لو فرضنا .. بس مهيب ( لو ) اللى تفتح عمل الشيطان .. ( هذي لو ثانيه ) - نادي الهلال السعودي - شبكة الزعيم

ابو طـــــلال · #1 14/03/2008, 04:15 AM

بسم الله الرحمن الرحيم ...

اعضاء قسم المجلس العام تحية طيبه وبعد ...

بعد غياب دام لأكثر من مدري كم يوم عن المجلس .. قررت أني ماارجع إلا تحت إشراف مدرب اللياقه : عبد اللطيف الحسيني

* زئفه كتير كبيره للكوتش : عبداللتيف الحوسيني >> لبناني

فكرت بموضوع ... وماودي اطول عليكم ...

بحكم إقامة معرض الكتاب .. وهالمعرض انا من اشد الناس اللى يسأل متى يبداء ومتى ينتهي .. واحب اروحله يوميا ..

وبحكم انكم في المجلس العام .. مجموعه من الإقلام الواعده .. والكبيره .. والفخمه .. والظخمه .. والبطرانه

أتوقع في يوم من الأيام يمكن واحد فينا يؤلف كتاب .. أو ديوان شعر .. أو يصير بديل للدكتور : غسان بشاعر المليون ... عاد ابو مقبل ويقول ( كصيده ) هع هع هع

هالأقلام اللى تكتب في المنتديات هي البداية للإنطلاق واخذ انطباع الناس في قلمك .. وأسلوبك .. ونقدك لتصحيح ماتخطي فيه من كتاباتك .. سواء الإملائيه او التعبيريه او في الهدف .. والمضمون

طبعا .. واتوقع انه اقرب أقسام في شبكة الزعيم أعضاءه من مرتادي معرض الكتاب هم ( قسم المجلس العام .. وقسم الثقافة الإسلاميه .. وقسم الكمبيوتر والأنترنت )

أما قسم الرياضه العالميه .. حطهم بس عن مسابقات البلايستيشن .. ومعارض الشاورما والبطيخ

>> للحين يتشمت بهم عقب الهزيمه ..

السؤال المطروح :

لو >>> وليست هنا لو اللتي تفتح عمل الشيطاني

لو أعطيت لك الإمكانيات والفرصه لتأليف كتاب .. ماهو نوعيه ماتكتبه .. أو الموضوع اللذي ستكتب عنه .. أو المجال اللى تود الكتابه عنه .. ولمن تهدي هذا الكتاب ..

وشكراً للجميع

اخوكم الصغير ابو طلال ..

وأهدي هذا الكتاب >> الموضوع يعني .. للجميع من أعضاء المجلس العام الأعزاء

بس لاأحد يقلدني .. والقى كل اهداءتكم للمجلس العام اوكيه ؟

نـــــــ15ــــــمر · #2 14/03/2008, 04:23 AM

لو اعطيت لي الفرصه لكتبت عن احوال الشباب

تشـــــــــــــــــــــــــــــــاو

جرح يشكي · #3 14/03/2008, 04:26 AM

وعليكم السلام ورحمة الله وبركاته

صبااااااااااح الخير ورده

كيفك يا بو طلال وكيف طلول فارس <<======@ تورط في اسم فارس ، هقوتكم يصلح فروووسي

انا والله اتمنى اني اكون كاتب كبييير او صحفي

والله بشكي حالنا يا الشباب

ويكون الكتاب بعنوان " شبابنا امانه في اعناقنا "

لان والله حالتنا مزريه

واهدي الكتاب لـ ابو متعب ووزير العمل ولـ الامير سلمان

ابو طلال ورده

تقبل مروري وعلى الله يكون فهمي للموضوع صح

ابو طـــــلال · #4 14/03/2008, 04:31 AM

صح ونص ... يابو حميد .. يعطيك العافيه ...

ومشتاقين ياكابتن

abo_nasser · #5 14/03/2008, 04:37 AM

هلا وغلا ابوطلو ..

صراحه ما فكرت في يوم اكتب كتاب ..لان واجباتي ما كتبتها فتبني اكتب كتاب..

فرضا كتبت <<<خلني اجبر نفسي والشكوى على الله..

باكتب عن الحشيش والتقظيم...مواقع البيع واسعارها وفوائدها

واهديه لكل محشش ومقظم في كليه ينبع الصناعيه..

ابوطلو..

الله يعطيك العافيه..

سلااااااااااااااااااااااام

حكر المنحكر · #6 14/03/2008, 04:57 AM

والله يابوطلال موضوعك مع جو الرياض المغبر الحلو هذا ميه ميه

لا اخفيك اني فكرت اسوي كتاب لاكن احترت في الموضوع

حتى ظلالي هلالي · #7 14/03/2008, 05:16 AM

هلا والله ابو طلارس

تبي الصراحهـ

منذ مبطي ودي أءلف كتاب
بس جالسه ادور لي مطابع توافق تسويه لي

<< حلم ابليس بالجنهـ

والله (لو) بكتب كتاب
فبكتب عن الفرق بين البنات والعيال << ناطهـ فيها العنصريهـ هاليومين

وباهديهـ لكل تمساح

<< لان بكتابتهـ بتدافع عن البنات

مـدحـدر · #8 14/03/2008, 05:23 AM

حياك الله يابو طلال

ارحب يابعدي تعال بصدر المجلس أيها الكاتب الكبير المبدع المخضرم

بصراحة ما أحب أني أكون كاتب , لاني دايم معارض

واحب انتقد الكتِّاب ,

من شان هيك شدوا حيلكم معشر المجلس العام وأنا واقف لكم بالمرصاد

تحياتي ورحيق ورودي << امحق رحيق

الـمـشـاغـب · #9 14/03/2008, 06:10 AM

بغض النظر عن اسم صاحب الموضوع ..!!

وبغض النظر عن مدى محبتي أو كرهي لصاحب الموضوع ..!!

وبغض النظر عن توقيت هذا الموضوع ..!!

أقول أني لو أصبحت كاتباً متميزاً يشار إليه بالبنان << وهذا أمر قريب الحدوث إن شاء الله

عندما أصبح كاتباً سوف أؤلف كتاباً عنوانه :

" السلطة الوهمية .. وسوء استخدامها "

السلطة الوهمية أقصد بها مثلاً .. يجيك واحد ويصير رئيس مجموعة .. فيصدق أنه صاحب سلطة .. بينما لو نشوف

كم عدد هالمجموعة نلقاهم إن زادوا 4 أو 5

.. يعني مال أمه داعي هالحماس كله

<<< خبير في الرمزية

وربي ما أقصدك يا أبوطلال لا تفهمني غلط ورده

أما الكتاب الثاني فسيصبح عنوانه :

" يوميات بذيئة .. في استراحة بريئة "

----------------

أبو طلال

يا حبي لك بس

وحشتنا والله .. لا تطول غيباتك مرة ثانية ورده

باسكن روبنز · #10 14/03/2008, 11:34 AM

! ! ! !

لو عندي [ امكانيــــــــات ] لتأليـــــــف كتــــــــاب

كان [ ألفــــــــت ] كتـــــــــاب

التــاريـــخ كما يجــب ان يكـــــــون

لكن حســــافـة

سبقني فيه [عباس الابيض ] مادري شسمــه...

/
\
/
\

ابو طـــلال

الله يعطيــك العافيــــــة

ورده Thanksورده

هلالي مدريدي 10 · #11 14/03/2008, 11:58 AM

اهلا بالعودة ويقول من طول الغيبات جاب الغنايم...........................................................

&& هلااااااليه && · #12 14/03/2008, 12:12 PM

انا مالفة كتاب وباسم مستعار واتوقع انه نفذ من المكتبات وبتنزل طبعات جديده اظن قالولي

في 15/2/1428هـ

عاد الله الله شوفوه وعطوني رايكم فيه بكل امانه

<<<

مافيه طموح لكتابة كتاب ابد ابد

واذا اضطرينا بألف عن حال السعوديين وتدهور المعيشة وغلا الاسعار والجامعات وتعامل الاساتذه اللي يقول خذو

الدكتوراه خلاص دخلو الجنه <<مالت

وحال المسلمين

<<ابي اقول اصلح حالهم ماعرفت

و كيفية تعامل الزوج مع زوجته والزوجه مع زوجهاااااااا

والمطالبه باعطاء كلن ذي حقا حقه

و و وو و و

<<مصختيها لابوه من كتاب واللي بيشتريه

عوافي ابو طلال
برايفت لك
مارحنا نقرأ كتب نألف كتب
معك الشعب السعودي الله مير يسلمك

راكان _20_ · #13 14/03/2008, 01:05 PM

هلا و غلا أبو طلال يا أخي حتى مواضيعنا صرت ما ترد عليها ليش ما أدري !!!!!!!!!!!

على العموم أحب أتحمد بعودتك و أجيبك بكلمتين :

ممكلتنا إلى أين ؟

تحياتي لك أبو طلال

!!هلالي الرس!! · #14 14/03/2008, 01:12 PM

السؤال المطروح :

لو >>> وليست هنا لو اللتي تفتح عمل الشيطاني

لو أعطيت لك الإمكانيات والفرصه لتأليف كتاب .. ماهو نوعيه ماتكتبه .. أو الموضوع اللذي ستكتب عنه .. أو المجال اللى تود الكتابه عنه .. ولمن تهدي هذا الكتاب ..

والله وانا أخوك الى الآن ماتوقعت ولاتخيلت أني في سوم من الأيام بأطلع كاتب

S K Y · #15 14/03/2008, 01:15 PM

حيالله ابوطلال في المجلس العام اخيراا تنازلت وجيتنا

ماشاء الله اشوف الثقافه هاليومين تقوطر من الأعضاء
وبصراحه احيي فيك بداهتك وسلاطه قلمك
دخلت موضوع معرض الكتاب وطلعت لنا بفكره

انا بصراحه اذا تهورت وفكرت اكتب راح اكتب روايه بعنوان ( عيال الرياض )

< مايقلد احد
شكـرا ابوطـلال ولا عدمنا تواصلك