انا ياليت مثلكم انطق خلوها على الله

مووضووع حلووو ورائع

اجل بترد الكف هههههههههه << والله انك كنت زاحف

انا ما اذكر اني انطقيت اذكر انه المحاظرات والسب كل يووم

مشكور على الموضوع
وعساك على القوه

"

"
وعليكم السلام ورحمه الله وبركاته

اممممممممممممم
بصراحه ماحس اني انضربت كثير يمكن لما كنت صغيره ماتذكر
وقليلا المواقف الي تستحق الضرب لي وش حليلي هاديتن عاقلتن كافيتن خيري شري
>>>>>>>>>>تمدح بعمرها
واابووي الله يحفظه ماتوقع كان يتعامل بالضرب يمكن يعصب بس ماحس اننا كنا نسوي شي يستحق الضرب او الصراخ
ولو غلطنا الافضل نبتعد عن مصدر الخطر

الضرب غالبا للاولاد احس قليل بنت تنضرب

تذكرت مره اتوقع هي الاولى والاخيره الي انضربت فيها
كنا انا واختي وبنات عمتي ثنتين ووولد خالتي
طبعا عددنا خمسه يعني واحد مايلعب معنا
نلعب (كيرم )
المهم اني خسرت الظاهر عاد تعرفون الدلع مدري وش قلت وعصبت والظاهر بكيت علشانهم طلعوني او بمعنى اصح خسروني

اتذكر تنرفز ابوي من رده فعلي وضربني

الله لايعيد الكيرم الي بيعرضني للضرب


عوافي اخوي ابوطلال
والله الله بطلال وفارس لاتمد يديك عليهم

إقتباس الرسالة الأصلية كتبت بواسطة G o L d E s T لا تقلب المواجع يابو طلال

إقتباس الرسالة الأصلية كتبت بواسطة G o L d E s T أحس أنك توك ضارب طلال وتحسفت وبتسألنا طبيعي الضرب ولا لا أنا أبوي ضربن مرة وحدة كانت هي الأولى والأخيرة طول الله عمرك أنا الولد قبل الأخير بالعائلة الكريمة مرة من المرات يوم اني بثاني أو ثالث ابتدائي كنت ألعب مع أخوي ( آخر العنقود ) طبعا كنا ماسكين سلك طويل كل واحد ماسك طرف وقاعدين نلعب به رجع أبوي من صلاة العشاء ويجيك أخوي الصغير يسوي حركة نذالة يمسك الحبل ويلفه حول رقبته عاد أبوي شاف الوضع كذا قال ما يحتاج أكيد اني أبذبح آخر العنقود بحكم الغيرة وأنا مظلوووووووووووم وماسك الحبل ومدري وش أسوي ويجيك الوالد يقول اترررررك أخوووووك ويطقن بذاك الكف اللي خلان آخذ لفه كاملة وادخل البيت طبعا الدموع أربع أربع بعد ما أخذت اللفه ورحت أصيح بالمجلس وأقول لنفسي أنا وش اللي مخلين أعيش مع هالعائلة اللي يضربونن وأنا مظلوم <<< فكر يهج برا البيت طبعا الوالد الله يحفظه تندم وأرسل أخوي يدورن بأنحاء البيت ويوم شافن أخوي الكبير قعد يسحبن لمين رحت لابوي والوالد ما قصر عطان مبلغ مالي وقدره عشرة ريالات بعدها نسيت الضرب <<< أيام كانت العشرة تعيشك أسبوع أما الوالدة ما سبق أنها ضربتني

اثاريكم مثلي
اتذكر اول لو صرخووا علي او ماشروا لي شي ابيه
فكرت اهاجر الدياااار واحس الدنيا تسود بعيني احسن بظلم عنيف لو مالبو لي طلب

الله يذكر ذيك الاياام والحمد لله قدرنا نتمالك اعصابنا ومانحشنا

إقتباس الرسالة الأصلية كتبت بواسطة عسيريه كل شي يهون الا الشنطه المجهزه للهجره فيها ملابس + أكل + عصير + منايل + عشره ريال واذا زعلت وعصبت من هلي قلت اصلا انتوا ماتحبوني ما كأني بنتكم<~ ياكثر مانردد هالكلام واخذ الشنطه واطلع الحوش واصفق بالباب اللي يودي الشارع واندس ورا البيت يقالي اذا صفقت الباب كأني طلعت برا البيت هلا ابو طلال اعذرني ع الشطحه اللي فوق بالنسبه للصفق والتكفيخ والله ما اتذكر صراحه عجزت وانا احاول اجيب موقف واحد بس اللي اعرفه اني كنت عنيده بشكل فضيع وهلي يعصبون علي بس اخوي هو الوحيد اللي كان يوقف معاي وهـ بس ياخوي ايه لحظه تذكرت واحد مره يمكن قبل تسع سنوات جا ابوي من برا وهو معصب وجلس بالصاله اللي تحت وانا واختي اللي الصغر مني وولد اختي كنا بالصاله الي فوق نشوف التلفزيون جت اختي الصغيره سوت حركة نذاله وغيرت القناة وانا وولد اختي متحمسين عاد يوم غيرت القناة عصبنا من جد وقمنا عليها نسحب منها الريموت عاد ابوي سمع ازعاج وهوه معصب خلقه طلع لنا من الدرج ماشي مليون .. وظربنا كلنا بس الظرب كان على قدنا لانا كنا صغار مانتحمل .. تسلم ابو طلال على هالموضوع ,, ماقصرت مع الـتـ ح ــيه

عسيريه مرحبتين .... وعساك جايبه شنطتك معك ... عشرة ريال وش تكفيك بس ؟؟
واتذكر شكلك وانتي تلمين عفشت وتبرطمين ( واللهي مش قاعده في البيت ده ولا دقيقه وحده )
وفعلا يطلع التفكير .. شكلي منيب بنتهم ... اكيد انا جايبيني من الشارع .. ويبدى ابليس يوسوس بهالراس
وصف رهيب لاغلب الحالات ... وصفقت الباب ذي ( جس النبض ) صارت قديمه .. القهر الحين هم اللى يفتحونه لك ( وانواع الاحراج )
الله يسعدك عسيريه وسعتي صدري والله واضافه حلوه لموضوعي ... دايم اشطحي واسرحي وامرحي في مواضيعي الترفيهيه

إقتباس الرسالة الأصلية كتبت بواسطة leo messi هلا والله ابو طلال كيف الحال ان شاء الله بخير والله المره الوحدية اللي طقني فيها ابوي من عرفت كانت بصف خامس ابتدائي كانوا اهلي يقوموني من النوم وابوي راح يودي باقي اخواني وانا رجعت ورقدت من شدة النعاس وابوي يرجع ويحصلني نااايم وهو دايم محذرني مادريت الا بالمحطه مع ظهري .. فزيت مثل اللي فز به سلك من ماس ... من كهرباء من ظغط عالي ومحسوس وكل السبب محطه على الظهر والراس ... خلتني انقــز واصيح تقـول ملحوس هذي والله المره الوحيدة بحياتي اللي طقني فيها ابوي ..!! عاد من اليوم الثاني معاد نمت بعد الفجر بس اللي قاهرني وباط مرارتي اني وانا نايم قبل لايطقني ابوي كنت احلم اني رايح المدرسه وان الجرس بيدق وبيبدا الطابور وانا في المدرسه يعطيك العافية اخوي الصغير ابو طلال .

الطق يولد الابداع .. هلابك يسلم وصح لسانك على هالقصيده الجميله بس وين التكلمه !!!

الله يعطيك العافيه والوالد ماقصر يكفي انه هيأك للعسكريه افضل تأهيل .. الحين تصحي من النوم بتصفيره

شاكر لك يسلم وماقصرت يالغالي

إقتباس الرسالة الأصلية كتبت بواسطة سوسو الرياض ولاعمرهم مدوا يدهم عليه........ وانقهررررررررر يامنقهرررررررررر

اثبتت الدراسات والاحصائيات الجديده إن البنت اللى ماتنطق عند اهلها .. تنطق في بيت الزوجيه ..

الله يكون بعونك على مستقبل حافل بالتسطير

شاكرر لك حضورك

إقتباس الرسالة الأصلية كتبت بواسطة الـمـشـاغـب هلا والله أبو طلال ياخوي وراك ما علقت على ردي في موضوعك السابق .. ترى عدلت ردي وطولته عشانك وجع أنا آخر علقة أكلتها من أبوي الله يحفظه ويطول عمره ويرزقني بره .. كانت بداية دخولي الجامعة ... كان أبوي بالشرقية ورحنا له في بيت عمي .. المهم أذن المغرب ونزل هو يصلي وقال لنا قبل يطلع انزلوا صلوا .. وحنا تأخرنا شوي لين جات الإقامة.. المهم .. نزلنا صلينا المغرب بالمسجد وطلعت أنا أول واحد عشان ألحق على المسلسل الله لا يذكره بالخير ..!! رجع ابوي والعيال .. وشافني مسنتر قدام التلفزيون .. وحسبني ما صليت .. قلت له والله صليت .. قال كذاب ما شفتك.. قلت وربي أني مصلي واسأل العيال .. قالوا العيال اي والله صلى .. قال طيب ليه ما شفتك بالمسجد؟ قلت أصلي لربي مو لك عشان تشوفني ... قلتها والله ما أقصد أقل أدبي بس مدري وشلون طلعت ما دريت إلا والله بذاك الكف خلاني أشوف الدنيا ظلمى وتولع شرار وسحبت نفسي مبرطم أبطلع من البيت علبالي أنه بيراضيني .. إلا وبيالة الشاهي في ظهري والعيال يهدون فيه وعلى طوووووووووول أنحااااااااش الوالد دايم يصدقني ولو كذبت عليه يمشيها .. بس مدري هذاك اليوم كان معصب والظاهر ما لقى يحط حرته إلا فيني المهم ما رجعت إلا الساعة 10 بالليل بغيت أروح الجامعة بس ما رضيت أروح وأخلي أبوي وهو مسافر بكرة رجعت مع اني ما كنت أرد على اتصاله .. وقعدت وجاني هو وعمي يراضوني والعبرة أذكرها ما قدرت أمسكها باسني أبوي وهو يعتذر كني ورع صغير وقمت حبيت على راسه ...!! وانتهى الفيلم الهندي على خير بس من جد ما أنسى هالموقف أبد ... مع أنه أليم بس والله يمووون الوالد الله يطول لي بعمره

هلابك سلطان صقيقي ....... رديت عليك .. وشفت ردك الثاني .... بس تعيجزت ارد اخاف يقولون ليه يرد عليه مرتين ؟؟ يدرون ان عندك واسطه ...

سالفتك مع الوالد الله يخليه لك مؤلمه ... ( يبي يشيشه على ابوه ) المفروض الله يهديه يتاكد .. او على الاقل يعتذر بعد مااكتشف الحقيقه

حتى البرطمه ممنوعه وفيها بيالة شاهي وش هالظلم <<<<< اطلع من البيت

وهذا هم الاباء يكفخون ويسطرون وتخقيل واخرتها بوسه وينتهى كل شي ... انت كفخك وضربك ولحقك ببيالة شاهي .. واخرتها بوسه وانتهى كل شي ..

وحده من البنات الاعضاء تقول ابوي ناظرني بس نظره حاده ومن بكرا شرهها بخمسين ريال .. الله يخلف علينا بس

عاد ترى امزح .. اخاف تحقد على ابوك الحين الله يستر .. وانا عندي عيال ربي يبلاني بشرهم

حياك سلطان ومشكور على حضورك ومرورك .. ونسق نبي نشوفكم .. انتم عقب الجائزه اختفيتوا

إقتباس الرسالة الأصلية كتبت بواسطة ~بنت الزعيم~ وعليكم السلام ورحمه الله وبركاته .. شف مع ان موضوعك ما عجبني حيل ويطلع فضايح قديمه بس ما يمنع اني اشارك وافضح نفسي قدام الجميع .. انا اذكر اول طقه واخر طقه من ابوي الله يرحمه يوم اني برابع او خامس ابتدائي ما اذكر << عجزت الذاكره .. المهم يعني طق محترم على كيف كيفك وكل هذا على شأن ولد جيرانا << كرهته من ذاك اليوم جاء ويشتكي علي عند ابوي ويقول بنتك قاعده تغثنا من اليوم ومسويه ومسويه وانا مسيكينه ما سويت شي بس قاعده ارمي عليه بالحجرات الصغيرات بس وافترى علي اني سويت اشياء واجده مع اني مظلومه وابوي بعده طقني وعورني ويوم شاف ادميعاتي الحلوات جاء لمي وخمني وحبني فوق راسي واعتذر مني وفهمني انه يبي يعلمني انه خطأ اللي سويته مو عشان يكرهني وبعدها ما رضيت لين عطاني كم ريال بعدهاا رحت معه السوق وشرالي هديه حلوه مثلي .. ومامي ما عمرها طقتني ولا طقت واحد من اخواني احس اللي يطقون اكثر الاباء اما الامهات حنونات يا حليلهن .. خالص التحيه والاحترام لك ابو طلووو ..

ماسويتي شي .....؟؟؟ وانتي فاقعه راسه بالحجارات الصغيرات ياقلبووووش .. لا بريئه
شكلك مازحه معه ببلك وتقولين حجرات صغيرات هع هع هع هع
ادميعاتي ؟؟!! حلوه
ناظر يالمشاغب .. ابوها شاف دميعاتها شرهها بكم ريال .. وانت ياحول مظلوم وتنطق .. ويوم برطمت بس وقلت اح من الوجع لحقك البياله ؟؟ والله الفرق بين حالة العيال والبنات ؟؟

شكرا لك اختي .. والله يخليلك البابا

إقتباس الرسالة الأصلية كتبت بواسطة بريماكس!! ^^^ رحمتس ياويلي ايوالله برئيه ماسويتي شئ الله يغفر لابوتس ويسكنه الفردوس .......... هلا ابوطلوو وشلون العزوبيه احمد ربك وانا اخوك انت شهر وعشر ايام حنا سنين الله يفرجها علينا قل امين امممممممممممممم نرجع لموضوعك اخر ضربه مدري من كثرهن لا امزح والله ماقد ضربني ابوي لانه مايتعامل معاي بالضرب يتعامل بالكلام فقط وانا الحمدلله انسان مؤدب ثانكس عالموضوع يابوطلو

العزوبيه تسلم عليك .. باانتظار اي شخص يغلط او يزل لسانه زله بسيطه ويعزمني علطول اقوله ( موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق )
والله يزوجك ان شالله وتطلق العزوبيه للابد
ويع !! وش هالولد اللى ماينطق .. مسسسسكين يحووول ماقد ضربه ابوه نياهاهاه >>>>>> حامض على بوزي
ياحضك وين ابوك عن ابوي ورى ماصادقه بدال ماهو مصادق عرابجه معلمينه القسوه >>> امزح دادي ( ابوي يعني ) <<< كش عليك

وعليكم السلام ورحمه الله وبركاته ..
شف مع ان موضوعك ما عجبني حيل ويطلع فضايح قديمه
بس ما يمنع اني اشارك وافضح نفسي قدام الجميع ..

انا اذكر اول طقه واخر طقه من ابوي الله يرحمه
يوم اني برابع او خامس ابتدائي ما اذكر << عجزت الذاكره ..
المهم يعني طق محترم على كيف كيفك وكل هذا على شأن
ولد جيرانا << كرهته من ذاك اليوم
جاء ويشتكي علي عند ابوي ويقول بنتك قاعده
تغثنا من اليوم ومسويه ومسويه وانا مسيكينه ما سويت شي
بس قاعده ارمي عليه بالحجرات الصغيرات بس وافترى علي
اني سويت اشياء واجده مع اني مظلومه وابوي بعده طقني
وعورني ويوم شاف ادميعاتي الحلوات جاء لمي وخمني وحبني
فوق راسي واعتذر مني وفهمني انه يبي يعلمني انه خطأ اللي سويته
مو عشان يكرهني وبعدها ما رضيت لين عطاني كم ريال
بعدهاا رحت معه السوق وشرالي هديه حلوه مثلي ..

ومامي ما عمرها طقتني ولا طقت واحد من اخواني
احس اللي يطقون اكثر الاباء اما الامهات حنونات يا حليلهن ..

خالص التحيه والاحترام لك ابو طلووو ..

أهلن ابو طلال

صراحتن ابوي ماعمره طقني

امي هي الي كانت تضرب ايام الابتدائي بس مو كثير مرهـ ولا مرتين

الله يعطيك العافيه على الموضوع الرووعهـ

إقتباس الرسالة الأصلية كتبت بواسطة الزعيـ الهلاليه ــمه أهلن ابو طلال صراحتن ابوي ماعمره طقني امي هي الي كانت تضرب ايام الابتدائي بس مو كثير مرهـ ولا مرتين الله يعطيك العافيه على الموضوع الرووعهـ

اهلين وسهلين اختي ...

مرة او مرتين او ثلاث .. لايكون نسيتي العدد من كثرهن مثل ماجد مقبل

مشكور اختي وتمنينا تذكرين لنا متى اخر مره والموقف .. بس شكل الموقف محرج وشكل الطقه كانت قبل امس .. يعني الموضوع احراج في احراج بالنسبه لك

وننتظر عودوتك مع الموقف والاضافه اختي العزيزه

إقتباس الرسالة الأصلية كتبت بواسطة nor alshams هلا ابو طلال و فارس .. وعليكم السلام ورحمة الله وبركاته .. الله يعطيك العافية على هالموضوع الرائع .. طلعت فضايح بعض الاعضاء والعضوات ،، وآلام البعض الاخر .. ؛؛؛؛ بالنسبة لي انا .. حاولت اتذكر ومالقيت ولله الحمد والمنه .. وماحبيت ارد الا بعد ماتأكدت من الوالدة الله يحفظها .. وقالت لي بعد تردد لا .. بس اكيد مع هالتردد في شي اليم وانا صغيرة .. الوالد ماصار منه شي والحمد لله .. الله يحفظهم ويرزقنا برهم .. اللهم ارحمهما كما ربيانا صغارا سوءاً بالضرب او غيره .. ؛؛؛؛؛؛؛ :: عوافي ابو طلال .. دائما مواضيعك رائعة ماشاء الله .. بانتظار الموضوع القادم .. واعذرنا على المرور البسيط .. ؛؛؛؛؛؛؛؛؛ في امان الله ..

هلابك نور الشمس .. وحياك اختي ... مرورك اسعدني بس من غير موقف .. !! ولا مره جتك صطره ؟؟ قبصه مثلا !! اااهب

الله يخليلك اهلك .. اسالي امك مره ثانيه يمكن فيه شي وناسيته ... طيب اخوانك ( إلا يبي ضرب )

شاكر لك حضورك ومرورك يالغاليه

إقتباس الرسالة الأصلية كتبت بواسطة عفره ياحي الله ابو طلال والموضوع الخفيف اللطيف العفيف والعنيف.. نبدا بالسالفه اذا تبي اخر مره فهي قبل اربع سنوات يوم كنت في ثالث ثانوي من الوكيل اللي لايمكن ان اسامحه والله لو يسوي وش ضربني ضرب مب صاحي عشان تاخرت على الحصه الرابعه اما من الوالد فحدث ولا حرج اخر مره اتوقع يوم كنت في ثاني متوسط وكان السبب ان كفخت اخوي الصغير لين ماقلت بس عاد اخوي الله يهديه راح اشتكى جا ابوي وسوا فيني الواجب كف من الطراز الرفيع اللي لايمكن ان انساه.. بعد هالكف صرت احترم اخوي الصغير بس يابو طلال انا ابي اسالك بما انك أب.. هل الاب يستمتع اذا ضرب ولده ؟

هع هع هع يكفخه ويقول بس الله يهديه راح يشتكي ؟!! زاحف هالولد
هلابك والله عفره ... تصدق كل هالمده احسبك بنت ؟؟ اسم عفره بنت ؟؟

ماعلينا ...

