تحية لك على طرحك الهادف

صدقني وانا اخوك عمري ابدا ما اطلقت هالمسميات والاوصاف على أي شخص مهما كان

واكرهها وأمقتها

واتمنى زوالها في اسرع وقت... ونجتمع جميعا تحت مظلة اهل السنة والجماعة

لكن تعليقي على مقالة الاخ اللي يمدح القصيبي

باعطيك موقف من الواقع واتمنى إنّه يفي بالغرض :

فيه صديق شخصي لي اسمه الدكتور صالح الغبان.. وهو استشاري كبير ورئيس قسم في مستشفى قوى الامن

وهو رجل ملتزم ومتبع للسنة الشريفة

كان في لندن لظروف دراسات عليا او تحضير لشهادات عليا... ومعه اولاده وزوجته

وكان مسجل اولاده في اكاديمية الملك فهد في لندن ... اعتقد اسمها كذا... وهي على العموم مدرسة سعودية والقصيبي هو المشرف العام عليها ايام ماكان السفير السعودي في لندن

وقتها.. كان فيه دوره طبّيه في الرياض تابعة لمستشفى قوى الامن مدتها ثلاث شهور وطلبوا من الدكتور صالح الحضور والالتحاق فيها للاهمية

راح الدكتور للمدرسة السعودية اللي فيها اولاده وطلب منهم السماح لأولاده بإكمال الفصل الدراسي في المملكة ليعودوا معه الى الرياض هم ووالدتهم لمدة ثلاث شهور.. ومن ثم العودة واستكمال باقي العام الدراسي في الاكاديمية في لندن

الكل وافق في الاكاديمية.. لكن باقي اعتماد الدكتور غازي القصيبي على هالاستثناء

راح صاحبنا الدكتور صالح للقصيبي في مكتبه في السفارة وتفاجأ فيه يرفض الاستثناء

ولمّا ناقشه في سبب الرفض..

قال له القصيبي : رح للرياض وخلّص دورتك ثلاث شهور وخل الاطفال هنا مع امهم هي توديهم وتجيبهم للمدرسه

قال له الدكتور صالح : مستحيل طبعا اخلي زوجتي واطفالي لحالهم هنا واروح

قال له القصيبي : ليش ؟؟

قال الدكتور صالح : شرعا مايجوز اترك زوجتي لحالها في الغربة واطفالي... لو في الرياض ماراح اتركهم لحالهم اجل كيف في لندن ؟؟!!!

تدرون وش كان رد القصيبي ؟؟

قال له : الحين انت دكتور ومعك شهادات عليا وقاعد تقول لي شرعا وما شرعا ؟؟؟!!! انا آسف وما اقدر اسمح لأولادك انهم يروحون ويرجعون يكملون دراستهم... وتراك اذا سحبت ملفاتهم ماراح اقبلهم مرة ثانية.... اتركهم مع امهم هنا وهي تدبر امورهم ورح انت شف امورك... الى متى انتم عايشين بهالتخلف وسالفة ( هي حرمة وانا رجال ) ؟؟؟؟؟

هذا اللي صار بالكامل

طبعا الدكتور صالح الغبان سحب ملفات اولاده ورجع بهم هم وزوجته وطنّش تحضير دراساته العليا بسبب سعادة الدكتور وعنجهيته ضد الدين والرأي الشرعي... وماشاءالله تبارك الله من ترك شيئا لوجه الله عوّضه الله تعالى بخير منه


آسف للاطالة... ولولا معزتك يابيرت بلس ما تعمّقت بالرد