10 صفر

شتوتغرات مثله مثل اغلبية الانديه الالمانيه
يلعب بتوازن هجومي دفاعي
مما يخلق مساحات للاعبينا

فرق كهذه لاتجيد التكتل الدفاعي المثالي الممل
لذا حتى وان دافع فمن السهوله للبارسا
ان يختراق تلك الدفاعات

عموما حتى تلك الانديه الهجوميه
عندما تلعب بخطتها امامنا
فهي تلقائيا يتحول تكتيكها لتكتيك دفاعي
بسبب قدرة البارسا على امتالك الكره بنسبه عاليه

انا لا اقول التأهل مضمون
بل اقول التأهل في ايدينا واذا خسرنا فالتقصير منا

...............

بالتوفيق للبارسا الليلة
واتمنى يقدم الفريق مباراه ممتعه اولا
واذا قدمنا المتعه فسنفوز بنتيجه مريحه

اتمناها تاريخيه لاتقل عن 6

اتوقعها 3\1

تحياتي

Hilali 3asal · #10102 19/12/2009, 09:22 AM

إقتباس

الرسالة الأصلية كتبت بواسطة F.C.Blugrana


	^^ سليمان الا هو ماغيره .. بالنسبة للخبر .. ستويشكوف في عام 1992 سجل في جميع البطولات ، سجّل في الدوري / الكأس الأبطال (1) سجّل في السوبر الأسباني (2) سجّل في السوبر الأوروبي (3) سجل في الإنتركونتنتال ’ المسمى القديم لكأس العالم للأندية (4) ويكيبديا 1 ، 2 ، 3 ، 4

هلا عبد العزيز ،،،

بالنسبة لموضوع ستويتشكوف صحيح هو سجل في جميع البطولات ولكن في موسم 1992/1993 وهنا ممكن نقطة الاختلاف بالنسبة لبيدرو انه سجل اهدافه في البطولات الست في عام واحد اللي هو 2009 ... لكن السؤال بالنسبة لستويتشكوف هل كانت اهدافه في جميع البطولات خلال عام واحد اللي هو 1992 او لا ؟؟ وهي النقطة التي تحتاج الى بحث وتأكيد ... يعني بالنسبة لمباريات كاسي السوبر الاسباني والاوروبي وكاس الانتر كونتننتال التواريخ مثبتة في المصادر انها خلال عام 1992 ، ولكن كمثال في موسم 1992/1993 في بطولة كأس ملك اسبانيا برشلونه بدأ مشواره في البطولة من دور الـ 16 ضد اتلتيكو مدريد ، وعادة مباريات هذا الدور تكون بعد العودة من اجازات اعياد الميلاد مثل ماهو حاصل هذا الموسم ، واذا كان ستويتشكوف سجل هدفين في البطولة مثل ماهو مذكور في المصدر ، قد تكون اهدافه سجلها في عام 1993 وليس نفس العام 1992 ، ونفس الوضع ينطبق على اهدافه في دوري ابطال اوروبا .

في النهاية المعلومة غير مؤكدة عندي ولكن هو مجرد راي ووجهة نظر تحتمل الصواب والخطأ ،،،

RoNaLdINhOoOo1o · #10103 19/12/2009, 10:21 AM

السلام عليكم ورحمة الله وبركاته .. كل عام وانتم بخير بمناسبة العام الهجري الجديد

نريدها سداسيه .. نريد إكمال سلسلة البطولات في عـام 2009 .. نريد أن ندخل التاريخ من أوسع أبوابه ..

اليوم لا مجال للتفريط أو التهاون .. أتمنى أن نرى بداية مغايره كتلك التي في مباراة أتلانتي .. نريد الروح والمتعه التي جلبت لنا الخماسيه ..

كل التوفيق للبرسا

Ronldinho - 10 · #10104 19/12/2009, 10:58 AM

السلامُ عليكم

نهائي كأس العالم للأندية

اللقب الغائب عن خزائن البلوغرانا

أبو ظبي وسحرها وجمالها ستجمع بين بطل أوربا وبطل أمريكا الشمالية

إستوديانتس العريق .. براحة التانغو

اللي حصل على البطولة بتعب وجهد كبير

بداية بالداهية المدرب سابيلا المحنك

وبالأمبراطور وقائد الفريق المخضرم خوان سبستيان فيرون

بكل تأكيد مباراة ستكون لها تكتيك آخر .. معنويات مرتفعة ؛ لتحقيق اللقب

أستوديانتس سيبذل كل ما لديه .. فليس لديه شيء ليخسره

برشلونة عليه أن يحترم الفريق المنافس ، على اللاعبين جميعاً بما فيهم المدرب بيب أن لا يستهينوا أبداً بالمنافس

فهو ما تأهل إلا عن جدارة لقارته

ستكون مباراة صعبة .. الكل يريد الفوز

بيب عليه تغطية المناطق الدفاعية جيداً ، حتى لا يستطيعوا اللعب على المرتدات

وأتمنى إستغلال التسديد من خارج المنطقة

فأعتقد أنها ستكون مباراة مغلقة ؛ كونها نهائي

لكن إن شاء الله نحقق الفوز

وكذلك أتمنى من بيب يلعب توريه من البداية

تشكيلة أتمناها

إبرا

ميسي ..... هنري ( بيدرو ) ( بويان )

تشافي ..... سيدو كيتا

توريه

داني ..... بويول ..... بيكي ..... أبيدال

فالديس

وأنزلوا لتتمتعوا وتمتعونا

ويارب الفوز من نصيبنا

لكم

Barca Rules · #10105 19/12/2009, 11:19 AM

الفريق جاهز لنهائي مونديال الأندية

تدرب فريق البارسا عشية المباراة النهائية لبطولة كأس العالم للأندية والتي سيغيب عنها لاعب الوسط اندرياس انيستا، وشارك الثنائي سيدو كيتا وليونيل

ميسي

في المران بصورة طبيعية.

وقد بدأ العد التنازلي للمباراة النهائية حيث استعد الفريق الكتالوني لمباراته أمام فريق استوديانتس بتدريب على ملعبه في المعسكر. ويسمح الاتحاد الدولي لكرة القدم (فيفا) للفريقين بالتدريب مرة واحدة على ملعب المباراة وهو ما قام به البارسا قبل مباراة نصف النهائي.

وقد شارك جميع اللاعبين في المران بما فيهم ميسي وكيتا لكن انيستا لم يشارك في الحصة التدريبية حيث يتعافى من إصابة لحقت به.

زوبيزاريتا

وقد شاهد التدريب

ضيف خاص وهو اندوني زوبيزاريتا والذي حرس شباك البارسا في بطولة انتركونتنتال في عام 1992.

ويتواجد زوبي في دبي بصفته معلقا لأحد المحطات الفضائية، وقد شاهد لاعب البارسا السابق الربع ساعة الأولى من التدريب مثله في ذلك مثل باقي الإعلاميين.

وقد انخرط لاعب الباسك في حديث مع زملائه السابقين بيب جوارديولا وخوان كارلوس انزو.

......

لكل شخص رحب فيني

هآء رآبعـــه
~X~ المصدر بالصوره ~{

David Naif · #10106 19/12/2009, 11:44 AM

صبــآآح الخيرات

موعدنــآآ اليوم مع احلى نهاية ان شاء الله لموسم اسطوري وخرافي

وان شاء الله تكمل افرحنـــآآ اليوم , بآحلى سداسية قوولوآآ يارب

مبارآتنـآآ دور الـ 16 مع هليب

شكله حاقد علينــآآ يبي يجيب طبلونهـ

ان شاء الله برشلونة مآرآح يلقى عقبات في التاهــل لدور الثمانية

Barca Rules:
حيآآك الله

ونبيك دايم معنأأأأ , ترا اي واحد يدخل معنــآآ
ياويله لو يسحب

لكـ

عزوز : تسلم يا بعدي

نواف النور نورك

ابو عبدالرحمن : والله مدري وش اقولك ابي اسآلك وطلعت وققلت اذا جيت وما جييت الا بآخر الليل تكفى ابو عآبد اعذرني ,, توني تآكدت اني دلخ

ابيك تسمحلي يوم
سمحتلي سحبت .. ابو عابد اسف

نواف شكلك تموت على تميز

إقتباس


	وبالنسبة يا بندورة للقرعة بوركا انا قايل والعالم عند الله اننا بنقابل شتوتغارت ..

انوسه ممكن تتوقع من يتآهل لدور الـ 8

إقتباس


	ترا ذبحتونا بالتميز حقكم . < كيفني وانا معصب ههههههههه روقونا ياشباب كل ماجا لواحد رقم قال انا مميز ههههههه

ودي اشوف وجهك وانت كاتب هالكلام

إقتباس


	هذا اللي مخوفنا أكثر يانايف

عزام اذا ما كنت غلطــــآآن

ما عليك انا معروف اني فال خيرر

بعدين يحقي اهايط
بكيفي برشلوني

إقتباس


	\|\| .. ريكاردو كاكا : الجميع يحب أن يرى برشلونة يلعب وأنا منهم .. \|\|

انت احس مدريدي

* هل ترى القرعـة كانت عآآدلة للفرق؟؟؟
هي قرعة اصلا يعني صعبة تكون عادلة 100%
بس القرعة تعتمد على الحظ

* نظرة لمستقبل الفرق الإيطاليــة في القرعـة؟؟؟
اتوقع الانتر اوووت

<< يارب

الميلان و فيورنتينـا اتوقع التآهل لهم

* تعتقد ستكون هنآك مفاجآت للفرق الإسبانية بخروجهآ خصوصا البرشآآ ومدريد.؟؟؟
كلهـآآ رآح تتآهل , ومافي صعوبة ابدآآ

*توقعآآآت لدور الـ 16 ؟؟؟
بـرشـلـونـه ×شتوتقارت ... [ برشلونة ]

بــــــــوردو × أولمبياكوس... [ بوردو ]

ارســنـال × بورتـــــــــو... [ آرسنــآل ]

الــريـال × ليـــــــــون... [ الريال ]

تـشـلـسي × الإنتــــــــــر ... [ تشلسي ]

اشبيـليـة × س موسكو... [ اشبيليه ]
فيورنتينا × البايـــــــرن... [ فيورنتينا ]

الـــمـــان× ميـــــــــلان ... [ ميــلأان ]

الفريــآآن صدقني رآح اذبحك

هالادمي ما يمل من كثر التصوير

يآعيــآآل اليوم لازم بعد البطولة نكون مجتمعين بالرابطة

نبي نفلهــآآ سوآآ في كل شي هنآآآ اول شي حلويـــآآت بعدين نبدآ بالرقص والمحظور

صدق ياعيال لازم كلنــآ اليوم نتواجد بعد المباراة فيذآآ

‎βαƦ¢α 4 ξνξƦ · #10107 19/12/2009, 11:53 AM

][ ★ ][ كُـــــــرســي الإعتِـــــــرَاف ][ ★ ][

الإجابآت

germany4ever13

يا هلا والله بأخوي الغالي "الراقي" عبدالله

الله يبقيك ويسلمك

اسئلتي لك يالغلا هياول كم سؤال سالتهم بعد ما قريت يوسف كاتب بأنك مغترب فإذا صحيح هالكلام جاوب على الاسئلة وإذا مو صحيح هم جاوب على الاسئلة)

لا صحيح ما قال الا الصدز (الصدق

)

س1: وشلونك مع الغربة؟؟

والله الغربه صعبه من ناحية المندي والشكشوكه والحمضيات البارد

هذي اللي افتقدها بـ شده .. لاني تقريبا تعودت على الغربه من قبل هـ المره

س2: وش رايك في برطانيا وهل العيشة فيها صعبة زي ما يقولون؟؟

بريطانيا غاليه كـ معيشه وثانيا بلد نهاري .. بـ معنى لو عاقل وتبي تنبسط لازم

تصحى الصباح مع طلوع الشمس لان اغلب المتاحف والاسواق تقفل 4 واحيان 5

اما لو تبي سهرات وحفلات لا تصحى الا 4 المغرب (احيانا 4 تكون الظهر )

س3: هل صحيح انه الشعب البرطاني "دمه ثقيل"؟؟؟

بصراحه انا كنت اسمع هالمقوله .. النكته الانجليزيه غامضه حتى لمن يتكلم انجليزي بطلاقه ولكن تعتمد على فهمك العميق لذلك الشعب الانجليزي ينقال عليهم كذا

شخصيا احسهم نكت حتى بمجرد تعابير الوجه خصوصا التحفه كريس

س4: من خلال وجودك هناك في برطانيا...اي الفرق تحس انه صاحب جماهريه كبرى؟؟

يمكن يقول البعض يجامل بس للامانه برشلونه لا ينافسه اي نادي اوروبي في انجلترا بحكم تواجدي وخصوصا اني اشوف اطقم الفريق والصور متوفره حتى

مع الباعه المتجولون .. الدعايه لبعض الشركات تستخدم صورة ميسي خلال السنه اللي فاتت حتى مع وجود كريس

س5: مليت من اسئلتي؟؟

لا من قال كذا استغفر الله

الحين نجي عليك شخصيا

تجون علي كيف يعني ..

س6: البطاقة الشخصية بالتفصيل لو سمحت؟

سؤالي المفضل

عبدالله عبدالرحمن الشهراني

مواليد 2-5-1983

19-7-1403 بالهجري

طالب هندسه في جامعة بورتسموث

اعزب وناوي على العزوبيه كثير

مدري باقي شي

س7: أكلتك المفضلة؟؟

تبغى اكلة الاتيكيت ولا الشعبي

المشويات بدون منازع

جوعتني.. طبعا الكبسه خارج القائمه ما فيه منافس

س8: من تشجع في المنتخبات؟؟

تاريخيا البرازيل بس حاليا متعاطف مع الارجنتين لعيون ميسي بس

س9: عصبي ولا هادئ؟؟

هاديء جدا خصوصا قدام العصبي

س10 شنو تتوقع للبارسا من انجازات هذه السنة؟؟

انا اتمنى الدوري الاسباني والابطال وكاس العالم للانديه

واتوقع كاس العالم للانديه والدوري الاسباني

س11 شلون تقضي وقتك سواء في السعودية أو برطانيا؟؟

اول ما شفت برطانيا ما بغيت ارد عليك

اقول وش يبي ذا

ترى ازعل انا لازم تكتب بريطانيا

السعوديه : الهاف مون .. العزيزيه .. الواجهه البحريه او تلقاني بـ مقهى او في الشقه

على النت خصوصا اني كنت مدمن للنت

الحين اذا رجعت صار جلسه مع الاهل وزيارات

بريطانيا : الدوام ماخذ وقتي كله .. تقريبا ساعتين للنت وكلها تروح اتصالات وتواصل

وقراءة البريد وقراءة الاخبار هنا وفي صفحة كوووره الاساسيه والباقي بين تلفزيون

ومذاكره

الويك اند يختلف كليا ويصير فيه طلعات بحريه او طلعات للغاابات او حضور مباريات

س12 هل زرت ملعب في برطانيا وحضرت مباراة هناك؟؟

كثير وزرت ملعب الاولدترافورد وبصراحه تحفه وعندي صور لاني استغليت الزياره

س13 مليت مني؟؟

شوي بس

س14: وجه الكلمات التالية لي اشخاص يعنونك( احبك-اكرهك-احترمك-بايخ-طماع-حاقد-راقي)

احبك :

اكرهك : الكذاب المنافق

احترمك : طبيعي كل محترم

بايخ : جوتي

خلقه ما ادانيه لله في الله

طماع : برشلونه

حاقد : بعض اعضاء رابطة المنافس للاسف

راقي : انت

س15: اربع ورود لمن تهديها؟؟

اربع مره وحده

قليله والله بازرعهم وخليهم يكثرون بعدين اوزعهم على اللي الرابطه كلهم

س16: متزوج ولا أعزب؟؟

اعزب

س17: "سؤالي المفضل" وش رايك في الزواج؟؟وهل انته من انصار الزواج المبكر ولا ضده؟؟

انا اقول الزواج حلو وزين وانصح بالزواج المبكر .. بس للاسف بنات اليوم ما اعتقد

يحمسون للزواج المبكر لانهم نكديات ما فيه زي حريم اول لو تسكنها بـ عشه خلتك ملك

للمعلوميه اخوي اللي اصغر مني متزوج

في الاخير اخوي "عبدالله" ادري اني كثرت عليك بس تعرف هالفرصة نااااااااااااادرة ووالله لو اني بس حاب اخلي شوية للباقي عشان يسألوك كان قززتك بالاسلئة....يشهد الله انك اخ عزيز على قلبي وانك انسان "راااااقي" والله...

هذي شويه اجل .. واشكرك على مشاعرك الطيبه والله تأكد لك بالقلب مثلها

العذر والسموحة اني تأخرت عليك بالاسئلة ولكن كنت شوي مشغول والحمدلله اني قدرت الحق عليك واسألك الي في خاطري...

الوصول المتأخر افضل من اللا وصول

في حفظ الله وين ماتكون والله ييسر لك امرك قادر ياكريم

أخوك: حازم

ورداتك الاربع اللي فوق اهديك اياهم

يقولون الجو الحين ما يساعد عشان نزرعهم

βąřςєļớŋă

الله يحييك يا سلطان تشرفت والله فيك

البطآقة الشخصية !/؟

تم الاجابة عليك فوق اللي بعده >> ما عنده وقت

هل انت غيرت اسمك .. يعني هل نك ثاني وغيرته لـ اليوزر الحآلي !/؟

من بداية دخولي للنت كنت اكتب بـ لقب وشلون مغليك واستمريت اشارك فيه هنا

مع توقفي في المنتديات اللي بديت منها .. وشفت اني لازم اكتب باسمي الصريح

خصوصا لحفظ النصوص الادبيه

هل تتمنّى ان الجزيرة تفتح قنآة الزعيم !؟

انا من جماهير الجزيره المتعصبه واحب سياستهم ولكن قناة الزعيم اتمنى تكون قناه

مستقله بعيد عن اي طرف خارجي وتكون بـ كوادر هلاليه محترفه ويا كثرهم

وتكون ذات توجه يخدم الرياضه السعوديه من خلال نادي الهلال بكل العابه

انا متابع للجزيره الرياضيه من موسم 2004 ايامها كانت تنقل الدوري الاسباني

بدون تشفير

ثلآث لآعبين تتمنّى يجون لبرشلونة !؟

بدون شك هي تحفه مفقوده من سنوات سيسك فابريجاس

اتمنى ابو وجه مخطط ريبري لانه لاعب خرافي ويناسب برشلونه

يناسب !! عفوا قصدي مفصل على طريقة برشلونه

من متى وانت هلالي ومن متى وانت برشلوني !؟

هلالي من عام 1409 بحكم ميول العائله ومتابعة المبارايات ايام تحول

المباراه من القناه الاولى للثانيه عشان الاخبار وانام مع بداية الشوط الثاني

برشلوني من ايام رونالدو تقريبا هي بداية معرفتي اصلا بالكوره الاوربيه للانديه

خصوصا اني كنت اشجع منتخب البرازيل وعرفت انه انتقل لبرشلونه بس المتابعه

الفعليه لـ برشلونه والاهتمام بكل التفاصيل كان موسم 2004

فريق تتمنّى يآخذ كأس العألم , وفريق تتوقع حصوله على البطولة !؟

للانديه اتمنى واتوقع برشلونه

للمنتخبات اتمنى الارجنتين .. واتوقع اسبانيا

كل نسبة حبّك للهلال و نسبة حبّك لبرشلونة !؟

كلهم 100 % لاني ما اشجع اي نادي غيرهم

ابغى بكّل صرآحة يعني لا تجآمل ابغآك تعطيني رأيك في هالأعضآء !؟

Visca Barca ( نوآف )

GeRaRd ( أسآمة )

BARCELONISTA ( بندر )

F-C- Barca ( عبدالله )

LM-10 ( سآلم )

واخر شي أنا وش رآيك فيني ؟

كلكم مميزين في الرابطه ويعجبني حماسكم وردودكم نفتقد للعبض منهم هاليومين

عسى المانع خير ان شاء الله

اتمنّى انّي ما طولت عليك !/

هذي لك , (

) !

لا كنت خفيف ظل واسئلتك بعد وهذا لك

سلطآن ( )

ْْ

اكشخ واحد

\1 .. متى بدأت كتاباتك الشعريه ؟؟ .. ومن تأثرت فيه في اول مشوارك الشعري ؟؟

بدايتي شعريا كانت عام 1414 وتعتبر بداية مبكره بس الفعليه كانت 1418

2 .. وش النمط الشعري اللي تحب تنضم عليه ؟؟ حداثي .. تقليدي ؟؟

الاثنين وان كان التقليدي هو الاكثر بحكم البيئه والمجتمع اللي حولي ولكن في المنتديات

اكتب الحداثي بشكل اكبر

3 .. وش رايك في الشعر الفصيح .. ومن افضل شاعر قريت له في الفصيح ؟؟

هو الشعر الحقيقي ... وافضل شعراءه المتنبي بدون منافسه وكعب بن زهير

وفي العصر الحديث احمد شوقي بدون منازع وسمعت قبل كم سنه قصيده اعجبتني وادمنتها

اللي هي قصيدة الشاعر الفلسطيني تميم البرغوثي

وهي قصيدة المشاركه في مسابقة امير الشعراء

http://www.youtube.com/watch?v=ytQMndRTI00

تذكرني بالشعر الجاهلي في قوته والشعر الاموي والعباسي في جمالية النص والتصوير

4 .. وش رايك في شعر التفعيله .. مثل شعر نزار قباني .. وبدر شاكر السياب ؟؟

نزار مبدع في الغزل وشعره غنائي حتى بدون ما تغنيه ولكن .. السياب للاسف ما اقرأ له ولكن قريت لـ محمود درويش

واكثر من يبدع فيه البدر .. مهندس الكلمه

5 .. سبق ونشرت قصائد في مجلات شعبيه او ظهرت في امسيات شعريه ؟؟

في البدايه للاسف حرصت على النشر ولكن بالطريقه التقليديه وكانت تروح لسلة المهملات وبعد حضور مناسبه صادفت احد محرري الصفحات اللي كنت ارسل له وسألته واكتشفت اشياء خلتني اندم اني ارسلت .. طبعا ما كان يعرفني شخصيا

النشر في الصفحات والمجلات يتم عن طريق العلاقات الشخصيه والمصالح المتبادله

وهذا بشكل 90 %

6 .. اعز قصيده على قلبك .. لو سمحت اسدحها هنا .. وشو مناسبتها ؟؟

اعز قصيده كانت اعتذار لابوي الله يطول عمره لكن للاسف ما وثقتها وكانت عام

1424 هـ وكنت مسافر وهو زعلان وارسلتها له ورضى علي بعدها الله يديم رضاه

حبيت اسئلك عن هالجانب في حياتك لان اغلب الشباب مايعرفونه عنك .. تحياتي لك

احييك على اختيار الاسئله والخروج من النمط المعتاد

PUYOL Carles

1 ) من متى وانت في الغربه يا ولد ؟ وايش تدرس هناك ؟ وايش اسم الجامعه الا انت فيها ؟ واذا بالامكان ارسل لنا صور البنات الا معك في الكلاس هههههههههه ؟ وهل درست هنا في السعوديه لو على طول احترفت بالخارج ؟

عاد انت الرئيس وما تدري .. مشكله والله .. انا هنا من بداية 2009 يعني قربنا على السنه وما بقى غير 3 سنوات ونص دراستي هندسه في جامعة بورتسموث

واحلى ما فيها البطاقه هلاليه ازرق وابيض اما الصور

2 ) متى بدأت تشجع هالفريق الفاشل الا اسمه برشلونه ؟

ههههههههههههههه عام 2009 شهر 9 تمت الاجابه فوق

3 ) بما انك في بريطانيا .. مافكرت يوم تسحب رجلك وتروح لبرشلونه وتزور الكامب نو .. واذا فكرت وماقدرت تسوي الشئ .. وش كانت العوائق ؟

الفكره موجوده من اول يوم ولكن العائق الوحيد الوقت المناسب وانا من عشاق

المدينه قبل الفريق ولكن اكيد زيارتها تعني انه لازم تزور المعقل التاريخي الكامب نو

ان شاء الله ازورها في اقرب اجازه

4 ) ايش اكثر الاشياء الا تفتحت عينك عليها في الغربه .. والا مثلا كان تفكيرك حولها مختلف هنا .. او اي شئ من هالقبيل ؟

بحكم انه ما هي المره الاولى لي ولكن اكتشفت ان الحضاره هنا تراكم سنين طور من الشعب وغير المفاهيم عندهم حتى مع ما نسميه انحطاط اخلاقي عندهم

الا انهم ارقى من الشعوب العربيه والاسلاميه في كثير من الامور

هنا صرت احترم المشاه وانا في السياره .. في السعوديه لو يقطع الشارع احد الحقه

مع التعليق على الهرن البوري ليش يقطع وانا ماشي

الطابور في السعوديه عشره جنب بعض هنا تشوفهم على طول ورى بعض بدون ترتيب

ما احد يجي قدامك لو وراه الموت يلحقه

الاسعاف كل السيارات توقف على جنب وتطلع فوق الرصيف في استنفار كبيروملحوظ

مستحيل ما تلاقي احد يوقف ويفتح الطريق وهذا نظام ولكن الوعي هو اللي يخليهم

يسوون كذا لان عندنا نظام بس ما يطبق والشعب يفتقد للوعي

اشياء اخرى كثيره

5 ) اذكر لي لعيبه قريبين جدا من قلبك .. من الا لعبوا في برشلونه .. ومن خارج برشلونه

رونالدينهو الاول .. ريفالدو .. رونالدو .. رونالد كومان

دينيس بيرغكامب .. تييري هنري ..

ديل بييرو .. توتي .. باجيو ..

كرويف .. باستن ..

ستويشكوف ..

مارادونا ..

حاليا

ميسي .. تشافي .. ابرا .. انييستا .. بويول .. توريه .. الفيس .. كيتا

برى برشلونه

سيسك فابريجاس .. فان بيرسي .. ريبري .. باتو .. كانوتيه .. ماتا .. فيا

توريس .. جيرارد .. روني الانجليزي

وترى طوفت الكثير من الاسماء لاني اعشق المتعه واحس فيه لاعبين يقدمون المتعه

في كل فريق وهم سبب عشق الجمهور لكرة القدم زي ما نعشق برشلونه لذلك القريبين من نفسي اكثر من كذا

صاير مدرج قلبي صح

GeRaRd

س1 - البطآقـــة ّ الشخصييـــة ّ وبــدون ّ أي آختصآرآت ّ .. ؟

يا حبكم للخصوصيات .. أمزح تمت الاجابه فوق

س2 - كييـــف , الدرآسـة معآك ّ في برطآنيآ ؟ ومن متى وأنت تــدرس ّ ؟ في برطآنييـآ ؟ وأيش ّ الكليـة الي تــدرس ّ فيههـآ .. ؟

شكل حازم اللي كتب هالسؤوال ههههه برطانيا هاه

الدراسه صعبه عكس ما توقعت وصار جدولي مزحوم

بديت الدراسه في بداية السنه الحاليه تقريبا منتصف يناير الماضي في جامعة بورتسموث

س3 - متتـى بديـة تشجـع برشلونـه ّ , ؟ وهل أنت متعصــب ّ لــ " درجـة عآلييـة ؟ ولـــ عآدي ؟ ..

انا عادي في تشجيعي عموما سواء برشلونه او الهلال

يعني عادي لو فريقي سيء اقول سيء وابتعد عنه لو بيأثر على نفسيتي واتابع اخباره من بعيد

بس لما احد يتعمد الاساءه اتحول شخص ثاني واقابل الحجه بالحجه بس لو كان ينتقد باسلوب ولاقي له اسباب منطقيه ادهر معه واعزز له

س4 - ويـش ّ التشكيلــة ّ المفضلـــة لديك ّ لــ " برشلونـه ّ ؟

انا انظر للعطاء داخل الملعب لاني كنت متخوف من رحيل

رونالدينهو وديكو ولكن الشكل اللي ظهر فيه برشلونه خلاني اثق في الفريق

التشكيله الحاليه مميزه بس اتمنى وجود يايا بديل لبوسكيتس

س5 - ميـن تتمنــى ّ يجي ّ لــ " برشلونــه من آلآعبيــن ؟ وميـن تتمنـى يخـرج ّ من برشلونــه في الانتقلآلآلآت الشتـوية ؟

الشتويه صعبه ارشح اسماء غير روبينهو اللي حدنا عليه الزمن ولا انا شخصيا اكرهه واكره ماسكيرانو

س6 - ويشش ّ تسـوي أكثر وقتـكّ [.نــوم , نت , درآســة ّ , تلفزيون , طلعآت .] ؟ ..

نوم .. دراسه .. نت .. تلفزيون .. طلعات

طبعا الاكثر في الاول

س7 - معــكّ سيارةّ ؟ .. واذا معك وش هي ؟ ويش لونهآ ؟ ..

اكيد لازم سياره خصوصا ان التكسي مكلف جدا

معي رنج اسود 2005

س8 - عسى الله يوفقـك ّ في درآستتـك ّ وترجع لنآ بـ " السلآلآمـة ّ .. ؟

الله يسمع منك ويوفقك انت بعد في دراستك

ويوفق الجميع ان شاء الله في دنياهم واخرتهم

وسلآلآلآمتــك ّ يآلغآلــي ّ !! ..

S U L A I M A N

عبدالله .. أول شي ياليت يسمحون لي الشباب اللي ماسألتهم قبل سواء حازم أو مايقهتي أو باقي الشباب اللي مالحقت عليهم ..

انا من هذا المنبر اطالب بحقوقهم واناشدهم في تكوين لجنة زي لجنة الانضباط وانزال اشد العقوبات عليك

المشكله ما له عذر

1- عبدالله .. كم باوند بمخباتك وانت تقرى سؤالي وتجاوب عليه

ما اشيل دايم اكثر من 20 - 30 باوند منعا للسرف اولا

وثانيا ما له لزوم الصرف لان كل شي بالبطاقه يا قديم

2- وش كانت وجباتك أمس ؟

سندوتشات قارليك سناك راب من ماكدونالدز

3- قبل أمس ويك اند .. وش سويت بهالويك اند بالتفصيل

والله قوة نوووم خصوصا ان الجو كان ممطر وبارد

ما يحمس لشي ابد وجالس اوفر شوي عشان افلها بالكريسمس

4- شلون ماريا ؟

ما تنسى انت ابد .. ترى خلصت ورجعت لديرتهم تساعد

امها في تربية الماشيه .. خنازير مسويه هايدي

5- قد شفت مباراة لبرشلونة مع ماريا

ايه اذكر اكثر من مره اتذكر المباراه ونروح مقهى قريب

طبعا معها البوي فريند يلعن امه ما يعطيك امل اصلا تشبك ولا تطلع بشي .. وسيم ابن الذين

6- بتجي بهالكريسميس ولا ناويها سحبه ؟

لااااااا وين كنت عندك بـ رمضان .. هـ الاجازه رتبت لها خلاص

7- وش رايك فيني .. والله يانا أوكي ولا ؟

والله شهادتي فيك مجروحه .. تخيل تعز واحد وتمدحه بوجهه

8- كم درجة الحراره عندكم الحين ؟ < طبعا هالسؤال لازم وقتها تكون بعيد عن ماريا

0°C
Current: Partly Cloudy
Wind: N at 29 km/h
Humidity: 69%

9- هي اسمه ماريا ولا انا مشبه

حسيت ان اللقاء معها ..

10- ليش برشلونة نادي وع ونادي تحكيم ونادي لاعبينه قزازات وبلاستيك ودايم الحكام يغشون معهم وراه حكومة اسبانيا ماتوقف ضده وقفت رجل واحد زي الرجل الأخضر ؟

هذي ترى اعراضها موجوده عندنا محليا وهي فوبيا الزعيم وفي اوروبا يعاني منها المدريديين واي فريق نصعقه او نصقعه كلها واحد

بس بعض الفرق يعانون منها اسبوع .. والبعض ممكن سنه بس المدري من على طول يعانون منها

تخيل فريق القادسيه نفوز عليه يقول الحكم

نجران يقول الحكم

الوطني يقول التحكيم

وهي فرق طموحها تنهزم باقل عدد من الاهداف

بعد مباراة القادسيه والرائد رئيس القادسيه يقول الظروف

رئيس نجران بعد ما صكهم الاتفاق قبل اسبوعين يقول قدمنا مستوى ولكن الحظ ما حالفنا

وفريق الاتفاق فريق قوي وطبيعي يفوز علينا

فهمتني ... متأكد ان الكل فاهمني

Mighty

هلا والله يا محمد وغلا

1/ ماهـي رؤيتـك المستقبليـة لكلٍ من : الهـلآل .. برشـلونة ؟ بشكـل مبسـط يعني ..

الهلال بطل الدوري وولي العهد وكاس فيصل ومنافس قوي في الابطال ومنافس شرس في ابطال اسيا

2/ من أفضـل لاعـب لديـك على الإطـلآق ؟

يوسف الثنيان

3/ شفـت أكشـخ وآحـد يسألك عن الشعـر ..

إذا فيـه قصـآئد لك ياليـت تطـرحها لنـآ إذا ماعنـدك مـآنع ؟

ابشر وما طلبت شي وراح ازود يوسف بكذا نص يضيفها في نهاية اللقاء او انزلها انا في رد خاص

4/ وش رأيك بالعـلآقات من خـلآل الإنتـرنت ؟ هل أنت معهـآ أو ضـدها ؟

اكيد معها خصوصا بين الشباب واشجع التجمعات اللي تصير هنا وخصوصا في الاستراحات

5/ هل أنت راضٍ عن نفسـك ؟ وماهـي المنهجيـة التي تتخـذها في حيـآتك ؟

رضاي عن نفسي 1 % بصراحه وبصدق ومع هذا احس اني مجامل نفسي

حاليا منهجيتي تتركز على انهاء الدراسه وبعدها الزواج

واكمال المسيره العمليه ان شاء الله

نوفي الهلال

س/ شخبآرك ؟ وشعلومك ؟ وش مسوي ؟

الحمد لله بخير بشوفتك

س/ آحنآ فريق تحكيم صح ؟

من يقول غير كذا غلطان ..

س/ وش الامآكن آللي رحتلهآ هنآك .. قولي كل الآمآكن !!؟

لندن بشكل مستمر - ساوثامبتون - برايتون - مانشستر

وزرت الكثير من المعالم والمتاحف

س/ قولنآ موقف مُحرررج .. ووجهك صآر آلوآن خخخ بالتفصيل !؟

هذا الموقف يصير للي يسلكون في الكلام خصوصا لما يكون شوي في اللغه .. انا اتكلم واكتب وكل شي خذ ولد بس السمع عندي ما التقط صح خصوصا اللهجات هنا صعبه جدا

مره بالمطعم تسألني الموظفه وش تبي وانا اقول يس يس اتز اوكي وهي ما سمعت كلامي وانا حسبها فاهمتني .. المهم تدخل واحد الله يجزاه خير وقال

تكلمي بشكل واضح لاني انجليزي وما فهمت زين

فـ صار الاحراج دبل لانها احرجتني وتسببت انا باحراجها

س/ { مطربك - شآعرك - ممثلك } الافضل ؟

اخاف اصف لك دسته عريضه من المطربين

بس نايف البدر وخالد عبدالرحمن الاقرب

شاعري سعد علوش

ممثلي النمس باب الحاره

س/ وش رآيك بــ آحمد حلمي ؟

اوف مجنون هالفنان واي فيلم له لازم اشوفه

لو مدة المشهد 19 ثانيه زي تمرين برشلونه

س/ وين سآكن بالسعوديه ؟

العقربيه - جيران ابو سعيد .. قدام جامع الشيخ المنجد

س/ can you to tell us about your everyday life ? the answer in english . plz

come on .. really i'm too busy right now.

س / مسآحه حررره .. حش فيني

سقها

انهووو نوفي ولا احد يحتك ترى انا ازعل

الله يسعدك يا شيخ

BARCELONISTA

آسئلتي لـ آبو عبدالرحمن

س1 \ وش رايك في الجزيرة الرياضية كـ قناة ؟ آوووه صح آنت في بريطانيا وش عندكم من قنوات تنقل المبارايات و تحب تتابعها ؟ و هل الليغا متابعة عندكم و لا الشعب ساحبين عليها ؟

الجزيره اتمنى تستمر كذا اذا ما فيه تطور للافضل .. عندي خوف بعد السيطره تصير طماعه زي الارتي وعندي خوف ان كثرة البطولات تشتت ذهن الطاقم المميز اللي فيها وما يقدمون المأمول منهم

هنا عندنا sky sport مميزه جدا واقصد الانجليزيه دايم

الاستديو يكون باستضافة اسماء كبيره سواء لاعبين او صحفيين وما فيه تحيز او ميول

الليغا هنا متابعه بشكل كبير بحكم توقيتها المختلف مع توقيت الدوري الانجليزي وكذلك وجود البرشا بعروضه القويه

س2 \ في بريطانيا فيه تعصب لـ كرة القدم مثل اللي عندنا و لا كييف ؟ و وش الفريق اللي مشجعينه خبلان و راعين طرب ؟

تعصب كروي غير طبيعي ولكن يقابله احترامهم لفريقك وعدم مناقشتك ابدا في وجهة نظرك ما دامت تخصك اما لو كانت موجهه لهم فلازم تتحمل نقدهم وردودهم عليك

او يتركونك بلحالك وما يتكلمون ابدا معك

جماهير الليفر مجنوونه والكل هنا بصراحه يملك جماهيريه حتى الانديه الهواه

س3 \ آكتب لنا يومياتك في بريطانيا من تقووم إلين تنام !

سؤوال العجزه هذا

اصحى الصباح ودش سريع ما بين الساعه 6:30 و 7:30

بعدها تغير ملابسك وتفطر شي خفيف وتروح تلحق على دروسك ويبدأ اليوم الدراسي 8:15

ينتهي اليوم الساعه 4:00

ارجع وابدأ اخطط للغدى والعشاء يكون وجبه وحده

وبعدين افتح الجهاز واقرى البريد وافتح المسن

واخلص شغلي واريح على التلفزيون فتره واتابع مباريات الهلال اذا وجدت

اطلع تقريبا الساعه 8 اراجع في الدروس الى الساعه 9

بعدين ارجع للنت والاتصال لو وجد والتواصل مع الشباب والربع

النوم تقريبا 12 مشغول الجدول بقووه

س4 \ تذكر قصيدتك في البرشا ذيك اللي نزلناها في موجز الرابطة ع ما آعتقد ؟ آول شي آمتبها 10 مرات لا صدز هل تكتب لـ البرشا كثيير و لا آغلبها خواطر كم بيت و خلاص ؟ و وش الشاعر اللي تحب تسمعه الآن و لييش ؟

هذيك بيتين وترى ما دونتها لكني اذكرها

الشعر بعيد عندي عن الرياضه واغلبه شعر وجداني وعاطفي وعندي قصايد طويله وعندي شوارد كثيره ما بين بيتين وابعه ابيات

المستوى الاعلامي

حاليا يرضيني كـ شعر سعد بن علوش

وتعجبني شلات علي بن حمري

وعلى مستوى الخاص

احب صالح السكيبي - ناصر بن حسين - نواف فهاد الشمري وهم شعراء شباب ولكن بصراحه مستواهم قوي جدا البعض منهم متأكد ما سمعتوا فيه

س5 \ يقولون آن جمهور الليفر خباااال ! وش رايك فيهم ؟ و هل هم مجانين صدق ؟ و شو رايك بآغنيتهم لن تمشي وحيداً يا ليفر ؟

كان لي فرصة الحضور لملعبهم ولكن من سوء حظي اني ما اخذت الكاميرا ولا كان اخليك تشوف الجنون الحقيقي خصوصا الفيديو اتوقع اروع جمهور جمهور الليفر

الملعب يهتز وقسم بالله لو فيه عبد يستنزل وكلنا عبيد لله

س6 \ رايك عن المجتمع البريطاني بشكل عام ؟ و هل تحس بآن فيه كره لك بما آنك عربي ؟ و هل فيه عنصرية عليك في مكان ؟

مجتمع ينقصه الدين الاسلامي ليصل للكمال

ما فيه كره ولا عنصريه ولكن طبيعي تلاقي بعض النظرات من المراهقين واحيان تحرش بس اذا شافوك رسمي وملامحك جديه يخافون منك لو اني رخمه طبعا الكلام موب لك شخصيا ولكن للي يكون كذا قدامهم

فيه مطاعم ومحلات عربيه كثيره ومساجد ونمارس حياتنا بشكل افضل من السعوديه بدون مجامله

طبعا اكيد نفتقد لاهلنا وناسنا واكلنا وجونا الخاص

بس لو الدوله اسلاميه كان بتكون في القمه

بس ع فكرة ترى آبي الآجوبة بـ التفصيل الممل !

اكثر من كذا

يعطيكم العافية و لي باك بكرة

لا يرحم امك خلاص

حياك الله بندر وتشرفت فيك

F-C-Barca

سـ // شخبارك ؟

عال العال ولله الحمد والمنه

سـ // طموحك في الحياة <<< اكبر حلم تسعى لتحقيقه ؟

الشهاده طبعا في ساحة الجهاد دون الاسلام

سـ // لو قالولك اختر منصب جديد في الروابط وش تختار ؟

قبل فتره لمحت نقص في العمل وذكرت منصب بس راح من بالي ويمكن انت شفته او احد لاحظه هذا لو كتبته

سـ // عبدالله انسان رايق ولا شخصيته قويه ولا سهل الصداقه فرندلي يعني

شخصيتي عاديه واحب العزله احيانا .. اعطي نفسي مساحة للتفكير ولكن مع هذا ان صداقتي سهله جدا وما تنتهي بسهوله

سـ // بالله عليك اذا سويت جوله في العالميه ماتحوم تسبدك من التعصب اللي حاصل اللي اسميه تعصب اعمى بصراحه لان كل واحد يدرعم برد ساامج وبايخ وماله تبرير

تصدق حاولت اتعامل بحكمه وتجاهلت لكن الايام الاخيره صرت ارد واناقش لاني اكتشفت ان بعضهم يحتاج تبين له جهله حتى لو كابر فيه ناس برى تشوف وتحكم من بعيد

الوضع هنا مزري بقووه ولكن لازم يكون للعقلاء بصمه وتواجد يخفي تواجدهم

سـ // البارسا الموسم هذا بيوقف عند اي دور في التشامبينز ليج في نظرك

ما احب التوقعات والتكهنات ولكن الفريق مرشح للوصول

للنهائي ولكن في ظل ضعف الوسط الايسر اعتقد ان الابطال

بتكون لـ تشيلسي هذا الموسم واتمناها لبرشلونه

Lionel Messi

ســــ 1 / رأيك بصراحه في البوندز ليغا ؟ وهل يقارن ويشدك بالدوريات الكبيره كمتعه وحضور جماهيري ؟

البطوله المظلومه بنظري .. يقدم كرة قدم تضاهي الاسبانيه والانجليزيه وافضل من الايطاليه

ســــ 2 / لو اعطيت كامل الصلاحيات في شبكه الزعيم بكآمل الاقسام .. وش بتسوي اول شي ؟

اسمح لكل شخص يحط الصوره الرمزيه حسب اختياره مع وضع بعض الشروط

ســــ 3 / فكر شوي وارجع معي بالذاكرة وعطني اسماء تتمنى رجوعهم للرابطة ؟

كل الاسماء اللي عاصرتها واعرفها من خلال عملها موجودين بصراحه
ولكن فيه فهد اعتقد اسمه عاشق البرسا له فقده

ســــ 4 / شي تتمناه يصير في الفريق ؟ وشي كان موجود وراح وودك يرجع ؟
وشي ما تتمناه يكون ؟

اتمنى وجود فابريجاس .. واتمنى وجود الدعيع في المرمى او وليد عبدالله

لاني اشوف مستواهم اكبر من الدوري السعودي والاسيوي
الثاني موهبه كبيره لو تتطور راح يكون زي الدعيع

ســــ 5 / اذا ماصار فيه فريق اسمه برشلونه .. وش تتوقع اي فريق يمكن تميل
له ؟ وعطني ميولك بالدوريات عموما ؟

ليفربول - ميلان - الارسنال - مانشستر - البايرن
هذي فعلا تشدك بطريقة اللعب بغض النظر عن الالقاب خصوصا
الليفر وميلان والبايرن في فتره كانوا مكوشين

ســــ 6 / هلاليتك كم تعطيها من 100 ؟

العلامه كامله

ســــ 7 / رتب افضل 10 لاعبين بالعالم قديم او جديد .. يشدك مهما كانت جنسيته
او مركزه ؟

ما عندي عدد محدد واللي يعجبوني كثير بس الافضليه
انا احط ميسي حاليا خارج المنافسه لانه توه بدأ يحصد لذلك
مارادونا - ريفالدو - رونالدو - بيليه - بيرغكامب - كومان
رونالدينهو

هنري الارسنال يا كثرهم والله ديل بييرو ...
كل اللي مثل هالنوعيه والسؤال مكرر بس باعطيك وجه

ســــ 8 / البطاقة الشخصية .. ادري يمكن مكرر بس عشان ما يصير لك مجال تتهرب وتقول ما سئلوني الاسم والعمر والدراسه ووين ارضك ووين ساكن والسيارة و و و و ؟

ســــ 9 / هل تتعمد انك انك تحط بينك وبين العضو حاجز بالكلام والا لا ؟ والا من النوع اللي يفك المونه ؟

عيبي احيانا اذا حرصت على شخص او انسان ما اعرف اكسبه

بس خل الامور تمشي طبيعيه وامسك اعصابك تكسبه

ســــ 10 / لو اعطيت الفرصه للتحدث لاعبين سابقين .. بحيث يرجع الزمن
وتلحق عليهم وعلى ايامهم .. من هم اللي بيجون ببالك ؟

عالميا : جارزينهو - جارنشيا - ريفلينو - بيليه - مارادونا
محليا : يوسف الثنيان - صالح النعيمه -
.... علي يزيد و هادي شريفي

ســــ 11 / بسطرين تكلم عن نفسك .. ايجابيات - سلبيات ؟

عيبي : صريح .. وخسرت بسببها كثير
كسول ... مؤمل في الدنيا بشكل يهز خفوقي
ومتشائم من اشياء كثيره
ايجابياتي : ممكن اخدم اي شخص لو على حساب نفسي
واحيان اقدم ابتسامة غيري لو تسبب احراجي

ســــ 12 / ميسي خليفة مارادونا .. شرايك فيها والي يقول انه فرق كبيير
بين ماردونا وميسي .. انا اقول هي قصة الزمن وتطور الكرة ايام 6 هجوم
... لو ميسي كان بوقت مارادونا اتوقع راح يسوي الضجة اللي كان مسويها مارادونا
.. والعكس صحيح .. هل توافقني ؟

سبق ورديت هنا وفي العالميه على من يحرم هالمقارنه .. كرة القدم ولاده
بكره يجيك نجم ينسيك ميسي لاني قبل 4 سنوات كنت اقول مستحيل يجي احد
يسوي لـ برشلونه اللي سواه رونالدينهو بس ميسي سوى واكثر
ميسي يحقق اقوى بدايه للاعب وبدايته اقوى من مارادونا ومن كل نجوم الكره في التاريخ والسؤال هل سـ يستمر

ســــ 13 / مطعمين تعتبر من الــ TOP عندك ؟

ههههههه الوزان في الخبر يا لبيه بس ذكرتني
مطاعم كودو خصوصا اللي بـ عنيزه

ولا على قولة الشاعر
وما حب كود شغف قلبي
ولكن حب من يروحو لكودو

ســــ 14 / تحب قدات الرصيف ؟

كانت امي تمنعني وتعلم ابوي

لا والله انا بيتوتي جدا يعني لو ما فيه استراحه
ولا ملعب مستحيل اجلس على الرصيف
بوفيه ممكن لان زمان اكثر شي نجلس فيه خصوصا لا شبكنا الهندي وطلبنا 2 بارد وسندوتش وعددنا 10

ســــ 15 / سملي لاعبين تتمناهم يجون للبرشا من البوندز ليغا ؟

دزيكو رائع وفيليب لام خرافي وشفنشتايجر

ســــ 16 / لو جتك سفريه للنوكامب .. تاخذ معك 5 من عيال الرابطه .. من
بتاخذ وهل ممكن تسحب عمرك وماتروح مقابل انه يروح واحد غالي عليك ؟

5

من يوكلهم ذولي .. بعدين تصدق ما اعرف ولا واحد على مستوى
برى الرابطه يعني حتى مسن ما فيه
بس تصدق باخذك انت وسليمان وحسين الرئيس وانس وحازم
بس لا تفرح القصد اجرامي

ســــ 17 / بدايتك الفعيله بالشبكه كيف ومتى ووين ومتى تنتهي .. ووش تفكر لبعدين بالشبكة لك طموح اوشيء .. مثلا نشوف يوزرك اخضر بعدين ؟

من اول يوم دخلت في الرابطه بديت لاني سجلت في ايام الكلاسيكو 3-0
ووقتها كنت شاري جهاز توشيبا وكنت مريش واشبك من المقهى
مع ان بدايتي قبل الشبكه بسنوات كثيره بس كنت اقرا واطلع
لين شفت الرابطه وشفت النقاش والتحليل بين سليمان وحسين وانس
وهلالي عسل كان جوهم خالع وشدوني اكثر ودخلت وقتها وشاركت
ابد بالعكس طموحي هنا فقط التواصل .. الاشراف لو طلبوني رفضت لانه تكليف وانا حاليا ما املك اهم مقوماته اللي هي المتابعه والوقت لاني اول ما جيت هنا لـ بريطانيا كنت مراقب عام منتديات العملاق الادبيه للشاعر فيصل الرياحي الله يرحمه
واعتذرت من الاداره
البعض يشدهم تمييز اللون بس للامانه شغله متعب جدا خصوصا اذا كنت تحاول ترضي ضميرك مع ان الادارات يحاولون ما يكلفونك كثير
ويطالبونك بالتواجد فتره لو ساعه او ساعتين

ســــ 18/ حسين شرايك فيه هل تحس انه رئيس رابطة برشلونه ؟ >>
آفس حسين >> مره انت مره انس ويانا انا يا انتو

الفتره الاخيره اشوفه يغيب كثير .. يمكن عشانها اخر سنه يبي يهرقل
طبعا يهرقل يعني يبزوط مو بـ هرقل قائد الفرس

ســــ 19 /جربت الحُب ؟؟ ووش احسن باجه والا حق البقالة >> حاول ماتصرف وتجاوب على المقصود .. انا بخيرك وبشوف ان كانك صريح والا تصرف ؟

الغروي احسن شي - الغروي اي واحد من خميس مشيط يعرفه

والله الحب اكيد مغرزين فيه بس ترى الدنيا حلوه ولازم تعيش الحب بس لا تتورط
وتطري سالفة زواج لان الدنيا ما تجي على الكيف وتطلع كذاب

يعني خلها صداقه

ســــ 20 / ليه الموز لونه اصفر والتفاح احمر واخضر واصفر ميب عنصريه ؟

شايفني عامل بحلقة الخضار

ســ 21 / رايك بمحدثك الكريم بصراحه ؟؟

احسك فلبيني على اسئلتك

وتذكرني بمقطع سرسريتواااا
حق الاخبار بعدة لغات
http://www.youtube.com/watch?v=OssPJBpfi2c

ســ 22 / من وين بالسعوديه ؟

اساسا من الجنوب جيزاني على قولة القصمان

خميس مشيط

ســ 23 / قد اكلت اكل فيه خنازير ؟؟

لا الحمدلله بس صارت لناس معي
انا مزاجي في الاكل صعب جدا

سـ 24 / الدراسه شرايك فيها ووش احسن عندنا والا برا ؟؟؟

هنا افضل بمراحل بس الاستقرار في السعوديه افضل والقرب من الاهل

ســ 25 / ووش نصيحتك للي يبي يدرس برا ؟؟

لا يعتمد على ما يسمعه من الناس ويحط في باله ان الغربه نار

على كثر ما تغربت قبل هـ المره الا انها هذي اصعب شي

ســ 26 / مفكر تعرس على بريطانيه والا ؟؟

تقرى افكاري

بالله تخيل ولدي اسميه كريغ الشهراني

ســــ 21 / كلمة اخيره توجهها للرابطة ؟؟

كيف الحال

ثآنكس الوت ايها البريطاني المغترب

..
من اميز واطول الكراسي بصراحه

..
واعتقد انت الوحيد اللي سئلوك هالعدد من الاعضاء

..
على اني مدري وش لاقين فيك

..
وسوري اذا تعبناك والله

..
اظاهر اكثر من تعذب بالكرسي انت

..
والله يوفقك يالغالي وترجع باعلى الشهادات يارب

..
و معك كريغ اهم شي

..

Hilali 3asal · #10108 19/12/2009, 12:15 PM

موعد مع المجد ... موعد مع التاريخ بتحقيق انجاز غير مسبوق ... موعد مع لقب عالمي نصله للمرة الثالثة والثالثة ثابتة إن شاء الله .

مباراة لن تكون سهلة على اللاعبين والذين سيدخلون المباراة بضغوط عالية بهدف تحقيق اللقب خاصة وان البرسا هو المرشح الأبرز للفوز بالكأس منذ وصوله إلى دولة الإمارات .

جوارديولا مطالب بالدخول للمباراة بتشكيلته المثالية بعيدا عن التغييرات وخاصة في المناطق الخلفية بمشاركة الرباعي ابيدال وبويول وبيكيه والفيس ، لأن استوديانتس ليس اتلانتا المكسيكي ولو حصل وسجل هدف مبكر كما حدث في المباراة الماضية فان فريقنا سيعاني كثيرا في المباراة .

بالنسبة لخط الوسط قد يدخل بيب بنفس التشكيلة التي لعبت المباراة الماضية بتواجد توريه وبوسكيتز وتشافي ، الا في حالة جاهزية كيتا الكاملة للمشاركة اتمنى ان يتخلى بيب عن احد المحورين ويشارك كيتا في الوسط الايسر منذ البداية ... وفي الهجوم سيكون الثلاثي ميسي وابرا وبيدرو حاضرين من البداية الا اذا رأى بيب الاستفادة من خبرة هنري في مثل هذه المباراة النهائية في حالة جاهزيته للمشاركة ، ويكون بيدرو كورقة رابحة في الشوط الثاني .

مباراة مهم جدا فيها التركيز من الدقيقة الاولى واللعب بأسلوب الفريق المعتاد بالمبادرة للهجوم والضغط على لاعبي الخصم في ملعبهم مع السيطرة على منتصف الملعب والاحتفاظ بالكرة لأطول وقت ممكن .

بالتوفيق للبلوجرانا في تحقيق البطولة ، ويكون العنوان بعد نهاية المباراة :

باللقب العالمي الجديد ... اكتمل عقد السداسية الفريد

David Naif · #10109 19/12/2009, 12:20 PM

ابو عآبد احس انك عصبي من هالاجوبه

<< امزح

والله اعجوبة بالتفصيل الممل يعافيك ربي انك تحملت الشباب

استانست والله وانا اقرا اجوبتك

تصدق توني دريت انك شاعر يالله يالذيب اكتب بي قصيدة هجاء

واعذرني على اني ما سألتك , والله يوفقك في دراستك وان شاء الله تجينــآ بش مهندس اقد الدونيــآآ

إقتباس


	اكيد معها خصوصا بين الشباب واشجع التجمعات اللي تصير هنا وخصوصا في الاستراحات

ياحبك للاستراحاات

..
يوسف انت بعد يعافيك ربي على هالتعب والشغل

..
][ غلآآف الموندو اليوم ][

6

..

The Rocket · #10110 19/12/2009, 01:40 PM

|| .. برشلونة يتقدم بعرض رسمي من أجل بولاتي .. ||

أكدت صحف أرجنتينية أن برشلونة دخل بمفاوضات جدية مع اللاعب الأرجنتيني ماريو بولاتي المعروف بمنقذ الأرجنتين لتسجيله هدف الفوز على الأرجواي في تصفيات كأس العالم.

يذكر أن اللاعب يلعب معاراً إلى هوراكان الأرجنيتني وهو مملوك لنادي بنفيكا وسيعود من الإعارة في نهاية هذا العام ، لكن صحف الأرجنتين ترى أن اللاعب لن يعود إلى البرتغال بل إلى اسبانيا ليلعب مع برشلونة حيث أكدت هذه الصحف أن برشلونة قدم عرضاً رسمياً من أجل الحصول على اللاعب.

goal

عبدالله عبد الرحمن (L) اعذرنا يا الغالي مالحقنا نسألك .. قهر والله ..