أنتصر الفريق الإحتياطي على فريق بورتسموث بخمسة أهداف مقابل هدفين بعد الخسارة القاسية التي تلقاها الفريق في الأسبوع الماضي أمام الفيلا بأربعة أهداف دون مقابل
آنشلوتي وراي ويليكنز كانوا ضمن الحظور وأشادوا بمستوى الفريق وطلبوا المزيد في المباريات القادمة
أهداف الفريق الخمسة جاءت عن طريق اللاعب آدم فيليب "هاتريك" ( الخال اللي فوق ) وفابيو برونو هدفين ( الأطخم اللي تحت )
..(تشيلسي يتوقع من آشلي وجوي توقيع عقود جديدة مع النادي )..
بعد انهاء تجديد عقد الكبيتانو مع تشيلسي ل 5 سنوااات أصبح المدافع الأعلى أجرا ً في كرة القدم ، ويبدو أن إدارة النادي واثقة من تجديد عقد كل من جوي وآشلي .
جو كول انتهاء من إعادة تأهيله من إصابة طويلة في الرباط من شهر يناير الماضي ، بينما يستعد آشلي كول وتيري إلى خوض مباراة مع المُنتخب الإنكليزي يوم الإثنين المقبل قبل المباراة أمام سلوفينيا يوم السبت ضمن تصفيات كاس العالم وأمام كرواتيا يوم الأربعاء المقبل .
وقد أوضح تشلسي أنه يريد تجديد عقد كل من جو وآشلي ، وقد وافق الأخير على بنود توقيع عقد جديد بينما ويوجد اخبار قوية انه بيوقع بعد مباراة كرواتيا ويقال أن جوي في صدد دخول مفاوضات من أجل توقيع عقد جديد مع تشيلسي .
ابغى اهداف مباراة تشلسي وبرشلونة التي اقيمت قبل سنتين او ثلاثة
التي اقيمت بالنوكامب وانتهت بالتعادل باخر الدقائق 2-2
سجل الاهداف دروغبا ولامبارد
ابغى الاهداف التي نزلتها الشبكة بصيغة الجوال لوسمحتوا ...
1- اللي حصل في مباراة الإياب [ تشيلسي vs البارسا ] الموسم الماضي , هل فعلاً أيدت فكرة من قال ان البارسا كان راشي الحكم ؟ وللمعلومية ان في شغلة سابقة على البارسا تحدثوا فيها كثيير من [ جماهير الليغا ] مع سرقسطة في موسم 2006 مدري 2007 , مدري تذكرها أو لا
شوف ,, في أي مُباراة ممكن يحصل فيها أخطاء وأخطاء فادحة أيضاً ,, مباراة تشيلسي والبرشا بالسيمي فاينل اعتقد حصل فيها اخطاء فادحة ,, لكن مسألة "رشوة الحكم" فـ مُستحيلة ,, الحكم بذيك المباراة واضح انه واجه ظغوط وخايف من اي خطأ , بداية المباراة لمس الكورة بيد بالاك والحكم كان على مرأى منها لكن مشاها بحكم ان لمسة اليد تعتبر "تقديرية" من حكم المباراة وجت اخطاء فادحة بالشوط الثاني ولكن لا نغفل أيضاً طرد أبيدال غير صحيح نهائياً هناك بلنتيات لـ تشيلسي مُمكن ثلاث بلنتيات لكن لا اعتقد مثل ما تفضلت بأن الحكم "مُرتشي" لأن مثل ما قلت لك وااضح ان الحكم مرتبك كثيير ومتخوف ايضاً من احتساب أي قرار وبالتالي أثر على قراراته داخل ارضية الملعب
