|
II إنهــا المظاهــر فقط يا صديقــي II بسم الله الرحمن الرحيم الحمدلله وكفى والصلاة والسلام على رسوله الذي اصطفى أما بعد : السلام عليكم ورحمة الله وبركاته إن أكثر الامور السيئة لدي هو عندما تتواجد لدي فكرة موضوع لأنه حتما إذا صار فيه فكرهـ مستحيــل ينزل الموضوع لأن الفكرهـ بحاجة لعوامل مساعدهـ المهم مالكم بالطويله أبختصر عليكم في قديم الزمان ونظرا لأن ديارنا مافيها مطار , وبما إننا وصلنا للديرهـ خلوني أعلمكم عنها شوي زيدوا من ثقافتكم محافظة العلا عروس الجبال 10كم سعودي عن مدائن صالح 400 كيلو عن المنطقة الرئيسيه التابعة لها المدينة المنورهـ وحاليا حطوا طريق جديد ما قسته كم كيلو , محافظة فئة أ - يعني هي و جدهـ غير سوى :naughty: - لكن رغم ذلكـ ما فيه اهتمام من عرفت عقلي وانا أسمع بالمطار اللي بيحطونه ولا شفنا شيء وفي الفترهـ الحالية تعاني من انقطاعات الكهرباء المستمرهـ . نرجع لسالفتنا ركبت أوتوبيس النقل الجماعي -سابتكو- متجها إلى المدينة المنورهـ قاصدا غرضًا , بالقرب مني كانت تجلس إمرأهـ وطفلها الصغير المرهـ ذي كانت متحجبه وما تغطي وجهها وما تعوق معها كل شوي تعدل الحجاب , اوكـ مو مشكله الله يستر عليها لكن العجيب لما بدت الحرمه تسولف مع المصريه اللي جمبها , والله العظيم كان كلام المرأهـ المحجبه كله سبحان الله واستغفر الله وماشاء الله يعني بالعربي ذكر الله على لسانها دائما لكن قلت لله في خلقه شؤون . أيضا قبل كم يوم صليت التراويح في أحد المساجد وصلى بجانبي أحد شباب [ الكوول ] ولابس بعد طيحني لكن جزاهـ الله خير صلى التراويح كامله بعد فترهـ كنت مع صاحبي فأتى طاري الكوول تذكرت على طول اللي صلى بجنبي قلت لصاحبي أقسم بالله إن فيه منهم رجال على الاقل الواحد منهم يصلي مع المسلمين مو زي اللي يسبونهم ويهايطون ذولا موب رجاجيل وهم الاذان يأذن وهو رافع الاغاني وهجولة يا صديقي ولا طرى له يصلي لا فرض ولا سنه . ويدعون الرجاله .. ! والله إن أبو طيحني والله إنه أرجل من 20 مهايطي أمثالهم يرفع الاغاني والمسلمين يصلون . لكن على قول أبـو طلال ليت الفقعسي حط طيحني وصلى :razz: صحيح إن الناس مالها إلا الظاهر وهذا الشيء اللي حاز بخاطري كل واحد يحكم على كيفه في قصة المرأهـ الاولى ممكن مذهبها لا يجبرها على الغطاء الكامل لكن ربما هي أكثر تطوعا من امرأهـ تلبس القفازات والجوارب :surprised: وبالنسبة للكول فهم يمتلكون قناعه بأن اللباس لا شي فيه ولكن هم بداخلهم ومع ربهم أفضل من مهجول لابس ثوب وحاضر مباراة ويأذن العشاء وهو جالس يرقص ولا طق خبر للصلاهـ :surprised: أنا بعد ما رأيت كثير من هالمشاهد صرت أحاول قدر الامكان ابتعد عن الحكم على الناس او الكلام فيهم من غير ما أعرفهم عن قرب هذا ما ورد في ذلكـ وصلى الله على نبينا محد وعلى آله وصحبه أجمعين << أحد أساتذتي في الصف الثالث المتوسط كان يختم درسه بهالطريقه الله يذكرهـ بالخير كان إذا قلنا له يا أستاذ حدد لنا قال أنا ما حطيت عليكم شي زيادهـ الدوله اللي حاطته لكم :razz: :smilie47: ختاما ليتني شاعر والله لأهجوهـ بقصيدهـ شكرا لمن قرأ 2*شكرا لمن عطر موضعي بردهـ |
أحسنت يا علي !! :smilie47: لكن جل الناس و أغلبهم يقولون مالنا إلا الظاهر :) و غالبا ما يكون الظاهر هو مرآة للباطن !! و الحالات كما ذكرت حالات موجودة و أشهرها الداعية الرائع بأسلوبه أحمد الشقيري معد و مقدم برنامج خواطر !! |
