أشلي كول: لأننا أسرة واحدة سنحقق لقب الدوري الإنجليزي
الأجواء عائلية بحته في قلعة الستامفورد بريدج بين جميع نجوم الفريق .. هذا ما سيساعد تشيلسي من وجهة نظر ظهيره الأيسر "أشلي كول" على الظفر بلقب الدوري الإنجليزي الممتاز للمرة الرابعة في تاريخ النادي.، فالتفاؤل يسيطر على نجوم الفريق منذ تعاقد الإدارة مع المدرب الإيطالي كارلو أنشلوتـي قادماً من الميلان الإيطالي.
تشيلسي حقق الفوز أربعة مرات حتى الآن في بطولة الدوري الممتاز من أربعة مباريات واستطاع أشلي كول إحراز الهدف الثالث للفريق امام بيرنلي في افتتاح الجولة الرابعة ليتصدر اسود لندن البطولة بفارق الأهداف عن توتنهام هوتسبير.
ويقول أشلي كول: "هذا هو الموسم الرابع على التوالي للمجموعة الحالية من اللاعبين، مما كّون لدينا عقلية الأسرة الواحدة، نحن فعلاً اكثر أسرة واحدة".
يذكر ان إدارة النادي جددت تعاقدات اكثر من لاعب هذا الصيف أمثال أشلي كول وكارفالهو ولامبارد وبالاك ودروجبا وأخيراً قائد الفريق "جون تيري" الذي وقع على عقد حتى عام 2014 مساء امس الأثنين غالقاً الباب في وجه مانشستر سيتي الذي عرض عليه الإنضمام منتصف فترة الإنتقالات.
1- وش رايك بإنتدابات الفريق هذا الموسم ؟ وهل فعلاً على كلام آنشي أن الفريق مايحتاج لاعبيـن جدد ؟ وأي الخانات اللي تشوف تحتاج تعزيز ولماذا ؟
شوف ,, كـ إنتبادات مُمتازة ولو ما جاء منها الا زيركوف فـ اعتبرها مُمتازة , لكن بالتأكيد هناك مراكز تحتاج التدعيم واولها خط المُقدمة , عندك دروجبا وكالو بيغيبون في كاس افريقيا وتقريبا مدتها 3 اسابيع من 21 يناير إلى 10 فبراير , رحت اشيك على المباريات اللي بيغيبها دروجبا وكالو في هالفترة , اتضح لي هناك مباريات قوية , اولها مع برمنجهام في الستامفورد وبعدها مع بيرنلي على ارضهم , وبعدها مع ارسنال في الستامفورد وبعدها مع إيفرتون في ملعبهم ! يكفي مباراة ارسنال وإيفرتون وممكن تخسر بسببها نقاط تلخبط عليك امور الصدارة بسبب غياب مُهاجميك , يعني تخيل بقى أنيلكا وستيوادرج ومن المستحيل الإعتماد عليهم في المباريات , حتى انيلكا وهو المُهاجم الأساسي في الفريق ماهوب تكانة حتى بتواجد دروجبا , يعني على ما قال "مزاج خال" متى ما بغى يبدع بدع ومتى ما بغى يمطرس مطرس , يعني الفريق محتاج وبقوة للتعاقد مع مُهاجم صاحي , تقريبا سوق الانتقالات قفل "مابقى الا 3 ساعات ونص" الا ان كان بيصير مثل سالفة كـ آشلي انا تكلمت طبعا عن اهم احتياجات الفريق , وهي الهجوم والا الفريق محتاج ايضاً لاعب وسط سريع يميل للجناح قليلاً وايضاً ظهير ايمن بديل لـ بوسي
2- كارلو آنشلوتي << وشهو من لحية ؟ مؤيد أم معارض لقدومه والحين شرايك فيه ؟
