من إجابات البنات ,, لاحظت إن فيه إجابات متزنة و واعية لكن البعض منهن يحاولن خلق آعذار دينية وفتاوى وآحاديث ومدري ايش
طبعاً أعتقد المسألة مشتركة وتعتمد على طريقة الزوج وترغيبه للزوجه مثل ما ذكر الهاديو
شخصياً ما آقبل زوجتي ترفض دخول المطبخ والقيام بأعمال المنزل !! ليش متزوجها انا ؟ عشان سواد عيونها مثلاً ؟
مثل مالها حقوق عليّ وانا اوفرها لها ,, نفس الشيء لازم توفر حقوقي طبعاً الشباب اللي يتزوجون بنات ما يعرفون يطبخون ,, المشكلة منهم
إذا بتتزوج إسأل عن البنت وعن سنعها قبل لا تتزوجها .
لاهنت على الموضوع آبو عبدالله ,, وربي يرزقك الزوجة الصالحة
أعتذر عن العودة الأخرى
لكن بغيت أوضح مشاركتي الأولى
طبعا المشكلة فيني أني أكتب كلام غير مفهوم
أخوي الفاضل
أنا لما ذكرت مسألة الحكم الشرعي كنت أقصد أن كل طرف راح يطلع مبرر لتقصيرة
وراح يطلع مليون شماعة يعلق عليها الموضوع
طبعا ردي كان مقسوم لقسمين القسم الأول عبارة عن مزحة والقسم الثاني بعد الخط رد جدي
وهدفي من القسم الأول أن أبين أن كل طرف ينظر لحقوقه فقط لكن ما يحاول يقدم واجباته
ما أبي أقلب الموضوع لأمور أخرى لكن لو أشترطت المرأة خادم من حقها
لكن من باب العقل ماله أي داعي ان إمكانيات زوجها المادية قليلة وهي تقول كنت عند أهلي
طيب ياماما من حالف عليك تتزوجين أكيد أنك عرفتي إمكانياته المادية قبل الزواج فليش تطالبينه بشي أكبر من طاقته
لأنه في النهاية هالأمور راح تنعكس سلباً على إستقراراهم وسعادتهم وبتزيد المشاكل ووجع الراس
وكل طرف بيبداء يقول أنا جبت وأنا سويت وبتبداء مشاكل وتنتهي بطلاق عشان شيء تافه
وبنفس الوقت مو معقول أن شخص تزوج وحده ويعرف أنها ما تعرف بشغل البيت ويطالبها تكون متقنه من أول سنه
أكيد مع الوقت راح تتعلم وهو موافق من البداية أنها ما تعرف لشغل البيت
الحكاية وما فيها أن الأمر هذا نسبي ويختلف من شخص لشخص ومن مستوى إجتماعي لمستوى إجتماعي
لكن لو تكلمنا عن الطبقة الأعظم الطبقة الوسطى والمتعارف علية أن المرأة من المفترض تكون ملمة بالطبخ والتنظيف
يعني مثل ما لي حقوق فعلي واجبات
صح أن الشرع أعطاني الحق في طلب خادم لكن أنا بكرم نفسي راح أسوي شغل بيتي
فاطمة لما جاءت للرسول تطلب خادم قال لها والخطاب موجه لها ولزوجها رضي الله عنه" ألا أدلكم على ما هو خير لكما من خادم؟
إذا أويتما إلى فراشكما أو أخذتما مضاجعكما فكبرا أربعاً وثلاثين وسبحا ثلاثاً وثلاثين واحمدا ثلاثاً وثلاثين فهذا خير لكما من خادم"
أو كما قال علية الصلاة والسلام
المعنى أن من واجب المرأة مراعات زوجها وتقديم تنازلات راح يذكرها لها وتكون سبب في إضفاء الحب والألفة بينهم
طبعا غير الطاقة الموجوده في الدعاء
أنا كنت أبي أقول بردي الأول نحاول نكون واقعيين وما نضخم المشاكل الزوجية
الحياة الزوجية ما هي عسل مثل ما في المسلسلات ولا غم ونكد ومثل المسلسلات الأخرى
الحياة لازم بتمر فيها النوعين فلازم يكون عندنا وعي لحل المشكلة والتعامل معها
فأكيد الزوج بالكلمة الطيبة بيكسب زوجته وبتدخل المطبخ برضاها قبل ما يكون أن هذا حق وهذا واجب
تبي الجد .. بالنسبة لي .. والله ماتوقعت اني ابترك ( كودو ) لين تزووجت مااذكر اني جيته من اخر مرة قبل زواجي ...! عاد لو يشوفوني الحين خصوصا اني كنت تاكي عندهم اغلب الوقت اتوقع بيعزموني على حسابهم بعد هالسحبه لكن الشكوى لله بعد كم يوم ابرجع لكودو
الاكيد اني مااعتقد ان فيه بنت واعية وفاهمه راح ترفض انها تدخل المطبخ .. تخيل عاد ؟؟ يعني بتعيش عمرك كلها مطاعم كذا ؟؟<< الله لايقوله ....!
