لو فرضنا .. بس مهيب ( لو ) اللى تفتح عمل الشيطان .. ( هذي لو ثانيه ) - صفحة رقم 3 - نادي الهلال السعودي - شبكة الزعيم

هلالي من ارض اليمن · #31 15/03/2008, 05:38 PM

حياك الله ابو طلال ،،،

اتوقع لو اتيحت لي الفرصة للتأليف كنت ألفت كتاب أسمه :

ابعاد المواجهـة

" خفايا العلاقة بين جناح ابو طلال ومعسكر ماجد مقبل في كواليس اسبوعية الزعيم "

وسيتم تقسيمه الى عدة ابواب تتناول ما يلي :

0 - الباب صفر : أهداء الى شبكة الزعيم

1 - الباب الأول : مقدمة عن الدراسة
2 - الباب الثاني : النشأة التاريخية لجناح ابو طلال ومعسكر ماجد مقبل
3 - الباب الثالث : المتغيرات الدولية وأثرها على تنامي قوى ابو طلال وماجد مقبل
4 - الباب الرابع : حقيقة الوفاق بين الجناح والمعسكر
5 - الباب الخامس : " مولع بالهلال " ومنظمة الأمم المتحده
6 - الباب السادس : قرار مجلس الأمن وملف الجناح والمعسكر بين يدي " مولع بالهلال "
7 - الباب السابع : كيف تمكن " مولع بالهلال " وضع ابو طلال وماجد مقبل على طاولة الأسبوعية !!!
8 - الباب الثامن : الرسائل السرية في الحوار بين ابو طلال وماجد مقبل
9 - الباب التاسع : الرأي العالمي بين الجناح والمعسكر
10 - الباب العاشر : أثر المواجهة على صناعة القرار الدولي
11 - الباب الحادي عشر : شئ ما شفتوه من مباراة الهلال والحزم ===> الكاتب متأثر بمنتدى الجمهور

12- الباب الثاني عشر : نتائج القمة التاريخية وابعادها على الرؤى المستقبلية
13 - الباب الثالث عشر : ملك الخواتم

عفوا : الخاتمة ،،،
14 - المراجع والمصادر
15 - الفهرس
16 - الكاتب في سطور ... مجموعة من الشهادات والأوسمة والقاب والمؤتمرات التي لا وجود لها حقيقة سوى في هذه السطور !!!

ويعطيك العافيه ابو طلال ... صراحة بديت افكر ألف الكتاب خاصة اني تناولت خطوطه العريضة ،،،

عالم الهلال · #32 15/03/2008, 06:21 PM

أخونا الصغير ابو طلال..

لو فكرت في التأليف أكيد أولاً اكتب السيرة الذاتية لشخص ما
لأن جمع المعلومات عنها ممتع ..
لكن من يشتري ..؟؟

يعطيك العافية
احترامي وتقديري

دُمت على طاعة الله

هلااالي وأفتخر · #33 15/03/2008, 07:11 PM

بصراحــــــــــــــة سؤال غير متوقع .......

أولا لن و لن ثم لن وبعد لن أكتب كتاااب ...لأن موهبتي أكبر من هذا المستوى بكثييييير

بس يمكن يكون عنوانه "حالنا أول وحالنا الحين" أو "حالنا سابقا وحالنا لاحقا ؟؟ "

وبتكلم فيه عن بداي الدوة السودبة كيف كانوا الاجداد يمرون بلحظات فقر وجوع ..وكيف تحول الوضع ..
وكيف صاروا الناس يرمون النعمة ..وكيف بدوا الحين يندمون ع النعمة اللي كبوها و ...

أبو طلال .. يعطيك العافية ورده
وترى حقوق الطبع محفوظة ..لا أشوفك بكرة ناشر الكتاب باسمك

algohmani · #34 16/03/2008, 04:22 AM

إقتباس


	بعد غياب دام لأكثر من مدري كم يوم عن المجلس .. قررت أني ماارجع إلا تحت إشراف مدرب اللياقه : عبد اللطيف الحسيني

أعلم وينك فيه ولا خلاص تسدك . لا .. انا أحب الفضائح ياجماعه أبو طلال كان متربع بمنتدى الجمهور .... اموت عند العنوان اللي سدحني لين وصلت بنص بموضوعك ..

إقتباس


	لو أعطيت لك الإمكانيات والفرصه لتأليف كتاب .. ماهو نوعيه ماتكتبه .. أو الموضوع اللذي ستكتب عنه .. أو المجال اللى تود الكتابه عنه .. ولمن تهدي هذا الكتاب ..

