الـحـرمـــــــــــــــــــــان - صفحة رقم 4 - نادي الهلال السعودي - شبكة الزعيم

~بنت الزعيم~ · #1 19/07/2008, 10:01 PM

.

بدايه موفقه و حوار جميل بين عبدالرحمن و حنين
تجعلنا ننتظر الـ يتبع بشغف .. ,

إقتباس


	( لأني أكره ثلاث أماكن ) ( المستشفيات وقصور الأفراح والأسواق )

الظاهر بتصير مثل اخوي بيصك الثلاثين وما اعرس والسبب هالشغلات الثلاث

ابو ريمان متابعين و منتظرين ورده

عريب عبدالله · #2 19/07/2008, 07:07 PM

إقتباس

الرسالة الأصلية كتبت بواسطة مواصل من عام 1413هـ


	ياكثر اللي يدربون روسهن ما يعرفون يصلحون إلا ( كيكه ) لا ومتعلمينها بالغصب بالمدرسه وأنت يالزوج إبلش لحد ما تتعلم الأخت وأنت راجع من الدوام ( لاحظ مطاعم الرز ) الساعه 2:15 تكتشف إن فيه أزواج متورطين بحريمهم هذي كلمه الوالده لي دايما تقول نشوفك وش بتسوي إذا أعرست ( لأني أكره ثلاث أماكن ) ( المستشفيات وقصور الأفراح والأسواق ) ما أدري ليه عندي إحساس إني بتغير جد وبصير خروف وكل شئ تقوله المدام أقولها ( تامرين أمر ) _________________________ أبوريمان بإنتظار الجزء الثاني

وأنا أقراء لفت نظري ردك

أولاً الكيك مو أي أحد يضبطة لأنه ممكن لو ما ضبطت حرارة الفرن يخرب

بس الكيك مو الموضوع

اللي خلاني أتعجب أنك تسمي الشخص اللي يخدم أهله خروف
يعني يالذيب تبي تخلي أهلك يطلعون مع سواق أجنبي لحالهم

"رفقاً بالقوارير"

الإنسان القوي هو الشخص اللي يتعامل مع أهله بإحترام وهذا اللي يفرض شخصيته

أنا عمري كله ما أذكر أن أبوي مد يده أو رفع صوته على أي أحد منا
وكل شي نطلبه يجيبه لنا وكلنا نحترمة وحاطينه فوق روسنا
إحترامنا له مافرضته السلطة ولكن الحب اللي يعطيناه أجبرنا نحبة أكثر

أنا أشوف الرجال اللي يخدم أهله رجل بمعنى الكلمة وليس خروف كما تفضلت
لأن الرسول عليه الصلاة والسلام كان كذلك

هذي وجهة نظر أتمنى تتقبلها

على فكرة روحة السوق والزواج والمستشفى تهون عند الكوافير

أخوي مسكين يرتفع ضغطه إذا ودانا

بالحب والإشراق

المحبره · #3 19/07/2008, 02:26 AM

إقتباس

الرسالة الأصلية كتبت بواسطة abu_riman


	عبدالرحمن : " هدية زواجي لكم اشتراك في مطعم مثلوثة لمدة سنة و انزلي و لا تتأخرين"

عادي انا أعرف بنات كثير مايعرفون الا اسهل الاطباق !!

وحده اعرفها تقول :: زوجي مأجور !!

قلت لها :: ليش ؟؟

قالت :: ياكل وهو مغمض

<<< طبعاً من شين طعم الأكل

إقتباس

الرسالة الأصلية كتبت بواسطة abu_riman


	حنين : " نشوفك أنت و تعيسة الحظ اللي بتاخذها ! تقدر تقول لها ما أحب السوق و أوديك اللي تبين إلا السوق ؟؟ و إلا بتصير زوج مطيع ؟؟ "

اكيـــد بيتغير

!! بس اغلب اخواني تغيروا بداية الزواج وبعدين نشبوا حريمهم بأهلهم

ابو ريمان ,, بداية موفقه .. وانتظر تقدم الاحداث !!

بانتظارك

أسيرة الزعيم · #4 19/07/2008, 04:23 AM

بداية حوراية جميلة .. أدخلتنا في جو عائلي واقعي .

لفت انتباهي عبارة ( أريدها بشخصية مستقلة متبوعة لا تابعة ! )
رغم انها ترجع للشخص نفسه ، إلا أنه وعلى عكس زمان فات .. أصبحت الفتاة ذات الشخصية المستقلة التي تملك قراراً ورأياً يمثلها تُفضّل على الفتاة التابعة التي تستقبل وجهات نظره و تصدرها من غير تفكير .

قبل أيام كانت إحدى معارفنا تبحث لأخيها عن زوجة .. وقالت إنه يقول " ابي وحدة أسلمها مفتاح البيت وانا مرتاح ! ابيها تتصرف من نفسها ما ترجع لي بكل شيء " ..
الحياة تغيرت .. وتغير معها حتى وضع الأسرة !

بو ريمان .. ما نراه هو طريق تجيده وتتفوق فيه .. في انتظار القادم

وإن كان عنوان الرواية جعلنا نفكر و منذ الجزء الأول ، كيف للحرمان أن يُغمد فيهما خنجره أو في أحديهما ؟!