والله شوف ,, آنشي ما هضمته على ايامه مع ميلان حتى وهو يطقطق بالتشامبيونز طقطقة , لكن فكرت فيها , تشيلسي من نوعية الأندية اللي لو تجيب مثلاً اسير يبي يمشي الفريق معه لو تلاحظ الفريق من بعد مورينهو كم مدرب جاء , وكلهم ماشيه امورهم يعني آنشي جاي عشان التشامبيونز وهي لعبته ويا زين ألعابه بس وقبل لا يتعاقد معه الفريق كنت مُعارض لفكرة قدومه واذكر تناقشت مع اسير بهالخصوص , وقلت آنشي مشكلته يعشق الدفاع , قال عادي تشيلسي لعبه دفاعي اللي ابي اوصله , ان آنشي وصل ومشى مع الفريق , ولازم ندعمه واحلى شي سواهـ آنشي هو خلق الإنسجام بين ديكو ولامبارد وبالاك وتوظيفهم بشكل سليم , وايضاً تناقشت مع اسير بهالخصوص"ياكثرك يا اسير بكل شي مناقشني"
وايضاً فيه شي ثاني ,, اللي هو آنشي من خبرته مع ميلان وتبديلاته غالباً ماتكون هي هي بكل مباراة , واللي يقهرك يبدل نهاية المباراة وفريقه مهزوم , ليه مايبدل بداية الشوط الثاني ! لكن شكل العيال بالرابطة قرصوهـ مع اذنه وظبط وضعه , اشوفه استخدم مبدأ المداورة وايضاً ماتدري متى بيغير بالظبط
3- وش بينك وبين دروجبا ؟ وليش تسهب دائماً في سبه وهو اللي شايل الفريق ؟ << بدون أستهبال لو سمحت خخخ
شوف ,, دروجبا من افضل مُهاجمي العالم داخل الصندوق ومُساندة لخط الوسط ايضاً , لكن لو تلاحظ آخر سنتين دروجبا طاح مستواهـ وكثرت إصاباته , الموسم الماضي ما اشتغل الا في التشامبيونز حتى الدوري ما جاب الا 3 اهداف لكن اللي قهرني فيه وانغبنت منه مباراة برشلونة الذهاب تخيل ماركيز يعطيه كورة ولا احلى , وهالخال انواع الاستهبال الا بينقزها من فوق الحارس نعنبوا دارك مباراة نص نهائي وعلى ارض خصم مو سهل , وتستهبل مثل كذا ,,! مو هالكورة جت اكثر من كورة بعدها ولازال يُمارس هوايته ! مباراة الإياب الامور ماشية تمام , لكن بعد استهباله وكل دقيقة طايح ,,! المشكلة بكذا كورة يمديه ينهي الكورة لكنه يبحث عن الحل الأصعب ,! دروجبا ناقصه تجيب له مُهاجم صاحي وتلعبه جنبه وشف الاستلجاج كيف , نتذكر اول موسم لـ شيفا مع الفريق وش سوى دروجبا !! لحد يقولي شيفا خلق مساحات واعطى دروجبا حرية اكثر يعني دروجبا مستحيل يقدم لك وهو لحاله , جب مُهاجم ثاني صاحي مثلاً آغويرو + انيلكا هداف الدوري يعني بتشوف دروجبا شي ثاني , وبيخاف على مركزه وبيقدم لك كل اللي عنده واكثر , انا اذكر بعد مباراة البرشا الموسم الماضي قلت دروجبا لو جاب الخماسية الموسم الجاي والله مايكفر عن خطأهـ في ذيك المباراة , يعني عافته النفس خلاص ولا الحق يقال , دروجبا افضل لاعب حتى الآن من بداية الدوري والمباريات الاستعدادية مستوى ثابت وصناعة اهداف , وتسجيل وتمركز لكن لو تلاحظ انا ما سبيت دروجبا هالموسم الا شوي بس يعني امورهـ ماشية تمام حتى الآن
4- جو كول طوّل الغيبه بعد عودته تشوف مكانه أساسي أو التشكيله الحاليه ممتازة وإذا كنت تشوفه أساسي قلي مكان مين مع التعليل ؟
شوف حبيبي ,, جو كول لو يفكه الله من الإصابات بتشوف الهوايل ,, يعني لاعب يخلص لك مباراة من هجمة مرتدة , واكثر ما اعجبني فيه تمركزه واستغلال اخطاء لاعبي الفريق الآخر , ولو انه غبني بنهائي التشامبيونز بعد متابعته تسديدة لامبارد اللي بالعارضة واستعجل فيها وطيرها فوق ولو رجع جو كول لمستوياته قبل 3 مواسم وقدم لك كم مباراة اوكي اعتقد بيظطر آنشي بيرجع للطريقة المُعتادة 4-3-3 وممكن يوظفها بشكل آخر بحيث يجعل جو كول لاعب وسط مُهاجم وهي اللي افضلها , بحيث تكون التشكيلة كالتالي ,,