بالنسبة لنوعية الكتاب بيكون كتاب في الشعر الموضوع علاقة الجمال في الشعر بالتعاسه في الحياة لي فيها فلسفة وودي اجرب نفسي

لمن أهدي الكتاب : لكل شخص يسألني دائما لماذا أنت حزين ... سؤال يسألوني به اصدقائي كثيرا وقراءة هذا الكتاب سيكشف لهم السر

أخوك : أبو عبدالله

هيا مو تحطها قعده وتتكي هنا بالمجلس العام ترا عندنا بالجمهور بعد عليك طلبات <<< قوي وجه بالمجلس العام ويتكلم بهالكلام

فجر الرياض · #35 16/03/2008, 08:16 AM

هلا ابو طلال

لو بألف كتاب راح يكون ( ايها الفراعنه لما التفكير بالخيال دون ارض الواقع )

طبعا الفراعنه مو الشاعر لا لا اقصد الي في مصر العهد الفرعوني

بحكم دراستي قريت اشياء من جد الواحد يقول الحمدلله على نعمة العقل والإسلام

مشكور ابوطلال على هالموضوع وعلى محاولتك لإستخراج المواهب السعوديه

عوافي ..

الكلاسيكي · #36 16/03/2008, 12:45 PM

وعليكم السلام ورحمة الله وبركاته ..

هلا وغلا فيك ابو طلال ...
عاش من شافك .. نورت الحته يا اخونا الصغيرون

اما عن سؤالك .. انا ودي اقوم بتأليف كتاب عنوانه
( فـــن ادارة الأنديه ) واهديه لأسير الزعيم

والثاني فن ادارة المنتديات .. واهديه لك

لا الصراحه ودي اكتب في علم النفس .. والفراسه ..

شكراً لطرحك .. ولحضورك .. ولكـ ..
تقبل احترامي وتقديري ..

والوعد بكوفي الجمهور

دمت بخير ورده

f*y*d · #37 16/03/2008, 01:19 PM

يا هلا وغلا بأبو طلال

يالقاطع ولا تمر علينا خلاص سحبت علينا يا الاداري

تصدق يا ابو طلال ما شاء الله فـ المنتديات فيه مواهب روعة
وممكن أحسن من اللي يكتبون بالصحف والمجلات
والله من كثر ما صرت مدمن للمجلس العام اذا قريت مقال فـ جريدة مثلا
أقارنه مع كتابنا اللي بالمجلس واقول يكتبون احسن منه بس اللهم الفرق
ان هذا درس اعلام وعنده شوية خبرة يعني أظن متى ما صقلت هالمواهب اللي عندنا
يقدرون ينافسون أكبر الكتاب بس مدري ليه أحس هنا اذا الواحد كتب يكتب بدون ضغوط
يكتب ما ضبط مزاجه أما هناك تحس انك مجبور

المهم أنا اذا تسنت لي الفرصة أكتب كتاب
رح أعنونه بـ " بين الكيف والأين .. لماذا نحن نائمون في سبات عميق !! "
والإهداء لـ ماجد مقبل

و أخوي محمد

لا تغيب عننا وخلك عندنا دايم ورده

:: فتّكـ بـ ع ـافيــة ::

الهلالي 11 · #38 16/03/2008, 02:03 PM

اول شي يعطيك العافية على هالموضوع

بصراحة .... لو جاتني هالفرصة ...

بكتب عن شي واحد وبس ...

@@ ( الـــــــحـــــــــب ) @@

وما رح اجيب كلام وتاليف من راسي ...

يمكن اللي اسويه بس اني اكتب قصتي مع حبيبتي !!

اللي للاسف ما انكتب لها النصيب وكملناها بالزواج ..

والسبب اهلها ما رضو فيني !!

لن اذكر السبب لاني لو ذكرته ...

يمكن انتم تستغربون شلون انت فكرت تحبها وهذا السبب موجود ..!!

ويمكن تذبون علي ... او بعضكم يقول عني غبي ...

لكن والله القلب عشق وما بيدي شي

وطبعا انا قلت هالكلام عشان ما احد يفكر ان عندي مشكلة ...

الحمد لله انا وياها ما فينا شي وزي القمر

لكن اقدر اقول ان السبب اللي رفضوني عشانه هو عشان التقاليد !!

اكثر الدول العربية متعودين على عادات او اساسيات بين الزوجين ...

للاسف واحد منها هو اللي خرب حياتي !!

ما رح ادعي على احد او اكره احد ... الدعوة قسمة ونصيب

لكن من جد بقول من كل قلبي ...

الله يوفقها ويبسطها وياخذها اللي يستاهلها ...

ما شاء الله عليها (PERFECT) والكمال لله

ما زلت متنكد من اللي صار ...

لكن لسه الامل بداخلي انها لي

وبعد اللي شفته ...

بقول يا الله يا كريم انك تجمع بين كل قلبين حبو بعض ...

طبعا انا اقصد الحب الشريف اللي اثنينهم ناوين النهاية تكون زواج !!

غير كذا طبعا قلة حيا .... وانا من اشد الرافضين له من القصص اللي مرت علي !!

اسف على الاطالة ....

واتمنى اني ما غلطت بكلامي او كتبت شي خارج عن الموضوع

وصدقوني لو كانت هالبنت لي ...

كلكم معزومين على عرسي

واطلبو اللي تبون بس اهم شي ترجعلي

واللي يبغى يدعي ربنا انه يجمعني فيه عادي موافق

كل الفن هلالي · #39 16/03/2008, 04:33 PM

إقتباس

الرسالة الأصلية كتبت بواسطة f*y*d


	أقارنه مع كتابنا اللي بالمجلس واقول يكتبون احسن منه

شكرا يا فياض وتراك دايم تحرجني

ياخي ما بقى الا تقول كل الفن هلالي وضحت التلميحة

ابو طـــــلال · #40 17/03/2008, 02:41 AM

إقتباس

الرسالة الأصلية كتبت بواسطة نـــــــ15ــــــمر


	لو اعطيت لي الفرصه لكتبت عن احوال الشباب تشـــــــــــــــــــــــــــــــاو

وأنا لو أعطيت لي السلطه هنا .. لوقفت يوزرك لين ماترد ردود تخص الموضوع .. وتكتب مواضيع مفهومه بدال لاتصالح ..... أما تشــــــــــــــــــاوو ذي هاللى غثيتنا عندها ماتوكل عيش يابعدي

دمت غامضاً ماتدري وش تبي بالحياة

شكرا متعب .. ( وردة )

لي عـــــوة ,,, بس متعب مستعجل بغيت اعطيه ردة سفري ويلحق على طيارته

بني حارث · #41 17/03/2008, 07:30 PM

مرحبا أبو طلال وين الغيبات
عموما مع إني ماني فالحة في شي بس أعتقد إذا مرررررة يعني ملزمة
ممكن أكتب رواية
مشكور أبو طلال
والرد هدية لأعضاء المجلس العام^^^^تقلد^

القناص مرعب الحراس20 · #42 18/03/2008, 06:18 AM

إقتباس

الرسالة الأصلية كتبت بواسطة S K Y


	حيالله ابوطلال في المجلس العام اخيراا تنازلت وجيتنا ماشاء الله اشوف الثقافه هاليومين تقوطر من الأعضاء وبصراحه احيي فيك بداهتك وسلاطه قلمك دخلت موضوع معرض الكتاب وطلعت لنا بفكره انا بصراحه اذا تهورت وفكرت اكتب راح اكتب روايه بعنوان ( عيال الرياض ) < مايقلد احد شكـرا ابوطـلال ولا عدمنا تواصلك

تكفى يامفيد النويصر

انا بالف كتاب عن الحب اللي منتشر بين الشباب يعني شاب وشاب
اذا فكرت اكتب
لاني لو كتبت كتاب ورحت يم المطابع يمكن تخرب المطابع من البلاغه اللي راح تكون
في الكلام

عاشق الفيلسوف 15 · #43 18/03/2008, 09:49 AM

هلا وغلا بابو طلال ،،،

لو أتيحت لنا الأمكانيات ،،، والتسويق ،،، والوقت ،،،

الكتاب الأول : حقوق المواطنين مالهم وما عليهم في المملكة العربية السعودية ،،، وأهدية للشعب السعودي،،،

الكتاب الثاني : نبذه بسيطة عن مبادي الاقتصادي بمساعدة الزملاء الاقتصاديين ،،، واهدية لمساهمين الأاسهم ،،،

الكتاب الثالث : رصد مسيرة الزعيم من تاريخ التأسيس حتى أخر بطولة ،،، وأهدية للجمهور السعودي والهلالي خاص .

f*y*d · #44 18/03/2008, 03:31 PM

إقتباس

الرسالة الأصلية كتبت بواسطة كل الفن هلالي


	شكرا يا فياض وتراك دايم تحرجني ياخي ما بقى الا تقول كل الفن هلالي وضحت التلميحة

عفوا فارس

يا شيخ خل عنك لو تشتغل فـ فريق تحرير مجلة mbc الجديدة والله تنجحهم

الا ما قلتلنا وش مخططاتك ككاتب ومنسقاتي قد الدنيا

مطيع · #45 18/03/2008, 06:00 PM

بصراحة يراودني حلم بجمع كتاباتي عبر المنتديات

ووضعها في كتاب صغير

والاهداء سيكون لـها ولــهم

حطمت المشاغب في الرمزية

أبو طلال

الله يعطيك العافية