لا أدري لماذا أغلب الأعضاء فرحانين بالأخبار الي تشير إلى تعاقد ياسر مع مانشستر ستي
حتى ان بعظهم يقولون هذا مصلحة الهلال
كيف يكون انتقاله من مصلحة الهلال
هل عندكم بديل يعوضه في حالة إنتقاله
تصوروا وضع هجوم الهلال بدون ياسر
لا يجي احد ويقول هذا بعد لمصلحة الوطن والمنتخب لأن تعرفون مافعل منتخب الوطن بالهلال أكثر من مره
وفيه نقطه لازم تنتبهون لها وهي أن في حالة عودة ياسر للدوري السعودي مرة اخرى بيكون حر وبالتالي اي فريق ممكن يفاوضه وياخذه وطبعا أبو البلاوي جاهز
أرا أن على أعضاء الشرف تعويض ياسر مادياً مقابل ثنيه عن فكرة الإحتراف الخارجي وإلا جلب لاعب يوازي قدرات ياسر وفي هالحاله مانمانع من انتقال ياسر فالأهم مصلحة الهلال أولاً وآخراً
وإن كان الاعب ماأقتنع فيكون إحترافه على سبيل الإعارة وليس الإنتقال الكلي
ماأقول ألا الله يعين مدري وش بيصير وضع الهجوم بدون ياسر

انا معك اخووي وكلامك صحيح ،،،

هالوقت غير مناسب كليا لاحترااف ياسر براا انا ما اقوول لا يحترف لا انا اقوول الوقت الي يمر فييه نادي الهلال

بحاجه لياسر ،،،

والله مشكله لو يروح ياسر مافيه احد بهجوم الهلال من بيصير العنبر شفتوا العنبر في مبارات الاتفاق كور بالهبل بس ما فيه مهاجم الصويلح الله يقومه بالسلامه بس ما يكفي لوحده بالهجوم ياسر فاهم كل شي والهلال بدون ياسر ولا شي ..

تسلم اخوي على الموضوع

كلامك غير صحيح

الله يوفقه على كل حال والهلال مليء بالنجوم

إقتباس الرسالة الأصلية كتبت بواسطة عاشق الازرق البراق لا يا اخي كيف تفكيرك الله يهداك بدمتك متى راح يحترف ياسر ؟؟ !! على قولة المثل _ لما شاب ودوه الكتاب _ تبي ياسر يعتزل بعدها يروح يتفاوض ؟؟ ياخي الحين سنه معقول للأحتراف لكن بعد موسمين او اكثر العمر يزيد واللاعب يصعب عليه التأقلم او حصوله ع العروض الخارجيه ..

أخوي كلامك على عيني وراسي
ولكن عندك بديل لياسر ًً!!!!
كيف بيكون وضع الهجوم بدون ياسر مافكرت !!!!
مصلحة الهلال يأخوي هي الأهم
تتوقع اذا راح ياسر أعضاء الشرف بيجيبون بديل زي ياسر
أيه هين بس
شطارتهم يفاوضون لاعبين الدرجة الأولى والثانية

روووووووووووووح يايااااااااااااااسر واحنااااااااااااا معاااااااااااااااك ... لاتكونون انيانيين عااد ...

هذا وقت احتراف يااااسر ... والهجوم بخير ان شاء الله .. ( الصويلح , ليلو ( 3 مواسم مع الهلال ) واضافه اتوقع عودة الكلثم اذا رحل ياسر .. الى مكانه الطبيعي وهو الهجوم .. والفريدي قادم للوسط ..

صدقوني الهلال بخير .. بس لازم ياسر يروح

نعم احتراف ياسر مهم للجميع مطلب لنا جميعا

ولكن في هذا الوقت اعتبره نقطة ضعف في التفكير

ولن يستفد من احترافه في ذا الوقت سوى التدريب والدوريات شغاله وعلى نهايتها

اتمنى التريث لحين نهاية الموسم

اخوي انا اشكرر على اهتمامك الكبير بالهلال لاكن لو ترى الهلال بياسر او بدون ياسر الهلال قوي ولو انتقل ياسر لمنشستر سيتي امر يفرح الجميع وبذات جمهور نادي الهلال ومنشستر سيتي ترتيبه الرابع يعني ممكن مشاركته في دوري الابطال ايو ينتقل لاحد الانديه الكبيره في انجلترا وغيرها

وبعدين يوجد في الهلال لاعبين على قدر المسؤوليه ويوجد لاعبين في انديه متوسطه المستوى وهم لاعبين جيدين ويمكن شرائهم .
(والهلال منبع النجوم والاعبين الكبار)

إقتباس الرسالة الأصلية كتبت بواسطة سعودي - vip يا عزيزي قبل كل شي حط ببالك ان الهلال وكل الإندية السعودية والرياضة ما دخلت السعودية .. إلا عشان خدمة الوطن وتمثيله بالمحافل الدولية و إفادة الشباب بما تحمله الرياضة من رسالة سامية ,, ,,

طيب عزيزي هل الإتحاد السعودي يعامل الهلال بالمثل
كم قدم الهلال للمنتخب من نجوم وكم قدم بطوله خارجية للكرة السعودية
ولكن في المقابل أنظر كيف يحاربون الهلال
وأقرب مثال مبارة الفريق الآسيويه في كازخستان أو أوزوبكستان خانتني الذاكره وحده من هالدول يحرمون الهلال من اهم لاعبيه من أجل مباراة ودية للمنتخب
والاعب خالد عزيز من أجل خروجه ليوم واحد فقط من معسكر من أجل مباراة ودية يوقف سنه كاملة وش هالتخلف وطبعا لا يشمله الكرت الأبيض الخاص بالفرق الصفراء ... الخ من المواقف

وش تحس فيه انت