تشيك
آشلي ..... تيري ..... كارفا ..... بوسي
إيسيان ....... بالاك "مُتقدم"
لامبارد
......................... جو كول
أنيلكا ........ دروجبا
بحيث يكون جو كول مُساند لـ لامبارد وايضاً يتقدم في حال الهجمة ويكون مُهاجم ثالث ,, وبكذا بتكون مساحات كبيرة لدروجبا وايضاً انيلكا وايضاً بتعطي اللاعبين خصوصاً لامبارد وبالاك فرصة اكبر للتسديد من خارج المنطقة , بحيث ان المُهاجمين + جو كول صعب مُراقبتهم بما ان كل واحد مجدوع بجهة
5- جو كول إلى متى بيصير جاهل ؟ متى بيتثقف ؟
العلم يرفع بيوتاً لا عماد لها .. والجهل يهدم بيت العز والكرم
بس لو تلاحظ لامبارد متعلم ومتخرج من ارقى الجامعات وبدرجة امتياز ومع ذلك ماعرف يقدر زوجته وذلك بخيانتها اكثر من مرة وابوغامد عندهـ العلم > الفيسين الاولات لبوغامد والاخير لك المغزى من الدراسة انك تتعلم مو تحصل اعلى الدرجات وانت مسجل بمدرسة اهلية قصدي جامعة اهلية , شف جو كول خلص الثانوي ووقف , وحقق مُبتغاهـ اللي هو يعرف ماله وماعليه في حياته على ما اعتقد كالو هو اللي مطلع هالاشاعة بس لو تسأل نفسك ليه كالو قال هالحتسي ؟ اكيد يبي يشبك لامبارد يتوسط له عند آنشي يخلي له الأولوية على حساب جو كول
ولي باك بعد تونا ريضيييييييين
كلي لهفة وشوق لاوالله حقيقة استمتعت بقراءة اسئلتك >>
مممم والله بالظبط مادري ... لكن تقريبا من 2004 ماني متأكد بالظبط , وسبب تشجيعي والله مدري بالظبط لكن يمكن مثل ما قال " من شفته وانا حالتي حالة وابيه " وبالنسبة لآرسنال , فـ غالباً يكون ميولك وبداية مُتابعتك وانجذابك نحو فريقٍ ما ما هو بإختيارك يعني مسيّر وليس مُخيّر اقول غالباً
س2: يوم تقابلو اليوفي وتشلسي من شجعت وتحمست معه اكثر وهل زعلت يوم فاز تشلسي؟
محتري احد يسألني هالسؤال من فترة
يا شباب فيه نقطة احب اوضحها وهي غير معروفة عند البعض , اذكر جتني انتقادات واللي يتهزأ ووو بسبب اني حولت لليوفي على كلامهم انا مُحب ومُتابع لليوفي من قبل كاس العالم بس انا ما احب نظام اني اشارك برابطتين وقلق , وكنت اتابع اليوفي من فترة لكن ممكن محد يعرف هالشي الا شخص قريب مني بعد ما حطت القرعة تشيلسي بوجه اليوفي , فانا بالتأكيد تشيلساوي لكن لي ميول يوفاويه كما هو الحال للبرشا اللي صار اني بعد القرعة صرت استهبل هنا بالرابطة واقول فريقكم بدون تاريخ وبياكل تبن من اليوفي ومن هالكلام بالتاكيد كله من باب المزح لا اكثر وصرت اشارك برابطة اليوفي واشوف الاخبار هناك لكن سبحان الله الاعضاء برابطة اليوفي حبوبين واجبروني على المشاركة والاستمرار معهم يعني من جد اعضاء ينحبون ناصر واحمد وماجد وبدر وسعد وصالح كلهم ينحطون عالراس والله اذكر على الطاري مباراة تشيلسي واليوفي الذهاب كنت شايفها مع اسير >> بكل سالفة لازم متواجد وقالي هاه من معه انت اليوم فـ اللي ابي اوصله ,, مُستحيل اي شخص يغيّر ميوله الا ان كانه جديد في عالم المُستديرة واذكر فيه موضوع قبل فترة احد الاعضاء قال اخبرك تشلساوي وش حولك لليوفي خخخخ سبحان الله مع اني ماطريت اي شي لليوفي بس بعض الناس يبي يدخلك في متاهات , لكن الحمدلله تعاملت مع الموقف بشكل سليم
