|
][ المزيـونـة زيـنـب ][ < --- الرواية التـي اودت بحيـــاة 200 شخـص ..!! السلام عليكم ورحمة الله وبركاته :clap: ناقتي يناقــتــــــــــــي لاربــاع ولاســديـــس ... وصليني المجلس العام من وراء هاك المنتديات :d ناقةٍ حولا ومن بعيد تحسبها تثمال رمسيس .... كن كراعها لا درهمــــــت كراع عنزٍ محسحس :d اكيد قاعدين تصفقوووون بحرارة ... الله لايهينكم الله لايهينكم الله لايهينكم تراني حلفت محد يقووم << مسوي الفراعنه :d ابطال الرواية ..!! :d زينب .. فتاة شق :smilie47: تسدح الطير من قوة جمالها خشمها كنه حد سيف عيونها ناعسه <-- انشهد ذي شايفها بعيني :bigeek: >>> :d والباقي مشفر بوقف قبل اجيب العيد :d شيء ثاااني تحب الوناااسة والهسترة :clap: نانسي : اخت زينب واصغر منها.. بس سبحانه خلق ثم فرّق غرّب بالزين وشرّق :dيعني شينه اللهم لاشماته الخشم كنه مكرفون والاذان السماعات :dالزبدة ازين مافيها انها سمية بنت ال عجرم :smilie47: بس على عكس اختها ملتزمة ومحافظة ..!! شليويح : شاب مهايطي مطفر شبهه وجهه كنه اللوحه هذيك ( 5،5م )اللي تجي معلقه على الجسور :d في البيت : زينب : يمممممممه ابروح لم خويتي شوق بذاكر عندها .. الام ( مسكينه مغلوب على امرها يعني لاتهش ولاتنش :d) .. لا يابنيتي اقعدي ذاكري مع اختك نانسي ..!! زينب : بالله هذا وجه يفتح نفس للمذاكره عشان اقابله <--- نعنبوها تزبد :d نانسي تحط الريموت وتطلع ساكته من الصاله لغرفتها لتروّح عن نفسها بالبكاء :cry: من اختها اللي كل ماشافتها قعدت تذب عليها :d الام : وجع يوجعك وش هالكلام طسي باللي مايحفظك :d راحت يم خويتها شوق ( شوق هذي على علاقة هاتفية بـ خوي شليويح .. صويلح :d ) وصويلح يعطيها من الارانب مايبخل عليها :d وقعدت عندها بلا مذاكرة بلا هم وتجلس تسولف لها عن حبيبها صويلح وانه يملك يخت في روما :bigeek: وان الرئيس الفرنسي بيته اللي في باريس مستأجره من ابو صويلح :d وزينب مفهية :d وتقول لها بيوديني اذا تزوجنا كل دول العالم :d حتى طائره ابوه الخااصه ملبقينها بالكراج :bigeek::d متى مايبي يدعس دقها سلف وحرّك :d زينب: وااااااااااو ياحظظظظك ياليت يكون عندي حبيب زيه :stoned: شوق : لا زي لؤي :bigeek: ماتحصلين ..!! <--- صويلح الفقاش قايلها اسمه لؤي :d رجعت زينب لبيتهم وهي تفكر في كلام شوق وانها بتتزوج مطخطخ ويمووت فيها وتقول في نفسها آآآخ لو القى لي زي لؤي :d شوق كان يكلمها صويلح وعلمته عن خويتها زينب وانها تبحث شخص يهتم ويحس فيها قال بس عطيني رقمها ... خويي اليوم جاي من لندن:d وبعد يبي وحده تهتم فيه ( يقصد شليويح ) و شليويح وقتها بالصناعية الددسن خبطت مكينته ويبي له 1000 ريال توظيب وهو مطفر :d راس ماله 20 ريال ويمكن اقل بعد :d قالت شوق اوكي بعطيك رقمها بس لاتعلم اني عطيتك الرقم لأنها يمكن ترفض ان حد يكلمها وهي ماتعرفه او ماتكون واثقة فيه ..!! قال اوكي ولايهمك ماراح يجيب سيرتك ابد ..!! :yes: راح صويلح لم شليويح وعلمه بالسالفه وانه بيعرفه على بنت .. شليويح عاد توه جاي من الصناعية مليان زيت وحالته حاله وثوبه لو يشمه قطو خر مصروعا :d وهو يناظر في صويلح ويطلع مفتاح 14 من جيبه ناسية من الصناعية بمخباته ويفلق صويلح من قوة الونااسه ..!! :d المهم قال شليويح: بس