بصراحه موضوعك يحاكي واقعنا كلــــنا وأخيرا احد خلا ثاني بالحسبه دايماً الناس على علمهم الأول وهو ان النسبه لثالث فقط ..
ع العموم مب هذا الموضوع
أولا انت تطرقت لنظام التركمي أو الدرجه الموزونه ,,
صحيح ان لها سلبيات .. لكن ايجابياتها كثيره
فمثلا انا كطالبة علمي اكيد بركز كل جهدي واهتمامي لـ ( رياضيات - احياء - كيمياء فيزياء )
واكيد ابتهاون غصب عني بالعربي وغيرهـ لأنه سهل تقريبا
فحراام ان نقصت بالعلمي مثل ان نقصت بالمواد الثانيه
يعني للي مركز بمواد العلمي صدقوني التراكمي يرفع النسبه ما ينزلها وانا الحمد لله استفدت منه
بس لا نقصت بالرياضياات شوفوا وش يصير فيني انواع الـ هواجيس .. وشلون بيضربونها بــ7 ومدري اييش .. يعني حرب نفسيه مع الذات <-وش قرب لي بدر صفوق
المشكله العويصه صدق .! ان الواحد لا هو قادر يتهاون بما ان النسبه المحسوبه من الثانويه العامه فقط 30% ,, وان اجتهدنا وجبنا نسبه حلوه وش الفايده وهي بس 30% واللي بيرفعنا ويخسفنا هو القدرات
يعني يوم انهم خلوها سنتين ,,! يعني تعب وجهد وكرف على كيف كيفكم .. المفوض خلوها على الأقل 80% وياااالّه ..!
آآآآه يالييت لحقت على نظام أول ,, سنه وحده اكرف فيها وبس ..
وهالسنه تصير لعب وفله
أنظمتنا بايخه صراحه شلون ثانويه عااامه شهادة تعبر عن 12 سنه دراسه بس 30%
واللي نسبتهم حلوه مبروكين ولا تتهاونون والللي ماجابوا ترا باقي لسآآ الطريق قدام خاصه لثاني ثانوي .,,
أنا أشوف إن النظام جيد لكن مدري ليش الطلاب ما يبونه
أكثر الطلاب يفلونها في ثاني ثانوي وإذا راحوا ثالث صاروا مصاريا >>> مثلي
أعتقد إن هذا سبب اقرار النظام علشان الطلاب يشدون حيلهم في كل السنوات مو بس في ثالث
ونصيحة لكل الطلاب إذا درجتك موب زينة لا تقول ضاع مستقبلي أو الجامعة ما راح تقبلني
إذا جا ذاك الوقت الله يقسم الأرزاق كم واحد شاطر وماخذ درجات عالية وألحين قاعد في بيتهم
وكم واحد درجاته تفشل ودخل الجامعة وتوظف
الله يوفق جميع الطلاب
راح هم اسئلة الوزاره وجاء هم التراكمي مع اني
اشوف التراكمي اسهل واريح نفسيا
بس المشكله لحد الان الطلبه مو متصوره الوضع ان ثاني ثانوي اهم من ثالث
فتحصل البعض مو ملقي الدراسه بال .
المشكله اللي ارى انها تضيع اكثر الطلبه عي اختبار القدرات اللي ماله اهميه
بس تعب وتضيع نسبة الطلاب لانه لا يتفاد منه بالتقديم
فالمفروض اختبار القدرات يوضع لمن اراد الدخول للجامعه
وبنتيجته تحدد الكليه المطلوبه اما انه يحسب ضمن النسبه ظلم كبير للطلبه
بالاخير نتمنى التوفيق لاخوانا الطلاب ونتمنى ان تطرد فكرة عدم وجود مستقبل من العقول
لاني لاحظتها كثير تردد من طلبة ثلاث مدارس لدينا بالخرج ولانعلم مالسبب
تمنى اخير وبما ان المقررات اصبحت بيد مدرس الماده
لماذا ليكون اول خمس او ثلاث دقائق توجيه وتوضيح للطلاب عن اهمية التحصيل والمتابعه المبكره
بطريقه بسيطه وتجذب الطلبه فالان هو وقت المعلمين لكسب الطلاب للتحصيل العلمي
مرحبا أخوي أول العنقود
موضوع رائع
الصراحة حنّا بنات ثاني ثانوي تخيل
الإدارة ما كلفت على نفسها وشرحت لنا أي شي
أذكر أول يوم جت وحدة من الإدارة وقالت بالحرف الواحد :ألحين إنتول تراكمي شدوا حيلكم.
يعني بالله وش درانا فيه يعني ولا نعرف عنه أي شي
بس أنا بعد ما شفت درجاتي الصراحة
عجبني النظام مررررررة لأني يعطي الحقوق لأصحابها
يعني لكل مجتهد نصيب
أخي أول العنقود تقبل مروري
دمت بود