هو: وش بتطبخين لنا اليوم .. ترين اليوم شريت كل شي من السوق .. ومليت المطبخ من الى

هي : ياعمري انت انا ماعرف اطبخ ولاكذ دخلت المطبخ ( نصب عيني عينك ) ومتعوده ببيت اهلي ان الخدامه هي تسوي كل شيء لكن دق على اي مطعم ويجيبولنا اكل وبعدين انا نفسي الحين بهرفي ( ياقوة الوجه ماتطبخي وتتحكمي بالاكل كمان )

هو :: لا بس انا نفسي آكل من يدينك الحلوه ماتعجبني المطاعم وكنت دائم آكل من يد امي

هي :: طيب عادي جيب امك معنا وخلها تطبخلنا ( اما تطبخلك خدامه عند ابوك )

هو :: حبيبتي لازم نتعاون احنا وبعدين انا تعبت من المغسله كل يوم اغسل ملابسي فيها .. حاولي تغسلي ملابسي على الاقل

هي :: صدقني يدي تصير فيها حساسية من الصابون والا لوكان بيدي اغسلك افا عليك لو ماغسلت ملابسك اغسل لمين بس وش اسوي يدي تجي فيها حكه لاغسلت ملابس مو طبيعيه ............>>> نصابه ماتبي تغسل

هو :: طيب انا بروح اجيب عشا توصي شي

هي :: مر الصيدليه وجبلي ........ و .......... و ......... ومر بعدين على محلات الحلويات وجبلي ........ و ........ و ........... و بعدين ابيك توديني بكره السوق ملابسي قديمه لها شهر ماغيرتها

هو :: والله لوك متزوجه ملياردير ماطلبتي هالطلبات

هي :: اذا مانت قادر على مصاريف الزواج وراك متزوجني ومسوي زحمه قبل الزواج

العريس يغادر المنزل برعاية الله ويتوجه نحو مطعم يشتري كل ماطلبته زوجته ولكنه عندما مر السوبر ماركت وجد صديقه القديم فيصل .. ودعاه لسهره شبابية في احدى الاستراحات ( بلوت - سواليف - ضحك - ولعب كوره )

عاد للمنزل وبعد ماتعشا مع زوجته ...

هو : انا طالع مع اخوياي نبي نسهر سوى ونسولف لي فتره منهم والله

هي : وانا اجلس هنا اسولف مع الجدران

هو : طيب اوديك بيت اهلك اصلا لك يومين مازرتيهم

هي : خلاص وديني بيت اهلي بس ساعة تجلس مع الشباب وترجع

هو : طيب طيب

هو يجلس مع الشباب وقلقان وكل شوي يناظر بساعته شوي يستأذن من الشباب ويقول وراي مشوار ضروري ولولا غلاكم ماجيناكم ويدق سلف السيارة ويمشي لين يوصل عند باب بيت اهل حرمته ويدق عليها جوال

هو : يالله انزلي انا عند الباب

هي : طيب تعال سلم على عمتك وعمك

هو : طيب جاي

بعد السلام واخباركم وعلومكم

هو : يالله مشينا

هي : لا انا بنام عند اهلي ابغا اسولف مع اخواتي واخواني لين الفجر

هو : طيب كان قلتي من اول وجلست انا كمان مع اخوياي

هي : ماكنت ادري ان السواليف بتحلو كذا

هو يغادر بيت اهل زوجته بمثل ماستقبل به من حفاوه وتقدير ويروح البيت وينام وحيدا على فراشه كالأجرب




اليوم الثاني يجيبها وتروح معه تقل مغصوبه ونافخه وجهها يروحون البيت ويجلسون بالصالة ويشغل هو التلفزيون ويعدل على مسلسل كويتي به بنات اش زينهم ماهو بالوجه اللي قدامه تقل مادلين اولبرايت


هي : غير القناه وشغل الإخبارية السعوديه نبي نشوف اخبار العالم .............>> ولاتدري وش اسم رئيس امريكا بس ماتبي رجالها يطالع بالبنيات اللي بالمسلسل

هو : طيب طيب

يعدلون الاخبارية السعودية وتطلع مقدمه وش زينها

هي : اقول حط العربية نسيت الاخباريه اخبارهم قديمه وماينزلون الأخبار اول بأول

هو يعدل على العربية وتطلع مقدمه احلى من اللي على الإخباريه

هي : اقول إعادة مباراة مصر وايطاليا امس ماشفنا المباراة انا كنت اهلي واهلي ماعندهمART

يشغلون هالعارتي ويتابعوها بدون مشاكل بس هي ماتبي المباراة ولا تحب الكوره بس كذا ماتبي عيون زوجها تصير زايغه ( حكيمه )

المشاكل الزوجيه لو بنحصيها يمكن نحصلها ثلاثة وعشرين مليون مشكلة وتختلف كل مشكلة عن الأخرى بنوعها ومسبباتها وطرق حلها ولكن اخترت مشكلة تؤرق الكثير من المتزوجين واذا اتيحت لي الفرصة سأحاول النقاش حول مشكلة كل اسبوع وصيفكم معاي مشاكل زوجيه خخخخخخخخخخخخ

سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين


عاد لاحد يسألني وش هالعنوان لأني وانا اكتبه قاعد احلم ان زوجتي تكون فنانه بالطبخ وياشيخ تقلب مطبخنا لمطعم ولا افخم مطاعم الديره بس مطعم مشفر خخخخخخخخخ وماتخليني احتاج مطاعم دام هي موجوده ووقتها بقول الله يابو عبدالله عرفت تختار والله ......................>>>> احلم ايوه كمان احلم

إقتباس الرسالة الأصلية كتبت بواسطة بريماكس هلا ابوعبدالله خلني ابجاوب على تساؤلك الاخير لاني مستعجل مره قلته انت اسباب غير مقنعه ... من شان كذا ماراح اقبل بعد بعد ماتبي تدخل المطبخ المره شغله البيت اما لو كانت موظفه وتتعب ممكن امشيها بحكم وجود شغاله يالله ابوعبدالله اول رد المفروض تعطيني جائزه اني فتحت باب الردود

هلا وغلا بريماكس

شكرا على المشاركة وتذكرني بسالفة مستعجل بالكواي امس معطيه ثوبي وقايله غسله مستعجل ربع ساعه واجيك وسحبت عليه وماخذته لين هالوقت

منور الموضوع ياغالي والف الف شكر على المشاركة وبما انك افتتحت شريط الردود لك تثبيت موضوع بالجمهور ...............>>> قويه ماتنبلع

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين

ايوه من حقى اذا كنت في بيت اهلي مااطبخ

لانو فيه حديث بس ولله مو فاكره الحديث بس فيما معنها انو يعيشها لازم نفس العيشه الي ماخذها منها

يعني كان عندها خدم في بيت اهلها يخدمونها يجيب لها

ويعطيك العافيه

هلا أخوي القحماني اول شي الله يذكر بالخير حريم اول
كانت الكل بالكل مهتمه بزوجها وعيالها ونظافتهم واكلهم.

سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم
جوابي بحول الله من البداية ماراح آخذ ألا اللي أشوفها متعلمه طبخ
سنع مو تجيني وحده ماتعرف الا للكبسه والاندومي
أما لاتورط بوحده ماتعرف تطبخ أكيد ماراح أتركها وبزن على راسها
لين ماتتعلم وأجيبها كورس لمدة شهر عند الوالده الله يحفظها وأخليها
تتعلم أما كل يوم أكل مطاعم بقوووووه ماينفع ممكن بالأسبوع مرة مرتين
عادي لاكانت سهرانه عند اهلها اعفيها من الطبخ اليوم الثاني.

تقبل مروري أخوي

إقتباس الرسالة الأصلية كتبت بواسطة NONY-991 سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين ايوه من حقى اذا كنت في بيت اهلي مااطبخ لانو فيه حديث بس ولله مو فاكره الحديث بس فيما معنها انو يعيشها لازم نفس العيشه الي ماخذها منها يعني كان عندها خدم في بيت اهلها يخدمونها يجيب لها ويعطيك العافيه

شكرا على المرور ونورت الموضوع

سؤال آخر : طيب اذا هو يتضايق من اكل الخدامات ..................>>> ياعله بالوجع

ويتمنى تكون عنده زوجه هي من ترعاه وتهتم فيه ومن ضمن ذلك أكله .. الخدامه ممكن تكون لعملية التنظيف ممكن لغسل الملابس رعاية الأطفال في بعض الأوقات وحتى الطبخ في حالات ولكن ليس بشكل دائم ..

معليش اختي اذا مانتي بمتزوجه وعشان ماتتسبي بمشاكل نصيحه لوجه الله حاولي تغيري نظرتك .. لابد من ان يتنازل الزوج عن قناعات كثيرة قبل الزواج كان يعتقد ويؤمن بها وكذلك الأمر للزوجه ..

كثير من الزوجات تصتدم بحياة مختلفة تماما مع زوجها عن ماكانت عليه في بيت ابوها .. ربما ارى ان الافصاح عن امور بمثل هذه الجزئيات قبل الارتباط ربما يجعل الزوج على بينه ووقتها لن يختلق مشكلة ..فالامر واضح وبصورته الكامله امامه قبل يتهور ويتزوج


احترامي وتقديري

إقتباس الرسالة الأصلية كتبت بواسطة **الـــــــــواوا** هلا أخوي القحماني اول شي الله يذكر بالخير حريم اول كانت الكل بالكل مهتمه بزوجها وعيالها ونظافتهم واكلهم. سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم جوابي بحول الله من البداية ماراح آخذ ألا اللي أشوفها متعلمه طبخ سنع مو تجيني وحده ماتعرف الا للكبسه والاندومي أما لاتورط بوحده ماتعرف تطبخ أكيد ماراح أتركها وبزن على راسها لين ماتتعلم وأجيبها كورس لمدة شهر عند الوالده الله يحفظها وأخليها تتعلم أما كل يوم أكل مطاعم بقوووووه ماينفع ممكن بالأسبوع مرة مرتين عادي لاكانت سهرانه عند اهلها اعفيها من الطبخ اليوم الثاني. تقبل مروري أخوي

شكرا على المرور

كويس اذا بتروح تسوي اندومي وكبسه وشاي عز الله عز الطلب ولابغا شي ثاني لاتحلم بالحلويات والبسبوسات وانواع واشكال الماكولات هذيك اذا تبغا تشوفها عدل على ام بي سي الساعه 11 الظهر وتشوفها

انا اتكلم عن وحده ماهي برايحه تسوي شي خير شر يارجال لو تقولها هات الريموت وهو جنبها يمكن تقولك تعال خذه مافيك تتحرك ..

وبيني وبينك واحد امش شكالي من هالموضوع عشان كذا كتبت عنه وقلبته هنا سيرة وانفشخت مدري انفتحت

ياهلا والله باابو عبدالله



سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين


انا بصرااااحة من رأيي انها مالها حق ترفض دخولها للمطبخ

لن من حقوق الزوج عليها انها تلبي اللي يبغااااها في غير معصية الخااااالق


بس اللي حاصل بالمجتمع العكس بصراااااحة

تلقى الزوجة ترفض وبقوه عين كمااان

يعني مهما كان هذا زوجك مو واحد من اخوانك

واذا انتي مانتي بقد الزواااج لاتتزوجين وتبلشين الرجال معااااك

وهذاا اللي يؤسفني ويحزني

ومشكـــــــــــور ياابو عبدالله عالموضوع

وان شاء ربي يحقق لك حلمك
هههههههههههههه

إقتباس سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم

اكيد لا و الف لا

اما كل يوم باخذ اكل من المطعم سلامات يبي يقضي الراتب من نص الشهر


اكيد راح اقولها تتعلم

ثانكـس مدري شسمك انت

إقتباس الرسالة الأصلية كتبت بواسطة متلثمة بالشماغ ياهلا والله باابو عبدالله سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين انا بصرااااحة من رأيي انها مالها حق ترفض دخولها للمطبخ لن من حقوق الزوج عليها انها تلبي اللي يبغااااها في غير معصية الخااااالق بس اللي حاصل بالمجتمع العكس بصراااااحة تلقى الزوجة ترفض وبقوه عين كمااان يعني مهما كان هذا زوجك مو واحد من اخوانك واذا انتي مانتي بقد الزواااج لاتتزوجين وتبلشين الرجال معااااك وهذاا اللي يؤسفني ويحزني ومشكـــــــــــور ياابو عبدالله عالموضوع وان شاء ربي يحقق لك حلمك هههههههههههههه

رد يحترم بقوه .. الف شكر لك على المرور والشرطه والدفاع المدني والله يوفقك وتجيبي نسبه عاليه


اتفق معك ان المفروض يكون شي واللي حاصل بالكثير من الاسر شي آخر ولكن يجب ان تعود كثير من السلبيات لنصابها الصحيح خصوصا انها سلبيات طارئه وليست قديمه قدم التاريخ لنسلم بوجودها كطبخ المرأه مثلا هي مشكلة طارئة

وفقك الله لما يحبه ويرضاه

إقتباس الرسالة الأصلية كتبت بواسطة algohmani المشاكل الزوجيه لو بنحصيها يمكن نحصلها ثلاثة وعشرين مليون مشكلة وتختلف كل مشكلة عن الأخرى بنوعها ومسبباتها وطرق حلها ولكن اخترت مشكلة تؤرق الكثير من المتزوجين واذا اتيحت لي الفرصة سأحاول النقاش حول مشكلة كل اسبوع وصيفكم معاي مشاكل زوجيه خخخخخخخخخخخخ سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين عاد لاحد يسألني وش هالعنوان لأني وانا اكتبه قاعد احلم ان زوجتي تكون فنانه بالطبخ وياشيخ تقلب مطبخنا لمطعم ولا افخم مطاعم الديره بس مطعم مشفر خخخخخخخخخ وماتخليني احتاج مطاعم دام هي موجوده ووقتها بقول الله يابو عبدالله عرفت تختار والله ......................>>>> احلم ايوه كمان احلم

والله انك كفو ومنت سهل .. اجل ثلاثه وعشرين مليون مشكله حصلتها
انا حصلت الف مشكله
ههههههههههههههههههههههههههه صيفكم معاي مشاكل اسبوعيه

إقتباس سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم

شوف في الحقيقه والواقع .. قبل الزواج .. من شروطي تكون تعرف تطبخ من غير القهوه والشاهي والرز والمكرونه ..
واما من ناحيه دخولها للمطبخ .. واذا كانت تعرف تطبخ خلاص انحلت المشكله ..
بصراحه .. ممكن اساعدها في غسيل الصحون لاني متعود على هذا الشي فالاستراحه وكل يوم في بر .. ما تزوجتها عشان تخدمني
ومن ناحيه الخدامه لو تطير وتناقز ما جبت خدامه في شقتي .. ومنيب جايب خدامه وحتى لو هي بتتكفل بالخدامه .. من كبر الشقه عشان نجيب شغاله غرفه المجلس دايم مسكره ما تنفتح الا في حالات زياره غرفه النوم مستحيل تدخلها .. المطبخ اموره سهل بعد كل وجبه غسيل جامد شوي .. الملابس .. بس ملابس داخليه والباقي برى . والله امورن سهله بس البنات معقدينها .. يدلعون .. اخ بس وين جدتي ساره الله يرحمها
تحلب ووتطبخ عاد طبخ الاولين غير الحين تقعد ترصع وتصبب وتقرصن ..
مهب الحين قدر ضغط وانس كل شي وتعال بعد نصف ساعه والله دلع ..
اقول ردي اطول من الموضوع هههههههه سلام
ويعطيك العافيه
بس انت وراك زواج موضوعين في ساعه الله يوفقك ووحنا الله يوفقنا

تقبل مروري

إقتباس الرسالة الأصلية كتبت بواسطة هلالي فوق الجبال اكيد لا و الف لا اما كل يوم باخذ اكل من المطعم سلامات يبي يقضي الراتب من نص الشهر اكيد راح اقولها تتعلم ثانكـس مدري شسمك انت

يارجال الراتب يروح من ثالث يوم بعد استلامه بدون هالمطابخ والمطاعم يعني مع المطاعم والله اعلم سنه سنتين وياتطلق مرتك ياتطب من فوق برج المملكة وتنتحر ياتتراكم عليك الديون ومني ومناك يكلبشونك العسكر .. وعلى اقرب زنزانه

لكن تدري اذا مانت متزوج ورحت تاخذ الشوفه الشرعيه بيوم الخطبه قبل تطالع بخشتها أسالها تعرفي تطبخي هههههههههههه اذا قالت نعم قول اشوا وكمل النظره

إقتباس الرسالة الأصلية كتبت بواسطة T U R K I _ 15 والله انك كفو ومنت سهل .. اجل ثلاثه وعشرين مليون مشكله حصلتها انا حصلت الف مشكله ههههههههههههههههههههههههههه صيفكم معاي مشاكل اسبوعيه شوف في الحقيقه والواقع .. قبل الزواج .. من شروطي تكون تعرف تطبخ من غير القهوه والشاهي والرز والمكرونه .. واما من ناحيه دخولها للمطبخ .. واذا كانت تعرف تطبخ خلاص انحلت المشكله .. بصراحه .. ممكن اساعدها في غسيل الصحون لاني متعود على هذا الشي فالاستراحه وكل يوم في بر .. ما تزوجتها عشان تخدمني ومن ناحيه الخدامه لو تطير وتناقز ما جبت خدامه في شقتي .. ومنيب جايب خدامه وحتى لو هي بتتكفل بالخدامه .. من كبر الشقه عشان نجيب شغاله غرفه المجلس دايم مسكره ما تنفتح الا في حالات زياره غرفه النوم مستحيل تدخلها .. المطبخ اموره سهل بعد كل وجبه غسيل جامد شوي .. الملابس .. بس ملابس داخليه والباقي برى . والله امورن سهله بس البنات معقدينها .. يدلعون .. اخ بس وين جدتي ساره الله يرحمها تحلب ووتطبخ عاد طبخ الاولين غير الحين تقعد ترصع وتصبب وتقرصن .. مهب الحين قدر ضغط وانس كل شي وتعال بعد نصف ساعه والله دلع .. اقول ردي اطول من الموضوع هههههههه سلام ويعطيك العافيه بس انت وراك زواج موضوعين في ساعه الله يوفقك ووحنا الله يوفقنا تقبل مروري

هههههههههههههههههههههههههه من ناحية الغسيل للصحون فيه متزوجين زوحته تقله انا بطبخ وانت غسل الصحون خخخخخخخخخخخخ

ياخي يوم اسمع واحد يقولي كذا ودي اسطره ولا اكفخه

بالنسبة للخدامه انا من رأيي اذا تبغا تكره حرمتك بالخدامات اعط الخدامه وجه زائد واقعد اضحك وسولف معها وشوف كيف تطيرها وتقولك ماعاد نبغا خدامات في بيتنا اوعى تسويها وتخرب بقعه


الله يرحم جدتك ساره وجدتي فاطمه .. كانو سنعات مو حريم اليومين ذول حقين نت وماسنجر زي واحد متزوج الظاهر مايتقابل هو وزوجته الا بالماسنجر ولا يمكن تصكه ببلوك ولاعاد يشوف رقعتها


مادري تعرف الميفا ولا ماتعرفه هذا كانو يسون فيه قرصان العجايز ودي لو وحده من بنات اليومين ذول تجرب مره تقعد بشمس الظهريه وتسويلها قرص خخخخخخخخخ

الميفا هذا زي الفرن بوقتنا الحاضر

قبل انام لي 13 ساعه متصله بالموقع فرقت بينها ربع ساعه بالمسجد وربع ساعه بالبوفيه رقم قياسي صراحه خخخخخخخخخخخخ

بس شوفو هالصور والميفا يا تركي اللي اقصده هذا T U R K I _ 15