:: اســأل والمجلس يجيــب :: - صفحة رقم 4 - نادي الهلال السعودي - شبكة الزعيم

عـز الهلال · #46 11/05/2009, 05:11 PM

عندك موضوع
أسآل و المجلس يجيب

رح حط سؤالك هنآك .. و إن شاء الله الأخوان يجآوبونك

القيصر رهيب · #47 11/05/2009, 05:47 PM

إقتباس

الرسالة الأصلية كتبت بواسطة آرسين


	سؤالي أقرب أحوال مدنية لمدينة الريــــــــــــــــاض ؟ أرجو الإجابه ضروري

عندكـ ثادق قريبة بس بقولك شغله
إذا صار المكان اللي بتروح له بيطلع لك بطاقة أحوال قديمة
فأفضل لك إنك تطع من الرياض أو المدن اللي تعطي بطاقة أحوال جديدهـ

لأنو لو بغيت تطلع جواز لازم يكون معك بطاقة أحوال جديدهـ يعني لازم تروح
للجوازات يعطونك خطاب و بعدين تروح تجدد بطاقتكـ بالمختصر مالك غناة عن الرياض

و بالمناسبة سؤال / هل توفرت البطاقة الجديده في جميع مدن ومحافظات المملكة ولا لسى ..؟

بالنسبة للي دلوني على المطاعم والله فيه ناس رفعوا ظغطي

أنا سألت عن المظغوط يقولون لي فطفوطه

وش هالاشاعة اللي تقول إن فطفوطه زين .. ؟

ولا يجيك الدلخ عزام يقول لي كبسة

يا أخي قلت لك مضغوط مضغوووووووووووووووووط
لا ويمن علي بعد إنه جاوب هو ووجهه

عزام ظف وجهك

بس شكرا للجميع و إن شاء الله قريب نجرب سما ديرتي و الركن الذهبي

حوار عقلاني · #48 11/05/2009, 05:49 PM

يا حبي لهم دفعتنا

سلمك الله يا عزيزي انا صار لي نفس الشي رح لم المدرسة دايركت يطلع لك اصل على طول ما تاخذ منك 10 دقايق

الله يوفقك ودعواتك لنا عزيزي

مآ أعشق غير الهلال · #49 11/05/2009, 05:55 PM

السلآم عليكم ورحمة الله وبركآته
أمـآ بعد أنـآ سحبة ملفي من الجـآمعه عشـآن تقديم الهلال الأحمر وطـآلبين شهـآدة الأصل حصلت الشهـآدة الثـآنوي بس مـآ لقيت أصل حسن السيره والسلوك وأنـآ يوم تخرجت أبوي رآح يأخذ الملف ومدري أذآ كـآن فيهـآ أصل لشهـآدة السيره مع العلم أني من دفعة 1427_1428 هل أرآجع المدرسه ولآ أرآجع وزآرة التربية والتعليم والتقديم يوم السبت أبي حل ضروري فديتكم
بالتوفيق للزعيم

ريكيلمي · #50 11/05/2009, 06:10 PM

أرسين فيه مكتب جديد للأحوال على شارع العليا حول الخطوط السعودية ما فيه زحمة و يطلعون البطاقة الجديدة

علي ترى ذليت العالم على المطعم

ما أعشق غير الهلال عن طريق نفس المدرسة

شبوط · #51 11/05/2009, 06:19 PM

إقتباس

الرسالة الأصلية كتبت بواسطة ريكيلمي


	أرسين فيه مكتب جديد للأحوال على شارع العليا حول الخطوط السعودية ما فيه زحمة و يطلعون البطاقة الجديدة علي ترى ذليت العالم على المطعم ما أعشق غير الهلال عن طريق نفس المدرسة

اول مره ياريكلمي اشوفك تغلط هذه اللي توصف له خلق الله
مهو الاحوال المدنية هذا طال عمرك وكالة وزارة الداخلية للاحوال المدنية
وقد جيتها اكثر من مره ذولا تبع الصادر والوارد والمعاملات حق المواطنين فقط لاغير

ريكيلمي · #52 11/05/2009, 06:21 PM

شبوط وينك الدنيا تتطور و انت جالس ببيتكم

جنب الوكالة فيه فرع جديد للأحوال متأكد منه مليون بالمية

شبوط · #53 11/05/2009, 06:30 PM

إقتباس

الرسالة الأصلية كتبت بواسطة ريكيلمي


	شبوط وينك الدنيا تتطور و انت جالس ببيتكم جنب الوكالة فيه فرع جديد للأحوال متأكد منه مليون بالمية

خابر اللي في الوشم اما غير الوشم لااعلم وبعدين متى اخر مره رحت اللي تقول متاكد انت منه

كَلْ اَلْـ حَ ـيَاةْ · #54 11/05/2009, 06:30 PM

حي آلله كلن بإسمه =)

الوسائط عندي مدري شقصة امه

لاهيب راضيه تعدل وتريحن
ولاهي راضيه وشسمه

قلت يمكن المشكله بالجهاز

غيرنا الجهاز كله برضو للحين المشكله ..!
مع العلم ان النت والجيل الثالث شغال ميه ميه مع اني اعتقد ماله دخل والا !!