بالنسبة لمباراة البرشا وسرقسطة ,, والله ماني متذكر زين لكن مُمكن تكون المباراة اللي حصل فيه ضرب وهدف غير صحيح وان كاني ماني واهم انطرد روني مابي اتفلسف بشي ما اعرفه
2 - هل تشيلسي خسر قودينسون ؟
جودي على أيامه مع تشيلسي كان يقدم مستويات اكثر من ممتازة وعرف مورينهو وقبله رانييري كيف يوظفونه صح واللاعب عنده مخزون لياقي عالي وهذا اللي مميزهـ , وايضاً يلعب بأي محل ومايقصر فيه مسألة ان تشيلسي خسرهـ ممم لا اعتقد ,, ممكن العكس يعني جودي هو من خسر تشيلسي
3 - في أحد مواسم الدوري كان المتصدر مانشستر والرابع ليفربول ومابينهم إلا نقطة وحدة فقط , وتقريباً مابقى شيء على نهاية الدوري . ليه ماترجع هالمنافسة مثل أول ؟ قبل في الدوري تصير المنافسة أكثر من 4 , يمكن حول 7 أو 6 ؟! هو صحيح إلى الآن منافسة بس تفرق عن أول بشكل كبير لدرجة ان بعض المحللين يقولون [ إنجلترا معكوسة ] ؟ اذا على كذا وطايح مستوى الدوري الانجليزي فـ يالبى الدوري الانجليزي يشييخ مممم بالعكس انا اشوف فترة توهج الأندية خلال الـ 5 سنوات الأخيرة , يعني قبل ايام الثمانينات وبداية التسعينات كان الليفر لحاله , ويشاركه بعض الأحيان الفيلا والمان والقنرز ,, لكن في الالفية الجديدة اصبح القنرز والمان مُنافسين على اللقب وبعدهـ بدأ تشيلسي في التنافس وايضاً عاد شيء من الليفر وبعض الاحيان شطحات من ليدز ونيوكاسل وإيفرتون يعني اشوف حدة التنافس الآن في فترة توهجها , شوف ممكن مثل ماتفضلت بأن هناك فترة سابقة كان التنافس بين الرابع والأول على نقطة واحدة ! هذي ممكن تصيير كثير , لكن لو تحكي عن الواقع بتشوف الفترة الأخيرة الدوري الانجليزي مشعلل ومُستحيل تحدد البطل او حتى المركز الثاني وبالنسبة للمحللين ... قلهم لا يكثر
ودي أسألك سؤال في السياسة بس أخاف تخور لذا بسالك في الأدب , اذا ماكان لك بالأدب اتركهم
لا عادي
4 - [ شوربة بالدجاج لراحة المراهقين ] ياأيوب ياحبيبي هذا عنوان كتاب مشهووور وبقووة , طبعاً انا قرأت هالكتاب وشفت فيه من التفاهة إلى حدْ [ القرف ] تعتقد ليه كثرت الكتب التافهة بشكل كبير ؟
هههههههههه حسبتك بتسألني وش رايي في هالوجبة اغلب الكتاب حالياً لديه مغزى من كتابته , إذا كان كاتب معروف فـ اكيد بيهتم لإرضاء ذائقة القارئ , اما اذا كان "كويتب" فاعتقد لديه مغزى مادي اكثر من اي شي آخر ومثل هالعناوين لجلب الإنتباهـ لا اكثر
5 - شرايك في [ غازي القصيبي ] ؟
من أي ناحية >> يبي يتهرب باللي هيبه بعدين اخبرك تقولي اخاف تخور بالسياسة
هذا اللي عندي ذحين
تشكرراات يا باشا واستمتعت والله بالإجابة على اسئلتك
فعلاً أستمتع و و أضحك و أنا أقرا ردودك .. عضو بارز و مميز جداً أتمنى لك التوفيق نخش بالأسئلة طال عمرك ..
هلا بك يا بوعنقري والله شهادة اعتز وافتخر فيها ولكم باك مرة اخرى ,, وهالمرة شكلها من الرياض
1- البطاقة الشخصية / الاسم الثلاثي ، العمر ، االكلية أو الجامعة ، الوزن و الطول ، اسم أمك << كني كثرت
ما تلاحظ انك طبيت بالغويط شوي
الأسم .. أيوب إبراهيم المقبل العمر .. 20 ربيعاً >> ماقد ذكرت كلمة ربيعاً هنا ماعندنا الا "صيفاًً" الجامعة .. الملك سعود ... كلية إدارة أعمال الوزن والطول .. والله ماودي اتفلسف عليك لأن طولي من الابتدائي ماقسته ووزني كل يوم وزن بس تحت الـ60 لاتخاف اسم امي .. ام ايوب
2- وش برنامجك برمضان ؟ .. من يوم تصحى لي تنام ؟
مممممم بما ان عندي ترم صيفي فـ نظامي محيوس عن العادة لكن بما اني ساحب اغلب الاحيان برمضان على الجامعة فبتكلم عن وضعي اول ,, مدري منين ابدا من السحور ولا الفطور خلها من السحور ... اتسحر قبل اذان الفجر >> واصلي الفجر واتكي على النت ساعة الى ساعة ونص , ثم احط راسي إلى الظهر اقوم اصلي واشوف ان كان براسي نوم خبزتها نومة للعصرية وهذا الغالب , طبعا بعد صلاة الظهر اقرا لي صفحتين من القران , وعقب العصر نفس الحكاية , وبعدها اشوف الأهل اذا ناقصهم غرض ولا شي , على ما اقضيه وان كان باقي وقت اتكي على النت شوي إلى قبل الاذان بشوي وانزل للأهل تحت , واجيب القشطة وانا ما احب اكثر عالفطور يعني 3 تمرات بالقشطة وفنجال قهوة وكاس فيمتو بس , عقب المغرب , نغير الثوب ونلبس ثوب استرتش عشان مايضايقني بالاكل , لاتصدق , آكل بثوبي وانا طاق الرسم بعد , عقبه اشوف ان كاني رايق تابعت اي شي بالتلفزيون يعني ماني من الناس اللي يحرصون على متابعة طاش والطقة ذي يمكن بيني وبينك بس تبوس الواوا تبوس الواوا عقبه اصلي العشاء والتراويح بعد كذا ادق على العيال اشوفهم وينهم فيه بالاستراحة ولا ببيت احد منهم وادز لهم , ولعب بلاي ستيشن وفلة , حدود الساعة 2.30 نتسحر وكل واحد على بيته واتكي على النت الى السحور , وهلم جرى .. يوم مُمل صح
3- توقعاتك لهالموسم ؟ هل آنشيلوتي قادر على إرجاع الفريق للمنصات ؟
والله الفريق بادي بداية مرة ممتازة ,, واهم شي خلق الإنسجام بين الثلاثي ديكو ولامبارد وبالاك وبإذن الله الفريق بيحسم امر الدوري من الجولة 29 وآنشيلوتي بادي بداية كويسة مع الفريق , الا انه يبي له يظبط امورهـ مع التبديلات ومتفائل كثيير بالدوري لكن التشامبيونز مدري ليه احس دور الـ16 بنطلع لا بإذن الله الفريق امورهـ طيبة وماشي وفق خطط مدروسة من الإدارة
أدري أن أسئلتي مالها سنع بس هذا اللي جاني
جايتك الأسئلة عالخاص !! لاتقول من نواف >> فاهم غلط تشكرات ابو عنقري عالأسئلة , استمتعت فيها حقيقة وننتظر عودتك مثل أول يا بطل
ايووووب لبى قلبك عندي لي لك كم من سؤال وان شاء الله تصير خفيفه على البك
الله مير يحييك يا وليد
1- بطاقتك الشخصية ؟ ولاتزعل اكتبها مرة ثانية
الأسم .. أيوب إبراهيم المقبل العمر .. 20 ربيعاً >> ماقد ذكرت كلمة ربيعاً هنا ماعندنا الا "صيفاًً" الجامعة .. الملك سعود ... كلية إدارة أعمال الوزن والطول .. والله ماودي اتفلسف عليك لأن طولي من الابتدائي ماقسته ووزني كل يوم وزن بس تحت الـ60 لاتخاف اسم امي .. ام ايوب >> ترى ما نسخ الرد حق ابو عنقري
2- لو خيروك مدرب في تشيلسي من بتكرش وليش حاقد على بوسينجوا خاصتا ودروغبا رغم انهم يقدمون مستويات رائعه ؟
