إقتباس الرسالة الأصلية كتبت بواسطة ::هلالي على اصول:: هههههههههههههههه سير الحريم تحفه

وشو سيره سرا يعني طابور ولا سير يعني سيرا عالاقدام

لاهنت عالمرور واهم شي استانست وضحكت وان شاء الله دوووووم مهب يوم

خذ دقيقه وخذ هذي معك

إقتباس الرسالة الأصلية كتبت بواسطة GIOVINCO مين اللي درسك تعبير بعدين وش ذا مشوووار عشان اقراا

محد درسني بعدين وش رايك تطقني

والله محد جبرك تقرا ..

تركي ترى شفت موضووووووووووووعك البيض




مايستاهل كل هذا



سلام













تبي تستريح ؟!

لا تفهم " الدنيا غلط "

ولا تفهم " الدنيا صحيح "





قصة غريبه .. ومبكية حقاً .. اضغط هنا

































هههههههههههههه



مشكلتي اني ظريف









السلام عليكم ورحمة الله وبركاته



تحيه طيبه لك يا أبو ناصر



كالعـاده .. مواضيعك ( حوسه )

وكعادتكـ أنت .. تجعل من ( الحوسه ) فناً لا يجيده إلا أنت ..


أن تنتقل بهذا الشكل من موقف لـ موقف .. وان تكون ( الكوميديا ) هي أساس الفكره ..

فأنت حقاً لديك موهبه ..



بالنسبه للقصة الأولى .. فتقززت من وصفهم وأنا لم أراهم ..


لا تسألهم عن ( القدس ) ماحالها اليوم ؟

لكن أسألهم لكي يكون السؤال منطقياً بالنسبة لهم ..: القدس عاصمة أي دولة ؟






//


موقفكـ في المجمع التجاري في صف الحريم ..

لا يحتاج الأمر لآله حاسبه أو جهاز تليفاكس عشان نعرف أنك بجيح وقاصد توقف مع الحريم ..


أما بالنسبه للنظام .. فصدقني ياتركي ..


كل نظام بالدول العربيه .. لم يرى النـور إلا ليُختَرق ..




بس يعجبني موقفكـ ياقووووووووي



//


والله يشفي خويك ويبعد الشر عن الجميع يارب ..


أنا أذكر بإحدى الإستراحات اللي طلعناها مع الفصل ..

كان خويي قاعد يشوي الكباب .. وفيه واحد بثر مررره حوله قاعد يغثه ..

المهم خويي يبي يصرفه .. قاله لو رجال امسك جمره وحطها بفمك ولك مني خمسين ريال


أخينا في الله ماصدق وقال : والله ؟!

قال خويي ..: والله


راح التفت على كل الشباب وقال ناظروا وخلكم شاهدين ..

ومسك الجمره بالملقط .. وهي حاااااره والله العظيم .. وجمع كم هآئل من ( السعابيل ) على لسانه علشان تبرد .. وحطه بفمه ..


إلا ويصارخ ويتفلها .. واحنا في حالة ذهووووووووووول .. عاد والله الجمره ماخذها من المنقل .. وكانت حاره حارهـ ..


المهم أنه قعد اسبوع وهو مطلع لسانه وينفخ ..: أووووث اووووووث





///



والف سلامه على أختكـ ..


واضح أنها فاهمتكـ .. وأنت فاهمها ..

لأنها اعطتهم رقمك أنت .. مب رقم الوالد الله يطول بعمره ..

ذكرتني زمان كان لما يطلبوا رقم ولي الامر .. اعطيهم رقم اخوي الكبير ..

على اساس لو سويت مشكله .. مايدقون على ابوي .. يدقون على اخوي .. واخوي ذيباااان ويستر علي



بس أشوا تاريخي أبيض حتى اللحظه ..



الله يخليها لكم يارب ..





///









برايفت تركي ..: متى رح نتعلم أن البرايفت تعني ( خاص ) .. أنا قايل ( برايفت تركي ) .. أنت تركي ؟

الزبده ياتركي ترا اليوم ماقعدت أرسلك مسجات لسواد عيونك خخخخخخ .. بس لأني كنت رايح مع ابوي مشوار ابن كلب للسفارات .. وقاعد اتسلى معك بالطريق .. فجأه انقطعت رسايلي صح ؟ لأنهم يصادرون الجوال لما تجي تدخل السفاره وتخليه عن البواب وتاخذ بطاقه بداله ..

