][ المزيـونـة زيـنـب ][ < --- الرواية التـي اودت بحيـــاة 200 شخـص ..!! - صفحة رقم 4 - نادي الهلال السعودي - شبكة الزعيم

الـساقي · #46 11/01/2008, 09:41 PM

وعليكم السلام ورحمة الله ,,

هلا وغلا بك ليو ميـسي عاشق الفراعنة , وكل عام وأنت بخير ,,

ما شاء الله قصة فكاهية , وأسلوب مشوق , وغير هذا مضمون القصة فيها فـوائد كثيرة ..,,

مثل ما تكلمت , الأخطاء بمجتمعنــا كثيرة , والقصة تحكي عن واقــع البعض من الأسر تمر بها

ومشاكل كثيرة تنخدع فيهن البنات مع بعض التـافهين اللي مسوين أنفسهم طيبين وهم أبعد من كذا بكثير.

..
شيء أخر .. وهو إذا كانت الأسرة يينها وبين الأبناء حواجز وبينهم فجوة طبيعي بتحدث مشاكل وأمور

ما يتوقعـونها , لأن إذا كانت الأسرة بهذا الشكل ولا فيه تواصل بينهم بيأتي يوم يندمون على ترك أبنائهم

وعدم تربيتهم بالتربية السليمة اللي من شأنها تبعد عنهم كل طريق مشبوه بالحياة

..

والنقطة الثانية وهي عن الجمال الحقيقي وهو جمال الأخلاق , لأن مع مرور الزمن كل شيء يتغير إلا

أخلاق الشخص وطيبته مع الجميع و وكثير منهم يغتر بجماله ويستهتر بـ خلقة غيره مع أنه لكل

شخص صفات , والله يأخذ ويعطي ومهما حصل و وصل الأنسان من مراحل من الجمال والترف إلا

سرعان ما يزول مع مرور الأيام ..!؟

/

\

يسلم

ما شاء الله مبدع في طرح القصة بأسلوب فكاهي ممتــع ,,

الله يعطيك العافية , دمــتّ بخير , ورده ,

هلاليه لاخر قطره · #47 11/01/2008, 10:26 PM

شكلهاآآآ جونااان

تم التسسييف ( حفظ لغير الناطقيين بالانجليزيه ) <<= برآ

خخخخخخخخخخ
في المفضله

والنسخ واللصق في الـ وورد احتياط

وبقراها وأجي اعلق

سلآآم ورده

drbl · #48 11/01/2008, 10:37 PM

عوافي
لحد الان جالس ادور 200 اللي ماتوا ماحصلت حد

اجل ابو صويلح مأجر الرئيس الفرنسي بيته بس اي واحد فيهم شيراك او الجديد ساركوزي

نرجع للاهم

يظل بعد الاهل الحسي والروحي هو المشكله فتجد الولد والبنت يدور مايحرك احساسيه بعيد عنهم
بسبب عدم اهتمامهم والانشغال في الامور الاخرى

ومثل ماقلت تظل حفه الروح ومرحها وحسن التعامل واللين هي الجمال الحقيقي للانسان

تحياتي لك

هلالية وراسي مرفوع · #49 11/01/2008, 11:30 PM

موضوع متعوب عليه ورده

الف شكر

مَاهِينُورْ · #50 12/01/2008, 02:35 AM

::
وعليكم السلام ورحمة الله وبركاته ..
::
هلا leo
ماشاء الله ابدعت ،، اسلوبك جداً رائع

..
اوصلت ماتريد بأسلوب فكاهي رائع

..
الله يعطيك العافية ورده ..
نسأل الكريم لنا الستر والعفاف ..
والله يكفينا شر الفتن ماظهر منها ومابطن ..
::
ننتظر منك المزيد يايسلم

..
::

في امان الله ورده..

صدى الامس · #51 12/01/2008, 05:46 AM

هلا leo messi ..

لي عودة .. << وش الفرق بين اللي يرد اول واحد والا آخر واحد ؟؟!! (( وجه يناظر اللي يحجزون الردود

)) .. قسم بالله مافيها فرق دام ان ردك تبي تكتبه سواء كنت الاول والا الاخير ..

مشكلتنا بالوقت الحالي اننا تهاونا في مسألة العلاقة المحرمه ..
حتى لو كانت مجرد مكالمات وخرابيط ..
اول الامر بس مكالمات وعقبها هدايا وشوفة بسيطة وبعدها عشاء والا غداء على الطاير ..
وعقبها الفاحشة ..!
طيب وش انا استفدت من الشئ هذا سواء كان شاب والا بنت ؟؟!!
الشاب مصيره يبي يتزوج ويمكن ربي يبلاه ببناته والا زوجته والا خواته ..!
والبنت ضاع شرفها وبالأخير هي اللي خسرت اشياء كثيرة ..!