ممممم اعتقد جاوبت على مثل هالسؤال على نواف بتكلم بشكل سريع بما انه مُكرر والله مافيه احد يستاهل كلمة ينكرش , لكن لو جابوا مُهاجم صاحي بكرش انليكا اكيد بالنسبة لبوسينجوا ... فيه شي ببالي ودي اقوله ,, ياخي سُبحان الله , لاعب كرة القدم "الهاوي" غير اللاعب اللي ممكن تنطبق عليه "مُجبر" هذا بوسينجوا ابوهـ دافع دراهم عشان يدخله مجال الكورة , مدري ممكن في أكاديمية بورتو , ومع الايام حصل مُبتغاهـ واحترف في نادي كبير لكن لو تتابع مثلا اخبار اي لاعب في بداياته مثلا شوف لامبارد , بتحصله يقولون في شنطة المدرسة مغبي كورة منسمة وهو راجع لبيتهم في عز الشمس"على باله لامبارد عندنا" يوقف عند اقرب بنشر وبسم الله اتفخ الكورة وطقطق مع العيال والصبايا >> القلب للامبارد يعني مثل ماقلت لك فيه لاعب هاوي ولاعب مادري ليه دخل مجال الكورة يعني داخل بأمر والده , مو حرصن منه بوسينجوا بداياته مع تشيلسي اسوأ من السيئة , نهاية الموسم الماضي كنه بدا يتعدل شوي لكن رجع مرة ثانية , وبداية هالموسم مستواهـ اوكي وحتى الآن وضعه ممتاز , لكن يقهرني فيه مثل ماقال نواف يطق الكورة قدامه 10 امتار ويلحقها على باله نظام 1401 >>صح يانواف؟ انا خوفي يوم من الايام يركض متحمس وينحشر قدام مدافع عاد يطقها باللوحات الاعلانية على انها بترجع له > نظام حواري ودروجبا اعتقد وضحت لنواف مافيه الكفاية وبس
3- لو انت بمكان آنشيلوتي من بتلعب قدام انيلكا ودي دي والا كالو بتشركه اساسي والا بتتلعب بمهاجم وحيد وهل بتلعب ديكو بالاك لامبارد مع بعض مع التعليل المفصل ؟
بالتأكيد انيلكا ودروجبا ارجع واقول دروجبا افضل لاعب في الفريق من المباريات الاستعدادية حتى آخر مباراة لكن اللي ابي اوصله ان بيني وبين العبد حساسية يعني اكرهه كـ لاعب مو عشان مستوياته
بالنسبة لديكو ومسألة لعبه من عدمها , مممم ديكو يقدم مستويات اكثر من ممتازة وآنشي عرف كيف يوظفه مع لامبارد وبالاك , وهذي كنت اشوفها صعبة لكن الحمدلله مشت الامور وبالتالي مسألة لعبه اشوفها ظرورية يعني تكون التشكيلة المُفضلة كالتالي ..
تشيك
آشلي .... تيري ..... كارفا .... بوسينجوا
إيسيان ....... بالاك "مُتقدم"
لامبارد ........ ديكو
دروجبا .... انيلكا
مع التبديل فيما بين لامبارد وديكو في حال الهجمات
4_ لو انك عزابي وش الاكثر شي يضايقك ؟ اذا كان في اية احرج الي بعدوووة !
مافهمت وش تبي توصله بالظبط لكن بكلمك حسب فهمي للسؤال بالنسبة لي يحز في خاطري هالشباب اللي يلبسون لك "طيحني" وكدش والتقليعات الغربية اللي ما تمثل شبابنا ولا تمت لهم بأي صلة وايضاً كثرة الشباب المُدخنين وخصوصا من هم دون 20 سنة وايضاً تهاون شباب كثيير من ناحية الصلاة .. وخصوصاً حنا بشهر كريم وبعض الشباب يصوم عن الاكل لكن يفطر على سب وشتم ! عسى الله يتقبل مننا الصيام والقيام هذا اللي عندي
5- ماهي هواياتك ووش تكرهـ من الهوايات البعض ؟
بالتأكيد على رأس الهرم " كرة القدم " او كما يسميها البعض " الساحرة المُستديرة " يجي بعدها الكرة الطائرة وايضاً التنس الأرضي
8- ديجيو _ ميلو لو خيروك قبل مايتقلون لليوفي ياتودية لليوفي او لتشيلسي ترا لو قلت اليوفي يعني انك تميل لليوفي ؟
دييجو ما اعتقد يتلائم لعبه مع تشيلسي .. ولا اعتقد نجاحه اساساً بالدوري الإنجليزي وبالنسبة لـ ميلو , فـ عندنا إيسيان و أوبي من احلى ما يكون , ليه اجيب نجم على حسابهم ! حتى ميكيل مايشدها اساسي رغم ان مستوياته رائعة وصل المغزى
9- وش تفضل من السيارت وايضاً ووشو موترك ؟
والله سيارات كثييرة مُفضلة لدي , وبالمناسبة انا ما اهتم كثيير بأمر السيارات ,,
عندك مثلاً جيب اللكزس الجديد خالع وايضاً الرانج روفر خالع أيضاً
وبالنسبة لموتري ... تصدق ناوي اروح المعارض اليوم معي حالياً موتر الوالد فورد .
10 _ السنوااات الاخيرة شفنا ضلم للبلوز هل تتوقع لان تشيلسي ماعندهـ اعلام قوي او ليه بالظبط ؟
شوف حبيبي وليد
روح خش جميع الروابط صدقني بتلقى انواع الكتابات والتهزيء ضد التحكيم , يعني ما فيه عاجبه وضع فريقه مع التحكيم لكن تشيلسي اشوفه مظلوم كثيير خصوصاً بالثلاث مواسم الأخيرة , ولكل دوري فيه نادي مُحبب من طويلين العمر وصل المغزى ؟ وتقريباً مثل ماتفضلت ايضاً ... تشيلسي إعلامه ليس بذاك القوة والانتشار
11 - الاصابات المتتالية لتشيلسي تتوقع من الجهاز الطبي التعباان الي عندنا والى من اللاعبين لان معقولة الي يحدث للعيبة لدرجة العام مالعبنا ولامباراة وانا كاملين وحتى الآن ايضاً ؟
نص هيك ونص هيك
الجهاز الطبي مرة تعبان , واذكر تناقشنا في هالامر من ايام مورينهو مو معقولة جو كول تجيه نفس الاصابة من 3 سنوات !! ومافيه اي لاعب سلم من الاصابات يمكن اقلهم فرانكي مع ان عنده اصابات ايضاَ وايضاً النص الآخر احمله على مُنتخبات الأندية , لأنهم يكرفون اللاعبين كرف الحمير "اعزكم الله" يعني من جد ينكرفون كرف الله لا يوريك ... مثلا اذا كانت مباراة ودية وش الداعي العب جميع اللاعبين مباراة كاملة ! فيه نظام اسمه تبديل فريق كامل في الشوط الثاني ,, وايضاً ممكن لكبر سن اللاعبين وبالتالي اصبح تحمل الاصابة ضعيفاً
12- وش المسلسات الي تفضلها في رمضان ؟
مممممم والله ماني حريص على التلفزيون كثيير , لكن ان حصل تابعت "بيني وبينك"
13- الهيئة وش رايك فيهم بكل صراحة تامة ؟
لكل شيء إيجابيات وسلبيات ,, ومافيه احد معصوم من الخطأ الهيئة انا مع بقائهم 100% لكن بشرط إعفاء بعض العاملين فيها ,, يعني يجيك واحد توهـ ملتزم وله نفوذ وعلى ماقال متحمس , ويبي يمشي النظام على كيفه , فهذا اللي مانبيه ,, فيه مُعارضات كثييرة للهيئة ولاتنسى ايضاً ان هُناك حملة إعلامية"علمانية" خبيثة مُحاكة ضد الهيئة , صحيح هناك اخطاء لا اختلف , لكن ليه ماتطلع العالم على إنجازاتهم !؟ اذكر مرة قريت بجريدة والله ناسي وشي ,, لكن اعتقد الجزيرة ,, بالصفحة الأولى مكتوب "رجال الام يقبضون على عمالة متخلفين ومصنع خمور" رحت ابكمل الخبر داخل الجريدة ,,, حصلت صورة لرجال الهيئة ومكتوب بالخبر ان الهيئة هم قبضوا على هؤلاء العمالة وبعد ذلك استعانوا برجال الشرطة لكتابة تقرير وما الى ذلك ! شفت كيف الخدعة ! ومثل ماذكرت ,, هناك اشياء اولى من اشياء مثلاً عندك هاليومين خصوصاً في الرياض ,, رجال الامن لديهم صلاحية بالقبض على اي شخص محلق "كدش" ! وعلى اقرب حلاق ,, انا ودي اعرف ليه ماشفنا الحملة اللي تحاك ضد الهيئة قبل !!؟ ارجع واقول ... مافيه شي كامل والكمال وجه الكريم سبحانه ,, وباختصار ... الهيئة هم من يضعون اهلي واهلك في امان في حال الذهاب للسوق
14- الدوري المحلي تتوقع انه سنة عن سنة يتطور والا زي ماهو التعصب والتخلف هنا زي ماقد شفت واحد نصراوي متعصب صابغ غرفة نومة بالاصفر والازرق ؟
المشكلة انهم يبدون بالسطح ومابعد خلصوا العواميد اللي تحت ! عندك الحين ماظبطت جدولة المباريات يعني بجد .. ما اذكر شفت جولة لعبت فيها جميع الفريق نفس العدد من المباريات !! حتى الجولة الأولى ! لكن كـ تطور اندية فـ شي اكيد متطورة اكيد بعد دخولها عالم الملايين والله يخلي عبدالله بن مساعد بالنسبة للتعصب ... فهو شر لا بد منه ,,! وانا قبل كنت مُتعصب هلال واغضب حال الهزيمة وافرح حال الفوز , حتى الآن اعشق الهلال لكن ليس بتعصب مثل قبل واللي يكرهك حقيقة في كرتنا ,, هالإعلام المنتهي ! من جد , حتى الإعلام الهلالي بعض الكتاب ودك تمنعه من الكتابة ! طارق التايب اول ماوقع مع الشباب اذكر قريت خبر بجريدة الجزيرة "مع انها محسوبة على الهلال" مكتوب بالخط العريض "الاستعراضي يصل للرياض ويوقع للشباب اليوم " !!! وربي اقل ما يُقال عنهم اطفال مثل هالعقليات ,,! توهـ يصير استعراضي !!
15_بما اننا نتكلمنا بالمحلي هل الهلال وصل للدرجة المطلوبة الي تشوف اننا نقدر ننافس على البطولات الاقليمية مو زي العام قبل المباراة تعرف انها منتهية 1-1 قبل ماتبدأ ؟
الهلال هاليومين يحتاج له روح لا اكثر ولا اقل ولا جميع المراكز ماشاء الله عال العال وهالموسم بحيل الله تبي تشوف الدوري وكاس ولي العهد ازررق
وبالنسبة لـ 1-1 .. فاعتقد مافيه الا مباراة وحدة هي انتهت 1-1 اللي هي مباراة الشباب الإياب
16 _ ماتحس اني ثقلت عليييك ؟
هاهـ
لاوالله ابد ... عسل على القلب والله
ايووووووووووووب تراني اعوووزك
وانا اوووووووكثر
ان شاء الله مانكون ثقلنا عليك واذا تذكرت اسئلة ممكن ارجع بعشرة اسئلة مرهـ ثانية
ابد حيّاك لو تبي 20 سؤال ان ما شاله صندوق الرد تشيله عيوني
نوواااف اعذرني بس والله كلام بالخاطر اعذرني نوااف ايوب على الاسئلة الكثييييرهـ
يعبر نادي تشلسي عن سعادته بتمديد عقد أشلي كول لمدة أربعة أعوام إضافية .
أشلي أصبح خامس لاعب في الفريق يجدد عقده مع الفريق هذا الصيف .
والذين جددوا عقودهم هم: فلورنت مالودا ، جون أوبي ميكيل ، ديديه دروجيا و جون تيري
أعلنت قائمة الفريق لمرحلة المجموعات في دوري أبطال أوربا .
يسمح للفرق المشاركة تقديم قائمتين أ و ب ، مع العلم بأن جميع اللاعبين في القائمتين مؤهلين للعب .
التعليمات تقول أن قائمة "أ" تشمل أغلبية الفريق الأول ، بينما قائمة "ب" تشمل اللاعبين الذين لعبوا لفترة زمنية في شباب تشلسي
قائمة أ بيتر تشيك
برانيسلاف ايفانوفيتش
أشلي كول
مايكل إيسيان
ريكاردو كارفالهو
فرانك لامبارد
جو كول
ديديه دروجبا
جون أوبي ميكيل
مايكل بالاك
فلورنت مالودا
خوزيه بوسينقوا
يوري زيركوف
ديكو
سالومون كالو
روس ترنبول
دانيال ستوريدج
جون تيري
أليكس
جوليانو بيليتي
نيكولاس أنيلكا
هنريك هيلاريو
سام هاتشينسون