س3:لاعب تتمناه في البلوز في اليوفي والعكس ؟؟
في تشيلسي ممممم فيه العديد من الأسماء لكن انت حددت واحد واعتقد دافيد فيا خيار اكثر من رائع وبالنسبة لليوفي ... اعتقد رافينها ظهير شالكة كافي لتدعيم خط الدفاع
س4: من هو اللاعب الي تتمنا خروجه في تشلسي ولاعب تحس انه ماله حق يلعب اساسي ..؟؟
مممممم والله مافيه احد مُعين ,, لكن ودي في حالة جابوا مُهاجمين يودون كالو و ستيوادرج إعارة لأي نادي بشرط في البريمر ليج
س5 هل تمنيت بقاء هيدينك بالشغل الي كان يسويه مع تشلسي ولا تتوقع تشلسي مع اي مدرب يمشي الحال؟؟
بالتأكيد اتمنى بقاءهـ , وسوى شغل مو سهل في فترة بسيطة واستطاع بفترة وجيزة كسب قلوب مُحبي البلوز قبل اللاعبين وبالتأكيد وضحت في ردي على نواف امر المدرب مع تشيلسي لكن بالتأكيد بيفرق كثيير مع هيدينك
س6 فتره احضار مدربين لتشلسي الفتره الاخيره من تمنيت مجيه بدال من هيدينك؟؟وليِش؟؟
والله ما فيه اسم مُحدد , ممكن الأقرب لاودورب مُدرب خيتافي
وهذا الي عندي الله يجزاك خير
وسلام
عسسسل على قلبي يا ابراهيم وربي
يالله عن اذنكم وراي اختبار آآآخر اختبار واريح صار لي حق سنة دراسة
يظهر أن اللاعب الألماني مايكل بالاك لاعب فريق نادي تشيلسي واثق جداً من نجاح فريقه هذا الموسم بتحقيق العديد من الانجازات.
ويقوم أنشيلوتي باعطاء بالاك مهام دفاعية أكثر مما اعتاد عليها اللاعب، لكنه قال لقناة تشيلسي بخصوص هذا الأمر :هذه ليست مشكلة، على الجميع العمل واللعب من أجل الفريق وقبول أي دور يتم تكليفهم به...حتى عندما تكون في مواقع دفاعية فهذه قد تكون مفتاحاً من أجل النجاح". "
وأكد بالاك أن دوره الجديد كمحور في خط الوسط بحيث يميل لجهة اليمين، يعطيه حرية كبيرة في التحرك مما يجعل مهمة مراقبته صعبة جداً.
وعن صدارة تشيلسي المبكرة للدوري، قال بالاك : "ما زلنا في البداية، لكن الصدارة مبكراً تعطينا الثقة وخسارة ليفربول مباراتين كانت دافعاً كبيراً لنا كي نعجل في الابتعاد في الصدارة".
المكان: Real Madried & Chelsea & Roma & Milan & Valencia
مشاركات: 2,733
يعطيكم العافية ياشباب
عندي طلب بسيط
ابغى اهداف مباراة تشلسي وبرشلونة التي اقيمت قبل سنتين او ثلاثة
التي اقيمت بالنوكامب وانتهت بالتعادل باخر الدقائق 2-2
سجل الاهداف دروغبا ولامبارد
ابغى الاهداف التي نزلتها الشبكة بصيغة الجوال لوسمحتوا ...
1- اللي حصل في مباراة الإياب [ تشيلسي vs البارسا ] الموسم الماضي , هل فعلاً أيدت فكرة من قال ان البارسا كان راشي الحكم ؟ وللمعلومية ان في شغلة سابقة على البارسا تحدثوا فيها كثيير من [ جماهير الليغا ] مع سرقسطة في موسم 2006 مدري 2007 , مدري تذكرها أو لا
2 - هل تشيلسي خسر قودينسون ؟
3 - في أحد مواسم الدوري كان المتصدر مانشستر والرابع ليفربول ومابينهم إلا نقطة وحدة فقط , وتقريباً مابقى شيء على نهاية الدوري .
ليه ماترجع هالمنافسة مثل أول ؟ قبل في الدوري تصير المنافسة أكثر من 4 , يمكن حول 7 أو 6 ؟! هو صحيح إلى الآن منافسة بس تفرق عن أول بشكل كبير لدرجة ان بعض المحللين يقولون [ إنجلترا معكوسة ] ؟
ودي أسألك سؤال في السياسة بس أخاف تخور لذا بسالك في الأدب , اذا ماكان لك بالأدب اتركهم
4 - [ شوربة بالدجاج لراحة المراهقين ] ياأيوب ياحبيبي هذا عنوان كتاب مشهووور وبقووة , طبعاً انا قرأت هالكتاب وشفت فيه من التفاهة إلى حدْ [ القرف ]
تعتقد ليه كثرت الكتب التافهة بشكل كبير ؟
ابوعنقري تباً لك سبقتني بالبطاقة الشخصية ايوب احذف السؤال متعيييجر احذفه واغير الارقااام تخبر بنروح نتسحر
السلام عليكم يالله حي الجميع كلن باسمة
ايووووب لبى قلبك عندي لي لك كم من سؤال وان شاء الله تصير خفيفه على البك
1- بطاقتك الشخصية ؟
2- لو خيروك مدرب في تشيلسي من بتكرش وليش حاقد على بوسينجوا خاصتا ودروغبا رغم انهم يقدمون مستويات رائعه ؟
3- لو انت بمكان آنشيلوتي من بتلعب قدام انيلكا ودي دي والا كالو بتشركه اساسي والا بتتلعب بمهاجم وحيد وهل بتلعب ديكو بالاك لامبارد مع بعض مع التعليل المفصل ؟
4_ لو انك عزابي وش الاكثر شي يضايقك ؟ اذا كان في اية احرج الي بعدوووة !
8- ديجيو _ ميلو لو خيروك قبل مايتقلون لليوفي ياتودية لليوفي او لتشيلسي ترا لو قلت اليوفي يعني انك تميل لليوفي ؟
9- وش تفضل من السيارت وايضاً ووشو موترك ؟
10 _ السنوااات الاخيرة شفنا ضلم للبلوز هل تتوقع لان تشيلسي ماعندهـ اعلام قوي او ليه بالظبط ؟
11 - الاصابات المتتالية لتشيلسي تتوقع من الجهاز الطبي التعباان الي عندنا والى من اللاعبين لان معقولة الي يحدث للعيبة لدرجة العام مالعبنا ولامباراة وانا كاملين وحتى الآن ايضاً ؟
12- وش المسلسات الي تفضلها في رمضان ؟
13- الهيئة وش رايك فيهم بكل صراحة تامة ؟
14- الدوري المحلي تتوقع انه سنة عن سنة يتطور والا زي ماهو التعصب والتخلف هنا زي ماقد شفت واحد نصراوي متعصب صابغ غرفة نومة بالاصفر والازرق ؟
15_بما اننا نتكلمنا بالمحلي هل الهلال وصل للدرجة المطلوبة الي تشوف اننا نقدر ننافس على البطولات الاقليمية مو زي العام قبل المباراة تعرف انها منتهية 1-1 قبل ماتبدأ ؟
16 _ ماتحس اني ثقلت عليييك ؟
ايووووووووووووب تراني اعوووزك
ان شاء الله مانكون ثقلنا عليك واذا تذكرت اسئلة ممكن ارجع بعشرة اسئلة مرهـ ثانية
نوواااف اعذرني بس والله كلام بالخاطر اعذرني نوااف ايوب على الاسئلة الكثييييرهـ
![..][ رابـطـة عشّـاق ღ البلـوز ღ ][ سوبر و كاس و دوري .. وسجل تهديفي تاريخي .. و أفضل حارس و هداف .. أتعبت من بعدك يا ][ كااااااامل الاوصاف ][][..](iconimages/t791929_rtl.gif)
يبي يمشي الفريق معه
.................................
الوضع العادي