المشكلة ان فيه بنات قامت تتهاون بالشي هذا بسبب سهولة عمليات الخياطة

!!
ويرجع الموضوع ولا من شاف ولا من درى ..!!
طيب مافكرت هالبنت بعدين اذا تزوجت وربي رزقها ببنات وش يبي يصير فيهم ؟؟!!

الله يستر علينا دنيا وآخره بس ..!

اما الجمال جمال الروح كثر منها بس

.<< واحد حاق الرد كله

يعطيك العافية ..

الـمـشـاغـب · #52 12/01/2008, 06:13 AM

ما شاء الله عليك يا ليلو

<<< عرفت البنت الظلالية تذب عليك صح

شكلها شافت الشبه بينكم

قصة رائعة وممتعة وهادفة بأسلوب فكاهي ألف شكر لك عليها ورده

أنا استفدت عدة فوائد من قصتك أخوي يسلم .. عرفت وشلون أشبك صح

يا حليل البنات اللي مثل زينب .. مدري لهالدرجة غبية ؟؟

أتوقع أنها بالبداية تاخذها من مبدأ الوناسة والقضاء على الفراغ .. ثم مع الوقت تتحول العلاقة إلى تعلق .. ومع

الكلام المعسول والتعود عليه تتحول العلاقة إلى حب وهمي ..!! وبعدها الله أعلم باللي يصير .. تعتمد النهاية على

ضمير الولد إذا كان حي أو ميت ..!!

إلا تعال .. وشو اللي أهم شي جمال الرووح؟ طس من نفوخي بس

صح المهم جمال الروح .. بس على الأقل يكون الشكل مقبول ..

لكن اللي مثل نانسي جميلة روح لكن بشعة منظر .. اللي مثل هذي ما تنبغى

لا تقعد تبربس وتخربط أنت ووجهك اللي كنه كوع عبدة

ليو ميسي .. من كل قلبي أشكرك على الإمتاع الذي حظينا به من خلال موضوعك الهادف والقيّم ..!! ورده

الملاك الطاهر · #53 12/01/2008, 06:18 AM

تسلم يدينك يابطل والله انك ازين من ليومسي

بس والله حرام زينب ماتستاهل والله كسرت خاطري وجلست ابكي
مسكينه لعب بعقلها مشيليح وهاذا كله من اصحاب السوء
ولا البنت مراهقه وقصت عليها صاحبتها وصدقت
يلا هاذا اكيد عقاب من الله لانها دايم تتريق على نانسي

كاريزمـا · #54 12/01/2008, 12:10 PM

هلا الفراعنه

كل ماشفته تذكرتك انت وتوقيعك

والله ليو طلعت الشرهان وماشاء الله تكتب حكاوي وقصص ابرك من غيرك ماغير جيدن بالسباكه ورائحة الفم

بالله هذي مواضيع

>> بتنجلد

ياكثر زينب ماتتكرر بمجتمعنا والسبب مايحمله فكرها من غباء وربي معمي بصيرتها

وصديقات السوء لهن الأثر الأكبر

الله من وحده مالها ولا عليها بهالامور وراحت ضحية صديقات سوء + قلة وعي من جانبها

برضه شليويح مدري صليويح

يتككرون بقناع عدم الخوف من الله واللعب ببنات الخلق واستغلال ضعفهن وحيلتهن

الله يسترنا بستره ويحفظنا واياكم من الفتن ماظهر منها ومابطن

ضعف الايمان باخر الدنيا

نرجع للفوائد

جميع ماذكرته من فوائد ممتازه كفيت ووفيت

ليو ميسي مشكله اجتماعيه صغتها لنا باسلوب فكاهي اوصل المطلوب ببراعه

بارك الله فيك ليو ورده

اعذرني على المرور السريع

الهلالي دائماً · #55 12/01/2008, 04:51 PM

ليو ميسي

خشمك

الله يعطيك العافية اخوي يسلم قصة جميلة ومعبرة وهادفة ...

حقيقة اسلوب رائع وسلس جعلني اقول :

ويبقى الابداع ما بقي ليو ميسي ورده

وعجبتني الفوائد المستفادة خاصة حق سعر الصامولي

ــههههههههههههههههههههــ

حقيقة القصة هذه وانا كانت من خيال مبدع

فهي حقيقة وتتكرر في الواقع كثيراً وان اختلفت التفاصيل !

يسلم أنى لك هذا
ويبقى الابداع ما بقي ليوميسي

ليو ميسي احبك ياقاسي >>> مسوي شويليح

وبوقف قبل أجيب العيد >>> حركات سلطان

دمت بخير ,,,