أكثر شي يقهرك بعد المُباراة , يطلع واحد ويشكّك بفشل مشروع الريال الجديد !!
ما أقول انّي مؤيّد بشكل أعمى , ولا حتّى انّي واثق تمام الثقة من نجاحه .. لكن ما زال الحكم مُبكّر .. أكثر عقود هاللاعبين الجدد - وأظن كلّهم - تتفاوت ما بين الـ 5 - 6 سنين , وهذولا جايّين يقولون فشل وما دري وشّو !!
الغريب ان هالكلام يطلع من مُدرّبين وكُتّاب ومُحلّلين عليهم الكلام , ولا لو من كم عضو نمشّيها , ما فيه أسهل من انّك تسجّل بمُنتدى ..
نسبّه ؟! إيه .. نسوّي اللي نسوّي , لكن هذا ما يعني انّنا نطالب بخروجه !!
الآس والماركا قاعدين يضغطون على اللاعب ألحين .. ما ننكر ان هيجواين ثور وطعس أحيانًا , لكنّه يبقى مُهاجم لك وللمُستقبل .. إمكانيّاته مُمتازة , جسمه بطل , تنقصه العقليّة وإنهاء الهجمات , أيضًا لعبه اللي تطغى عليه الفرديّة , كلّها تحتاج إلى تحسين عشان يكون أكثر فاعليّة ..
أكثر خيار مُمكن يُطرح , هو فيا !! على انّي ما أتابع فالنسيا كثير أو على المُنتخب الأسباني , لكن تراه يضيّع يمكن أكثر من هيجواين وأسهل من اللي تجي هيجواين .. تقريبًا هو نسخة مُطوّرة من غونزالو .. بس يبقى اسم مُغري بالنسبة لي <-- عاد هذي وش حلّها ؟!
/
/
بعد هالطلعة من دوري الأبطال .. أفضل تحضير للموسم الجاي هو بقيّة هالموسم ..
وزي ما قلت قبل , أفضل خيار للفريق الموسم الجاي هو استمرار بيليغريني .. قناعاته غير ثابته , صارم وما يعوق معه الاسم , وفوق هذا عارف للفريق , ليش كل مرّة نبدأ من جديد ؟!
أتمنّى انّه يعطي حكم على اللي مُتوقّع خروجهم "جاجو , درينثي .. وغيرهم" , ويعطي الفرصة للي يستحقّونها "فارت , بنزيما , وحتّى جاجو !" , يحدّد حاجات الفريق - ولو انّه ما يبي لها - ..
بداية معرفة وش يبي الفريق من هالموسم , هي مُباراة بلد الوليد .. هي أهم مُباراة الآن <-- ملاحظين ان كل مُباراة نقول عنها أهم مُباراة خخخ ..
, هل أنت مع قدوم مهاجم ممتاز مثل فيا في
كاكا باقي مع الريال
الوضع العادي
