|
لا وألف لا لإحتراف ياسر في هالوقت لا أدري لماذا أغلب الأعضاء فرحانين بالأخبار الي تشير إلى تعاقد ياسر مع مانشستر ستي حتى ان بعظهم يقولون هذا مصلحة الهلال كيف يكون انتقاله من مصلحة الهلال هل عندكم بديل يعوضه في حالة إنتقاله تصوروا وضع هجوم الهلال بدون ياسر :bigeek: لا يجي احد ويقول هذا بعد لمصلحة الوطن والمنتخب لأن تعرفون مافعل منتخب الوطن بالهلال أكثر من مره :nono: وفيه نقطه لازم تنتبهون لها وهي أن في حالة عودة ياسر للدوري السعودي مرة اخرى بيكون حر وبالتالي اي فريق ممكن يفاوضه وياخذه وطبعا أبو البلاوي جاهز :upset: أرا أن على أعضاء الشرف تعويض ياسر مادياً مقابل ثنيه عن فكرة الإحتراف الخارجي وإلا جلب لاعب يوازي قدرات ياسر وفي هالحاله مانمانع من انتقال ياسر فالأهم مصلحة الهلال أولاً وآخراً وإن كان الاعب ماأقتنع فيكون إحترافه على سبيل الإعارة وليس الإنتقال الكلي ماأقول ألا الله يعين مدري وش بيصير وضع الهجوم بدون ياسر :no: |
لا يا اخي كيف تفكيرك الله يهداك بدمتك متى راح يحترف ياسر ؟؟ !! على قولة المثل _ لما شاب ودوه الكتاب _ تبي ياسر يعتزل بعدها يروح يتفاوض ؟؟ ياخي الحين سنه معقول للأحتراف لكن بعد موسمين او اكثر العمر يزيد واللاعب يصعب عليه التأقلم او حصوله ع العروض الخارجيه .. |
انا معك اخووي وكلامك صحيح ،،، هالوقت غير مناسب كليا لاحترااف ياسر براا انا ما اقوول لا يحترف لا انا اقوول الوقت الي يمر فييه نادي الهلال بحاجه لياسر ،،، |
والله مشكله لو يروح ياسر مافيه احد بهجوم الهلال من بيصير العنبر شفتوا العنبر في مبارات الاتفاق كور بالهبل بس ما فيه مهاجم الصويلح الله يقومه بالسلامه بس ما يكفي لوحده بالهجوم ياسر فاهم كل شي والهلال بدون ياسر ولا شي .. تسلم اخوي على الموضوع |
كلامك غير صحيح |
الله يوفقه على كل حال والهلال مليء بالنجوم |
أفضل استمرار ياسر في الهلال. العملية تنافسية وفي السابق نافسنا الاتحاد على ضمه للفريق ونجح الهلال. والآن ينافسنا فريق انجليزي أيا كان مانشستر أو تشلسي الخ. فهل نفرح لانتقاله؟ :nono: على هذا المنوال لو تطلب الفرق الاوروبية (كل) لاعبين الهلال لازم نطير من الفرح والهلال يطير الى الدرجة الثانية (أو الثالثة) |
لا زال الوقت مبكر للحديث عن هذا الموضوع , فالأمور لم تتضح بعد .. ! لكن في كل الحالات نتمنى التوفيق للقناص ياسر القحطاني في كل خطوة يتوجه لها اخي الكريم.. نادي الهلال رحل عنه اساطير تلو أساطير ومازال هذا النادي شامخ ويحصد البطولات الهلال لم يتوقف على لاعب ولن يتوقف بأذن الله , اللهم وفق الهلال فوق كل أرض وتحت كل سماء |
إقتباس:
ولكن عندك بديل لياسر ًً!!!! كيف بيكون وضع الهجوم بدون ياسر مافكرت !!!! مصلحة الهلال يأخوي هي الأهم تتوقع اذا راح ياسر أعضاء الشرف بيجيبون بديل زي ياسر أيه هين بس شطارتهم يفاوضون لاعبين الدرجة الأولى والثانية |