دقيت عليهم وقلت لهم فيه مشكله وكذا

وقدمو لي طلب ومدري ايش
تعدلت المشكله اسبوعين

بعده رجعت حليمه لعادتها القديمه ..

مدري احد عنده فكره جديده نسويه غديه تنفع

جربت الفورمات مانفع ,,
شلت الشريحه وطلعته ,, مانفع
المشكله اني لاركبت شريحه ثانيه

عادي اشتغلت مدري ليه بس على هالرقم لا ,,!

تتوقعون المشكله بالشريحه والا وش القصه

ريكيلمي · #55 11/05/2009, 06:39 PM

كل الحياة صارت لي نفس مشكلتك و غيرت الشريحة و ضبط كل شي

لكن قبل كذا روحي للرسائل بعدين الضبط بعدين رسائل وسائط و شوفي نقطة الوصول حددي على الاختيار الصحيح

جلب الوسائط خليه آلي و سريان الرسالة أقصى وقت و حجم الصورة صغير و وضع انشاء الرسائل حطيه موجه

و ان شاء الله تضبط

دمتي بود

Z ! Z OO · #56 11/05/2009, 06:45 PM

للي يسأل عن الأحوال المدنية ..
ففي الخرج يطلعون البطاقة الجديدة بعد 14 يوم
ولاكن تكون الصورة أسود وأبيض

..|

|

ريكيلمي · #57 11/05/2009, 06:49 PM

زيزو الحين صار فيه تحديث للبطاقات الجديدة و حتى لو عندك واسطة تطلع بعد 14 يوم

لأن طباعتها مركزية و ليست في نفس الأحوال

و حولها لأبيض و أسود علشان ما تنمسح الصورة لأنه تطبع بالليزر

كَلْ اَلْـ حَ ـيَاةْ · #58 11/05/2009, 07:04 PM

إقتباس

الرسالة الأصلية كتبت بواسطة ريكيلمي


	كل الحياة صارت لي نفس مشكلتك و غيرت الشريحة و ضبط كل شي لكن قبل كذا روحي للرسائل بعدين الضبط بعدين رسائل وسائط و شوفي نقطة الوصول حددي على الاختيار الصحيح جلب الوسائط خليه آلي و سريان الرسالة أقصى وقت و حجم الصورة صغير و وضع انشاء الرسائل حطيه موجه و ان شاء الله تضبط دمتي بود

ريكميلي ,,

اساسا الاعدادات عندي كذا,,
شكل مالي الا اغير الشريحه

,,
وعاد هنا يجي المثل اللي يقول مت ياحمار لين يجيك الربيع

,,

شكرآ لك استآذي الكريم ,,

sowaid · #59 11/05/2009, 07:07 PM

عسا تحصلها بس
الحق بسررررعه

al7oot-99 · #60 11/05/2009, 07:17 PM

إقتباس

الرسالة الأصلية كتبت بواسطة مآ أعشق غير الهلال


	السلآم عليكم ورحمة الله وبركآته أمـآ بعد أنـآ سحبة ملفي من الجـآمعه عشـآن تقديم الهلال الأحمر وطـآلبين شهـآدة الأصل حصلت الشهـآدة الثـآنوي بس مـآ لقيت أصل حسن السيره والسلوك وأنـآ يوم تخرجت أبوي رآح يأخذ الملف ومدري أذآ كـآن فيهـآ أصل لشهـآدة السيره مع العلم أني من دفعة 1427_1428 هل أرآجع المدرسه ولآ أرآجع وزآرة التربية والتعليم والتقديم يوم السبت أبي حل ضروري فديتكم بالتوفيق للزعيم

وعليكم السلام ورحمة الله وبركاته .
الشهادة المفروض تكون في ملف الجامعه .
اللي اذكره انهم اخذوا اصل شهادة حسن السيره والسلوك , ويوم سحبت الملف كانت موجوده .
مع العلم اني سحبت الملف بعد ما قدمت بـ اربع ايام

اذا ما لقيته في ملف الجامعه , راجع المدرسه يمكن يعطونك بدل فاقد .