هو: وش بتطبخين لنا اليوم .. ترين اليوم شريت كل شي من السوق .. ومليت المطبخ من الى

هي : ياعمري انت انا ماعرف اطبخ ولاكذ دخلت المطبخ ( نصب عيني عينك ) ومتعوده ببيت اهلي ان الخدامه هي تسوي كل شيء لكن دق على اي مطعم ويجيبولنا اكل وبعدين انا نفسي الحين بهرفي ( ياقوة الوجه ماتطبخي وتتحكمي بالاكل كمان )

هو :: لا بس انا نفسي آكل من يدينك الحلوه ماتعجبني المطاعم وكنت دائم آكل من يد امي

هي :: طيب عادي جيب امك معنا وخلها تطبخلنا ( اما تطبخلك خدامه عند ابوك )

هو :: حبيبتي لازم نتعاون احنا وبعدين انا تعبت من المغسله كل يوم اغسل ملابسي فيها .. حاولي تغسلي ملابسي على الاقل

هي :: صدقني يدي تصير فيها حساسية من الصابون والا لوكان بيدي اغسلك افا عليك لو ماغسلت ملابسك اغسل لمين بس وش اسوي يدي تجي فيها حكه لاغسلت ملابس مو طبيعيه ............>>> نصابه ماتبي تغسل

هو :: طيب انا بروح اجيب عشا توصي شي

هي :: مر الصيدليه وجبلي ........ و .......... و ......... ومر بعدين على محلات الحلويات وجبلي ........ و ........ و ........... و بعدين ابيك توديني بكره السوق ملابسي قديمه لها شهر ماغيرتها

هو :: والله لوك متزوجه ملياردير ماطلبتي هالطلبات

هي :: اذا مانت قادر على مصاريف الزواج وراك متزوجني ومسوي زحمه قبل الزواج

العريس يغادر المنزل برعاية الله ويتوجه نحو مطعم يشتري كل ماطلبته زوجته ولكنه عندما مر السوبر ماركت وجد صديقه القديم فيصل .. ودعاه لسهره شبابية في احدى الاستراحات ( بلوت - سواليف - ضحك - ولعب كوره )

عاد للمنزل وبعد ماتعشا مع زوجته ...

هو : انا طالع مع اخوياي نبي نسهر سوى ونسولف لي فتره منهم والله

هي : وانا اجلس هنا اسولف مع الجدران

هو : طيب اوديك بيت اهلك اصلا لك يومين مازرتيهم

هي : خلاص وديني بيت اهلي بس ساعة تجلس مع الشباب وترجع

هو : طيب طيب

هو يجلس مع الشباب وقلقان وكل شوي يناظر بساعته شوي يستأذن من الشباب ويقول وراي مشوار ضروري ولولا غلاكم ماجيناكم ويدق سلف السيارة ويمشي لين يوصل عند باب بيت اهل حرمته ويدق عليها جوال

هو : يالله انزلي انا عند الباب

هي : طيب تعال سلم على عمتك وعمك

هو : طيب جاي

بعد السلام واخباركم وعلومكم

هو : يالله مشينا

هي : لا انا بنام عند اهلي ابغا اسولف مع اخواتي واخواني لين الفجر

هو : طيب كان قلتي من اول وجلست انا كمان مع اخوياي

هي : ماكنت ادري ان السواليف بتحلو كذا

هو يغادر بيت اهل زوجته بمثل ماستقبل به من حفاوه وتقدير ويروح البيت وينام وحيدا على فراشه كالأجرب




اليوم الثاني يجيبها وتروح معه تقل مغصوبه ونافخه وجهها يروحون البيت ويجلسون بالصالة ويشغل هو التلفزيون ويعدل على مسلسل كويتي به بنات اش زينهم ماهو بالوجه اللي قدامه تقل مادلين اولبرايت


هي : غير القناه وشغل الإخبارية السعوديه نبي نشوف اخبار العالم .............>> ولاتدري وش اسم رئيس امريكا بس ماتبي رجالها يطالع بالبنيات اللي بالمسلسل

هو : طيب طيب

يعدلون الاخبارية السعودية وتطلع مقدمه وش زينها

هي : اقول حط العربية نسيت الاخباريه اخبارهم قديمه وماينزلون الأخبار اول بأول

هو يعدل على العربية وتطلع مقدمه احلى من اللي على الإخباريه

هي : اقول إعادة مباراة مصر وايطاليا امس ماشفنا المباراة انا كنت اهلي واهلي ماعندهمART

يشغلون هالعارتي ويتابعوها بدون مشاكل بس هي ماتبي المباراة ولا تحب الكوره بس كذا ماتبي عيون زوجها تصير زايغه ( حكيمه )