ايه والله يااخووي مشكله عندنا كثير من الناس مو كثير الا كل الناس الا من رحم ربي تحكم على الواحد من مظهره ياما شفنا ناااس مظاهرهم صالحه وهم الله يستر وناس مظاهرهم غير صالحه وهم افضل من كثيير من النااس اشكرك على موضوعك الجميل |
كلامك سليم مية بالمية وصدق رسول الله صلى الله عليه وسلم حين قال إن الله تبارك وتعالى لا ينظر إلى صوركم ولا إلى أجسامكم ولكن ينظر إلى قلوبكم وإلى أعمالكم. مسلم (2564)، ابن ماجه (4143)، أحمد (2/284) <WBR> |
صبآح النور والسرور أخوي القيصر .. موضوع جميل .. وكثر في هالوقت سوء الظن .. إقتباس:
حركاات يعني تروحون لمدائن صالح :d ولا مسكرينها للصيانه من عهد جدي :dizzy::confused: قصة المرأة المحجبة والولد الكوول .. للأسف المجتمع غالباً يحكم على المظهر وأنا شخص من هالمجتمع ..:surprised: غالباً نتسرع ونحكم ع المظهر وبالأصل مانعرف هالشخصيه إلا من خلال النظر .. هي سوء ظن وقد ما أقدر أحاول أتخلص من هالحكم ع الاشخاص من نظرة بس .. بالرغم أحيان تصدق النظره .. لكن غالباً لما تتداخل مع الشخص وتتبادل معها أحاديث .. تتغير فكرتك عنة تماماً .. لإن الأشخاص ربما معادنها أصيلة بغض النظر عن الشكل الخارجي .. أو حتى طريقة الحديث أو النظرات أو التصرفات كلها أشياء نحكم عليها من نظرة وحده ..وربما نكون مخطئين .. القيصر الرهيب .. ورده معرف نعتز به .. دام هكذا نبض .. البقايا .. |
اخوي موضوعك حلو وجيد ولايختلف عليه اثنين ان المظاهر خداعه بس هل حنا ننفذ ما نقوله ونكرره ... بان المظاهر خداعه الحين اجيك بس اصبر علي حبيبي بعض الناس اذا شاف واحد ملتحي (( له لحيه )) ... مطوع ... وصلح شي غلط قال المطاوعه كلهم كذا ... وكمان اذا احد شاف ولده ولا اخوه دوبه ملتزم قال الله يستر لايكون لاف على عصابة الارهاب.. يعني المظاهر صح خداعه بس الحكم لابد يكون عن معاشرة وبلا تعجل ... وهذا شكري ايلك ... |
موضوع جميل اخوي قيصر ورده استنتجت من موضوعك ... ان الشخص مهما كان مظهره الخارجي فهو من الممكن يكون غير 180 درجه من الداخل الناس للاسف صارت تتكلم واجد ... يعني كل حكيهم شف لبس فلان وشف شكل فلان تناسو انه يمكن يكون عند ربه افضل منه لكن فيه امور بصراحه نشوفها بعيننا عن الكـول تـحمد ربك عليها الكول او الفئه الاخرى نقدر نسميهم حنوساات :razz: انا غاسلن ايدي من شخصيه اغلبهم الي مثل وجيههم :d ونشوفهم كثير سواء بالشواع ولا بالملاعب الكول لامظهر يدل على رجوله والثاني يتصرف بتهور واذاء غيره ويعتبرها مرجله للاسف ..! ع العموم بغض النظر عن انك شفته بصلاه او يقراء قرأن كلهم مسلمين وغصب عليهم اصلا يصلون لكن فيه امور واضحه ونشوفها عنهم وبخصوص المصريه اعتقد يمكن لانك بالسعوديه مستغرب انها لابسه عبايه ومتحجبه :stoned: وماغطت وجهها وتذكر الله كثير :bigeek: لكن لو ترجع لبلدها اعتقد انها محتشمه الان :d لاهنت على الموضوع :) |
هلا رهيب قبل فترة كنت أفكر في هذا الموضوع في رابع أو خامس رمضان في صلاة التراويح صلى بجنبي واحد أظنه مصري كان كل ما خلصنا ركعتين وكبر الإمام للركعتين إللي بعدها يجلس لين يقرب الإمام من الركوع وعلى هالحال طول التراويح عاد أنا أشوفه وانقهرت أقول ذا شكله ضعيف إيمان :d أستغفر الله لكن يوم جا الدعاء قام يبكي إلى نهاية الصلاة حتى بعد ما انتهت الصلاة بشوي وهو يبكي وأنا طول الصلاة ما دمعت عيني بعد ما طلعت من المسجد وطول الطريق إلى البيت وأنا أفكر في هذا الموقف وقلت ذا إللي عبت عليه فعله طلع أحسن مني فعلاً لازم الواحد ما يحكم على الناس بمظاهرهم يمكن يكونون أحسن منه وهو ما يدري والحكم يكون بعد معرفة الشخص شكراً على الموضوع ورده |
لا يا شيخ؟ :D وش دخل الرجولة بصلاة التراويح؟ :D أجل اللي لابس طيحني ومطلع نص اللي منب قايل أرجل من المهايطية اللي ساترينها؟ :D صلاة التراويح الحمد لله الكثير يصليها ويحافظ عليها ملتزم أو سربوت ..! على كلامك يا علي , لو يجي خكري ويصلي صلاة الفجر بالمسجد بيصير أرجل من باقي النايمين؟؟!! يا أخي انت فاهم الرجولة غلط :D هالنقطة الوحيدة اللي أخالفك فيها .. أما بقية الموضوع فأقول لكـ صح لسانك s45s تقبل تحياتي يا العبقري s45s |
انا فيه واحد دايم يصلي بالمسجد اللي اصلي فيه ودايم أشوفه بالجنز .... يعني بعض الشباب فيهم خير بس الموضه راكبه راسه ... دمت بود |
يالبى قلبك يا علي:smilie47: والله انكـ جبتهآ بالصميم...! الناس مو بالمظهر..الناس بالقلوب.. والله هالموضوع بطل..! . . تسلم ايديكـ يالغآلي.. |
إقتباس:
خلني أقول لك بالعربي أنا ما قلت إن الكول يصير رجال على كل الناس قلت إنه يصير رجال على الحنيسات اللي يسبونه وهم في وقت الصلاهـ الفرض رافعين الاغاني جمب المسجد ولا حتى يقصرون الصوت أنا حددت وقارنت بين فئتين متواجده بين الشباب المعذرهـ على تقديم رد المشاغب ولي عودهـ مع جميع الردود |
إقتباس:
بس المفروض ما تقول ( أرجل ) .. لو قلت ( أفضل أو أخير ) بتصير الجملة صحيحة ..! أما أرجل؟ .. لا تعودها بس ولا يكثر :d:smilie47::smilie47: المعذرهـ على تقديم الرد على رد علي :smilie47: سأروح أنام :clap: |
اخووووووووي العزيز... بعطيك مثال يوصل ردي مثال فقط وليس حكم... المرجله ليست مساله مرتبطها بالدين مطلقا مع ان الدين يحث عليه.. الكفار وقت الجاهليه كانت عندهم مرجله وهذا شي مشهود لهم بالتاريخ.. انت الان دمجت الدين على انه مرجله... المرجله امر مختلف عن الدين.. اخونا بالله هداه الله الي لبس هالبناطيل الخربيط شخص وانسان متدين .. لكن ماهو رجل ... الرجوله شي فطري من الله تنطبق على المسلم وغيره... .............. وثانيا المعتقد اهم من التعبد... الشيعه مثال فقط....... يتعبدون الله لكن يتعبدون على معتقد غلط ... لو تشوف بكاء الشيعه تضحك على بكاء اهل السنه... لكن ماتجي تقول الشيعي افضل من السني لان هذا عباته قليله وهذا معتقده غلط.... ........... تفلسفت لكن شكرا لك يا قيصر:smilie47: |
السلام عليكم ورحمته وبركاته / آهلآ وسهلآ ياعلي عودًا حميداً :smilie47: تعليقي على الموضوع .. ان اكثر الرجال عندنا اذا شافوك على طول دغري يظنون فيك سوء :upset: اقسم بالله , مرة انا كنت فالديرة وكنا جامعين فالصلاة .. وطالع اشتري غرض من المحلات [ رايح مشي ] ويوقفني شايب قال لي ماتسمع الصلاة ..:surprised: ! قلت يبن الحلال توني مصليها , انا توني جاي من سفر ..! , فأنا اقول الدين يحث على عدم تقليد الغرب ..:d:smilie47::naughty: طيحني ذي مهب رجوولة !! يمكن لو تقول جنز يمكن مقبولة .. ولافيها شي مع اني ماأأيد لبسة بكثرة ...! الغرب اذا جوك هنا يلبسون الشماغ والثوب !!:naughty: , الف شكر ياعلي انا معك لكن فكرة الطيحني ذي والصلاة ..! هاذي ذكرتني مرة بالكويت هههههههههههههه خخخخخخخخخخ وحدة متحجبة ولابسة 7 7 7 7 7 7 7 7 7 برمود :d علي الحرام ..! ][ دمتـــم بـــود ][ |
| الوقت المعتمد في المنتدى بتوقيت جرينتش +3.
الوقت الان » 08:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd