شكرا لك اخي عاشق الثنيان 15 على تشجيعك

و كل عام وانت بخير

في الواقع اسعدني ردك و اشكرك على تجاوبك

في نقطة لفتت نظري في كلامك وهو انو المدرسين يختاروا اصعب الكلمات في الاسئلة عشان يطلع السؤال يخوف وايضا قصة الدكاترة اللي ما يريدون احد يجيب عندهم ممتاز

كلامك ذكرني بشي دايم نقوله وهو انو المدرسات متعقدين في حياتهم ويريدون يطلعوا عقدهم علينا و تلاقي المعلمة تقولك احنا لما كنا ندرس ما كانوا يسهلوا علينا ليش احنا نسهل عليكم لازم انتوا تعانوا مثل ما احنا عانينا

يعني احنا ايش ذنبنا اذا هم تعبوا وعانوا ايام دراستهم يعني لازم يطلعوا عقدهم علينا

و الله ظلم :sad:

و راح اقولك بعد كم موقف من عندنا

انا طول السنة اشارك مع معلمة العربي ودايم اقوم اجاوب في الحصة
لكن في نهاية السنة نقصتني علامتين في المشاركة في الادب وفي النحو
ياترى ليش؟؟؟
لأنو حضرتها لما اي بنت تقوم تجاوب تسألها عن اسمها الا انا ما تسألني عن اسمي وضلت حضرتها ما تعرف اسمي لحد ما قربت نهاية الترم وبعدين حضرتها تعرفت على جنابي لكن بعد ايش بعد ما رصدت علامات المشاركة ونقصتني:sad: يعني انا والله احترت معاها صرت اقول اني بس اقوم اجاوب راح اقولها اسمي كذا بس مشكلتي سريعة اقوم اجاوب وانسى اقولها يا الحبييبة ترى اسمي.....

و في قصة ثانية
عندنا معلمة حديث ثلاثة ارباع السنة غياب و هي ما عندها غير حصة وحدة للمادة لكل فصل و في ايام معينة كانت تغيب فيهم كثير
ايش اللي صار ؟؟
في فصول خلصت المنهج وراجعت معاهم وفصول ثانية ما خلصت معاهم المنهج

وطبعا الكل يعرف انو الاسبوع الاخير الغالبية تغيب و ما احد يجي غير قليل و تصدق جت لنا معلمة الحديث آخر اسبوع و كانوا اللي في الصف ما يتعدوا 15 طالبة و عطتنا خمس دروس حديث خلال حصتين واعتبرت حالها خلصت المنهج مع فصلنا رغم انو ثلاثة ارباع الفصل غايب وهاذا غير انو عطتنا الدروس مو في حصص لها بس أنو احنا كنا فاضيين لأنو آخر ثلاثة ايام في الدراسة

و على فكرة كلامك اللي تقوله لنفسك يشبه كلامي

انا اهدي نفسي دايما واقول لنفسي لا تخافي انتي مذاكرة وبتحلين الاسئلة و بتنجحين و الاسئلة اللي تستصعب علي اخليها للنهاية

و بصراحة اني بسبب النصف الاول اصبت باحباط لدرجة اني صرت ما اذاكر والكل يقولي حرام عليكي ثالث ثانوي ذاكري ذاكري واني عاطيتهم اشكل
لكن الحمد لله جبت نسبة زينة ولو انها مو النسبة اللي كنت اريدها لأني اعرف امكاناتي واعرف اني اقدر اجيب احسن من كذا لكن على العموم الكل انبسط بنسبتي لأنهم ما كانوا متوقعين اجيب هالنسبة بسبب مذاكرتي العالمية اللي اتحدى احد في العالم يذاكر مثلها

شكرا لك اخي على سعة صدرك

بااااااي