هلا والله بالغالي منور المجلس بحضورك
من يوم اعلن عن اختبار القياس عرفت ان الدعوى فيها انى وهي جمع اموال الطلاب بغير وجه حق
واحد كتب عن اختبار القياس وماهو عليه بحيث ذكر ارقام خياليه وهو ان اكثر من عشرون مليون تم جمعها من المختبرين
وازيدك على الشعر بيت انه تم عمل اختبار قياس للمعلمين كل واحد دفع 200 والي سقط فيه 7400 معلم
بحسب موضوع القحماني قايلك اختبار القياس مافيه خير والدعوى فيها شفط دراهم .

إقتباس الرسالة الأصلية كتبت بواسطة أسيــ الزعيم ــر و على فكرة بعد اللحين أي مجال تبي تدخله لازم تختبر القياس و تعديه .. الخوف بكرة لا بغيت تتزوج يطلبون منك اهل الزوجة انك تعدي القياس

أوخص حقين العالميه يفضفضون مثلنا .. ؟

هلا والله أبو عابد الرجل الجنتل

الحقيقة في تو الذات واللحظة لا أملك سوى أن أربت على كتفك العظيم

وأسأل الله أن يكون بعونك وتتوظف أسرع وقت وتصير مربي خاص قد الدنيا

سي يو

أنا لله و أنا اليه راااجعووون ..


لكن ما لك الا تنتظر الى السنة الجاايه ...يمكن يجيبووون أسئلة من تخصصكم ...



الله يكوون بعونك يا الذيب ... و الله فيه غيرك كثير ...

والله بدينا نخاف من هالحين وش هالاختبار الله يعيننا عليه!
شي يقهر الصراحه خاصه بعد ماشفت ان الاوائل ساقطين بهالاختبار ..!!

يسمعون بالتطور هالوزاره ويبيلهم 20 سنه عشان يعدلون اخطاءهم

اسير كان الله بعونك يارب...

وعسى اجتهادنا بالاختبارات الحين ينفعنا بعدين


~ْ}

هلا وغلا اسير الزعيم ..

والله اوقات كثير استغرب من بعض هالمسؤولين ما عندهم قلب ما عندهم احساس ما يخافون من الله .. !!
ياخي قطع الاعناق ولا قطع الارزاق ..

اسال الله ان ييسر امرك ويفرج همك وغمك ويرزقك من حيث لا تحتسب ..

تقبل مروري السريع ..

إقتباس في هذاك الاختبار جبت 83 .. و في هذا الاختبار جبت 49 .. هنا وين يكون الخلل ؟!

الخلل يالغالي ان اول الاختبار كنت متحمس ومدري ايش وجبت درجه معقوله

والاختبار الثاني بسبب تعامل الوزارة وجابتلك الهم وجبت 49

كيييف النظره الخارقه


والله يالغالي مب انت وبس حتى فيه ناس من اقاربي بنفس مشكلتك

وغير كذا تجيهم وعود من الوزارة خاصه بالنقل يوعدونهم بنقل خلال السنه القادمه

ولما يجي يسال وش صار على النقل,,, يقول والله اسمك مانزل,,, ويسالهم انتم وعدتوني,,, يقول والله وش نسوي اسمك مانزل !!!!!!!!!!!!


طيب انت من البدايه ليه توعد !!!!

واشياء كثيره

وحسبي الله على نظام القياس مادهورني الا هو نزل من نسبتي

والمشكلة اختبرته مرتين وكلها نفس الدرجه 51 رجاءا لحد يضحك

ودي اعرف وش فايدة اختبار القياس ؟


وبعدين ياسير يالغالي شف مصيبة غيرك وراح تهون عليك مصيبتك


والله يوفقك يارب

وتصير مدرس ناجح

وتخرج لنا اجيال واجيال واجيال<<< ماظنيت

الله يوفقك

الله يعينك اخوي اسير الزعيم وييسر أمورك أن شاء الله..


وانا ابي استفسر منك في بعض الأمور يمكن ان عندك خبره فيها بخصوص هذا الموضوع..



1- هل من الممكن اعادة الأختبار اذا كانت الدرجه اقل من 50 يعني تكون مثل الاختبار اللي بكون بعد الثانويه تدفع 100 ريال وتختبر عادي..

2- هل هذا الاختبار لمجالات التعليم فقط او انه يكون في جميع القطاعات والشركات مثلا..




تقبل تحياتي..

إقتباس الرسالة الأصلية كتبت بواسطة أحساس نمله الله يكون بالعون كل سنه ارداء من اللي قبله الله يكون بعونكمـ ان شاءالله واكثر من الاستغفار ان شاء الله ربي يفرجها لكـ ولك مسلم <<وان شاء الله انا بعد انجحـ وافتكـ <<

إقتباس الرسالة الأصلية كتبت بواسطة الفيروسه الزرقاء هلا بـ أسور .. و عليكم السلام ورحمة الله وبركاته . زين إنك نزلت موضوع وفضفضت لنا "كود" فضفضتك تخفف شوي من معاناتك .