يا عزيزي قبل كل شي حط ببالك ان الهلال وكل الإندية السعودية والرياضة ما دخلت السعودية .. إلا عشان خدمة الوطن وتمثيله بالمحافل الدولية و إفادة الشباب بما تحمله الرياضة من رسالة سامية ,, نجي للمحور اللي ذكرته وتطرقت له بعدم وجود لاعبين ومهاجمين بالهلال في ظل غياب الآسر ياسر ,, ألحين بالله عليك يا عزيزي الصويلح ما ملى عينك !! ليلو !! طيب ياسر إلى متى بيخدمك اذا قعد !! واذا ما أحترف الحين متى يحترف !! ما نفعنا حكيك يوم نواف كان بيطلع على أول طيارة بتسافر لهولندا !! ليش ما نفكر بشكل إيجابي ونقول ان ياسر اذا راح بيخلي خانة فارغة لملئها !! شي حلو وبنكتشف فيه نجوم وشباب جدد ودماء جديدة ,, اما من ناحية تعويض ياسر بالنقود من قبل أعضاء الشرف !! ياخي هدف الإنتقال ليس مادي .. اللاعب بيحترف وان شاء الله يبي يشرفنا هناك ويكون البذرة الأولى لأحتراف الاعب السعودي في أوروبا !! إقتباس:
يعني امداك تنسى المفاوضات قبل ثلاث مواسم !! على العموم اتمنى ان تتقبل وجهة نظري !! دمت بود ,, |
روووووووووووووح يايااااااااااااااسر واحنااااااااااااا معاااااااااااااااك ... لاتكونون انيانيين عااد ... هذا وقت احتراف يااااسر ... والهجوم بخير ان شاء الله .. ( الصويلح , ليلو ( 3 مواسم مع الهلال ) واضافه اتوقع عودة الكلثم اذا رحل ياسر .. الى مكانه الطبيعي وهو الهجوم .. والفريدي قادم للوسط .. صدقوني الهلال بخير .. بس لازم ياسر يروح |
نعم احتراف ياسر مهم للجميع مطلب لنا جميعا ولكن في هذا الوقت اعتبره نقطة ضعف في التفكير ولن يستفد من احترافه في ذا الوقت سوى التدريب والدوريات شغاله وعلى نهايتها اتمنى التريث لحين نهاية الموسم |
اخوي انا اشكرر على اهتمامك الكبير بالهلال لاكن لو ترى الهلال بياسر او بدون ياسر الهلال قوي ولو انتقل ياسر لمنشستر سيتي امر يفرح الجميع وبذات جمهور نادي الهلال ومنشستر سيتي ترتيبه الرابع يعني ممكن مشاركته في دوري الابطال ايو ينتقل لاحد الانديه الكبيره في انجلترا وغيرها وبعدين يوجد في الهلال لاعبين على قدر المسؤوليه ويوجد لاعبين في انديه متوسطه المستوى وهم لاعبين جيدين ويمكن شرائهم . (والهلال منبع النجوم والاعبين الكبار) |
إقتباس:
كم قدم الهلال للمنتخب من نجوم وكم قدم بطوله خارجية للكرة السعودية ولكن في المقابل أنظر كيف يحاربون الهلال :upset: وأقرب مثال مبارة الفريق الآسيويه في كازخستان أو أوزوبكستان خانتني الذاكره وحده من هالدول يحرمون الهلال من اهم لاعبيه من أجل مباراة ودية للمنتخب :wallbash: والاعب خالد عزيز من أجل خروجه ليوم واحد فقط من معسكر من أجل مباراة ودية يوقف سنه كاملة وش هالتخلف :upset: وطبعا لا يشمله الكرت الأبيض الخاص بالفرق الصفراء ... الخ من المواقف |
وش تحس فيه انت |
| الوقت المعتمد في المنتدى بتوقيت جرينتش +3.
الوقت الان » 08:30 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd