بسم الله الرحمن الرحيم
السلام عليكم ورحمة الله وبركاته
مساااكم الله بالخير جميعاً .. وأسعد الله اوقاتكم بكل خير ..!!

فلتعلموا اخواني الأعضاء إن أصعب مايواجه العضو في كتابة الموضوع
ألا وهي المقدمة .. دائماً اتورط فيها لدرجة إني آخذ هم نجاح المقدمة أكثر
من إني آخذ هم نجاح الموضوع .. فنجاح الموضوع لايهمني بل يهمني نجاح
المقدمة <<( اقوول ألبخ بس )

زملاااااااي الأعضاء انا انسان عجل وراح ادخل بالموضوع دوغري
فلو تكرمتوا كل واحد يجلس بمطرحه لنبداً بكشف الستار عن الموضوع ..!!

الجاثوووم وماأدراك مالجاثووم كلمة نسمعها تتداول بين العربان
تارة يقولون الجاثوم وحش مفترس وتارة يقولون إنه فارس ملثم

فأنا انسان يالربع زارني ذات يوم مايسمى بالجاثوم وياكثر زياراته
اللي ماتخلص ماشاء الله عليه هالجاثووم يسمع بزيارة سابع جااااااااار
لأن معي في البيت أكثر من 7 أنفار فليس من الأولى أن يزورهم ويهوون
عن زيارة الثامن اللي هو أنا

فالجاثوم أصبح مداوماً على زيارتي مدري وش عاجبه بزيارتي ظنكم إنه حبني
وإلا إنه اعجب بطريقة نومي الأستوائية

فذااات يوم مغبر وشاحب وانا منهمك وغاطس بالنووم آتاني الفارس الملثم
اللي يسمونه بالجاثووم وخنقني وجثم على صدري ولسان حالي يقوول (يلعن أم
المزح البايخ )

وأصبحت مثل الأسير المكبل بالسلاسل والذي لايستطيع الوقوف
أحس بما يدور حولي من كلام السهرانين وشخير النائمين لكن الجاثووم
مصر إلا ياخذه بثاره ويموتني هذا كان تفكيري << (تفكير واحد له سوابق )

فحسيت إن نهايتي قربت لكن تذكرت إن فيه رب ماينسى عباده فقعدت
أقرأ بعض الآيات والأذكار في قلبي ونفسي على وشك إنها تنقطع ..!!
وفي هاللحظه عااادت للي الروح وفكني الجاثووم بعد مازنطني وبغى
يموتني .. انا مدري من اللي لاعبن عليه وقايله إن الغدير ذابحن أبووك

وحمدت ربي إن المسألة كانت تهديد ووعيد من الجاثووم .. ومن يومتها
وأنا افكر في هالجاثووم .. من يكون ؟؟ .. ومنهو ابووه ؟؟ .. وليه خنقني ؟؟
ظنك يالغدير إنه طالب حرش ؟؟ .. طيب ليه مايقابلك وجه لوجه ؟؟

كل هالأسئلة كانت تدور بدمجتي المصونة .. وماكان لها جواااب
لدرجة إني افكر بعض الأحيان إني انام وانا فاتحن عيني عشان مايرجع
لي سيء الذكر الجاثووم قبحه الله ..!!

وتكررت زيارات الفارس الملثم وعلى هالمنوال يخنقني وإذا درى إني اقرى
الأذكار ينحاش ويطلق سيقانه للريح وبائت محاولاتي باصطياد الجاثووم
بالفشل << ( اقوول خل عنك والله لو تشوفه لتفطس مكانك )

وشجعني الفضوول إني اسأل عن الجاثوم عند بعض طلبة العلم الموقرين
بعضهم قالي : هذا نوع من الجان يكتم على صدر الأنسان بسبب
المعاصي وتأخيره الصلاة أو تركها .. ويجثم على صدر الأنسان
لفترة بسيطة حتى يذكره بالموت ويتوب ويبتعد عن المعاصي ..!!

والبعض قالي هذا بسبب كثرة الأكل الدسم آخر الليل .. والبعض
قال إنه بسبب انقباضات وارتخاءات في عضلات الجسم ..!!

وأصبحت محتاراً من أصدق فيهم ؟؟

لكنني أخذت الرأي الأكثر خطورة وواقعية ألا وهو الرأي الأول بسبب
المعاصي وتأخير الصلاة أو تركها .. وأصبحت أفكر فيه هل انا مقصر
في صلاتي ؟؟ هل أنا عاصي ربي ؟؟

والحمدلله من بعد هالتفكير أصبحت حريصاً على عدم تأخير الصلاة
أكثر من وقتها .. وبفضل الله ابتعد هالجاثووم عن زيارتي بعد قراءتي
للأذكار ..!!
.
.
لكن في النهاية تعددت الأسباب والجاثوم واحد ..!!


وفتكم بعافيه .. ولنا لقاء مع جاثوم آخر
الغدير الأزرق ورده

لأهل الشأن :
تراني تعذبت مع هالموضوع كل ماحاولت انسق خرب وصار كنه
وجه عبدالوهاب
خلاص لاعاد تمدحوني عن الأستشاريين تراني هونت


اعتذر عن رداءة التنسيق من المصدر
الله يقلع الساعة اللي يكتب فيها الواحد بالوورد

إقتباس إقتباس الرسالة الأصلية كتبت بواسطة خالي من الهم ارحبو مليون . تدري وش الي مزعلني انك نسقت وخرب التنسيق ياعيني عليك يابطل اجل صايرن تبي تنسق وتنال رضااللجنه الإستشاريه . أهلاً وسهلاً يابسطويسي آآه أجل انت زعلت أجل وش تقوول عني كل ماحررت التنسيق خررب مدري كنه حااس إنك ياعبدالوهاب بترد أول واااحد قسم بالله كل ماناظرت التنسيق تذكرت وجه عبدالناصر دوريش إقتباس نرجع لموضوعك تقول الجاثوم والله مسبباته كثيره والي سمعته انه من أهم الاسباب ان الواحد ينام وهو غير طاهر فلا تنام مره ثانيه وانت شارب شاني . وش قصدك بغييير طاهر افا بس افا ماتوقعت إنك تظن فيني هالظن الشيين لكن لامانع من آخذ كلامك بعين الأعتبار إقتباس موضوعك جميل وطرح موضوع غريب بس ابشرك ولله الحمد عمره ما جاني هالي اسمه الجاثوم او الجثام قولوا ماشاء الله تبارك الله. وشلوون موضوع جميل وبنفس الوقت غريب تلعب علي أنت ياشين الواحد إذا ماعرف يجامل عبدالوهاب أجل الجاثووم مازارك أجل تبي تقنعني إنك طاهر وانت اللي كنت تدق علي وتسألني عنه أسأل الله أن يحميك ويحفظك من كل شر ياادب إقتباس طلال طرحت موضوع مدري وش يبي وحاولت اني ارد رد مدري وش يبي لذلك تقبل مروري ولا تعقب واجد بتتعب . ويحك .. ثكلتك امك ياهذا ياله من مرور مدري وش يبي عبدالوهاااب اسعدتني بطلتك وبردك واسعدتني أكثر إن الجاثووم ماجااك لكن تأكد إنه بيجيك عشان كذا لاتنااام إلا وعينك مفتووحة إقتباس برايفت إذا فاز فياض بأفضل موضوع طالبه بنص الجائزه ولا جهدك في الكاريكترات يروح هدر <<<<<<<<< يبي ينشب بين فياض وطلال

مازالت الخباثة تجري في عروقك مجرى الدم
عبدالوهاب وانت تعتقد إني رااح أطالب الشيخ فياض راعي الأبل
بشي من الجائزة وهو اللي أكرمني بشرف الدخول بموضوعه

إني أرى رؤوس قد أينعت وحان وقت مصعها
هوباا خلاص اقنعتني راح أوكلك تنوب عني في المحكمة للمطالبة
بحقوقي بس إذا سالك فياض قوله إنك وريث شرعي

خالي من الهم .. وخالي من الكولسترول .. وخالي من الجاثووم
شرفتني يابعدي بزيارتك الميمونة ..!!

وعافاك ربي .. ولاهنت ..!!

شكل الـ ج ـاثوم يـ ح ـبك


ذاك اليوم جاني جاثووم

واختكـم في الله سامـ ع ـه ان الشياطين ترووح بالاذان

ابي اأذن ابي من هنا من هناك ما قدرت في النهايه استسلـ م ـت

والحـ م ـد لله راح وفكني شره


بعدها كرهت الـ ن ـوم اسبـ ووع




صرت بـ ع ـدين ما انوم إلا قاريه المـ ع ـوذات ومافي دعاء إلا واقوله حـتـى احـ ي ـانا(ن) اأذن

{{ جـ ع ـل خوفي من ربي }}

غلا روووحي

أهلاً وسهلاً فيك وخيتي .. زارتنا البركه .. وعودة حميدة مليئة بالكوابيس

إقتباس الحمد لله مالي سوابق معه بس يا كثر مااسمع به ويقولون اذا جاك وسمع صوت ازعاج عندك او احد ناداك او لمسك احد يروح على طوول ياخي غريب هالجني

الحمدلله مالك أي سابقه معه لكن تاكدي إنه هو اللي بيبدأ بالزيارة وبدوون موعد
عشاان كذا مثلتس مثل عبدالوهاب انصحكم لاتناموون وكثروا من الأنسولين والكافي كوود
يطير عنكم النووم << يبي يخوفهم

وبالنسبة للأزعاج وإنه ينحاش إذا احد جاء مدري والله وإذا هالحتسي صدق
اجل ابخلي اخواااني الصغار جمبي كل ماجيت ابنااام

إقتباس الحين اذا جثم على صدرك تقدر تستعيذ بالله وتقرى المعوذات؟؟

انا عن نفسي ماقدر اتكلم لحظتها لكن استعيذ بالله واقرى بعض الآيات في قلبي

إقتباس وعلى طاري المعوذات لو تقراها قبل ماتنام مايمسك الشيطان

سؤاااال وجيه ومهم
اكييد وخيتي المتعارف عليه والمذكور في الآيات والأحاديث النبوية
إن الأذكار والآيات القرآنية تبعد عنك الضر ..!!

إقتباس كان الله في عونك .. واعانك على اصطياده

اللهم آمين وجزاك الله خير .. ووعد مني إذا صدته ابسدح لكم صورته بالمجلس

إقتباس ويسلموووا على هالتنسيق كنك كاتب قصيده

لالا ابشرك عدلت القصيدة قصدي عدلت الموضوع بس بعد عناء


وسررت بتشريفك وخيتي للموضوع .. ولاهنتي .. ..!!

Bnt alzaeem

أهلاً وسهلاً فيك وخيتي بنت الزعيم .. حياك وبياك وبالجنة لقياك ..!!

إقتباس شكل الـ ج ـاثوم يـ ح ـبك

هذا اللي خايفني منه لكن مع الأيام نعرف إن كان يحبني صدز
واللي يحبني حب مصلحة عشان يتسلى فيني

إقتباس ذاك اليوم جاني جاثووم واختكـم في الله سامـ ع ـه ان الشياطين ترووح بالاذان ابي اأذن ابي من هنا من هناك ما قدرت في النهايه استسلـ م ـت والحـ م ـد لله راح وفكني شره

الحمدلله ماجاني أنا لحالي
الله يكفيك شره وخيتي وانصحك بقراءة الأذكار قبل النوم والمداومة عليها
صدقيني هي السبب الرئيسي بعد الله بابتعادهم ..!!

