16/09/2008, 06:16 AM
|
زعيــم مميــز | | تاريخ التسجيل: 21/04/2005 المكان: حتى ظلي له مهآبه
مشاركات: 9,440
| |
II إنهــا المظاهــر فقط يا صديقــي II بسم الله الرحمن الرحيم الحمدلله وكفى والصلاة والسلام على رسوله الذي اصطفى أما بعد : السلام عليكم ورحمة الله وبركاته إن أكثر الامور السيئة لدي هو عندما تتواجد لدي فكرة موضوع لأنه حتما إذا صار فيه فكرهـ مستحيــل ينزل الموضوع لأن الفكرهـ بحاجة لعوامل مساعدهـ المهم مالكم بالطويله أبختصر عليكم في قديم الزمان ونظرا لأن ديارنا مافيها مطار , وبما إننا وصلنا للديرهـ خلوني أعلمكم عنها شوي زيدوا من ثقافتكم محافظة العلا عروس الجبال 10كم سعودي عن مدائن صالح 400 كيلو عن المنطقة الرئيسيه التابعة لها المدينة المنورهـ وحاليا حطوا طريق جديد ما قسته كم كيلو , محافظة فئة أ - يعني هي و جدهـ غير سوى - لكن رغم ذلكـ ما فيه اهتمام من عرفت عقلي وانا أسمع بالمطار اللي بيحطونه ولا شفنا شيء وفي الفترهـ الحالية تعاني من انقطاعات الكهرباء المستمرهـ . نرجع لسالفتنا ركبت أوتوبيس النقل الجماعي -سابتكو- متجها إلى المدينة المنورهـ قاصدا غرضًا , بالقرب مني كانت تجلس إمرأهـ وطفلها الصغير المرهـ ذي كانت متحجبه وما تغطي وجهها وما تعوق معها كل شوي تعدل الحجاب , اوكـ مو مشكله الله يستر عليها لكن العجيب لما بدت الحرمه تسولف مع المصريه اللي جمبها , والله العظيم كان كلام المرأهـ المحجبه كله سبحان الله واستغفر الله وماشاء الله يعني بالعربي ذكر الله على لسانها دائما لكن قلت لله في خلقه شؤون . أيضا قبل كم يوم صليت التراويح في أحد المساجد وصلى بجانبي أحد شباب [ الكوول ] ولابس بعد طيحني لكن جزاهـ الله خير صلى التراويح كامله بعد فترهـ كنت مع صاحبي فأتى طاري الكوول تذكرت على طول اللي صلى بجنبي قلت لصاحبي أقسم بالله إن فيه منهم رجال على الاقل الواحد منهم يصلي مع المسلمين مو زي اللي يسبونهم ويهايطون ذولا موب رجاجيل وهم الاذان يأذن وهو رافع الاغاني وهجولة يا صديقي ولا طرى له يصلي لا فرض ولا سنه . ويدعون الرجاله .. ! والله إن أبو طيحني والله إنه أرجل من 20 مهايطي أمثالهم يرفع الاغاني والمسلمين يصلون . لكن على قول أبـو طلال ليت الفقعسي حط طيحني وصلى صحيح إن الناس مالها إلا الظاهر وهذا الشيء اللي حاز بخاطري كل واحد يحكم على كيفه في قصة المرأهـ الاولى ممكن مذهبها لا يجبرها على الغطاء الكامل لكن ربما هي أكثر تطوعا من امرأهـ تلبس القفازات والجوارب وبالنسبة للكول فهم يمتلكون قناعه بأن اللباس لا شي فيه ولكن هم بداخلهم ومع ربهم أفضل من مهجول لابس ثوب وحاضر مباراة ويأذن العشاء وهو جالس يرقص ولا طق خبر للصلاهـ أنا بعد ما رأيت كثير من هالمشاهد صرت أحاول قدر الامكان ابتعد عن الحكم على الناس او الكلام فيهم من غير ما أعرفهم عن قرب هذا ما ورد في ذلكـ وصلى الله على نبينا محد وعلى آله وصحبه أجمعين << أحد أساتذتي في الصف الثالث المتوسط كان يختم درسه بهالطريقه الله يذكرهـ بالخير كان إذا قلنا له يا أستاذ حدد لنا قال أنا ما حطيت عليكم شي زيادهـ الدوله اللي حاطته لكم ختاما ليتني شاعر والله لأهجوهـ بقصيدهـ شكرا لمن قرأ 2*شكرا لمن عطر موضعي بردهـ |