كيف اشبك معها مااعرف اتكلم لاسمعت صوت بنت :d احس بقشعريرة خخخخخ :d ولساني يتحنط :d قال صويلح عاد صويلح خبرة في البنات خش بعينها وخلك ثقه لاتهمك وبتخق معك :d عطاه الرقم : بالليل شليويح يتصل :d اول مرة ماردت ثاني مرة رفعت السماعه زينب : الو .... شليويح : ساكت :d زينب : الووووووو :upset: شليويح : احبـــــك :smilie47:>> :bigeek::d << الولد صريح من اولها خخخخخخخخخ :d زينب : حبتك القرااادة ياحقير ... طووووط طوووط << صوت القطار قفلت بوجهه :d تحطم شليويح وايقن انه مهوب وجه بنات :d زينب : كان فيه شيء في نفسها يقولها حراام عليك ليه تقفلين بوجهه يمكن الرجال مقصده شريف او يمكن ... او يمكن .... المهم ابليس يلعب في راسها ويقولها ردي عليه ماراح تخسرين شيء انتي ببيت اهلك وهو في بيته ووسعي صدرك معه سواليف وفله بس <<< نعنبوه ابليس ملعون جد يبي يدشر البنت :d اليوم الثاني راح شليويح لم صويلح وقاله بالقصه صويلح تربع وطق صدره وقال انت يالزلابه ماتعرف تشبك بنات هات اوريك قال صويلح اذا شبكتها لي بعشيك اليوم على حسابي ..!! :surprised: قعد صويلح يفكر وتذكر كلام شوق ان البنت تحب الضحك والوناسه قال بس شف بنسوي فيها حركة منسمين :d وبكذا بتشبك معنا ..!! اتصل عليها صويلح : الو زينب : الو ...... صويلح : خالد موجود ؟؟؟ ... زينب : لا غلطان .... صويلح : طيب اسف باي ..!! قفل الخط صويلح شليويح قام ويخنقه :upset: والله انك زلابه هذي حركتك انت وجهك :d قال صويلح لا . الحين بتبدا الخطة :surprised: قال : وش .... قال صويلح طلع جوالك ودق عليها ..!! واذا ردت عليك بعد ماتسلم قلها : قلها انا خالد فيه احد اتصل يبيني قبل شوي :bigeek::bigeek: >>>:d اتصل شليويح والبنت اول ماقالها هالكلام وهي تموت ضحك وشبك معها شليويح وفي رواية خالد وبدا يعطيها الارانب وهي خاقه معه وصدقت انه يحبها وتعلقت فيه وبدت تشوفه فارس احلامها المنتظر:d وهو يقولها انه ماراح يعلم احد بالله يصير بينهم والكلام اللي يقولونه وانه لو درت جبال طويق مادروا الناس عن علاقتهم :stoned: وهو في الليل اذا رااح عند الشله كب عشاها كله :d المهم نانسي كانت عندها في الغرفة واستغربت من تغير اختها وتشوفها اغلب وقتها ماسكة الجوال حاولت ان تنصحها مالقت منها الا ذبات اليييمه على خشمها ..!! :d وفي يوم قالها شليويح : ابي اقابلك ياقلبو :smilie47: << مهوب عاقل شليويح رومنسي :d في البداية رفضت البنت قطعيا ولكن مع المحاولات بدت توافق وخصوصا انه بس بيقعد معها في مطعم بس عشان يشوفها اذا عحبته يجي يخطبها حسب كلامه << اشوا انها اذا شافته هي اللي بتبطل ..!! :d وافقت زينب انها تطلع وتقابله : وراحت لأمها ولقت عندها وحدة من قرايبهم قاعده عندها تبي تخطب لولدها في زينب .. قال يمه بروح لم خويتي بذاكر عندها قالت امها لا اجلسي وبعدين وين اختك نانسي ؟؟ قالت ... بغرفتها قاعدة تقرا قرآن << يالبى قلبها نانسي مع انها قصه بس اني احس حبيتها :d المهم طلعت زينب ماطقت لأمها خبر ..!! ايضا الحرمة اللي كانت جاية عشان تخطب لولدها طلعت بعدها على طول لأنها ماعجبها وضع البنت وقالت بجي مره ثانيه ان شاء الله وقد بدا قلبها ينشرح لنانسي بعد ماقلت انها تقرا قران في غرفتها ..!! ..!! يــســــتــــكـــمـــــل : |
. . في السوق: شليويح وهم رايحين بيوديه صويلح مستأجرين فياقرا داق اللطمه :d صويلح يقول له فك اللطمه ياغبي .. قال لا تبيه يضيع مستقبلي :d << واثق انه لو شافته البنت بتنحاااش :d وصلوا السوق وينزل شليويح ياخذ لفتين رجليه ع السوق يشيّك لو فيه سيارات احد من ربعهم جاي للسوق :d خش شليويح السوق ويدق على زينب ويقابلها وخذوا لفة بالسوق :d وهم طالعين من المحل طلع شليويح قبلها يمشي وهي وراه :d تناااديه خلووودي .. خلووودي خآآآآآآآآآآآآآآآآآالد ما التفت لها << نسى ان اسمه خالد :bigeek: >>> :d متعود على شليوييييييوح وصمخ :d المهم انتبه فجأة وقالها اسف بس كنت افكر فيك ولاسمعتك :d قالت تيب تعال نروح نأكل حاجه بالمطعم عاااد هو قال : لااااااااااااااااااااااا مايبي يروح المطع لحاجتين :d كل وحده ألعن من الثانيه :d الاولى انه مايبي يفك اللطمه ثم تنصدم البنت :d والثانيه انه مامعه الا 25 ريال بجيبه :d المهم وافق بعد ماحس انها تضايقت وراحوا للمطعم طلبوا لهم عصير وسندويش جبن مع مربى :d وهم طالعين يجي يبي يحاسب الا والحساااب 65 ريال :bigeek::bigeek: حق سندويشين وعصير :bigeek: المشكله سندويشه مااكله لانه مافك اللطمه :d قال وش ذا 65 ريال ياحراميه وبدا الصوت يرتفع ..!! وزينب تقوله : خلاص انا بدفع... ناظرها وقال انا ماهمتني ال65 لو ابي شريت المطعم كله :d بس ليش يلعبون علينا لا منيب عاطيهم الحساب ويناظر المصري ويقول طيب لو رجعت سندويشي كم يصير الحساب :d...!! قاله راااعي المطعم يبيه دنتا عااارف الاسعااار الحين السندويش لحاله بدون اي شيء بئا بـ 15 ريال اما بالقبن فهو بـ 25 ريال وهازا سعر طبيعي في ظل ارتفاع الاسعار وترا حنا يبيييييه نتعبر مرخصين الاسعار لأنه فيه نااس تانيين بيبيعو ربع صامولي بنفس السعر :bigeek::d وتبدا الهوشة واثنا الهوشة كانت الهئية :bigeek: قريب من المطعم فدخلت :bigeek: عليهم وش السالفه قال لهم راعي المطعم هذا الشخص اشترى وجبة لنفرين ومارضى يحاسب عاد الغبي جاب العيد .. قال انا طلبت نفر واحد :d <<< يبي يبعد الشبهه قال راعي المطعم: لا والمدام هذيك معاااه :d ويقفطووونه الهئية :d ويأخذونه ويأخذون زينب معهم ..!! ويتصلون على اهلها وتصاب امها بـ انهيار وتدخل على اثره المستشفى :cry: وتتصل اختها على ابوها اللي مسافر لدوله خليجيه لمتابعة تجارته ولكن جواله مقفل فهو منذ شهر لم يأتي للبيت والحجه تجارته وتتصل بأحد اخوانها الذي كان يهجول في الشارع ويروح لأمها بالمستشفى ..!! بعد ما صحت ويطلعها للبيت ويروح يطلع زينب ويسجنها في غرفة لاترى فيها النور ابدا طوال حياتها :cry: ..!! بعد ان كاد ان يقتلها لو لا انه قرر ان يحبسها في اخر لحظة ... !! بعدها بفترة اتت قريبتهم لتخطب لأبنها ولكن هذي المرة في نانسي البنت المتدينة وذات الخلق الطيب رغم انها ليست جميله.الا ان جمال اخلاقها جعلها محبوبة عند الجميع <<< بالله ماتنحب ؟؟؟:d.! علما بأن شليويح خرج من السجن وتطوع وتزوج ..!! اما زينب ظلت بل على الارجح ستظل ستظل عااانس بعد ان ضربت بسمعتها عرض الحائط رغم انها ذات جمااااال فاااااتن ..!! الى هنا انتهت القصه <<< ماودي اكمل خايف تؤدي القصة بحياة بقية الشعب :bigeek:>>> :d طبعت الترجمه بمعامل انيس عبيد :d مايستفاد من القصه ..!! 1 _ ان الجمااال هو جمال الاخلاق وحسنها واهمية محافظة الشخص على سمعته لأنها رأس ماله عند الناس فأن طاحت طاااح ..!! 2 _ بعد الاباء عن بيوتهم وانشغالهم بأمور الحياة الاخرى يؤدي اللي عواقب وخيمة ..!! 3 _ اهمية وجود رب الاسرة بالقرب من اسرته ..!! 4 _ تتوقعون سعر الصامولي يوصل 15 ريال في ظل هالارتفاع ؟؟؟؟ كل شيء جايز ..!! :yes: 5_ ماتطرقت له من سلوكيات خاطئة في الموضوع اخطاء يقع فيها المجتمع ولم اعني شخصا بعينه بل قد اقع في نفس الخطاء انا ..!! ولكن ماطرح الموضوع لأجله هو ماالحل وهل بضنكم بيبطل الشباب والبنات هالكلام الفاضي وحب ( الجوالات المنتهي في الغالب الى عواقب لاتحمد عقباها ..!! ) واترك المجال لكم لذكر فوائد اخرى استنتجتوها من الموضوع ..!! * عموما اتمنى ان اكون وصلت الفكرة واعذروني لو كان اسلوب القصه ركيك لأني والله ماكنت ناوي انزل موضوع بس مسّكت اليوم الفجريه وكتبتها وان شاء الله تكون وضحت النقطة اللي اريد ان اوصّلها ..!! عواااااااااااااااااااااااااااافي |
:d:smilie47::smilie47::smilie47::smilie47::d |
:D وش ذا الزين ليو ميسي . . بصراحة قريت نص القصة وبقرأ الباقي بعدين تسلم ع القصة الرائعة تحياتي |
وعليكم السلام ورحمة الله وبركـاته , . . . أسلوب فكـاهي ! الله لايهينكـ :d , يوم أن قيـل أن الفتاة لابد أن ( تصآن ) وأن الشاب لابد أن ( يحصن ) وكل أولئكـ في دائرة الهوى واتباع ( النفس ) :yes: . . . وعندما يكـرم الجوال ! يبقى ( وسيلة اتصال ) :d ووسيلة الاتصال محدودة المدى ! لكن بانتظام ! . . موضوع رائع أخوي ليوم ميسي ! يعطيك العافية ورده |
ليو مسي خش ومش :d _____________________ باك بعد الإرتباك :d يسلم كأنك توصف حالتي :wub::wub: :d <---- شين ومقشع ياليت الناس يشوفون الجمال الداخلي عندي ولا يحكمون على شكلي :d القصه هذي تحكي واقع الكثير :d *صوره مع التحيه لموضوعك للصبايا اللي يناظرون الجمال الخارجي :d |
الرواية اللتي نقرأها كل يوم ترا أبرجع وأبحرر الرد لاحد يحسب على كيفه أحم باك الصراحتن جهزت لك رد ماحصلشي لكن علق الجهاز يللا خيره << قاري موضوع المشاكس لكن الحين أبفهم البقرهـ زينب ما عرفت أخوهـا ؟ بعدين قايلن لك من أول ام خشم حبوبه :D وشيكرن |
موضوع متعوب عليه ورده وجاري قرائه القصه :stoned: الف شكر s60s |
إقتباس:
أنا من عرفت انك كوكو وانا غسلت يدي :d . . ليو ميسي يرحم امك لا تكتب ما يستفاد مرة ثانية :bigeek: <<=== الجملة هذي لحالها تحطم نفسية كاتب الموضوع وتبين له ان اللي كتب الرد ما رد الا على آخر سطر وسحب على كل الموضوع :razz: s121s يعني بالله عليك تبيني ارد اقول القصة اجتماعية وتلمس وتراَ حساس فـ أين الأب وأين الأخ وأين ذهب الجمال :razz: ما بقى الا تكتب نريد نقاشاً جاداً وأخذ وعطا :whacko: .. يا عمي طييييييير :d . . . الا ما قلتلي انت مين فيهم شليويح ولا صويلح :surprised: أنا خايف ترد وتقول انا فادي :d s34s لي عودة مالي عودة اللي يكتبه الله بيصير :) :smilie47: ليو عواااااااااااااااااااااااافي :smilie47: :whacko: <<=== يتأمل في اللي مكتوب تحت اليوزر :laugh: |
عزيزي .. leo messi تحيــة طيبة تليق بشخصك الرائع ,, ‘ لك كل الشكـر على ( الأسلوب الفكـاهي ) في طرح واقع ( مؤلــم ) ,, ‘ ‘ فـكم من ( زيـنب ) في أخواتنـا أضاعت ( أنوثتهـا ) ورأس مالها ( عفتهـا ) من أجل ( نـزوات شيطــانية ) لا تتعدى متعتها ( ساعـات ) ,, ‘ وكم من ( شليويح ) أضـاع شبابه ودينه في ( المحـرّمات ) و ( الملــذات ) ‘ ‘ وذلك نتـاج البعد عن ( الديـن ) وكثرة ( الإغراءات ) الخارجية التي تحيط بشبابنا من كل حدبٍ وصوب .. ‘ ‘ اللهم احفظ شبــابنا وبناتنــا .. اللهم من أراد بهم سوءاً فأشغله في نفسه واجعل كيدهـ في نحـرهـ .. ‘ ‘ تقبــّل مروري .. ‘ سكـون الجـرح .. |
هلا والله ليو .. موضوعكـ تقدر تشوفه في أي مكان شليويح وزينب دايماً نراهم ولاكن بأسماء أخرى . أما نانسي :smilie47: ومن يتميزن بصفاتها هن كثر وياحضه من لقاله وحدهـ زيها :d ليو ميسي تقبل مروري |
. . قصه جميله بـ أسلوبهآ رآئعه بـ مغزآهآ وهدفهآ ,, مجتمعنآ فيه مليون شآب مثل ( صويلح و شليويح ) لكن للأسف أذا كآن فيه مليون مثلهم ,, فيه أيضآ ( مليونين ) بنت تصدقهم ,, وخآقه معهم ؟؟ وين العقل يآ نآس ..؟ كذب وآضح وضوح الشمس علاقه غلط أسآسها ( الحرآم ) مآ أدري متى نرتقي ..؟ متى نصحى ..؟ متى يبطل شبابنا وبنآتنآ هـ الحركآت !! شباب همهم البنات بنت مآ عندهآ ( خوي ) هذي مو عآيشه حياتها <~ مفهوم بعض من بنات هذا الجيل ..؟ أمتنآ بـ حآجتنآ ,, أمتنآ أملهآ بـ شبآبهآ لكن للأسف ,,؟ مين بـ يحرر فلسطين والعراق ولبنان وووو والقائمه تطول الأمل معقود فينآ ,, والأنظآر متجهه علينآ ,,؟ الله يصلـ ح الحآل إقتباس:
الثوب يبلى ثم يشترى غيره .. والعرض بعد هلاكه لا يشترى بيض الله وجهك ياليو ميسي هذي أهم نقطه وهذي صوره مع التحيه للبنآت الرجآل مآ يعيـبه شي ,, لكن البنت سمعتهآ ثم سمعتهآ ثم سمعتهآ ,, حتى إذا الوغد أروى .. من الفتاة غليلة قال اللئيم : ودآعآ .. ففي البنات بديلة قآلت ألمّآ وقعنآ .. أين الوعود الطويله قآل الخبيث وقد .. كشّر عن مكر وحيله كيف الوثوق بغرِّ .. وكيف أرضى سبيله من خانت العرض يومآ .. عهودهآ مستحيله بكت عذابآ وقهراً .. على المخازي الوبيله عآرٌ ونآرٌ وخزيٌ .. كذا حياةٌ ذليلة مآقصرت ياليو ميسي موضوع كنّآ بأشد الحآجه له لأن وضع بعض الشباب والبنات بـ هذي الأيآم من سئ الى اسوأ للأسف,, الله يعطيك العآفيه /جزآك الله خير مع التـ ح ـيه |
الابداع منبعة يسلم s13s وقفت عند زينب ..وهي بتروح لشوق تذاكر:d جيت اسجل حضور واعجاب واقول الله يعطيك العافية ليو ميسي وارجع اكمل قراءه:yes: اخوك الصغير ابو طلال .. لي عودة ان شاء الله |
رائع رائع رائع ! ما شاء الله عليك أسلوب فكاهي أخاذ ، أتوقع لك مع شيء من التركيز ( إبهار ) المتلقي الذي يفضل هذا النوع . و يبقى السؤال : " زان الددسن و لا ما زان :D " شكراً لك . |
جاري قراءة الموضوع بـــــــــــــــــــــــــــــــــــــــــــــــــــاك (شليويح : احبـــــك :d>> << الولد صريح من اولها خخخخخخخخخ زينب : حبتك القرااادة ياحقير ... طووووط طوووط << صوت القطار قفلت بوجهه تحطم شليويح وايقن انه مهوب وجه بنات ) :D:d:D:D:d:d ضحكت على عالمقطع ذا كثيرا <<<<<<<<< يسمع بالفصحى مشكووور ليو على الموزوع التريف <<<< وش عنده ابو شكيب :D تحياتي |
| الوقت المعتمد في المنتدى بتوقيت جرينتش +3.
الوقت الان » 10:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd