II إنهــا المظاهــر فقط يا صديقــي II - صفحة رقم 2 - نادي الهلال السعودي - شبكة الزعيم

حوار عقلاني · #1 17/09/2008, 08:06 AM

هلا والله بالقيصر عسآك لقيت لك روميت بس

بالنسبة لموضوعك أقسم بجلال الله إنها مأثرة فيني مرة يا نآس والله ودي ما أحكم لكن عجزت وأدري إني مرآت أحكم

على عآلم أنا يمكن اسوأ منهم .. الله يستر علي ويستر على المسلمين

وبإذن المولى في الطريق لسد البؤ

&& هلااااااليه && · #2 17/09/2008, 08:33 PM

هلااا وغلااا
لقد انني كنت برد من ذو فترة وجيزة بس
تم ادخالي للسجن لسبب اجهله

ويطلعلي مثل اللي بالتوقيع

نرجع للموضوع
يقولون
الناس مالها الا الظاهر وانا اختك

ويقولون بعد
تحت السواهي دواهي

ماافضل اطلاق الاحكام ع الاشخاص من غير لااجلس معهم واعرفهم
بس ساعات لبس الشخص وتصرفاته تخليك تحكم عليه غصب

وهاشي اغلب الناس تتبعه

صح فيه ناس يسوون اشياء مانتقبلها او مانقتنع فيها
بس فيهم خير يصلون ويصومون
لانهم من جوا مقتنعين باللي يسوونه مع انه لو فكرت فيها ماتجي
مثل لابس طيحني ويصلي

وفيه الركوع والسجود

بس الله يجزاهم خير ازين من غيرهم
بصلاتهم يمكن ربي يهديهم

تبقى هي وجهات نظر تختلف من شخص لشخص

يمال العافيه علي ع هيك موضوع
ومبروك علي الافرااج من السجن
والرجوع للمنتدى

مدري هو بس شوي وترجع الحاله ولا خلاص تم الافراج

فوتك بعااافيه ورده

إقتباس

الرسالة الأصلية كتبت بواسطة متعصب لسمو الهلال


	انا فيه واحد دايم يصلي بالمسجد اللي اصلي فيه ودايم أشوفه بالجنز .... يعني بعض الشباب فيهم خير بس الموضه راكبه راسه ... دمت بود

معليش وقفني هالرد اللي يلبس جنز وش فيه بعد

مدري انت تقصد طيحني او انا فاهمه غلط

جنز جنز اللي اشوفه مافيها شي بتاتا البته

™® عــذب الســـجايا ®™ · #3 16/09/2008, 07:00 AM

انا فيه واحد دايم يصلي بالمسجد اللي اصلي فيه ودايم أشوفه بالجنز ....
يعني بعض الشباب فيهم خير بس الموضه راكبه راسه ... دمت بود

♥ N E V E S ♥ · #4 16/09/2008, 07:06 AM

يالبى قلبك يا علي

والله انكـ جبتهآ بالصميم...!
الناس مو بالمظهر..الناس بالقلوب..
والله هالموضوع بطل..!
.
.
تسلم ايديكـ يالغآلي..

الحربي2004 · #5 16/09/2008, 07:34 AM

اخووووووووي العزيز...

بعطيك مثال يوصل ردي مثال فقط وليس حكم...

المرجله ليست مساله مرتبطها بالدين مطلقا مع ان الدين يحث عليه..

الكفار وقت الجاهليه كانت عندهم مرجله وهذا شي مشهود لهم بالتاريخ..

انت الان دمجت الدين على انه مرجله...

المرجله امر مختلف عن الدين..

اخونا بالله هداه الله الي لبس هالبناطيل الخربيط شخص وانسان متدين ..

لكن ماهو رجل ...

الرجوله شي فطري من الله تنطبق على المسلم وغيره...

..............

وثانيا المعتقد اهم من التعبد...

الشيعه مثال فقط.......

يتعبدون الله لكن يتعبدون على معتقد غلط ...

لو تشوف بكاء الشيعه تضحك على بكاء اهل السنه...

لكن ماتجي تقول الشيعي افضل من السني

لان هذا عباته قليله وهذا معتقده غلط....

...........

تفلسفت لكن شكرا لك يا قيصر

Blue Sun · #6 16/09/2008, 07:55 AM

والله يالغالي الناس مالها الا الظاهر

واذكر لك قصه صارت لي شخصيا انا كنت مره بالرياض مع واحد من اخوياي وكنا بنسافر الدمام وكنت انتظره تحت عند البيت ويوم نزل لي كان لابس تي شيرت وردي ((طبعا الرجال عايش بجده واللبس هذا عادي عندهم )) صراحة انا انصدمت فيه

والمشكله انا بامر اخوياي اللى بالدمام وفيهم حنيسات وقلت له بوجه اذا تبي تخاويني بالخط رح غير التي شيرت ولا والله ما اسافر

طبعا الرجال ماتوقع اني باقول له الشئ هذا رد مستغرب قال ليش وش فيها

قلت له وانا اخوك انا اعرفك عز المعرفه واعرف انك رجال لكن غيري بيشوفك بالتي شيرت هذا رح يفكر تفكير ثاني والناس مالها لا الظاهر وانا ما ارضى احد يتكلم عليك طبعا الرجال يحسبني امزح بس انا قلت له ترى انا اكلمك جد واذا ما غيرتها مافي سفر طبعا هو تفهم الموقف وراح طوالي غير التي شيرت حقه ورجع وسافرنا بسلام

لكن الى الان واتوقع انه ما خذها بخاطره على

لكن يعلم الله اني ما ابي يلحقه كلام

وقصه ثانيه جانا واحد جديد بالدوام اول ما شفته كرهته كنت اكلمه من باب الاستهبال وكنت انتظر منه اي حركة ناويها حرش لكن يوم عرفته صار من اعز اخوياي وطلع بيتهم قريب من بيتنا وصرنا نروح ونجي مع بعض للدوام

احس اني قلت لك قصه حياتي معليش تحمل

شاكر لك موضوك الشيق وتقبل مروري

ورده

عـز الهلال · #7 16/09/2008, 08:34 AM

و عليكم السلام ورحمه الله ..

هـلاآآ علي ..

و اللـه [ شوف ] أتوقع أغلب النآآآآآس مـآآلها الا المظاهر
هـي الي تحكم فيها .. يمكن بعضها [ يصيب ] و البعض العكس

أنآآ أول قبل ما أعرفك زييين .. أقسم بالله
أقوول في نفسي .. ذا مدري وش يحس به

لكــن قسم بالله يوم تعرفت عليك .. صرت من أحسن النآآس والله

يعني المظاهر تصيب و تخيب !!

سلاميشو ...

كاريزمـا · #8 16/09/2008, 09:15 AM

التسرع بالحكم على الأشخاص ..من أكثر الأمور اللي نسقط فيها ..

وما يتبع الحكم من كثرة الكلام وتزايد ذنوب نحن في غنى عنها ..!

كمن يدخل من باب مجلساً يعج بالضيوف ..من جميع الأشكال والأعمار ..

ويخرج من الباب الأخر بجبل من الذنوب

والسبب نظرة سطحيةً لا تعطي 80% من الواقعية ..

علاوي ورده

يعطيك الف عافيه على الطرح .. لاحرِمنا ..

راكان _20_ · #9 16/09/2008, 10:58 AM

هلا و غلا

و الله يعطيك العافيه على الموضوع يا الغالي و كلام صحيح

لكن أنا أتوقع مثل النوعية هذي من الشباب عندها تقليد أعمى ولا يميز ما يفعله ...

بيرت بلس · #10 16/09/2008, 01:10 PM

إقتباس

الرسالة الأصلية كتبت بواسطة القيصر رهيب

[FONT=Arial Black


	أنا بعد ما رأيت كثير من هالمشاهد صرت أحاول قدر الامكان ابتعد عن الحكم على الناس او الكلام فيهم من غير ما أعرفهم عن قرب [/FONT]

احسنت اخي الكريم .
الموضوع جميل ومحفز للاسترسال والاستطراد ولكني سأعلق تعليق بسيط فإسمح لي :

مجتمعنا مجتمع ناقد يرى ان له الحق في التدخل بشئون الاخرين ونقدهم ولا يتقبل ان يكون اي فرد منه مختلفا.
كما اننا نهتم كثيرا بالمظاهر على حساب الجوهر .
لك تحياتي ,,

صقر فيصل · #11 16/09/2008, 03:35 PM

أهلا بالحبيب

لو ان الواحد ما ياخذ بالظاهر
ان الواحد ما يدّعي الكشف عن النوايا

لان الله اعلم بالنيات

لو اخذنا بالمظهر فقط
لقلنا عن كثير ممن يدخل الجنة في النار
وكثير ممن يدخل النار في الجنة

ولو اخذنا بالمظهر
كان قلنا كل من تصور بجنب الدعيع وفي طوله .. يصلح حارس << شطحة
...

جزاك الله على هالموضوع الجميل
ويعطيك العافية
الا وش صار على تقديمك

الله يحفظك

Financial 3ziz · #12 16/09/2008, 04:51 PM

موضوعك رائع..

لكن.. لا يخلو من الملاحظات..

حسيت أن فيه مقارنة بين (المهجولين) و (الخكاريا)..

مع إني أفضل الفئة الأولى.. لكن يبقون كلهم... (اللهم لا تبلانا)..

سأل ذات مرة..

فضيلة الشيخ سلمان العودة..

من شخص ليبي.. قال له..

أن إمام مسجدهم في ليبيا.. هناك شك أنه ساحر لكنه يكذب على الناس و يدعي الصلاح..
وجماعة المسجد لا يعرفون ذلك..
فهل يجوز أن أصلي معه.. لعدم وجود مسجد غير هذا قريب لنا..

قال له الشيخ سلمان: فيما معناه
نحن لم نؤمر بالكشف عن ما في صدور الناس و تتبع اسرارهم..
علينا بالظاهر فقط.. و أجاز له أن يصلي معه..

إذا كما قلت (علينا بالظاهر فقط..)

شكرا لك..

(التميمي)

أوَار · #13 16/09/2008, 05:42 PM

وعليكم السلام ورحمة الله وبركآته
أهلاً بك أخـي العزيز علي

كثيراً ماتجٌد الآن في مجتمعنا .. إهتماهم في المظهر
وقد تصيب وقد تخطأ ..!
لكن الإنسان بالجوهر مهما كان ..

ليس كل من لبس ( طيحني ) غير أخلاقي بل .. قد يكون أفضل وأخيرمن المستتر
أسأل الله لك أخي ان يوفقك لما يحبه ويرضآه .. ويحفظك من الفتن
بارك الله فيك وفي قلمك الرآقي .. لاعدمناااك
شـكراً لكـ ورده

كان هنا · #14 16/09/2008, 06:22 PM

وعليكم السلام ورحمة الله وبركاتـه
مرحبـا علاوي

..
/
أرى أنـك تـطرقت لموضوع هـام ؛ وظـاهرة متفشـية .
للأسـف المجتمع "عامّـةً" يحكـم على الأمور ( من أول نظرة ) و ( بالهوا ) .
فمن وافـق هواه جعله ملك ؛ ومن عاكسـه كان إبليـس .
وكثـيراً ما نظلم من هم أحبةٌ لنا الآن كنا قـد أسئـنا الظن بهم أول الوقت بسبب النظرة القـاصرة .
\
أستـاذي علي .. عـافاك الله

ورده

بلد الوليد · #15 16/09/2008, 08:11 PM

ياخي سبحان الله ياعلي من عرفت نفسي ودي اتكلم بأمور زي كذا ماعرف
تبيني اشطح شطحت تبيني اخرب موضوع خربت
اما تقولي تعال تكلم عن النظرة القاصره والمدري ايش ماعرف والله
لكن الي اعرفه إن عندك مجتمع متسرع
بشكل عام يعتبر جاهل
ولو إنه تغير للأفضل الفتره الأخيره
وصار فيه تفهم من المجتمع للشباب تقريبا
يعني على الأقل مو بالرياض بجده مثلا
حطو لهم مجمعات
وحطو لهم حقت السيارات هذيك مدري وش اسمها
اما حنا ياحقين الرياض ماكلينها
الواحد يطلع بيوم واحد يجمع له خمس مية ريال مخالفات
بس هذي شغلتنا
نطلع نجمع مخالفات ونجي
اما بالنسبه للمقارنه بين مهجول وابو طيحني اقولك حطني عند عشرين طيحني ولا تحطني عند مهجول
تعرف ياخوك الشرف الشرف مهوب لعب

القيصر رهيب ... تصلح ناقد اجتماعي
تو جلست افكر
احط القلب اول بعدين السمايل
او الـسـمايل اول بعــدين القـلب

عافاك باريك ورده