 | إقتباس |  | | |  |
الرسالة الأصلية كتبت بواسطة FLORINTINO |  | | | | | | | | |
هلا بك عبدالملك
ما اشكك في امكانيات ويسلي ابداً .. بالعكس كان من اللاعبين المفضلين عندي قبل حتى ما يجي لـ الريال .. واذكر
فرحتي لما وقع معه الريال صيف 2007 وكنت مأمل عليه انه بيفكنا من مشكلة صانع الألعاب الي لازمتنا من بعـد
ما اعتزل زين الملاعب .. الي صار ان شنايدر مر مرور الكرام على البرنابيو .. بدون ما تذكره الجماهير بشيء بطل
سواه لـ النادي .. اذا انت ميولك لـ هولندا وتعشق كل شي هولندي انا ميولي لـ مدريد .. واكثر شي يهمني الريال
فوق كل اللاعبين .. الدور الأول من اول مواسمه كان كويس ومن نجوم الفريق ثم جـآ الدروب الجامد الى اخر ربع
من الموسم .. لعب اليورو وكان واحد من نجومه واصيب بعدها في البري سيزون ، رجع وصحيح ماينلام في مستواه
المنخفض لأنه شي طبيعي .. لكن شف بعدها كم اصابة مسكت ويسلي !! .. في عز حاجة الريال خذلنا الزجاجي بكثر
اصاباته والي تجيه على اطرف احتكاك .. ونفس الكلام حتى لما يكون جاهز .. مستوى متدني وحقيقة حرام كان معه
التي شيرت رقم 10 .. كـ امكانيات لاعب ما اختلف معك .. جيدة جداً .. لكن كـ فائدة لـ الفريق !؟ .. وش سوا
ويسلي عشان يخلينا نبكي على اطلاله ؟ .. لحظة بس .. شف الرود لما طلع .. لو شفت كيف الرابطة قالبه غم على
طلعته .. موب الرابطة بس .. كل المواقع و الروابط المدريديه حزنت على خروجه .. أسأل نفسك ليه ؟! .. لأنه قدم
لـ الفريق .. لاعب يذكر بالخير .. لاعب سجل أسمه من ضمن مجموعة ذهبية مرت على البرنابيو .. بعد اسأل نفسك
ليه الجماهير الكبيرة ذي ما صاحت على طلعة ويسلي ؟!
اللاعب مش مناسب لـ ستايل مدريد الجديد .. بداية الموسم كان بيللغريني متسمك فيه .. كـ اسم ويسلي أقوى من
جرانيرو بكثيير .. لكن واقع الملعب كشف ان الأسماء زائفة وان الاهم هو المجهود داخل الملعب .. جرانيرو في اقل
من مبارتين صار يشارك كـ اساسي في البري سيزون واخذ شهادة الثقة من بيللغريني .. اما ويسلي من أول متش
طلعه بيللغريني بعد الحواق الي شافه منه .. عطاه فرصة وثنتين وثلاث .. الولد ما اعطى اي مؤشر تحسن مستوى
أوكي .. وش ابي به انا ؟ .. ويسلي لـ البيع وطلع .. لاتغرك التمثيلية المحبوكة وانه متمسك بالريال وما يبي يطلع
منه لأنه عاشق بلا بلا بلا .. المماطلة كانت عشان الأنتر يرفع راتب اللاعب فقط لا غير، ولا ما فيه ادمي يسٌحب منه
رقمه ويحس انه موب مرغوب فيه ويبقى متسمك في الفريق !! .. الحالة الخاصة كانت فارت .. والسبب ان حرمته
كانت مصابة بـ مرض السرطان الله يحرمه على اجسامنا جميع .
ابداعه مع الأنتر الأن ما يلغي صحة قرار بيعه أبداً .. فريق متكامل من كل النواحي ولو بقي ويسلي او طلع مابتفرق
كثير معنا .. لأنه بطبيعة الحال بيكون خيار ’ ثالث ‘ لـ المدرب مع وجود كاكا و جرانيرو و جوتي ومع مستواه الي
اقل شي ينقال عنه ’ متدني ‘ .. شي طبيعي انه يحاول يستعيد مستواه .. كاس العالم مقبل .. ومركزه في المنتخب
موب مضمون ’ وعلى فكرة هذا دليل على كلامي انه مستواه منخفض ‘ .. مع فريق جديد وقوي يعطي فرصة لأي
لاعب انه يبرز .. عارف لو بسأل الأنتراويه عن ويسلي بيحطون تشافي ولا شي جنبه خخخخ بس الكلام ما يوخذ
منهم لأنهم فاقدين هالمركز من سنين ، ولقوا ويسلي الي يلعب بربع مستواه الحقيقي وطارو فيه خخ ولو ان ميولي
انتراويه ترا في الكالتشيو
عموماً .. القرار الي اتخذ هو الصحيح .. طلعة ويسلي افيد له ولنا .. ما نحتاجه ولو بقي بيتعفن على الدكة
والسبب الوحيد .. جرانيرو الي ما تشوفه شي
لك | |  | |  | |
ياهلا
انا اتفق معاك ان شنايدر كان مستواه منخفض بآخر موسم وكثرت إصاباته
لكن انا جالس اقول ان شنايدر افضل من جرانيرو كالاعب بشكل عام
بالامكانيات اقصد يعني .. وهذا شي متفقين عليه ولله الحمد
بخصوص الفريق ومين قدم افضل .. لما تجي تقارن جرانيرو بشنايدر
مو معقول تحكم بهالسرعه ان جرانيرو افضل لعدة اسباب
اولها ان جرانيرو مابعد مر عليه الا قرابة النصف موسم
شنايدر كان ممتاز برضو بأول الموسم الاول
فبالتالي انت ماتدري جرانيرو وش راح يسوي بقية الموسم
والمواسم الجايه مع الفريق
هل بيقدم زي ماقدم شنايدر ؟...اول هل بيقدم مثله؟ .. او يمكن يقدم اقل ماتدري؟
انا ما قلت ان شنايدر اللاعب الاسطوره الذي بتبكي عليه الجماهير
!!
لا ابداً ابداً .. فيه لاعبين قدمو افضل من شنايدر
وطلعو مع الباب الخلفي للنادي ولا احد حزن عليهم
لكن انا جالس اقارن جرانيرو وش سوى وشنايدر وش سوى
ثانياً مستوى الوسط الحين يدعم جرانيرو كثير
يعني اي لاعب بيلعب والله مع كاكا
وفيه قدامه كريس ووراه الونسو اعتقد بيكون افضل
لكن شنايدر مين كان معاه .. جوتي ؟ ولا قدامه مين ؟ راؤول؟
انا ما انكر ان ميولي هولنديه
لكن مو معناته اشوف كل شي برتقالي ولا يهمني الفريق
!
وانه لما يكون لاعب هولندي ادافع عنه ظالماً او مظلوماً
ولا كان دافعت عن درنثي اول واحد هههههه
على العموم انا ماني زعلان ان شنايدر طلع
بالعكس انا فرحان على شانه
لأنه حصل مكان يفيد فيه اكثر مدريد
وحصل مدرب يعرف كيف يستغل امكانياته
عموماً انا اتمنى جرانيرو يبدع اكثر من كذا
لأني اشوف انه للحين ما اقنعني 100%
ولاتنسى انه فيه فارت ممكن ينافسه على المركز>> مو قصة هولندي هههه
لكن هو المنافس الوحيد
فا اتمنى انه يكون دافع له لتطور مستواه
ولا بيطير عليه مكانه بأي وقت
> باقه كامله لك اخوي
.
.
.
همسة:
مبروك تقليص الفارق شباب
سيماو منفذ وصية كريس بحذافيرها
[/CENTER]
ولكن مازالت أرقامه صامدة في الليغا الأسبانية 
الوضع العادي
