.

بداية .. توقيت الرد مفروض يكون امس .. لكن لـ ظروف الشبكة
وظروف الأختبارات تأجل لـ اليوم



الأغلبية متفقة ان البطاقة الحمراء أوفر على هاللقطة .. مش معناته ان اللاعب نزف دم
انها خطيرة أو ان الضرب متعمد .. طبيعي ان الحكم تكون له نظرة .. المش طبيعي أبداً
ان الحكم يتأثر بـ ضغط لاعبين الخصم .

كريستيانو ما يستاهل الحمراء .. ري آكشن طبيعي جداً .. لاعب ماخذ الكورة و يبـي
يعمل الكونتر آتـاك .. متحمس ان فريقه يخلص المبارة .. متحمس انه ممكن يسجل في
هالمبارة الهاتريك ويقرب من البيتشيشي .. مرتدة كانت بتكون خطيرة جداً لأن الخصم
كان يهاجمنا .. مع سرعة رونالدو وتحركات بن زيما و كاكا ممكن يجي الهدف !



الي يشوف هالصورة بكل تأكيد راح يقول انه كرت أحمر .. لكن قبل ما نبدأ نحلل نشوف
بداية اللعبة .. كيف رونالدو لقط الكورة وانطلق والمدافع ماسك فيه ويمنعه .. شفت كم
رد يقولون فيها ان رونالدو التفت على اللاعب وضربه بالكوع ! .. الصورة هذي تبين
ان رونالدو موب يم ضربة كوع والتركيز الأعلى كان على الكورة وبداية الهجمة .

لو نركز بعد شوي نشوف ان الضربة ميب بـ الكوع .. الضربة الي حذر منها الفيفـا
وطلع عليها عقوبة ’ كرت أحمر ‘ مباشر في هالحالة .. ضربة رونالدو كانت بـ اليد
وعشان أكون أدق بـ ’ ساعد ‘ يده .. يعني ما وصلت لـ المرفق او الكوع عشان نقول
اووووه فيها تعمد او نية أيذاء .

لـ الأمانة وقت المبارة ما خليت كلمة ما قلتها في كريستيانو .. لكن بعذري لأني ما شفت
اللقطة من البداية .. ما كنت منتبه تمام .. الي انتبهت له أعادة المخرج لـ الضربة بس
ومنها اخذت حكمي الأولي ’ الباطل ‘ عن هالحالة .

رونالدو ما تستاهل الكرت الأحمر .. فالدانو طلع وصرح وهذا بحد ذاته دعم لـ اللاعب
وغير كذا ان الأدارة راح تستأنف القرار الماسخ بـ أيقافه مبارتين .. وبحول الله انه
بيلحق على متش الريازور هذا اذا ما استلعن فيـآر وطقته .



مدري هل شفتوا الي انا شفته في هـ اللاعب ؟!

نظرتي له ما راح تتغير أبداً .. لاعب مستحيل الا مخـاطرة بكبرها اذا بدأت به اسـاسي !
يلعب بدون أي احساس .. لا تغطية مثل العالم ولا بريسنغ على الخصم .. بدال مايكون
مساعد قوي لـ مهام الونسو بالعكس زاد الونسو تعقيد .. الي لاحظته من المتش الأخير
المساحات الكبيرة الي يتركها الجوتي .. ولو تلاحظون اول نص ساعة في المبارة كيق
كان الفريق سيء .. وكيف كانت هجمتنا تنتهي في نص ملعب ملقا بدون أي خطـورة
تذكر .. لكن لما نشوفها من الجانب الدفاعي .. نشوف ان الخصم قدر يوصل لـ منطقتنا
اكثر من مرة .. وغالبية هجماته تنتهي اما على يد الدفاع او ضربة مرمى أو الخطورة
في انها توصل لـ ايكر .

لما قلت مارسيلو لازم يبدأ اساسي ما غلطت .. لاعب يعطي توازن رهيب لـ الفريق
ونشوف حتى في المتش الي انهزمنا فيه الأسبوع الي راح من بيلباو كيف كنا مسيطرين
وكيف كانت هجمتنا خطيرة .. غير ان الأتليتك ما وصل مرمانا الا مرتين او ثلاث طول
المبارة .. وغالبية هجماته تنتهي في نص الملعب بسبب التوزيع الرهيب لـ لعيبة الوسط
عندنا .

الجوتي ما يعطي ابداً هـ الأضافة .. ما يصلح اساسي و ودي ان بيللغريني ياخذ درس
كويس من هالمبارة .. الجيد انه اعترف اننا ما لعبنا كويس .. الخلل لازم يكتشفه انه
في جوتي و جوتي بس .. الأضافة الهجومية تأخرت الين جات .. والمبارة انفتحت لنا
بعد الهدف الأول .. تخيلوا بس اننا جلسنا على نفس الوضعية .. ومحاولة اختراق من
العمق كل شوي تفشل .. ولا سجلنا الهدف الأول .. وش كان ممكن يصير لا سمح الله !



الدور الأول انتهى .. النتائج جيدة جداً ولا ابالغ ان قلت انها فوق المتوقعه بعد

كل مباريات البرنابيو فوز .. شي جيد ويحسب لـ الكوتش .. تعادلين و 3 هزايم !
يمكن الي تحز في الخاطر شوي هي مبارة خيخون .. كانت اسهل وممكن النقاط كانت
مضمونة فيها شوي عن المباريات الباقية .. متش اشبيليه كان صعب والفريق ماكان
جاهز لهـ النوعية من المباريات .. الكلاسيكو كنا الأقرب لـ الفوز والحظ خذلنا !
بيلباو اوساسونا .. الأول كنا احق على أقل تقدير بـ التعادل بعد كمية الضغط المجنونة
الي عملوها اللاعبين وكمية الشوت اون تارجت .. لكن بعد ما توفقنا .. اوساسونا
الفريق راجع من اجازة اسبوعين .. ملعب الرينو صعب جداً وجماهير مجنونة ومع
ذلك اغفل لنا بلنتي لـ رونالدو واتيحت لنا فرصة الفوز .

الشي الطيب ان هالدور ما خسرنا واحنا نستحق الخسارة الي في متش واحد الي هو
طبعاً متش اشبيليه .. بقية التعثرات كنا فيها الطرف الأفضل ولا توفق التيم .. بالنسبة
لي هذا مؤشر ايجابي جداً ويدعوا لـ التفائل

متفائل بدور ثاني بيكون طاحن .. نعدي الريازور ونكسر العقدة .. وقتها ابصم لكم
بحول الله وقوته ان الدوري بيكون مدريدي



رجعه تكفى يا فلورو

اللاعب الي طلع من مدريد والى الآن اوهم نفسي انه مصـاب او انه اعتزل .. مابي
اسمع اي شي يذكرني فيه .. الشوكلاته .. متعة مدريد في وقت من الأوقات !

ما تابعت مستواه في الفترة الاخيرة .. لكن متأكد ان روبينيو عنده الأمكانيات الي
تخليه يلعب في أحسن اندية العالم .. ولو رجع لـ مدريد متأكد بعد ان الجمهور بيرحب
بعودته .. لأنه خرج من النادي والكل يعرف ليه خرج !

بالنسبة لي .. اشوف روبينيو مطلب ممكن يريحنا من حاجتنا لـ مهاجم .. بالأمكـانية انه
يلعب على الجناح الأيمن ويخلي كريستيانو يكون هو المهاجم الثاني مع البيبتا او البنـز
او انه هو بنفسه يكون المهاجم الثاني .. وهذي دايماً نشوف فيها روبينيو مع السامبا
في الفترة الأخيرة !

إقتباس لاعب بعقليّة روبينهو لا يستحقّ شعـآر الرّيال من أكثر اللاعبين الاجانب اللي اعطوا دعم السنتين الاولى كلّهـا والجميع يعلل أنّ الولد لسّا ماتاقلم وجميع اللاعبين والمدربين اللي عاصروا اللاعب يصرفون له , ومعطينه الثقة الكاملة وكل اللعيبة معطينه جوّهـ , ومحد عمره تحرّش فيه غير جرافيسن ومع ذلك خذل الجميع امام الاعلام ,

خذل اجل ؟
يا كبرها عند الله يا شيخ .. موسم الدون تلحط على الدكة أول ما كان يبزوط ورجع
مستواه البطل وكان واحد من اهم اسباب تحقيق الليغا 30 مع كابيلو و الرود

احد ينسى هدفه في أشبيليه ؟!
ولا احد ينسى مبارة اوساسونا ولا مبارة سيلتافيغو او حتى متش مايوركا الأخير !

بس ابي اعرف كيف خذل وهو نجم الفريق !

الموسم الي بعده مع شوستر .. بأغلبية الأصوات كان افضل موسم لـ روبينيو مع مدريد
ونتذكر كم متش حسم له لنا الكلب .. بداية من متش اولمبياكوس وهباله في ذاك
المتش لـ متش فالنسيا و الكلاسيكو و مايوركا و و و و و

ودي لو احد يجيب لنا احصائيه لـ روبينيو موسم الليغا 31
وراح اراجع موضوع الرابطة عن هالليغا وقت ما افضى واجيب لك احصائيات دقيقة
عن روبينيو في هاك الموسم !

الي ابي اعرفه .. كيف خذل الجميع ؟!

إقتباس الادارة كانت تقول أنّنا مواعدين اللاعب نجدد له بسبتمبر وحاطين سبتمبر موعد لتجديد العقد , يطلع لي بالاعلام ويقول الادارهـ تمـآطل وشلون تماطل وهي اعطتك كلمه أن تجديد العقد بيكون بسبتمبر شوستر يصرف له مع بداية مشكلته بالاعلام ويقول روبينهو ابني ويطلع روبينهو يقول : شوستر ليس والدي > شغل ورعان الفريق يسافر لخوض أوّل مباريات الموسم المنصرم امام الديبور ويطلع الولد القوي بمؤتمر صحفي هو ومدير اعماله العضلات والتعليل اللي وضحوه للاعلام أنّ اللاعب يبي يكون أفضل لاعب بالعالم وهالمجموعه ماتساعدهـ وبالاخير راح للستي عشآن يكون الافضل بالعالم ... شرّ البليّة مايضحكـ

كلنا عارفين وش مشكلته مع الأدارة .. وكيف ان الأدارة عاملته كأنه ناقص او انه موب
نجم .. مع انه في هاك الفترة مفروض يعامل كـ نجم وسوبر ستار بعد .. لاعب كان
حاسم في بطولتين حققها الفريق ليه ما اجدد له عقده بالي يرضيه .. ليه احسسه انه
نكرة وأني ممكن بكرة ابيعه على فيرغسون عشان اوصل لـ غايتي الأولي والي هي
كريستيانو رونالدو .. لي كل يوم غلاف ماركا شكل عن روبينيو وأنه خلاص بيطلـع
هالموسم عشان رونالدو بيجي .. ترا هذي عوامل تأثر في الأنسان وتخليه حاقد مهما
كان يحب بيئة النادي .. اذا ادارة النادي ما قدرت موهبتي وانا العب لـ اخر قطرة عرق
وتلهف مثل الكلاب ’ كرمتوا ‘ ورا لاعب مع اني اعطي دور هاللاعب بكل امتياز .. في
النهاية روبينيو انسان .. لحم و دم .. يحس وعنده مشاعر .. ممكن انجرح كبريائه
او حس انهم انتقصوه وهم يماطلونه .. او حس بنية غدر من كالديرون وانه ممكن
يطلعه من النادي بكل سهوله .. طلب الأنتقال وهذا حقه .. والمقابلة الي طلع فيها وقال
هالكلام كانت مع آس .. ولا قال ان غسيل السيارات او غسيل الصحون افضل من مدريد
بالعكس في كل تصاريحه يحترم النادي واخرها في صفقة كاكا وكيف مدح ريال مدريد
واثنى على فلورنتيو بيريز طبعاً مع كلمتين على كالديرون لأنه مغبون !

إقتباس بالفعل نكرة مرّت على الرقم 10

يالبى هالنكرة
بالفعل نكرة كان عامل حسم مهم لـ بطولة انتظرناها 4 سنين عجاف !
هو نكرة .. لأنه بعد كان بطل ليغا 31 الليغا القياسية

شكراً روبينيو يا نكرة .. المدريديستا نادراً ما يوفون مع لاعب فرحهم !
للآسف .. انت واحد منهم .. لكن بتظل عندي وعند الكثير لاعب مميز مر على
البرنابيو و وضع بصمة قوية وخرج بطريقة مخزية من أدارة واطية !