اجابة على سؤالك .. ابدا مايستمتع الاب بالعكس يتألم وبشده .. بس لو ماطقه تمادا الطفل بالخطاء وشي اكيد الخطاء يضره بالمستقبل ... والدليل لاحظ كل واحد يقول بعد ماطقني ابوي .. اللى شراله هديه .. واللى عطاه فلوس .. واللى باسه .. الا يحول صقيقي المشاغب ابوه طقه وهو مظلوم ومع ذالك وهو ينتظر الاعتذار لحقه ببياله على ظهره هههههههههههههههههههه ياحبيلك يابو سلطان .. انا اشهد انك ذيب وماعندك كيري ميري ولا دلع
يالبى قلب هالشيبااان .... بس
شكرا لك اخوي مره اخرى

إقتباس الرسالة الأصلية كتبت بواسطة ماجد مقبل ^ ^ ^ عزام اثرك زلابة تنطق هههههههههههههههـ هلا وغلا اخوي ابو طلال ... والله يعطيك العافية على الموضوع ... وهذي عودة ثانية بصراحة انا قصتي مع الطق قصة وعلى قولة المثل العربي الطق للرجاجيل عاد الوالدة الله يحفظها ما في امل تطق وامنيتي تصطرني كف وأقولها كمان كمان بس ما في امل ... الله يحفظها ويرزقني برها ( قلووووووووووووووب) بس الوالد حدث ولا حرج عاد انا لي 5 اخوان اكبر مني ومن حظي اني كلهم عاقلين وملتزمين ولله الحمد فيوم جيت انا صار في اكشن في البيت هههههههههههـ عاد حاولت ان اذكر أخر مرة بس ما قدرت بس في طق يعتبر من اوخر ايام الطق هههههههه اذكر كان في مباراة للهلال ايام الثانوي والله ناسي مع من؟؟ وأروح الملعب ولا ارجع الا متأخر عاد لقيت الباب مقفل بالمزلاج قلت الدعوه فيها إن ! شكل الوالد سأل عني ودرى اني برا البيت ومن زود الدلاخة قلت بكمل اليوم صياعة إلى الفجر وبعدها يحله ربك ! وعلى آذان الفجر رحت صليت في الصف الاول >>> يتميلح وبعد الصلاة رحت البيت ودخلت غرفتي وغطيت في نوم عميق .... وأقوم على مويه بارده وتسديدة يمينية في الوجه شفت معها البيت الأبيض قدامي ههههههههـ وبعدها قبست بينا >>> طالع خويك يالداشر ما هو ابوك خخخخخخخخخخخخخـ انا عصبت ولبست ثوبي وطلعت رحت بيت اخوي كملت نووووم عاد يوم صحيت قلت لخوي أنا وين هههههههههههههـ >>> متأثر بالأفلام المصرية طبعاً بعد كذا صار كل شي عادي بس كيف مدري !!! والصدز اني ايام المتوسط كنت ادور يوم ما انطق فيه ولا القى !!!!!!!! اذا ما انطقيت في المدرسة انطقيت في البيت واذا ما نطقيت في البيت انطقيت في المدرسة واذا لا هذا ولا هذا احس ان في شي ناقص بحياتي خخخخخخخخخخخـ عاد الوالد الله يحفظه كان انواع الملاحق في الحوش كننا توم جيري وبعض الاحيان يحدوني اخواني وانواع التفحيط الى درجة ان الوالد يطقني وهو يضحك من كثر ما اسحب فيهم بالحوش ـهههههههههههههههههههههههههههـ >>> ابو يعقوب على غفلة .. بس الحين عقلت والحمد لله وصار أبوي صديقي ( قلب ) ومن زمان ماطقني وفي سوالف طق ما اذكرها يقولونها عني الاهل والاقارب مستغربين من شقاوتي ذيك الايام !! أحس اني كبيت العشاء ـهههههههههههههههـ يسلمو ابو طلال وفارس ... دمت بحفظ الله ورعايته ,,,

هع هع هع هع هع للتنسيم عنوااان

ابو مقبل تقولي يلحقك وهو يظحك هههههههههههههههههههههههههههههههه ظرب ظاحك

الطق طلعك اديب ...... وطلع ليو ميسي شاعر ... وطلع مشاغب ذيب ... وخالي من الهم رومانسي ... << طيب

استمتعت بقراءه كل حرف من مشاركتك ابو مقبل الله يسعدك ويخليلك هالشايب ...

لي رجعه مع تفحيطاتك وزحفك وشكرا لك ولحضورك ولاتحرمني منه

إقتباس الرسالة الأصلية كتبت بواسطة leader-imf يسعد مساكم .. يعطيك العافية ابو طلال بصراحه اخر طقه اكلتها من الوالد بس مالي ذنب فيها كانت في ثالث متوسط المشكله سوء فهم بس .. السالفه هي بما اني اكبر اخواني فكل ما طلعنا من البيت يقولي الوالد تراك انت المسئول عنهم .. اخواني اثنين حصل ان اخوي الي اصغر مني صار معه مشكله في الملعب الرجال ماسك واحد منهم طول المباراة تسحيب وتريقه والرجال ما تحمل تريقت اخوي والي جالسين برى قلب الشغله طقاق وصار الملعب كله طقاق وفي وسط الحوسه جات دوريه وشف عاد كل واحد طق طبلونه وعلى بيته قلت لاخواني وراي الرجال لحاله نلحقه ونكمل عليه وعلى طول وراه اسمع واحد يركض وراي طلع ولد جيرانا واخواني راحو البيت قابلهم الوالد وعرف انهم كانوا في مشكله قالهم وين عبدالله قالو مو معنى الوالد فهم غلط فكر اني ما طبيت معهم في المضاربه .. بعد ما خلصت انا ولد جيرانا حسابنا مع الرجال رجعت البيت مبسوط وطاق الكشره قابلني الوالد في الصاله وبدون اي تفاهم طراق ماشي مليوووووووووووووووون وش فيه قال ليه تترك اخوانك يضاربون لحالهم قام اخوي قال له لا فهمت على غلط هو كان معنى في المضاربه لاكن راح يكمل في الحاره الثانيه لان الرجال حط رجله ناظر الوالد فيني وهو يضحك ويقول برضه احسن ليه ما ترجع مع اخوانك مادام الرجال حط رجله .. انتظرت بعدها الوالد ألى ان طلع من البيت ورحت قلت لخوي لك كف عندي لازم تاخذه والحين حاول يشرح قلت لازم انت ما عرفت تتكلم مع ابوي وبحكم اني الكبير ويدري انه بيحتاجني امتثل للامر الواقع وقال خلاص بس خل نطلع المجلس واعطيته الكف بكل ما اوتيت من قوه وطلعت بعد خمس دقايق طلعنا الحوش سوى نلعب كوره . وهذا اخر طراق اكلته من الوالد الله يحفظه ..

هلابك اخوي ...

الجميل في مشاركة الاعضاء انها عفويه ومافيها تصنع ... وبصراحه كل ماصار الشي عفوي يوصل للقلب وهذي واحده من هالمشاركات اللى وصلت لقلبي بسرعه وتفاعلت معها واحس انها قدامي صايره

الله يعطيك العافيه اخوي ... ويابخت من نام ظالم ولا نام مظلوم

شاكر لك حضورك ومرورك ومشاركتك الحلوه

إقتباس الرسالة الأصلية كتبت بواسطة MR.DL5 .. هلا والله أبو طلال .. والله يالغالي أيام ثاني متوسط .. أبوي كـ العادة يجي يوعيني لـ صلاة الفجر و هو يروح يصلي ويتكي شوي ثم يروح لـ دوامه .. وانا أروح لـ المدرسة مع أخوي .. كان علي أيام الاختبارات الشهرية .. المهم ما رحت أصلي و نمت تحت السرير عشان الوالد ما يشوفني .. المهم رجع من الصلاة وجلس يحتريني أرجع وما رجعت .. راح يدور علي بـ الحارة من بعد صلاة الفجر لين 8 الصبح .. كان حالة أستنفار كاملة بـ البيت .. كانوا بيبلغون عني .. على أساس أني رحت أصلي وما رجعت " خرج و لم يعد " ! يوم جت الساعة 10 قمت طال عمري .. وأنزل تحت والقاهم كلهم يحتروني ! كلهم قالوا لي " وينك فيه " !! قلت نايم فوق ! قال الوالد .. تعال تعال فوق .. رحت فوق وداني لـ غرفتي .. قفل الباب .. وما بقى نوع من أنواع الجلد الا جربه فيني .. لعن أبو شكلي ! المهم راح لـ دوامه وهو قافله أخلاقه .. عاد انا قلت بـ أسوي اضراب ومنب مأكل ومنب طالع من غرفتي ! يوم رجع العصر قال وين " يزيد " .. قالوا مسوي إضراب فوق .. ويجي يدخل ويصك الباب ويلعن خيري مرة ثانية ! توطى ببطني ! مرت السالفة على خير .. وبعدها بـ يوم جاء يقول أنه كان منفعل و انه يتأسف .. خخخخخخخخخخخ كانت ثاني و آخر مرة يتوطى ببطني .. ..

يسأل عنك تحسبه متحسف ويبي يراضيك واخرتها ( كمل عليك )

ابوك من نوعية ابو المشاغب .. وماجد مقبل .. ودادي <<< ابوي يعني ... مايعتذر الرضى يجي الي تماتيك ارضى

انت بالمواضيع الجديه زاحف شلون بموضوع زاحف تصير دبل زحف ...

لاشفتك تذكرت الكناري وين اراضيه ... ؟

يعطيك العافيه مستر قلب على حضورك ومرورك ولاتحرمني منه يالغالي

إقتباس الرسالة الأصلية كتبت بواسطة روح الإمارات الله عذيج الأيام اللي كنت انضرب فيها والكف اللي عطاني اياه ابويه الله يحفظه ::::::::::::::::::::::::::::::::::::::::::::::::::::::::::هذي سالفتي ويا الكف مرة من المرات وكان رمضان وراعي السمبوسة دايما اي العصر يعني يخطف ع البيوت ويبيع الهندي واذكر ذاك اليوم انا ميت يوووووووووع واتريا اي العصر عشان اشتري سمبوسه وفي ذيج الليله ابويه كان راقد الظهر وانا ما عندي فلوس ترييت ابويه يرقد عشان اشل من بوكه فلوس ورقد ابويه و دخلت الحجرة وشليت من بوكه 1000 من غير ما يدري هو ويا العصر ويا الهندي اللي يبيع سمبوسه عطيته 1000 وعطاني عشر حبات سمبوسه ورحت عنه وماخذت الباقي في ذيج الايام ماكنت اعرف الــ 10 من الــ1000 درهم ابويه قام العصر ويدور فلوسه وانا خليت عمري ما اعرف شي عن السالفه الا يا المغرب وطلعت السمبوسه وسإلوني من وين شريته قلتلهم من الهندي فعرفو انه السالفه فيها إنه وتريا ابويه الهندي وسأله كم عطاك هذا الولد اللي هو أنا قاله الهندي 1000 درهم الهندي حليله رد 990درهم حق ابويه ودخلنا داخل وابويه عطاني ذاك الكف اللي ما يتنسى مب عشان الفلوس عشان اني مديت ايدي على مخباته وهو ما يدري بس خلاف راضاني وعطاني الباقي كله 990درهم واذكر شريت سيارة وعزمت اهل الحارة كلهم >>> بيبسي طبعا بس وكل واحد سمبوسة ومن يومها حليلي تأدبت >>>>>>>> وهالكف الصراحع علمني واااااااااااااايد اشياء وقبل لا اسوي الشي افكر 1000 مره يا حبك للفضايح

هلابك والله روح .... بعد هالطراقات صرت تعرف ( تلت التلاته كم ) على قولة المصريين

وعلى قولتك .. صرت تفكر قبل لاتسوي الشي 1000 مره

الله يعطيك الف عافيه ومشكور على هالحضور الجميل ولاتحرمني منه