إقتباس صرت بـ ع ـدين ما انوم إلا قاريه المـ ع ـوذات ومافي دعاء إلا واقوله حـتـى احـ ي ـانا(ن) اأذن {{ جـ ع ـل خوفي من ربي }}

الله يحفظك ويحميك من كل شر .. ماشاء الله عليك ماخليتي شي من العمل بالأسباب
اللي وسويتيه مو ناقص إلا الأقامة

وقواااك الله أختي وتشرفت بمرورك وردك
ولاهنتي .. !!

zezo الهلالي

أهلاً وسهلاً فيك .. وهلابك أخووي زيزو نورت الحته ياراقل

إقتباس لا أنصح من هم أقل من سن 18 <<< اخوكم عمره 17,, أو أصحاب القلوب الضعيفة بقراءة هذا الرد عشان مايصيرلهم كذا

ياساتر يارب اللهم اجعله خير

إقتباس وتكررت زياراته اللي ماادري وش هو سببها هل هو حب؟؟

افااا يحبك بعد الظاهر إنه ناووي يعلقني انا وياااك

إقتباس وفي احدى الخميسات<<<بالغصب يبي يجمعها زارني ابو الشباب للمرة الالف وكانت اثقل زيارة على الاطلاق حسيت فيه جاي عندي مع صوت مرعب مثل الاجراس والسلاسل مع صوت انفاسه الحاقدة عاد اخوكم في الله اللي هو انا صايرن تسذا وش يبي ذا ماوده يفكنا شوي جا السيد ومسكني من كتفي حسيت بحرارة جسمه <<< ,وربي اني صادق

المقطع هذا مو كانه ماخووذ من فلم القطيعة <<امزح الله يثيبك
بصرااحه لحظات تخووف أجراس وسلاسل قاعد اتخيل شكله اعوذ بالله
بصرااحه جاثومي اهون من جاثومك
الله يكافينا الشر وياك .. وعليك بالأذكار وانا اخووك ..!!

إقتباس الا وهذاك النور اللي يجي كأنه برق وابعد الجاثوم عني تقريبا 3 ثواني بعدها رجع قمت اكرر (الله أكبر)

سبحان الله .. الله ماينسى عباده .. الله لايحطنا في مثل موقفك ..
اسأل الله لك السلامة من كل شر ..!!

إقتباس سمعت ان الجاثوم يجي لعدة اسباب منها: الحب ,,, الكره,,, الحسد ,,,

والله ماعندي علم بخصوص هالمسألة
لكن أكيد فيه غالبية الناس تحمل في نفسها
إحدى الأسباب الثلاث لكن مااتوقع إنه بسببها
لأنه لو كان حقيقة لجثم على العالم كله

إقتباس لو حصل يوم وسير عليكم قولوا (الله أكبر) لانه حسب معلوماتي هي اكبر سبب لابعاده عنكم واحراقه وان شاء الله ماتشوفونه

جزاااك الله خيرعلى هالمعلومه وإن شاء مايسير علينا
ولانشووف رقعة وجهه ..!!

إقتباس مشكور اخوي الغدير الأزرق عالموضوع وتقبل مروري

العفوو حبيب قلبي .. وشرفتنا بطلتك وأثريت الموضوع
بردك الرائع .. بس ماقلت لي اليوم خميس وظنك
إنه راح يزورك الليلة

الله يكفيك شره ويحفظك من كل شر ..!!
وقواااك الله أخوي .. ولاهنت ..!!

the bast

إقتباس الحمد لله على السلامة ...! والله يكفيكـ شر هذا الشيطان ..!

الله يسلمك من كل شر .. اللهم آمييين ويكفيك شره وجميع المسلمين ..!!

إقتباس يقولون أن بعض الأمراض تعكس صورة لأعمال المسلم ..! هذا بحد قولهم ..!

صدقت أخووي ذي باست .. ولاأزيد على كلامك والله يحفظنا من كل أفاك ..!!
ونسأل الله السلامة ..!!

إقتباس يعطيك العافية

ويااك حبيب قلبي .. وشاكر لك مرور وردك الجميل ..!!
وقوااك الله .. ولاهنت ..

والله كان يجيني لين ماصرت اسمع القران كثييير
بصراااحة تعذبت والله

استبعد بان يكون السبب من ناحية كثرة المعاصي
او تاخير الصلاة ولو كان ذلك صحيح لوردفيها نص صحيح عن الرسول
او حتى احد الصحابه على الاقل
وايضا العض الله يهديه يخلط مابين الكوابس والجواثيم
مثل اللي يقول جاي بسلاسل ومدري وشلون سواليف هي ??!
والموضوع اشبع طرح بالمنتديات وكلهم ما اتفقوا على سبب معين