المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #16  
قديم 28/04/2009, 06:26 AM
زعيــم فعــال
تاريخ التسجيل: 14/05/2008
مشاركات: 412
الله يعطيك العافية ..


تدري عاد على طاري العينة التافة اللي شفتهم عند الاشارة تذكرت بنات الإينوا صح هم عكس هذولي بس يرفعون الضغط ..

الطابور مدري هو عدم تمييز من بعض الرجال والحريم او عمى الله اعلم خاصة عند الصرفات مافيش احترام ابد ..


اللحين واحدة واقفة لها ساعة محترمة نفسها على جنب عشان بس يخلص الادمي وتدخل تصرف وتمشي الا وشوي يجي واحد طاير بقى يتكسر عشان بس يدخل قبلها واين التقدير هنا با الله لازام الوحدة تكون قليلة ادب واطامر بين الرجال عشان تاخذ حقها والمحترمة اللي توقف على جنب تحفر الى اليوم الثاني وهي تنتظر ها الرجال المحترمين ..


الحمدالله على سلامة اختك والله ما يمزحون ها البراعم ..

شكراعلى الموضوع صح احسه كشكول بس تعجبني المواضيع اللي كذا احسها طالعة عفوية مع الحوسة ..

با التوفيق
اضافة رد مع اقتباس
  #17  
قديم 28/04/2009, 06:33 AM
زعيــم نشيــط
تاريخ التسجيل: 17/02/2008
مشاركات: 673
ههههههه ياحليلك يابو ناصر.. موضوعك يبي له لياقه عشان اقراه كله.. والله مشوووووار
وبعدين ترى فيه شيء اسمه تنسيق.. ياخي نسق الموضوع قبل تنزله.. صابني حول الله يهديك..
وربي موضوعك كنه ناس على بعضها ايام الحج خخخخخ مره مزحووووم
بس عاد تبي الحق.. مواقف كل واحد احلى من الثاني.. ومايزينها الا تعليقاتك عليها..
ياولد عندك خفة دم خياليه.. الظاهر لو يدري عنك فايز المالكي بيعتزل تمثيل..
بس كله كوم.. وسرا الحريم وانت وسطهم كوم.. قاعد اتخيل الموقف.. عاد انت ماشاء الله ربي رزقك بطول جنان.. ماكنك الا معمر القذافي والحريم على يمينك ويسارك.. لان القذافي حاط الحرس حقه كله حريم.. هههههه.. بس لاتعيدها مره ثانيه.. اخاف فيصل بن تركي يدري انك في شبكة الزعيم.. ويسوي لك مكيده ويرسلك الهيئة
وعاد نقعد نردد .. تركي وينه .. فـ سرا الحريم خخخخخخ
ياحبي لك يابو ناصر.. بس فيك شيء واحد قاهررررررني.. انك ماتحب سامي الجابر.. تذكر يوم كنا في المقهى يوم جيتنا المدينه.. وقعدنا نتجادل عن سامي ويوسف.. انا وانت وحبيبي ابو داحم.. ترى وقتها لانكم ضيوف ماحبيت ازعلكم.. اما الحين وربي لو تقول شيء في سامي لاخليك تكره عمرك من الكلام اللي بتسمعه هههههه..
تحياتي لك ياالغالي وسلم على خوينا ابو داحم<<< شكله الحين طالع البر.. مسوي خالد عبدالرحمن على غفله خخخخخ
اضافة رد مع اقتباس
  #18  
قديم 28/04/2009, 06:45 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة القيصر رهيب


يشهد الله إني ما قهمت من موضوعكـ إلا سالفة صف الرجال
وسالفة أختكـ سالفة صف الرجال أنا أشهد إنك ذيب تخيل أنا
أسويها ذاك اليوم كنت عند صراف في السوق و كل ما
جيت اصرف سقطت على حرمه وأنا مخفه ما أقول شي
أخاف إذا قلت لهن شي طلع لي واحد علماني يقول حقوق المرأهـ
في النهاية رحت لأمي قلت شوفي الصراف اصرفي منه كله
حريم يساقطون

الحاجة الأخرى / الحمدلله على سلامة الاختكم
وصدق من قال : الأذن تعشق قبل العين أحيانا

مستر. توركي لا عاد تكتب مواضيع حوسة مثل شوارع الدمام
ركز ركز الله يهديكـ وأنت تكتب

مشكله الجيل الجديد لازم كل سطر بلون عشان يفهم ..
رح شف كتاب الرياضيات عام 1402 وحق عام 1428 شف الفرق

ولا يهمك راح انسق الموضوع المره الجايه وكل سطر بلون

لاهنت يالقيصر
اضافة رد مع اقتباس
  #19  
قديم 28/04/2009, 06:48 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة عشقي 20
اححح يا عيوني والله يا عليك اسلوب زفت زفت زفت >>>> يبي يتسطر

يا شيخ رح للصخره خله يعطيك دوره في الأسلوب

عاد موضوع هذا شي بس السافة الأولى مافهمتهى

والحمد لله على سلامت اختك

بسم الله على عيوني وعيونك ..
الصخره هذا انا اللي مدرسه انا استاذه لمده 7 شهور رح أساله وشف وش بيقول لك
السالفه الاولى بختصار فيه شباب يسمعون اغاني واشكالهم وقذره وسمعتهم قران وولا حولك احد ما اهتموا ولا شي .. عالاقل يحترمون القران ويقصرون للاغاني
شكرا عالمرور
اضافة رد مع اقتباس
  #20  
قديم 28/04/2009, 06:49 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة كتالوني_11
ههههههههههههههههههههه والله اني ماقريتها كلها

ومستانس انت وجبهتك رح أقر كودك تروح لسوق وتسوي مثل ما انا سويت
اضافة رد مع اقتباس
  #21  
قديم 28/04/2009, 06:51 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة ارسنال والهلال
والله يا انك تحب البربره كلامك واجد ما يخلص

بس اهنيك على سالفة الكاشير والله انك بطل تعجبني


لي عوده بعد ما اكمل عيوني صارت زرق

بنتظار عودتك وبسم الله على عيونك وعقبال ما تصير حمر
شف لا تقعد تقول بربره وكلامك واجد انا كل ست شهور احط حيلي بموضوع مهب كل يوم حاط لي ثلاث مواضيع واحد فالمجلس والثاني فالجمهور تراي ما اقصد الحصاه ما شاء الله عليه الله لا يضره
اضافة رد مع اقتباس
  #22  
قديم 28/04/2009, 06:53 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة غــ.، الحب.، ــلا
ههههههههههههههه

فطسسسسست ضحك علىآ هالموقف!!
[/center]





يـشهد الله إنـ/ـي فهمت كلش

ترررركي ,إستمر على هالمنوآل
وخل كل ابو دآيم موآضيعك كذآ

دوم هالضحكه يالغالي

يا سلام عليك اهنيك عالرواقه اللي انت فيها الموضوع واضح صح اني ما نسقته بس لو الواحد يركز شوي بيفهم

لاهنت عالمرور ودوك
اضافة رد مع اقتباس
  #23  
قديم 28/04/2009, 08:09 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة باسكن روبنز
وعليكم السلام




بالنسبة للشباب الي شفتهم بالمرسيدس الله يهديهم ،وان شاء الله هالفئة تنقرض

صديقك حمد لله على سلامته والله يشفيه

وحمد لله على سلامة اختك . وي وي وي انت مع اي صوت حرمة تخق

هذه وهي كبيرة ومديرة وشخصيةرسمية، كيف اذا سمعت صوت بنوتة مايعة بتروح فيها

تركي والي يعافيك مرة ثانيه بتكتب موضوعك حط لك عناوين جانبية وعناوين رئيسية


الف شكر على المواقف الحوسة يا بطل

ان شاء الله تنقرض

اللهم امين ويشفي مرضى المسلمين ..

الله يسلمك .. ولازم نخق

البنات المايعات ما احبهن يمكن احبهم شوي ولا اقول احبهم الله يستر عالجميع

ان شاء الله بحط عناويين رئيسيه .. انا اخطيت في حق الموضوع ولازم الترتيب والتنسيق بس العجله شينه

لاهنتِ ولاعدمناكِ عالمرور يالمايعه
واقول ليش ا موضوعي بارد اثرك باسكن روبنز
اضافة رد مع اقتباس
  #24  
قديم 28/04/2009, 08:12 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة الشوكاني
الموضوع طويييييييييييييييييييييل وان شاء الله كم شهر واخلصه

اذا خلصته تعال رد
اضافة رد مع اقتباس
  #25  
قديم 28/04/2009, 10:33 AM
زعيــم فعــال
تاريخ التسجيل: 14/08/2006
المكان: قلبي تولع بالرياض
مشاركات: 462
تركي.. لا يهمونك و الله الموضوع رااااااااااااااااااايق..
أول مرة أشوف موضوع منظم و مرتب مثل كذا..
و تسلسل الكلام يشدك لآخر الموضوع..
لا عدمناك و تسلم يمينك عالموضوع الجميل هذا..


أمسألة إنك تحتار بين مشوارين و تروح لثالث هذي أول مرة تصير..

أما بالنسبة للشباب الله يهديهم و يصلحهم.. و طيش شباب..

و خويك اللي صار له حادث إن شاء الله يكون آخر الشر عنه يا رب..

و تعجبني في سالفة الطابور.. أحس العناد يمشي بعروقك..

الحمد لله على سلامة أختك و خلك ثقيل و أنا خوك..
اضافة رد مع اقتباس
  #26  
قديم 28/04/2009, 11:43 AM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة الـصـخـرة
الله يعين يابوناصر << مايقلد احد

الحين يوم انك تتلقف على الشباب راعين المرسدس .. ياخي اترك الدرعى ترعى

من حقهم يعيشون حياتهم في بحبوحة من العيش

وخويك اللي مسك الجمر ويسأل هو حار ولا بارد.. كان خليته يذوقه ويعلمنا

والسرى اللي بسنتر بوينت... تعجبني وخلك دايم كذا.. الحكومة معك

واخيرا

الينت اللي جرحت عين اختك.. لو اني منك كان طلبت القصاص.. بشرط اني انا اللي افقع عينها

مانيب قايل لك ( انقلع ) لأن تربيتي ( منزليه )

الله المستعان مهب الله يعيين

يعيشون حياتهم بدون حزره للناس اللي واقفه جنبهم وانا وش ذنبي

لا انا انسان كبير باخلاقي منيب طالب قصاص عشان قلم وعين انا اطالب بتعذيب البنت اولا ثم القصاص

انا تربيتي سعوديه اجل منزليه يا ايكيا
اضافة رد مع اقتباس
  #27  
قديم 28/04/2009, 12:00 PM
زعيــم متواصــل
تاريخ التسجيل: 10/09/2005
مشاركات: 57
ههههههههه..

والله اسلوب طرح المواضيع فللله ...

استمر يابطل
اضافة رد مع اقتباس
  #28  
قديم 28/04/2009, 01:39 PM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة fff
هلا وغلا تركي ..
الا عـ طاري الشباب اللي بيحررون القدس ..
قبل يومين كنت باحد التسجيلات المو اسلامية ..
طبعا كانوا رافعين الصوت على اغنية رابح صقر ..
ويدخلون اثنين << بغيت اقول شابين بس واحد مو متاكد من جنسه ..
وخذ رقص وشكشكة داخل المحل ..
واحد منهم مكدش وشاد خصلتين من شعره وحاط عليهم اربع شباصات كل شباصه لون ..
ومعبي وجهه ميك اب لليل .. والله ان الزين بوادي وهو بوادي ..
يوم شفته قلت الحمد لله على نعمة العقل ولا وش يحد البقرة تحط ميك اب ..
والثاني البودي قارد بتاعه .. مع اني اتوقع العكس ..
يوم شفتهم تاكدت ان القدس رح ترجع وبقوة ..

والحمد لله على سلامة اختك ..
يعطيك الف عافية تركي على الموضوع ,,

هلابك والله
اجل مو اسلاميه ههههههههه
بعدين وش مدخلك لمحل مهب اسلامي
معبي وجهه ميك اب هههههههههه بارد ولا حار <<<<<<< على باله موكا
الله يسلمك ..
من ناحيه يحررون القدس قشر بصل لو طلع له صارور الله يكرمك تلقاه فوق راسك من الخوف

بيض الله وجهك هالرد الحلو

لاهنت ويعطيك العافيه


اضافة رد مع اقتباس
  #29  
قديم 28/04/2009, 02:42 PM
زعيــم فعــال
تاريخ التسجيل: 29/01/2007
المكان: الرياض
مشاركات: 384
الله يوسع صدرك بالعافيه

موضوع ظريف جدا والتنسيق باين الحمد الله فهمت كل شي و الوضع تمام

واسلوبك عياري درجه اولى


سالفة السرى قد صار لي موقف مثل كذا بهايبر بنده يوم ماك فوق
جهة الحريم مليااانه وجهت الرجال مافيه ولا حتى بزر جيت انا و بنت خالتي وقفنا في حق الرجال بكل ثقه واحنا عارفين
بس والله نيتنا شريفه يعني مافيه احد والله لو تشوفني امي واقفه بحق الحريم والجهه الثانيه فاضيه كان تعطيني محاظره في الثقه و المطالبه بالحقوق واستغلال الفرص
يوم جو ثلاث مماليح صفو جنبنا جت خالتي طايره ياحبي لها قالت لهم ليش واقفين هنا ماتشوفون البنات فيه !
قال واحد هذا تبع الافراد وهو يناظر بنص عين وفيه الضحكه

بعدها معطتنا خالتي وسحبتنا لاقرب مطعم فاضي



واختك الحمد الله على سلامتها وبعدين خذ العلم من اختك زين مستحيل الي مكلمه المديره دايم الي يكلمون على الاهل المراقبات وغالبن يصيرون المراقبات بنات توهم متعينات


عوافي خيوو .
اضافة رد مع اقتباس
  #30  
قديم 28/04/2009, 03:31 PM
زعيــم مميــز
تاريخ التسجيل: 22/04/2007
مشاركات: 2,804
إقتباس
الرسالة الأصلية كتبت بواسطة الضحى
موضوعك رشيق وفيه حكم تحت ستار الطرفة

لك كل الشكر على هذه الفقرات المتنوعة ...الحمدلله على سلامة أختك ...
ويحفظك ربي والحمدلله على نعمة العقل ..الله يديم الرجاجيل ...ويمحو الرجرجية ...
فقط ملاحظة :الذي أثر على موضوعك هو عدم التنسيق فقط ...

يا هلا وسهلا بــ الضحى
موضوعي رشيق وانا كلي رشيق <<< انطم واسكت
الشكر لك عالرد والمشاركه وهذا شرف لي ..
الله يسلمك ويخليك ..
صدقتي واول ما نزلت الموضوع جتني رسايل عالجوال والخاص والايميل يقولون رح نسقه وزبرقه ولمعه
عالعموم يعطيك العافيه عالمرور ولاهنتِ ولاعدمناكِ

اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube