لا أنصح من هم أقل من سن 18 
<<< اخوكم عمره 17
,, أو أصحاب القلوب الضعيفة
بقراءة هذا الرد عشان مايصيرلهم كذا
ندخل في الموضوع انا بصراحة يالربع جاني الجاثوم
وتكررت زياراته اللي ماادري وش هو سببها هل هو حب؟؟
ولا يبي يستقوي علي عشاني مسكين 
ولا ايش بالضبط المهم صرت عارف مواعيده مايحتاج اشيل هم الضيافة 
طبعا يقولون رحم الله من زار وخفف لكن اخونا في الله الظاهر مايستحي كل خميس رازن خشته عندي وفي احدى الخميسات<<<بالغصب يبي يجمعها زارني ابو الشباب للمرة الالف وكانت اثقل زيارة على الاطلاق حسيت فيه جاي عندي مع صوت مرعب مثل الاجراس والسلاسل مع صوت انفاسه الحاقدة عاد اخوكم في الله اللي هو انا صايرن تسذا 
وش يبي ذا ماوده يفكنا شوي جا السيد ومسكني من كتفي حسيت بحرارة جسمه <<< ,وربي اني صادق بهاللحظة قرأت آية الكرسي في نفسي لاني ماقدرت اصيح او حتى ارفع صوتي بالاذكار بس الاخ ماراح من عندي وكل مال انفاسه تزيد مثل افلام الرعب لما يجي وحش ويحشرك في زاوية ويقرب صوبك وانت مو قادر تسوي شي
وقرأت الاذكار والايات ونفس الشي ماراح عاد بالاخير تذكرت وقلت (الله أكبر) الا وهذاك النور اللي يجي كأنه برق وابعد الجاثوم عني تقريبا 3 ثواني بعدها رجع قمت اكرر (الله أكبر) ونفس الشي جا هالنور مرة ثانيه ولكم الجاثم وطيره لفوق سمعت صوته وهو يتألم قرأت آية الكرسي وبعد دقيقة من هالموقف رجع وهو يلهث وكنه ناوي يذبحني
قلت (الله أكبر) بصوت عالي الا وقام يصارخ وصوته كل ماله يبتعد لحد ما سكن الجو وهديت وقرأت المعوذات والاذكار. هذي القصة اللي صارت معي وربي يشهد على كل حرف كتبته
.........للفائدة..........
سمعت ان الجاثوم يجي لعدة اسباب منها:
الحب ,,, الكره,,, الحسد ,,,
لو حصل يوم وسير عليكم قولوا (الله أكبر) لانه حسب معلوماتي هي اكبر سبب لابعاده عنكم واحراقه وان شاء الله ماتشوفونه
طولت السالفة وهي قصيرة اي سؤال او اي استفسار انا في الخدمة <<<< صاير خبرة 
مشكور اخوي الغدير الأزرق عالموضوع وتقبل مروري
سوري عالاطالة
zezo الهــــــلالي