الهنوف .. " في مذكرات انسان توليتِ مسؤولية المطالبة بتعجيل الأجزاء وإطالتها .. واصلي مسيرتك

"

الهنوووف · #5 19/07/2008, 04:43 AM

بدايه جميله بس ماكانها قصيره

::::::::::>>اسيره هذاني المح له

عبدالرحمن غير فكرتنا عن الاخوان

وافق بسرعه على التوديه بدون حن وزن

الشباب نوعان
بعضهم يبي انسانه تبعيه ومالها راي تقول ايه تقول ايه تقول لا لا

يعني تمشيها على كيفك وايضا تكون صغيره بالعمر
والفئه الثانيه
الاحظ يبحثون عن الفتاه الجامعيه وعمر معين

واهنيهم على هالتفكير

الشاب السعودي

قبل الزواج شي وبعده شي اخر
يعني سبحان الله تلاقي بعض القناعات تتغير

سبحان الله تلاقيه عصبي وماطول من لسانه ولاتزوج

ندور هاللسان مانلاقي

بانتظاركـ بس لااتتاخر والا خلني اسرقها من الحين
انت عارفني مافيني صبر

تحيه لكـ

الهنووف

كانت

هنا

ورحلت

abu_riman · #6 19/07/2008, 11:49 AM

[COLOR="Blue"]

إقتباس

الرسالة الأصلية كتبت بواسطة أسيرة الزعيم


	وإن كان عنوان الرواية جعلنا نفكر و منذ الجزء الأول ، كيف للحرمان أن يُغمد فيهما خنجره أو في أحديهما ؟! ]

سؤال منطقي !

جعلني أعود لصفحات ( الوورد ) لأبحث عن الإجابة !!

إقتباس

الرسالة الأصلية كتبت بواسطة أسيرة الزعيم


	الهنوف .. " في مذكرات انسان توليتِ مسؤولية المطالبة بتعجيل الأجزاء وإطالتها .. واصلي مسيرتك "

يا حبك للشر يا دكتورة

الهنوف أنت عاقلة ، مو كلمة توديك و كلمة تجيبك

شكراً لكم جميعاً ، أقدر لكم هذه المتابعة و هذا التواصل ، و أتمنى فعلاً أن أقدم ما يحوز رضاكم و يلامس طموحكم .
إرضاؤكم صعب و ذوقكم رفيع و علينا أن نبذل الجهد و بالله التوفيق .

متآبعه بصمت · #7 19/07/2008, 04:46 PM

إقتباس

الرسالة الأصلية كتبت بواسطة abu_riman


	عبدالرحمن : " أخاف ما وهقه إلا هالنظرة ! بعدين إلا صدق تعالي !! وش ناوية تطبخين له ؟! "

عز الله اللي بيبطي عظم ماطبخت له

إقتباس


	عبدالرحمن : " هدية زواجي لكم اشتراك في مطعم مثلوثة لمدة سنة و انزلي و لا تتأخرين"

عندكم أخو مثله ؟

بس الله لا يهينه أبي إشتراك ماك طويل الأمد

إقتباس


	تنهيدة تتبعها جملة " الله يكتب ما فيه الخير "

ايه والله

ماندري وين الخير فيه

ماغير ندرعم بروسنا

...............

أبو ريمان

يا أطلق وأسنع كاتب

إعذرني على الغياب البااااايخ

وربي مو بيدي

بس الحمدلله إني لحقت على الجزء الأول

الله يعطيك العافيه ورده

~~< تستنى الجزء الثاني

abu_riman · #8 19/07/2008, 12:58 AM

أهلاً بك مهند بعد غيبة ، أتمنى أن تجد هنا ما يروق لك .

abo_nasser · #9 19/07/2008, 01:35 AM

هلا وغلا ابوريمان..

إقتباس


	و أروح المشغل أصلح شعري "

كل شيء يهون الا لطعة المشغل..

مع ان ما عمري وديتهم السوق ابد..

بس تطورت وصرت اودي للسوبرماركت..

إقتباس


	حنين : " نشوفك أنت و تعيسة الحظ اللي بتاخذها ! تقدر تقول لها ما أحب السوق و أوديك اللي تبين إلا السوق ؟؟ و إلا بتصير زوج مطيع ؟؟ "

خخخخخخخخخخخخخخخخخخخخخخخـ تذكرت هياط اخوي قبل الزواج..

ابوريمان..

بانتظارك..

سلاااااااااااااااااااااااااااااام

الســفيرة · #10 19/07/2008, 01:52 AM

تعجبني علاقة الاخ باخته لما تكون بهالطريقة مابينهم مجاملات ولاشي

ابو ريمان كلي شوق لما يخبيه عبدالرحمن

بانتظار الجزء الثاني ورده

الكلاسيكي · #11 19/07/2008, 07:03 AM

وعليكم السلام ورحمة الله وبركاته ..

اهلاً وسهلاً فيك ابو ريمان ..

صبرت عن الرد وايدي تحكني , ودي ارد بس انتظر الجزء الاول ..
وفعلاً استمتعت بقراءة الجزء الاول ..

نفسي اقول لعبدالرحمن .. وين تشتغل ؟

بالمذكره ,, اتهمنا مستر قول انه تركي , ياهل ترى من سيكون هالمره ؟
يا ابو عبدالله , يا العنا

كل ما اقوله .. اسال الله ان لا يحرمنا من حضورك ..
وننتظر باقي رواية الحرمان المشوقه ..

وتقبل فائق احترامي ياغالي ..
دمت بخير ..