أسئلتـي لطويـل العمـر  : يطولي بعمرك نواف 1- وش رايك بإنتدابات الفريق هذا الموسم ؟ وهل فعلاً على كلام آنشي أن الفريق مايحتاج لاعبيـن جدد ؟ وأي الخانات اللي تشوف تحتاج تعزيز ولماذا ؟ شوف ,, كـ إنتبادات مُمتازة ولو ما جاء منها الا زيركوف فـ اعتبرها مُمتازة , لكن بالتأكيد هناك مراكز تحتاج التدعيم واولها خط المُقدمة , عندك دروجبا وكالو بيغيبون في كاس افريقيا وتقريبا مدتها 3 اسابيع من 21 يناير إلى 10 فبراير , رحت اشيك على المباريات اللي بيغيبها دروجبا وكالو في هالفترة , اتضح لي هناك مباريات قوية , اولها مع برمنجهام في الستامفورد وبعدها مع بيرنلي على ارضهم , وبعدها مع ارسنال في الستامفورد وبعدها مع إيفرتون في ملعبهم ! يكفي مباراة ارسنال وإيفرتون  وممكن تخسر بسببها نقاط تلخبط عليك امور الصدارة بسبب غياب مُهاجميك , يعني تخيل بقى أنيلكا وستيوادرج ومن المستحيل الإعتماد عليهم في المباريات , حتى انيلكا وهو المُهاجم الأساسي في الفريق ماهوب تكانة حتى بتواجد دروجبا , يعني على ما قال "مزاج خال" متى ما بغى يبدع بدع ومتى ما بغى يمطرس مطرس , يعني الفريق محتاج وبقوة للتعاقد مع مُهاجم صاحي , تقريبا سوق الانتقالات قفل "مابقى الا 3 ساعات ونص" الا ان كان بيصير مثل سالفة كـ آشلي  انا تكلمت طبعا عن اهم احتياجات الفريق , وهي الهجوم والا الفريق محتاج ايضاً لاعب وسط سريع يميل للجناح قليلاً وايضاً ظهير ايمن بديل لـ بوسي 2- كارلو آنشلوتي << وشهو من لحية ؟ مؤيد أم معارض لقدومه والحين شرايك فيه ؟ والله شوف ,, آنشي ما هضمته على ايامه مع ميلان حتى وهو يطقطق بالتشامبيونز طقطقة , لكن فكرت فيها , تشيلسي من نوعية الأندية اللي لو تجيب مثلاً اسير يبي يمشي الفريق معه لو تلاحظ الفريق من بعد مورينهو كم مدرب جاء , وكلهم ماشيه امورهم يعني آنشي جاي عشان التشامبيونز وهي لعبته ويا زين ألعابه بس   وقبل لا يتعاقد معه الفريق كنت مُعارض لفكرة قدومه واذكر تناقشت مع اسير بهالخصوص , وقلت آنشي مشكلته يعشق الدفاع , قال عادي تشيلسي لعبه دفاعي اللي ابي اوصله , ان آنشي وصل ومشى مع الفريق , ولازم ندعمه واحلى شي سواهـ آنشي هو خلق الإنسجام بين ديكو ولامبارد وبالاك وتوظيفهم بشكل سليم , وايضاً تناقشت مع اسير بهالخصوص"ياكثرك يا اسير بكل شي مناقشني" وايضاً فيه شي ثاني ,, اللي هو آنشي من خبرته مع ميلان وتبديلاته غالباً ماتكون هي هي بكل مباراة , واللي يقهرك يبدل نهاية المباراة وفريقه مهزوم , ليه مايبدل بداية الشوط الثاني ! لكن شكل العيال بالرابطة قرصوهـ مع اذنه وظبط وضعه , اشوفه استخدم مبدأ المداورة وايضاً ماتدري متى بيغير بالظبط  3- وش بينك وبين دروجبا ؟ وليش تسهب دائماً في سبه وهو اللي شايل الفريق ؟ << بدون أستهبال لو سمحت خخخ  شوف ,, دروجبا من افضل مُهاجمي العالم داخل الصندوق ومُساندة لخط الوسط ايضاً , لكن لو تلاحظ آخر سنتين دروجبا طاح مستواهـ وكثرت إصاباته , الموسم الماضي ما اشتغل الا في التشامبيونز حتى الدوري ما جاب الا 3 اهداف لكن اللي قهرني فيه وانغبنت منه مباراة برشلونة الذهاب  تخيل ماركيز يعطيه كورة ولا احلى , وهالخال انواع الاستهبال الا بينقزها من فوق الحارس نعنبوا دارك مباراة نص نهائي وعلى ارض خصم مو سهل , وتستهبل مثل كذا ,,! مو هالكورة جت اكثر من كورة بعدها ولازال يُمارس هوايته ! مباراة الإياب الامور ماشية تمام , لكن بعد استهباله وكل دقيقة طايح ,,! المشكلة بكذا كورة يمديه ينهي الكورة لكنه يبحث عن الحل الأصعب ,! دروجبا ناقصه تجيب له مُهاجم صاحي وتلعبه جنبه وشف الاستلجاج كيف , نتذكر اول موسم لـ شيفا مع الفريق وش سوى دروجبا !! لحد يقولي شيفا خلق مساحات واعطى دروجبا حرية اكثر يعني دروجبا مستحيل يقدم لك وهو لحاله , جب مُهاجم ثاني صاحي مثلاً آغويرو + انيلكا هداف الدوري يعني بتشوف دروجبا شي ثاني , وبيخاف على مركزه وبيقدم لك كل اللي عنده واكثر , انا اذكر بعد مباراة البرشا الموسم الماضي قلت دروجبا لو جاب الخماسية الموسم الجاي والله مايكفر عن خطأهـ في ذيك المباراة , يعني عافته النفس خلاص ولا الحق يقال , دروجبا افضل لاعب حتى الآن من بداية الدوري والمباريات الاستعدادية مستوى ثابت وصناعة اهداف , وتسجيل وتمركز  لكن لو تلاحظ انا ما سبيت دروجبا هالموسم الا شوي بس يعني امورهـ ماشية تمام حتى الآن 4- جو كول طوّل الغيبه  بعد عودته تشوف مكانه أساسي أو التشكيله الحاليه ممتازة وإذا كنت تشوفه أساسي قلي مكان مين مع التعليل ؟ شوف حبيبي ,, جو كول لو يفكه الله من الإصابات بتشوف الهوايل ,, يعني لاعب يخلص لك مباراة من هجمة مرتدة , واكثر ما اعجبني فيه تمركزه واستغلال اخطاء لاعبي الفريق الآخر , ولو انه غبني بنهائي التشامبيونز بعد متابعته تسديدة لامبارد اللي بالعارضة واستعجل فيها وطيرها فوق ولو رجع جو كول لمستوياته قبل 3 مواسم وقدم لك كم مباراة اوكي اعتقد بيظطر آنشي بيرجع للطريقة المُعتادة 4-3-3 وممكن يوظفها بشكل آخر بحيث يجعل جو كول لاعب وسط مُهاجم وهي اللي افضلها , بحيث تكون التشكيلة كالتالي ,, تشيك آشلي ..... تيري ..... كارفا ..... بوسي إيسيان ....... بالاك "مُتقدم" لامبارد ......................... جو كول أنيلكا ........ دروجبا بحيث يكون جو كول مُساند لـ لامبارد وايضاً يتقدم في حال الهجمة ويكون مُهاجم ثالث ,, وبكذا بتكون مساحات كبيرة لدروجبا وايضاً انيلكا وايضاً بتعطي اللاعبين خصوصاً لامبارد وبالاك فرصة اكبر للتسديد من خارج المنطقة , بحيث ان المُهاجمين + جو كول صعب مُراقبتهم بما ان كل واحد مجدوع بجهة 5- جو كول إلى متى بيصير جاهل ؟ متى بيتثقف ؟ العلم يرفع بيوتاً لا عماد لها .. والجهل يهدم بيت العز والكرم بس لو تلاحظ لامبارد متعلم ومتخرج من ارقى الجامعات وبدرجة امتياز ومع ذلك ماعرف يقدر زوجته وذلك بخيانتها اكثر من مرة   وابوغامد عندهـ العلم > الفيسين الاولات لبوغامد والاخير لك المغزى من الدراسة انك تتعلم مو تحصل اعلى الدرجات وانت مسجل بمدرسة اهلية قصدي جامعة اهلية , شف جو كول خلص الثانوي ووقف , وحقق مُبتغاهـ اللي هو يعرف ماله وماعليه في حياته على ما اعتقد كالو هو اللي مطلع هالاشاعة بس لو تسأل نفسك ليه كالو قال هالحتسي ؟ اكيد يبي يشبك لامبارد يتوسط له عند آنشي يخلي له الأولوية على حساب جو كول ولي باك بعد تونا ريضيييييييين كلي لهفة وشوق لاوالله حقيقة استمتعت بقراءة اسئلتك >> قصدي استمتعت وانا اجاوب , ودايم انت كذا يالنينو وفيه سؤال توقعتك تسأله بس الحمدلله عدى وعسل على قلبي والله اسئلتك قواك الله يالنينو .
.
اخر تعديل كان بواسطة » فيلسوف في يوم » 02/09/2009 عند الساعة » 02:45 PM |