إقتباس الهنـدي ومـديره المدرسه انا والشباب والبنات فالسوق

ايس هااازا أونـوووووان ؟


ياصديييق .. هوووسه في إنفع بس في هازا موضوع .. لكن مافي انفع هطي أنوان موضوع ..






عالعموم استمتعنا يالغالي .. وأسلوبك فريد عارف ليش ؟

لأن سواليفك كلها مرصوصة رص ورا بعض ومافي بينها فراغات .. وغالبا هذا الشكل في الكتابه يحسس الواحد بالملل .. لكن اسلوبك الحلو والطريف مايحسسنا فيه ابد ..




الله يحفظك يالغالي .. واستمتعت كثير بموضوعكـ ..


وياليت ماتبطي علينا .. ولا ترا بالكوبون براسك خخخخخخ ولا تسألني وشهو الكوبون ..






سلام ياقمر ..

دمت بأجمل حال

إقتباس الرسالة الأصلية كتبت بواسطة حـتـمآإويٍ آللــٍه يعينكٍ قسم بآلله ذ1 آلححيل آلي يكتب كل هذ1.. موضوعٍ شيقٍ صرآحــٍهٍ ..! ولأآ هنت يآلغآلي ..

ههههههههه

اذكر ربك كتبته بيدي لو تروح تنغز على موضوع جديد وتقعد تبربر كان كتبت اكثر مني فضفضه .

ولاانت يالغالي

إقتباس خشمه تسنه رفرف جمس .. ما عمره بالزكمه حس .. ودي اعطي خشمه بوقس .. وشعره تسنه حزمه خس

حزمه هههههههههههههههههههههههههههههههه ما اسمع هالكلمة الا من امي , حقوق الطبع محفوظة

بعدين خلك منشن على المديرة , يمكن ما اعرست , موظفة

واذا خذيتها لا تشوفها بس اسمعها , وكثر من المكالمات في الجوال

شـــــــكـــــرا على هــــــيك مــــوزوع




...................................................................

إقتباس الرسالة الأصلية كتبت بواسطة أحلا هلاليه :هلا وغلا نور المجلس.. تركي غبت كم يوم ماادري كم اسبوع وجاي حاط حيلك بهالموضوع تعبت وانا اقرا اما تحتار بين مكانين وتروح مكان ثالث قويه يااخي انتشروا هالاشكال بشكل فضيع الله يهديهم يارب مايشوف شر صديقك ياقوووي والله موقف تحتاج له المفروض الموظف يقول لهم لو منتبهوا للوحه مو يخليهم على عماهم بس وش تقول ياقلبي عليها عسى ماتعورت كثير اختك ماتشوف شر سلامتها وصارت عيوني كذا من موضوعك الله يعطيك العافيه

المجلس منور بهله

شفتي وشلون غبت ولا احد سال عني <<<<<<<< مسوي رقيق
بسم الله عليك من التعب .. تخيلي انك تقرين جريده فيها اسماء الناجحات

الله يسلمك الحمد لله قوي والدليل ان القطوه تخاف مني اذا قربت منها

الشر ما يجيك...

عيونك صارت كذا والسان طيب وش صار عليه

الله يعافيك وشرفتي الموضوع ..

لاهنتِ ولا عدمناكِِ

تفضلي

إقتباس الرسالة الأصلية كتبت بواسطة محاميه الله يعطيك العافية .. تدري عاد على طاري العينة التافة اللي شفتهم عند الاشارة تذكرت بنات الإينوا صح هم عكس هذولي بس يرفعون الضغط .. الطابور مدري هو عدم تمييز من بعض الرجال والحريم او عمى الله اعلم خاصة عند الصرفات مافيش احترام ابد .. اللحين واحدة واقفة لها ساعة محترمة نفسها على جنب عشان بس يخلص الادمي وتدخل تصرف وتمشي الا وشوي يجي واحد طاير بقى يتكسر عشان بس يدخل قبلها واين التقدير هنا با الله لازام الوحدة تكون قليلة ادب واطامر بين الرجال عشان تاخذ حقها والمحترمة اللي توقف على جنب تحفر الى اليوم الثاني وهي تنتظر ها الرجال المحترمين .. الحمدالله على سلامة اختك والله ما يمزحون ها البراعم .. شكراعلى الموضوع صح احسه كشكول بس تعجبني المواضيع اللي كذا احسها طالعة عفوية مع الحوسة .. با التوفيق

خط حلو.. بعد الاقتباس سئ

الله يعافيك ويخليك ..
الله يهدي شباب وبنات المسلمين .. والله شي يعور القلب بنت تصير رجل والرجل يصير بنت الله لا يبلانا ويعافيهم ..

ومن ناحيه الطابور انا ابي شي واحد بس ودي اعرفه من اللي جاء وصف غلط الرجال قبل ام النساء ... واعتقد انهم النساء لانهم اكثر من الرجال

من ناحيه الصراف للبنات .. المفروض تروح لصراف سياره افضل لها .. واذا كان ايداع هذا شي ثاني .. طبعا مهب معنى كلامي ان المراه ما نحترمه عند الصراف
الله يشهد علي كنت واقف برى الصراف .. وجاء سواق ونزلت بنت وماسكه البطاقه بيدها .. وتنتظر مثل ما انا انتظر يوم خلصوا اللي فالصراف .. تحتريني ادخل عشان اخلص وانا وقفت مكاني لمده دقيقه كل واحد منا ينتظر دخول الثاني وفالاخير رحت ركبت السياره وهي دخلت وبعدها رجعت لمكاني برى الصراف

اسف عالاطاله بس شدني كلامك والموقف مر علي

الله يسلمك ويخليك ..

الشكر لك عالمرور والمشاركه .. لاهنتِ ولاعدمناكِ

إقتباس الرسالة الأصلية كتبت بواسطة اسامة الرحيلي ههههههه ياحليلك يابو ناصر.. موضوعك يبي له لياقه عشان اقراه كله.. والله مشوووووار وبعدين ترى فيه شيء اسمه تنسيق.. ياخي نسق الموضوع قبل تنزله.. صابني حول الله يهديك.. وربي موضوعك كنه ناس على بعضها ايام الحج خخخخخ مره مزحووووم بس عاد تبي الحق.. مواقف كل واحد احلى من الثاني.. ومايزينها الا تعليقاتك عليها.. ياولد عندك خفة دم خياليه.. الظاهر لو يدري عنك فايز المالكي بيعتزل تمثيل.. بس كله كوم.. وسرا الحريم وانت وسطهم كوم.. قاعد اتخيل الموقف.. عاد انت ماشاء الله ربي رزقك بطول جنان.. ماكنك الا معمر القذافي والحريم على يمينك ويسارك.. لان القذافي حاط الحرس حقه كله حريم.. هههههه.. بس لاتعيدها مره ثانيه.. اخاف فيصل بن تركي يدري انك في شبكة الزعيم.. ويسوي لك مكيده ويرسلك الهيئة وعاد نقعد نردد .. تركي وينه .. فـ سرا الحريم خخخخخخ ياحبي لك يابو ناصر.. بس فيك شيء واحد قاهررررررني.. انك ماتحب سامي الجابر.. تذكر يوم كنا في المقهى يوم جيتنا المدينه.. وقعدنا نتجادل عن سامي ويوسف.. انا وانت وحبيبي ابو داحم.. ترى وقتها لانكم ضيوف ماحبيت ازعلكم.. اما الحين وربي لو تقول شيء في سامي لاخليك تكره عمرك من الكلام اللي بتسمعه هههههه.. تحياتي لك ياالغالي وسلم على خوينا ابو داحم<<< شكله الحين طالع البر.. مسوي خالد عبدالرحمن على غفله خخخخخ

هلا ابو سليمان ياخي كلمه ابو سليمان تذكرني بمحمد الدويش <<<<<<<< مالقيت الا هالشخص
لياقه مره وحده ما يحتاج خذ لك ابره مثل اخينا ابو نوران والوسخ كيتا

