انهو هيقوين انهو من سيسكتكم .. انهو من سيجعلكم تندمون على ماقلتوه ..
اقول ماعندكم توت بس


قد يكون اكثر من يتواجد بها الرابطه هو انا ويقراء المكتوب هنا هو انا .. ويوزري غالباً مايكون هنا بالأسفل مع من جمعهم حب الملوك وليس حب اللعب الواحد فقط ..
لم اكتب هنا سوا ثلاثه ردود على ما اعتقد ..
ليس الا لأني مستمتع كثيراً بما يطرح .. ولا اريد افساده بخربشات قلم متواضع ..
ولكن حبيت نقاش ومساله هيقوين وبنفس الوقت مليت منها من كثر ماشوفها ..

بدايه النقاش .. لكل من ينتقد عندما يطلق على هيقوين لقب الطعس ماعليه الا يناظر الصوره الي فوق ويعرف اننا ماظلمناه

بالتأكيد ان خروجنا مأثر علي كثير .. وللحين مو مستوعب اننا طلعنا
والي يبي يتأكد اني مو مستوعب يسأل عمال مقهى ابو هيثم كم احرق المذكور اعلاه من راس ذيك الليله
بس ان الواحد يقضب ارضه ولا يعلق الا اذا روق واتوقع هذا الي كان يطالب به سليم
وها انا ذا >> والله محد درا عنك
اخذ بها المبداء وبعد ماروقت ومن بعد ما استوعبت ان فريقنا واحنا بنتابع النهائي على السنتياقو

الحين انا ودي اسال سؤال لكل من دافع عن هيقوين وطالب اننا ماننتقده ولا نجيب طاريه ..

كم سجل الشيخ هيقوين في دوري ابطال اوروبا ؟؟ وعلى من ؟؟

اتمنى اجد اجابه تقنعني بأنه هاك المهاجم الي ينغزا به في الأبطال على الأقل حالياً ...
ياعالم تكفون كلمونا بما نعقل واقنعونا بشيء نقدر نستوعبه ..
هل كنتوا تاملون على هيقوين انه يحسم المباره ؟؟؟
والله ثم والله ماكان عندي امل فيه ولو واحد بالميه

وبالتاكيد اغلبنا كان مأمل على رونالدو .. واتوقع انه ماخذلنا والي يبي يعرف يشوف الهدف مره ثانيه وبيتأكد انه لو تكررت نفس الكوره للطعس فميه بالميه انها في الشباك بس للأسف الخارجيه

ياعالم هيقوين مهاجم شاب مجتهد مواظب على شرب حليبه وتنظيف اسنانه

قلنا مجتهد .. يعني موب ذاك المهاجم الي الموهبه عنده تشكل 70 % من الي يقدمه
مهاجم موهبته اعتقد ماتشكل الا 30 % من الي يقدمه والباقي مجتهد
وهذا ما يلغي انه لاعب يتطور وانه يفرق كثير عن اول ماجا ..
ولكن هل هو المهاجم الي ابحط امالي عليه يبطي عظم ..

كل هالهرج الطويل ابي اوصل الى انه مهاجم يجتهد ويغلب عليه الخطاء والأنانيه الزائده ولن انسى عندما رفع الرود تي شيرته .. وهو اكبر انجازاته لحد الأن >> على الأقل الشخصيه ..

فمن العيب اننا نقارنه بمهاجم كرونالدو او حتى بنزيما الي اتمنى ان صحافه الريال تعطيه لو شيء بسيط من الي تعطي البيبيتا ..




بالنهايه : ياعالم النقاش ليس لمجرد النقاش فقط .. ياتعطوننا شيء يجعلنا نقتنع بما تقدمون والا فاننا نمل من مشادات لاتفيد ..


كارلوس شخصياً صوره الهجمه النكته .. كافيه لتدعيم وجهه نظرك في لقب الطعس
سليم معلقتك الماضيه تسجل بمداد من ذهب
فتى بريده : الا ماودك تعزم عيال الرابطه كلهم >>> ضامن انه بيعشيكم ونعزم رونالدو بعد




هذا الرد برعايه : شيرين .. وهي تغني كل الدموع والجراح مصيرها تاخذ وقتها ...