الســـــلام عليكم ورحمة الله وبركاته :-

هذه زاوية جديدة سالتقي بها معكم اسبوعيا تقريبا وسيكون الموضوع المطروح من ارض الواقع مشاكل نعانيهاكشباب او شابات ..

@@ مشكلة الاسبــــــــــــــــــــــوع @@

الاختبارات.... التي يواجهها الطلاب والطالبات على جميع المستويات الدراسية ..

بصراحه لازال الطلاب يعانون من طريقة وضع الاختبارات خصوصا وان الغالبية العظمى من المدرسين والمدرسات يحاولون..الصيد في الماء العكر نعم اعني بذلك .. انه يتعمد بعض المدرسين او
المدرسات ان يضع اسئلة امتحانات غير مهمة ولا تفيد الطالب سؤاء
ذاكرها ام لا .. وهذا الكلام من واقع ماعشته ولا زلت اعيشه كطالب.. او
صديق لبعض المدرسين وحتى من المدرسات في العائلة..

القضية الاخرى..
طريقة وضع الاسئلة.. على ماذا يضع المدرس اسئلته ...؟؟

هل ليختبر فهم الطالب او الطالبة ..؟؟

هل ليختر مقدرتهم على الحفظ ..؟؟

هل يختبر نفسه ومقدرته على ايصال المعلومة..؟؟

هل يختبر خبثه واللف والدوران ..؟؟<<== سمعتها من احد اصدقائي المدرسين

هل يختبر الانتباه.. ام المعلومة..ام الشرح..؟؟

هل .. هل .. هل .. هل..؟؟؟

اشياء كثيرة..

طبعا المدرسين لااعتقد ان تغيب عنهم هذه المعلومات.. ويحفظونها عن ظهر قلب.. ولكن للاسف لايعملون بها..

مدرس يختبر نفسه اذا يعرف يعجز الطلاب ولا لا

مدرس يبي يشوف من من الطلاب ذاكر الصفحه رقم 99..؟؟

مدرس يقول الاول على الصف مجنني ماجيب سؤال الا يحله وش اسوي له ..

مدرس يحط اسئلة سهلة تافهة حتى ماحد يجيه بالدور الثاني..؟؟
يقول ورانا اجازة نبي ننبسط

مدرس يخلي زوجته تختار الاسئلة دون اي خلفية للمادة..؟؟

مدرس يخلي زوجته تجيب له اسئلة ودفتر التحضير الخاص بزميلتها المدرسة لنفس المادة..؟؟ طبعا حتى المدرسات بس ياخذون من بعضهم

مدرس اولاده يضعون معه اسئلة الاختبار ليختبر قدرات ابنه العبقري..؟؟

مدرس يجعل ابنه يقوم بتصليح الواجبات بدل مايتفرج على التلفزيون..؟؟

طبعا الحال نفسه ينطبق على المدرسات لو ان لهن بعض الاشياء الخاصة..؟؟

انواع الاسئلة وكميتها...؟؟

طبعا كل مدرس يحط اسئلة على مزاجه مافي نظام

وحتى لو في نظام مثل ماعندنا بالجامعه وخصوصا كلية الطب..؟؟

عدد الاسئلة كبير للغاية ووقت الامتحانات طويل جدا

مثال اختبار نهائي لاحد المواد مدته اربع ساعات..

اختبار دوري عدد الاسئلة 40 سؤال اختياري..وستة اسئلة مقالية الزمن ساعه..؟؟

اختبار نصفي عدد الاسئلة 80 سؤال اختياري ..و12 سؤال مقالي الزمن ساعتان..؟؟

اختبار نهائي عدد الاسئلة 120 سؤال اختياري .. و20 سؤال مقالي الزمن 3 ساعات..؟؟

طبعا هذا نظام قسم واحد بكلية الطب وكل قسم له نظامه و99.99% يتبعون نفس الاعداد..؟؟

طبعا المدارس والثانويااااات موال لحاله بس اللي عندي الحين كله قديم
اي واحد ممكن يعطينا الفكرة الموجودة حاليا..؟؟

طيب ايش الحل للمشكلة هذي..؟؟

مااعتقد لها حل الا وعي المدرس او المدرسة بمكانته خصوصا وان اكثرهم داج بمعنى الكلمة.. ويمكن بعضهم يقرا معنا وش نكتب فيه..

وفيه شي ممكن يكون مفيد ان الجامعات او كليات التربية تحدد مقرر يضعه الخبراء في وضع الاختبارات مع انس متخصصين ويكون اجباري لطلاب هذه الكليات حتى لما يتخرج ويصير مدرس يكون عنده فكرة..

طبعا الموضوع مكتوب لكم حتى تتناقشوا فيه على ساحه هذا المنتدى
وتعمدت ان اترك بعض النقاط من غير طرح.. وخصوصا وجهات نظر الطلاب
وبعض الاشياء المتعلقة بتجارب المدرسين الشخصية ..

اتمنى ان يكون موضوع ممتع ومهم للجميع وتثرونه بارائكم القيمة..
واي شخص له تجربة او راي ياليت يكتبه من غير احراج حتى لو كان مدرس او مدرسة..

تحياتي لكم جميعا..
اخوكم / أمجد


الصراحـــــــــــه راحــــــــــــــه

اي عضو يرى ان هناك قضية تستحق النقاش مستقبلا عليه بارسالها لي وسيتم ذكر اسمه في حالة عرض القضية

وذلك حتى نشترك سويا في تحرير قضايا بوجهة نظر عربية راقية..

هلا أخوي عاشق الثنيان

فعلا قضية مهمة

وممكن نسميها قضية ظلم الطلاب والطالبات

ومن يأخذ حقهم من الظالم؟

لذلك الامر يرجع الى المدرس او المدرسة
إذا كانوا يخافون الله فسوف يعدلون في طريقة وضعهم للاسئلة وتعاملهم مع الطلاب
والمساواة فيما بينهم .

أما الذي مايخاف ربه ولا يتقي الله في الطلاب فتأكد أنه سيظلم ويظلم ويظلم..بلا رقيب ولا حسيب .

ولكن ..............

الله وحده هو ناصر المظلومين ..سبحانه وتعالى .


فعليكم بالدعاء ايها الطلاب والطالبات على من ظلمكم من المدرسين والمدرسات

فدعوة المظلوم ليس بينها وبين الله حجاب .

جزاكم الله خير

والله للاسف ان معظم المدرسين يبيلهم مدرسين يعلمونهم

<<== ابو سليمان والبارق ماسكين المشعاب عند باب المنتدى

الله فيه لكل قاعده شواذ

وبعدين ماقلت رايك بالنقاط المطروحه

أخوي عاشق الثنيان

والله مااقدر افيدك بالنقاط المطروحة لانه ليس لدي الخبرة بهالامور .


كان فيه شي يخص المحاسبة أوالاقتصاد ابشر بسعدك أقدر افيدك;) ;)

اما بهالامور أخاف اخبص واجيب العيد

انا قلت رأيي ببعض سياسة الظلم والإجحاف من بعض المدرسين الله يهديهم


تحياتي لك

هلا اخوي عاشق الثنيان..
والله مشكور على هذا الموضوع..
والله بالفعل هناك مدرسين يضعون الأسئلة لتعجيز الطلاب..
ما زلت اتذكر معاناتنا في المرحلة الثانوية مع احد مدرسي مادة التوحيد..يترك المقرر كله ويجيب الأسئلة من الهامش ..وعينك ما تشوف الا النور في درجات الطلاب كلها تكون متجمدة ..والمشكلة ما تدري تشتكي لمين..المرشد الطلابي يقولك ما لي دخل هذا مدرس المادة والوكيل يقول لك ضف وجهك ... والطالب ما يكون في يده الا انه يرضى بالواقع..

المفروض من هذي النماذج من المدرسين انهم يقدروا المسؤولية اللي يحملوها...

تحياتي لك ومشكور مرة ثانية على موضوعك اللي راح يكون فشة خلق للطلبة والطالبات من خلاله ..

مشكور جمجموم ..

H-CrAzY : والله للاسف توقع انه بيوم يقولون لك كم رقم الصفحه

وفيه نقطة ماتتطرقت لها من مضار الوقت الطويل لللامتحانات

وهي النووووووم وخصوا للسهران طول الليل يذاكر

يعني بالكثير ساعة ونص بعدها الواحد يطفي الحماس

معاك حق والله يادكتووووووووور

لكن البلى مو بالمدرسين البلى في اسئلة الوزاااااره المعفنه

لكن اتمنى التوفيق انشاء الله للطلاب والطالبات

آآآآآه ياعاشق الثنيان ليت المدرس يعقدنا ولا اسئله صعبه

الـجامعه نظام غير .. حليت صح بكره تلقاك ماخذ مقبول !!
حل تمام تشوف نتيجك جيد مرتفع !!

طيب ليه ===> راجع الدكتور = الدكتور بيقول انا على غلط !!!

اعرف واحد من الــطلاب يدرس قانون وكان يدرسه احد الدكاتره اللي مأخذين مقبل بعمرهم يقول

طلعت من الاختبار وانا متشقق من الفرحه حال حل ولا انما ايه ==> كذا قالي .. يقول يوم جيت اشوف نتيجتي اشوفها ( دال زايد)!!!! ليه دال ؟ انا حال حال صح .. يقول قلت خلني اراجع الدكتور وراح للدكتور وطلع ورقته ... وقاله الدكتور اجوبة هالسؤال غلط ..

قاله الطالب يادكتور هذي اجابة نص من الكـتاب .. قاله الدكتور وجهة نظر مؤلف الكتاب لاتتفق مع وجهة نظري !!!!!!!!

يعني وش بيقول الطلاب بيقول انت على غلط !!!

يقول حاولت اقنعه ان الاجابتن صحيحه يمكن مافيه فايده ....

حسبي الله ونعم الوكيل

بصراحة انا من زمان مو مشاركة في منتديات شبكة الزعيم بس موضوعك شجعني على المشاركة

وانا راح اقول رأيي من واقع تجربة عشتها ولا زلت اعيشها و هي انو الواسطة دخلت حتى المدارس

طبعا الكل يدري عن اسئلة الرئاسة التعجيزية عشان كذا الكل يريد يجيب نسبة مرتفعة في النصف الاول و لكن للأسف في طالبات ما يعتمدوا على انفسهم ومذاكرتهم بل يعتمدوا على واسطتهم

يعني راح اذكر لكم مثال

احنا عندنا في المدرسة بنات كتير من عائلة وحدة وعندنا مدرسة من نفس العائلة تقرب لهم

مجرد انهم يطلعوا من قاعة الامتحان و يعرفوا انو عندهم غلط يروحوا لها ويخبروها وهي بدورها تقول لمعلمة المادة عشان ما تنقصهم

و تخيل انهم حذفوا فقرة كاملة من سؤال في مادة النحو بس عشان انهم حلوا السؤال غلط

هاذا غير انو من بداية السنة وضعوا هالبنات في احسن صف اللي تعلمه افضل المعلمات في جميع المواد بس لأنو قريبتهم هي اللي توزع الطالبات على الفصول

هاذا غير كرم المعلمات اللي على ناس وناس يعني وحدة ناقصة نص درجة ما تعطيها ياها وتنقصها فوقها نص عشان تنقص علامة :sad: و بنات ثانيات فقرة كاملة مش محلولة تاخد الدرجة كاملة :sad:


و طبعا في نهاية الامتحانات اغلب بنات الفصل المدلل مو ناقصين ولا درجة

بالله هذي وين تصير:sad: وين العدل يا ناس:sad:

و اذا جيت للأسئلة حدث ولا حرج:sad:

اسئلة عشوائية ما تعرف كيف المعلمة فكرت تجيب هالسؤال

يعني اسئلة احيانا تحسها عن معلومات هامشية غير مهمة

و دائما الاسئلة تجي غير متوقعة :sad: يعني طول السنة متعودين على نمط معين من الاسئلة وفي امتحان نصف السنة الاسئلة غير تماما تحس انو مو نفس المعلمة اللي وضعت اسئلة الشهر والمراجعة و اوراق العمل

و احيانا تجيك اسئلة غير مفهومة يعني انت ما تدري ايش المعلمة طالبة في هالسؤال بالضبط

راح اقولكم مثال :sad: في اسئلة الكيمياء جابوا لنا مسألة يريدونا فيها نستخدم قانون خارج المقرر يعني ما عطونا ياه غير الحين في النص الثاني اخذناه و طبعا كل البنات ما عرفوا يحلوا هالسؤال والكل زفت في امتحان الكيمياء

يعني انا اول ما اخذت ورقة الامتحان وشفت الاسئلة بغيت انهار بس بعدين حاولت اهدي نفسي و قمت حليت فقط الاسئلة اللي ما فيها ارقام وبعدين قمت رجعت للمسائل والارقام و حاولت احلها والحمدلله على كل حال

و مثال ثاني في اسئلة الادب جايبين سؤال لأدبي اذكري رأيك في الصور الجمالية التي استخدمها الشاعر في النص؟وطبعا البنات استغربوا السؤال يعني كيف يذكروا رأيهم في الصور وهاذا امتحان نهائي مو حصة يذكروا فيها رأيهم في النص ولما نادت احدى الطالبات المعلمة و سألتها عن السؤال قالت لها المعلمة يعني استخرجي بعض الصور الجمالية الموجودة في النص

يعني بالله عليكم ايش جاب اذكري رأيك لاستخرجي والله معلمات يجيبوا القهر

على كل حال حسيت انو انا طولت في كلامي بهالموضوع بس والله من حر ما فيني وشكرا على طرحك للموضوع المهم

هي مهمه مره
بس انا متعذب مع المصاريه
ياليت نتكلم عن الاستغلال لسعودي في الدول العربيه

الاختSNTIA : اولا: كل عام وانتي بخير اعاده الله علينا وعليكم بالصحه والعافية ومرحبا فيك وبكتاباتك وياليت تشاركينا اكثر لان اسلوبك في الكلام حلو وواضح وعندك قدرة على العرض وطولي في الكتابة على راحتك شوفي الرد حقي الحين

المشاكل اللي تحدثتي عنها للاسف اصبحت واقع ولازم اي طالب ماعنده واسطة يعيشه...تقريبا كل الاشياء اللي ذكرتيها مرت علي اول في الثانوي والحين اشوفها تعيد نفسها في الجامعه

طبعا احنا صار عندنا مرض اسمه الواسطة وليتها واسطة من غير ماتضر احد الا معها حسد

مثلا مثل ماقلتي لما ماحلوا السؤال كويس انحذفت الفقرة

طيب اللي حل الفقرة هذي كويس واخطأ في فقرة غيرها مو ظلم عليه انها تحذف حرااام

بالنسبة لمدرسات او المدرسين قبل يومين اقرا في جريدة الاقتصادية
مدير مدرسة يحل الاختبار بدل ولد يقرب له وفيه غيره مصايب سواء كان يقرب له ولا معرفه لاهله

بالنسبة للاسئلة للاسف المدرسين او المدرسات يحاولون لما يكتبوا الاسئلة اول شي يتخيل ان شكل السؤال يطلع يخوف يعني يدور اصعب الكلمات علشان يعلم الناس انه مثقف ..
او يحاول يدور كلمات معقدة وفي الاخير يتورط بشرحها للطالب مثل السؤال اللي تكلمتي عنه

بالنسبة لبنات المدللين...انا راح اقول لك شي شخصي مريت فيه
كنت اعاني من امرين هو ان فيه طلاب مدللين وايضا بعد ماحاول الوالد يكلمهم انو المفروض مافي تفرقة كل واحد ياخذ اللي يحصله بالاختبار حقدوا علي المدرسين

طبعا ماكنت اهتم انا كثير بس كنت متضايق خصوصا اني كنت متفوق وهم ياخذونها علىالجاهز لكن واللله العظيم كلهم طمحوا ينقبلون كلية طب
ولا واحد منهم انقبل .. انا الوحيد اللي انقبلت
مو كذا بس الي اليوم هذا وانا اشوف كل ترم واحد منسحب من الدراسة نهائيا ويرجع ينام بيت اهله

عارفه السبب لانهم نجحوا بمجهود غيرهم مو مجهودهم وعلشان كذا لما شافوا في الجامعه محد يعرفهم ماقدروا ينجحون

الجامعه طبعا فيها محسوبيات وواسطات ومثل الثانوي تمام لكنهم مانجحوا علشان انه مافي احد يعرفوه فيها

بالنسبة لكلامك لما شفتي ورقة اسئلة الكيمياء وبغيتي تنهارين لما ماعرفتي الاسئلة

هذا شي طبيعي لجميع الطلاب لكن من يقدر يتعدى هالموقف الا الواثق من نفسه بعد الله طبعا

انا كنت اذا مر علي موقف زي هذا ومر علي كثير طبعا والسبب رهبة الامتحان او امتحان لك من الله

اقول لنفسي جملتين يارب وفقني ... واقول بعد بالحرف الواحد اكلم نفسي طبعا محد يسمعني

((( ياولد انت مذاكر وحافظ اهدا شوي وركز وراح تحلهم كالعادة ووتاخذ ممتاز بعد توفيق الله طبعا)))

والحمدلله اشجع نفسي الين احل سؤال بعدين اذا طلع لي سؤال بعد ماعرفه ارجع اقول هذا السؤال انا عارفه خله على جنب وراح ارجع له

يعني الواحد لازم يكون عنده ثقة بنفسه اكبر واي مشكلة تصير لك ممكن نساعدك فيها

تحياتي لك اخت سانتيا

===============
M_ALSHLHOOB:- وش قصة المصاريه اكتب لنا تجربتك حتى نتناقش فيها
===============
اخ راؤول الهلالي : اسف مانتبهت لردك الا في الاخير
فيه دكاترة بالجامعات معقدين لدرجه انه مستعد يكره نفسه ولا ياخذ طالب عنده A اتذكر دكتور يقول تاخذ ممتاز ليه انا وانا دكتور ماعمري خذت ممتاز يعني بتشوف عجايب والله يعيننا ويعينك عليهم
=============
اخ روميو : ايه كثر من هالدعوات

تحياتي للجميع

شكرا لك اخي عاشق الثنيان 15 على تشجيعك

و كل عام وانت بخير

في الواقع اسعدني ردك و اشكرك على تجاوبك

في نقطة لفتت نظري في كلامك وهو انو المدرسين يختاروا اصعب الكلمات في الاسئلة عشان يطلع السؤال يخوف وايضا قصة الدكاترة اللي ما يريدون احد يجيب عندهم ممتاز

كلامك ذكرني بشي دايم نقوله وهو انو المدرسات متعقدين في حياتهم ويريدون يطلعوا عقدهم علينا و تلاقي المعلمة تقولك احنا لما كنا ندرس ما كانوا يسهلوا علينا ليش احنا نسهل عليكم لازم انتوا تعانوا مثل ما احنا عانينا

يعني احنا ايش ذنبنا اذا هم تعبوا وعانوا ايام دراستهم يعني لازم يطلعوا عقدهم علينا

و الله ظلم :sad:

و راح اقولك بعد كم موقف من عندنا

انا طول السنة اشارك مع معلمة العربي ودايم اقوم اجاوب في الحصة
لكن في نهاية السنة نقصتني علامتين في المشاركة في الادب وفي النحو
ياترى ليش؟؟؟
لأنو حضرتها لما اي بنت تقوم تجاوب تسألها عن اسمها الا انا ما تسألني عن اسمي وضلت حضرتها ما تعرف اسمي لحد ما قربت نهاية الترم وبعدين حضرتها تعرفت على جنابي لكن بعد ايش بعد ما رصدت علامات المشاركة ونقصتني:sad: يعني انا والله احترت معاها صرت اقول اني بس اقوم اجاوب راح اقولها اسمي كذا بس مشكلتي سريعة اقوم اجاوب وانسى اقولها يا الحبييبة ترى اسمي.....

و في قصة ثانية
عندنا معلمة حديث ثلاثة ارباع السنة غياب و هي ما عندها غير حصة وحدة للمادة لكل فصل و في ايام معينة كانت تغيب فيهم كثير
ايش اللي صار ؟؟
في فصول خلصت المنهج وراجعت معاهم وفصول ثانية ما خلصت معاهم المنهج

وطبعا الكل يعرف انو الاسبوع الاخير الغالبية تغيب و ما احد يجي غير قليل و تصدق جت لنا معلمة الحديث آخر اسبوع و كانوا اللي في الصف ما يتعدوا 15 طالبة و عطتنا خمس دروس حديث خلال حصتين واعتبرت حالها خلصت المنهج مع فصلنا رغم انو ثلاثة ارباع الفصل غايب وهاذا غير انو عطتنا الدروس مو في حصص لها بس أنو احنا كنا فاضيين لأنو آخر ثلاثة ايام في الدراسة

و على فكرة كلامك اللي تقوله لنفسك يشبه كلامي

انا اهدي نفسي دايما واقول لنفسي لا تخافي انتي مذاكرة وبتحلين الاسئلة و بتنجحين و الاسئلة اللي تستصعب علي اخليها للنهاية

و بصراحة اني بسبب النصف الاول اصبت باحباط لدرجة اني صرت ما اذاكر والكل يقولي حرام عليكي ثالث ثانوي ذاكري ذاكري واني عاطيتهم اشكل
لكن الحمد لله جبت نسبة زينة ولو انها مو النسبة اللي كنت اريدها لأني اعرف امكاناتي واعرف اني اقدر اجيب احسن من كذا لكن على العموم الكل انبسط بنسبتي لأنهم ما كانوا متوقعين اجيب هالنسبة بسبب مذاكرتي العالمية اللي اتحدى احد في العالم يذاكر مثلها

شكرا لك اخي على سعة صدرك

بااااااي

هلا العزيزة سانتيا

المشاكل تقريبا مشتركة عند الطلاب كطبقات شلون يعني

مثلا مشاكل المتفوقين غير مشاكل اللي غيرهم
مشاكل اللي عندهم واسطه <<<== اصلن ماعندهم مشاكل
غير مشاكل اللي ماعندهم واسطة

إقتباس كلامك ذكرني بشي دايم نقوله وهو انو المدرسات متعقدين في حياتهم ويريدون يطلعوا عقدهم علينا و تلاقي المعلمة تقولك احنا لما كنا ندرس ما كانوا يسهلوا علينا ليش احنا نسهل عليكم لازم انتوا تعانوا مثل ما احنا عانينا

كلام مكرر ودائما نسمعه من المعقدين

وبالنسبة لمعلمة العربي اللي نقصتك درجتين
شكلها تحط الدرجات على الاسم

لذلك اعطيها اسمي وشوفي اتحدى اذا ماعطتني درجه كامله

اما معلمة الحديث فهذه مثل مدرس الجيولوجيا اللي ماخذنا فيها ولا حصة
الي اخر اسبوع قال بجمعكم واعطيكم المهم
راح اشترى ملخصات ووزعها علينا والكثير تورطوا في الفاينال
لكن الحمدلله ماني قايل كم اخذت انا علشان عيون بعض الناس

اما نسبة الفصل الاول فهي شي لايعوض اهم شي لطلاب ثالث ثانوي هو الفصل الاول حتى يعوضون الفضايح اللي تطلع الفصل الثاني

واذا انتي تقولي لنفسك نفس الكلام اللي انا اقوله ان شاء الله انتي بخير
لاني مجرب هالامر كثير ودائما انصدم اول ماشوف الورقة ببعض المواد وتيسر الامور


وبعدين اي مدرس معقد راح يتخيل شكله الطالب مثل كذا===>>


تحياتي لك ومشكورة على تواصلك

اي واحد عنده شي على المدرسين يحطه هنا ولا يستحي

<<<=== يشفي غليله فيهم

باي

سلام
والله انا اكثر واحد مستاذي من المدرسين وخاصه لما كنت بثالث
ثانوي وحتى بالجامعه اتوقع نتايج زينه وبالاخير يجيني مقبول
(طبعا مو في كل المواد)
لكن الحمدلله على كل حال
اخاف اتكلم في المدرسين استاثم فيهم
وخاصه استاذ الفيزياء اكثر مدرس معقد شفته في حياتي
متخلف بكل ما للكلمه من معنى
الله يسامحهم مع اني الا الحين ماني قادر اسامحه على اللي
سواه فيني بس بالطقاق كلها دراسه ليش الواحد يذبح روحه
وبالاخير نفس الشي ما تفرق
طولت عليكم وانا ماعندي سالفه بس حبيت اشارك بالموضوع