برايفت للبنات ....
< خلوا عنكم بس الرومانسيه وهالخرابيط خذوا العلم .. اقصر الطرق لقلب الرجل بطنه
إقتباس
^ ^ ^ ^
هلا والله وغلا بالطريد << طريدي بالزواج
ااااااااااااااارحب يالله حيييييه... قويـــــت بشّر في احد بالطريق ؟؟؟
خبرتي التي دامت سنة وثلاث طعش يوم وثلاث ساعات تقول : أن كل رجّال يستطيع أن يأخذ مايريده من زوجته بالود والكلام اللين , فبالطيب والتودد تحصل المراد والمبتغى , أما الكلام العنجهي والجبروت اللامنتهي زمانه انتهى , وإن أثمر يوم أضر أيام , أدخل في الجواب صراحة لكي تتم الإفادة : إذا رفضت دخول المطبخ , أذهب وآتي بغداء من المطعم , وأتغداء أنا وإياها وكأن شيئًا لم يحدث , وحين يجن الليل ويخيم الظلام الدامس ويصبح الليل ليلين ويحن القلب وتغرد المشاعر <<< لا تروحون بعيد أقول : حين يجن اللي نخرج نتمشى برا , ونأخذ ( سفليه ) من صدى التحليه , وسفن , ونذهب لأقرب حديقة أو أي مكان هاديء , ونتقهوى ومن ثم أفاتحها بالموضوع واني حريص على الأكل من أناملها وذواقة طباخها وصنيعها , دون أن أفتح محاضرة وأعرض أنه من واجبك ومن فرائض الدين عليك طاعتي و... 0
الخلاصة : تستطيع أن تنال المراد وتحقق المبتغى أيًا كان بالرضاء والتودد , وطيب الخاطر والهدوء بشرط أن تكسب ودها وتبدأ بنفسك فتقوم بما عليكـ ومايطلب منكـ كزوج , كما أن عليك أن لا تتعجل النتاج , ولا تبادر بالإصلاح بل تتحين الوقت المناسب ,,
0000أسأل الله التوفيق وتمامه للمتزوجين , كما أسأله تيسير الزواج للعزاب والعزباءات 0000
هلا والله بالجار الجديد << عندي موضوع مثبت جنب موضوعك .. بالنسبة لي انا ما راح انتظر حتى ترفض انا اللي رح امنعها من دخول المطبخ .. وشو له اتعبها واخليها تغسل وتطبخ .. والله ما كثر بهالبلد الا المغاسل ومطاعم الفخار وطقته ..
لا جد انا الحين ما افكر في الزواج بالطبخ والنفخ والامور التافهة هذي افكر بامور اهم .. يعني مثل التوافق الفكري والاجتماعي ومن هالقبيل .. وبيني وبينك الكلام سهل والكل بيقول والله ما اخليها تفارق المطبخ واذا ماتبي بيت اهلها ينتظرها .. لكن لا تزوج وطاح الفاس بالراس بان الكلام .. اسبوع الا وهو يدور شغالة..
الله يوفقك بحياتك ويرزقك الزوجة اللي تطبخ لك وتغسل لك وتداوم عنك بعد وما تخليك محتاج شئ .. يعطيك ربي الف عافية على الموضوع ,,
قبل انام لي 13 ساعه متصله بالموقع فرقت بينها ربع ساعه بالمسجد وربع ساعه بالبوفيه رقم قياسي صراحه خخخخخخخخخخخخ
بس شوفو هالصور والميفا يا تركي اللي اقصده هذا T U R K I _ 15
اجل ربع ساعه بالبوفيه هههههههههه خمس دقايق تعبي بنزين
اجل هذا فرن جدتك فاطمه ... والله حركات .. ولا مره احترق الاكل من زود الحرص الحين فيه منبه بوسط الفرن تحط الوقت اللي انت تبيه وتقصر عالنار وتزود مثل ما تبي .. ومع ذلك يحترق وبكل برود ترد وتقول نسيته اكلم اختي بالتليفون
سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين
انا اشوف انه الطبخ على الزوجه من باب الطاعة والمودة والتعاون
ومن باب الذوق بعد ..
يعني والله شئ يقهر .. رايح للدوام وجاي تعبان ويشوفها ماسوت شي ونايمه
يعني ما عندها شئ ليه ما تطبخ ! ..
واذا هي ما تعرف تطبخ يا كثر طرق التعليم وبالصور بعد من مواقع ولا كتب
وبكذا بتكسب زوجها أكثر
اما اللي تتحجج بالادله الشرعيه.. مانقول فيها شئ .. بس ترا اذا ما قمتي بواجبه
بيجيب وحده سنعه تخدمه و تبسطه وتسعده وترا هذا من حقه والشرع حلل اربع
تذكري قول الحبيب عليه الصلاة والسلام الإحدى نساء الصحابة (أذات بعل ؟ قالت نعم ، قال : كيف أنت له ؟قالت لا آلوه (أي لا أ قصر في طاعته )إلا ما
عجزت عنه ،قال فانظري أين أنت منه فإنه هو جنتك ونارك)
على العموم مو كل البنات مثل بعض ..شوفوا المنتديات النسائية كل همهم هالزوج
إقتباس
الرسالة الأصلية كتبت بواسطة شـــذى
كانت أمي كل ماتزوجت وحدة من خواتي قالت لها عبارات مختصرة ولكن من ذهب
انتبهي تخلينه ياكل عند الناس أكل أحسن من أكلك أو يشوف بيوتهم أحسن من بيتك ترتيب ونظافة
لا تخلينه يدخلك في مقارنة مع أحد خليك ماليه عينه في كل شيء
ونعم النصيحه والله ابو عبدالله
الله يعطيك العافية
ويرزقك بام عبدالله مثل ما تتمنى
سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين
اذا في بيت اهلي عادي ارفض بس في بيت رجلي لا لأن في بيت اهلي في غيري يطبخ - امي - اختي - الخدامه
بس في بيت رجلي ما فيه الا انا يعني غصب اطبخ علشان كذا هو مهم ثم مهم ثم مهم اذا تبي الصدق زين اني اعرف اسوي قهوه وشاهي الحين بس ان شاء الله بعد سنتين باخذ كتاب و اطبق << وش اسوي والله اكره الطبخ
عادي انظف اغسل بس اطبخ لا ما احبه <<< تفضفض
سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين
لآ مو من حقي ,, لان الزواج بالاساس مسؤولية ,, وأنا اطبخ عند اهلي يعني وقفت على هالمسكين اقوله لا ,, إلا نطبخ له ونطبخ له ونطبخ له ,,
اذا جان واحد يشترط الطبخ فأنا بشترط عليه يفتح لي الغاز ,, لانه اطبخ ان بغيت مفطح بس لازم احد يولع لي النار ,,
بس إذا بيشرط لازم تصير طباخه ,, فمعليش ,, أنت متخلف التوافق قبل كل شئ ,, والطبخ يجي مع الوقت اذا هي ماتعرف ,, ,,
عاد اتخيل بعقد الزواج طباخه ,,
صح من حقك ,, انك تفكر ببطنك وتبي وحده لارجعت للبيت لقيتها مسوية لك ماذ وطاب ,, بس ترفق بشويش ,, مو كل شئ يجي جميع ,, ترى فيه بنات بس كذا تقول ماأعرف عشان تصرف نفسه,,
,,لكني اتوقع الطبخ مو هو اهم شئ ,, !؟ وإذا كنت ماأعرف اطبخ مصيري بتعلم ,, رغم اني مقتنعة ان البنت لازم تتعلم الطبخ من أول ماتدخل المتوسط ,, مو شرط بكل تفاصيله ,, بس مهم مو بس عشان لاتزوجت ,, عشان اهلها وعشان نفسها قبل كل شئ شينه بحقك تقولين ماأعرف ,,!؟ والله ,,
سوي ساندوتشات ,, حلى ,, كيك ,, و و و و و و كثير أشياء تستحق نجربها ,, وربي متعة ترى يالبنات اللي ماتحبن الطبخ ,, كذا تأكلين شئ انتي ممطرسته
) لين تزووجت 
مااذكر اني جيته من اخر مرة قبل زواجي ...!
وبكل برود ترد وتقول نسيته اكلم اختي بالتليفون 
لانه اطبخ ان بغيت مفطح بس لازم احد يولع لي النار ,,
طباخه ,, 
الوضع العادي