إقتباس الرسالة الأصلية كتبت بواسطة وليد القحطاني ياهلا والله عبدالله وصباحك خير .. تعبنا واحنا نتكلم على الوزارة .. بإختصار بسيط مايبغون احد يتوظف او يدخل الجامعة ! طيب ليش ؟ ليش اختبار التحصيل والقياس اللي ماله داعي ؟! اذا الواحد ماعنده واسطة وش يسوي ؟! المهم حسبي الله عليهم . كم اعرف شخص قاعد في البيت وخرب بعد ماكان صالح ! هذا اللي استفدناه من الوزارة .. افضل حل نتجمهر عند الوزارة الله يعين بس الله يعينك عبدالله

انا ماختبرت قياس لاني مختبر كفايات السنه الماضية بس لو انت متابع منتدى الخريجين بموقع الوزارة فأذكر قبل الإختبار والتسجيل جا واحد بالمنتدى من الوزارة وقال ان الاختبار بيكون فيه رسوب وان اللي بيرسب ماراح ترفع اوراقة ..

طبعا هذا بمنتدى الخريجين للموقع الرسمي للوزارة .. تدري وين المشكلة ان الوزارة حرصت على ذكر ال 200 ريال في موقعها اكثر من التذكير بان هناك رسوب ونجاح وهذا ما اتحدى اي مسئول بالوزارة ان يثبت ان هناك بيان رسمي نزل على الموقع يشير الى ذلك .. لهذا كل المتخرجين دخلو الاختبار على ان مافيه رسوب ونجاح ..

طالما لم يذكرو ان الاختبار فيه نجاح ورسوب بالموقع فكان من الأجدر ان لايعتمد عليها في عملية التصفيات المؤهله للتدريس ..

يابو عابد انا جلست مع طلاب معدلاتهم والله فوق الاربع ونص عارف هذولي بالكلية وش كانو يسوون .. ماكانو يسهرون ولايطلعون من البيت للمسجد ومن المسجد للبيت والحين يجيبولهم اختبار لو اللي وضع الاسئلة اختبر فيه مانجح ..

بالنسبة لك وكنصيحه من اخ خبير قدم على موقع الوزارة مع انهم يقولون اللي مانجح لايقدم .. وانا قابلت واحد عند بوابة مبنى ادارة التعليم بجده مادري هو صادق ولا كان سكران ولاهو داري وش يقول ..تعين وهو ماختبر كفايات

بغيت ادخل على مدير التعليم واصفقه لين اعمية يعني الحين انا ياللي اختبرت وعديت جالس وهذا اللي ماختبر تعين .. وبعدين هذيك تعطيك تساؤل كيف تعين

تعال للوظائف المعلنه 2250 وش بتسوي فيها والخريجين ضعف هالعدد عشرين مره وخذ تخصصي لغة عربية جامعي عددنا على حسب احصائية السنة الماضية 5500 قل بنوصل ل6000 خريج هالسنه .. اذا الاحتياج لنا ماراح يتجاوز ال 360 بأي شكل من الأشكال وش بتقول ...

للمعلومية اذا تبي تقدم على الامارات ترا التسجيل مفتوح وانا قدمت وش يجلسني هنا ماغير نت وسادح باطح ومقابل شوتايم واي ارتي حتى المدارس الأهلية اللي انواع واشكال الإهانه يطردونك ولايفكرون فيك وفوقها واسطات واذا ماعندك واسطة لاتحلم ولاتفكر تقدم عليهم ..



للإمانه قرار استبعادكم كان ظالم لان الإعلان عن أن هناك رسوب ونجاح لم يعلن عنه عبر موقع الوزارة الرسمي ولا اي جهه عدا المنتدى الذي لايراه سوى بعض الخريجين لانه القسم الخاص بالخريجين مخفي ولايراه سوى الخريجين فقط ..

بالنسبة لدرجة 49 هذي بلحالها تقهر وانا واعرف واحد نفس وضعك جايب 49 يقول ليتها جات 30 ولا 49 على الأقل اريح عليها لكن 49 ذي تلوع الكبد

الله يعينك ياخوك وعندي فضفضه كثيره بس ماقول الا حسبي الله ونعم الوكيل تعبنا وتعبنا في الجامعة ودراسة ومصاريف وسهر وصداع وكتب نقابلها لين عمينا وصرنا مانشوف الا بنظارات وآخرتها عاطل وسادح جنبي شهادتي اللي يوم اشوف التاريخ فيها 1426 احس ان ودي اقطعها .. طبعا انا خريج 1425 .. وش فائدتها الحين شهادتي

حتى آلية التعيين مارحمتنا .. كل سنه يجون اهل المعدلات ابو اربع ونص ومن فوقنا يتعدونا بنقاطهم ويتعينون واحنا مكانك سر ..

عموما اسمحلي فضفضت في موضوعك لاني حاس بمعاناتك وعارف وش اللي انت فيه وماقول غير دعواتي لك بالتوفيق والله يكتبلك الخير ونراك في المكان الذي تتمناه قريبا ..