متى كانت اخر ( طقه ) تعرضت لها من امك او ابوك - صفحة رقم 3 - نادي الهلال السعودي - شبكة الزعيم

ابو طـــــلال · #1 30/10/2007, 05:33 PM

السلام عليكم ورحمة الله وبركاته

تحية طيبه اعضاء منتدى الزعيم الكرام ...

سريع سريع .... العنوان واضح ومايبيله فلسفه .. خلك صريح .. وقــول

متى كانت اخر طقه ( ضرب ) تعرضت له من ابوك .. او امك .. وش كان سببه .. وماهي ردت فعلك وقتها .. وكيف كان الطق .. اوصفه لنا .. بالتفصيل الممل .. ( فاضي ) <<<<<

مثــال : انا اخر كف من ابوي كان امس العصر <<<<<

سلامات ( خير يطقني وانا ابو عيال )

كان اخر ضرب من ابوي هو ماكان ضرب .. كان مجرد ( كــف )

على الطاير وانا في المرحله الثانيه المتوسطه .. بسبب شكوى من احد المدرسين الله يذكره بالخير ... المدرس وصلها لعمي .. عمي وصلها لابوي .. ابوي وصلها لي بس بطريقته الخاصه ...

او بمعنى اصح وصلها لخدي

اذكر في ذالك الموقف حسيت بالظلم .. وبالانتقام .. لاني مظلوم مااستاهل هالكف علشان شي بسيط ..

الشي اللى ظحكني .. وللحين اظحك منه وانا حاط رجلي اقول لاخوي والله لاردها له

( تردها لمين ياورع )

اخوي يهديني بس ميت ظحك .. وانا اقولها هين اوريكم

وانا اقول الحين تسلم يمنى الشايب والعجوز ... ضرب الحبيب زي اكل الزبيب

عطووونا ماعندكم ............. اتمنى اشوف تفاعل يليق بمنتدى مثل منتدى الزعيم .. وقسم مثل قسم المجلس العام ...

ولااحد يستحي .. واللى ماجاه طق يبي يجيه واذا يقول كبر وماجاه طق من ابوه او امه بينطق من زوجته .. او زوجه ..

واذا بعد هذي لا .. اجل من عياله ..

لايجينا احد ماانطق تكفون ...

تحيات اخوكم الصغير ابو طلال

موضوع فرفشي استثنائي ............ طقطقوا فيه لين مااخلص من موضوعي الرسمي والخاص بالــ!!! ؟؟ ( لا بخليها مفاجئه )