مشوار اللي يشوفك بتمشي الفين كيلو عالاقدام
الموضوع منسق لازم الونه الموضوع الجاي بجيب الوان ودفتر مربعات صغيره وقلم رصاص وبسطر وازبرقه ولا يهمك
ليش ما تقول مثل زحمه خريص بعد اي مباراه للهلال فالنهائي
الله يسلمك وشهاده اعتز فيها دامها منك ما لقيتا الا فايز المالكي ناصر القصبي
هههههههههه اجل خاقن مع طولي لو تشوفني الحين تنهبل انتفخت شوي بس تفخ حديد مهب كرش
اوما تركي وينه في سرا الحريم هههههههههههههههههه
يا ابو سليمان انا ما قلت اني ما احب سامي والظاهر اني ارسلت لك عالجوال اخاف اكتبه هنا وينكبون علينا ويخربون الموضوع
اوف اكره عمري مره وحده اجل بتقعد تشرشح فيني وتقطع فيني خخخخخخخ
ابو داحم بخير الحمد لله .. لا ما طلع للبر يكرم عن خالد ..
خالد مسوي راعي بران لو يطلع له صارور تلقاه متعلق فالمروحه ..

لاهنت يابو سليمان وشرفت الموضوع

إقتباس الرسالة الأصلية كتبت بواسطة ProudToBeSaudi تركي.. لا يهمونك و الله الموضوع رااااااااااااااااااايق.. أول مرة أشوف موضوع منظم و مرتب مثل كذا.. و تسلسل الكلام يشدك لآخر الموضوع.. لا عدمناك و تسلم يمينك عالموضوع الجميل هذا.. أمسألة إنك تحتار بين مشوارين و تروح لثالث هذي أول مرة تصير.. أما بالنسبة للشباب الله يهديهم و يصلحهم.. و طيش شباب.. و خويك اللي صار له حادث إن شاء الله يكون آخر الشر عنه يا رب.. و تعجبني في سالفة الطابور.. أحس العناد يمشي بعروقك.. الحمد لله على سلامة أختك و خلك ثقيل و أنا خوك..

كانك تدري اني اتحطم بسرعه والله محد همني
احرجتني بردك والله
تصير لي دايم هههههههه وخاصتن اذا كنت فاضي ومروق

العناد .. ما احب العناد .. الحين حاطين لوحات وشهوله .؟ عشان الكل يوقف مكان سرا الثاني

الله يسلمك ابشر بصير ثقيل لاتهتم ومشكور عالصراحه يالغالي ..

لاهنت ولاعدمناك ِ

إقتباس الرسالة الأصلية كتبت بواسطة s3odeboy ههههههههه.. والله اسلوب طرح المواضيع فللله ... استمر يابطل

دووووم هالضحكه مو يوم ..

الله يسلمك وشهاده اعتز فيها

ان شاء الله

لاعدمناك

إقتباس الرسالة الأصلية كتبت بواسطة R D H برايفت تركي ..: متى رح نتعلم أن البرايفت تعني ( خاص ) .. أنا قايل ( برايفت تركي ) .. أنت تركي ؟ الزبده ياتركي ترا اليوم ماقعدت أرسلك مسجات لسواد عيونك خخخخخخ .. بس لأني كنت رايح مع ابوي مشوار ابن كلب للسفارات .. وقاعد اتسلى معك بالطريق .. فجأه انقطعت رسايلي صح ؟ لأنهم يصادرون الجوال لما تجي تدخل السفاره وتخليه عن البواب وتاخذ بطاقه بداله ..

.
.
.

إقتباس الرسالة الأصلية كتبت بواسطة متآبعه بصمت مشكلتنا اللي نتفق عليها كلنا [اللقافه] . . . برايفت لتركي بس وش دخلك يا R D H جالس تظلل قلنا تركي بس تركي واللهِ مبدع أسلوبك جناااااااااااااااان . . .

هههههههههههههههههههههههههههههه


ضحكتيني صراحة

<< تلفت يمين ويسار وتأكد محد شافه



تذكرت سالفه قالها مره مدرس الرياضيات .. يقولك دخل دورة مياه بالمسجد وأنتم بكرامه .. وكان البلاط اللي على الجدار عباره عن مربعات صغيييييييييييره مره .. المهم استاذنا لقى سهم على مربع .. وفجأه لقى سهم ثاني جنبه ولقى الثالث والرابع ..

وقعد يتتبع الأسهم اللي على كل مربع .. ويمشي ويمشي ومتحمس يبي يعرف وش النهايه



المهم الأسهم دارت على الجدار لفتين ونص واخر شي لقى مكتوب على اخر مربع







( مخفة )



صراحة أستاذنا انجر جره الييمه




أيام


شكراً متابعه على الفاصل الكوميدي

وشكراً يا تركي على تحملنا


بس عادي امووون