|
متى كانت اخر ( طقه ) تعرضت لها من امك او ابوك السلام عليكم ورحمة الله وبركاته تحية طيبه اعضاء منتدى الزعيم الكرام ... سريع سريع .... العنوان واضح ومايبيله فلسفه .. خلك صريح .. وقــول متى كانت اخر طقه ( ضرب ) تعرضت له من ابوك .. او امك .. وش كان سببه .. وماهي ردت فعلك وقتها .. وكيف كان الطق .. اوصفه لنا .. بالتفصيل الممل .. ( فاضي ) <<<<< :d مثــال : انا اخر كف من ابوي كان امس العصر <<<<< :d سلامات ( خير يطقني وانا ابو عيال ) :laugh: كان اخر ضرب من ابوي هو ماكان ضرب .. كان مجرد ( كــف ) :cry: على الطاير وانا في المرحله الثانيه المتوسطه .. بسبب شكوى من احد المدرسين الله يذكره بالخير ... المدرس وصلها لعمي .. عمي وصلها لابوي .. ابوي وصلها لي بس بطريقته الخاصه ... :pleased: او بمعنى اصح وصلها لخدي :evil: اذكر في ذالك الموقف حسيت بالظلم .. وبالانتقام .. لاني مظلوم مااستاهل هالكف علشان شي بسيط .. الشي اللى ظحكني .. وللحين اظحك منه وانا حاط رجلي اقول لاخوي والله لاردها له :laugh: ( تردها لمين ياورع ) :upset: اخوي يهديني بس ميت ظحك .. وانا اقولها هين اوريكم :upset: وانا اقول الحين تسلم يمنى الشايب والعجوز ... ضرب الحبيب زي اكل الزبيب عطووونا ماعندكم ............. اتمنى اشوف تفاعل يليق بمنتدى مثل منتدى الزعيم .. وقسم مثل قسم المجلس العام ... ولااحد يستحي .. واللى ماجاه طق يبي يجيه واذا يقول كبر وماجاه طق من ابوه او امه بينطق من زوجته .. او زوجه .. واذا بعد هذي لا .. اجل من عياله .. :d لايجينا احد ماانطق تكفون ... تحيات اخوكم الصغير ابو طلال موضوع فرفشي استثنائي ............ طقطقوا فيه لين مااخلص من موضوعي الرسمي والخاص بالــ!!! ؟؟ ( لا بخليها مفاجئه ) :wink: |
هلا والله بأبو طلافارس :d والله تبي الصدق ولا أبن عمو اليوم قبل ما أروح المدرسة .. الباقي مشفر :d |
ابو شلاخ طلبتك خلك صريح .. ولاتشلخ علينا:d كلنا سعوديين وفاهمين بعض :wink: اوصفلنا الحدث ؟؟:rolleyes: هع هع هع |
لي عوده ولكن بطلع شوي وبرجع وأمخمخ على موضوعك..:d لأن مازال جاري التفكير..:d موضوعك راااااااااااائع ولكن بجي أنا وخشتيتي وأسدح فيذا طقاقي:d يالله كتبت الموضوع وأنا ملحوووووووووقه لي عوده أخي أبو طلال:d |
هلا وغلا اخوي ابوطلو<<<والله توني احصل خط مواصل:d ــــــــــــــــــــــــــــــــــــــــــــ إقتباس:
اما عليك موضوع ما له داعي...تبي نطلع المستور:d فيه ضرب وفيه تكفيخ...وش تبي منها:d اخر مره يا طويل العمر تكفخت من الشايب واتذكرها ولا انساها...كانت في الصيفيه اللي بعدها اصير في اول متوسط:d لكن احسن ما في الشايب لما يضرب يخلي الضرب جماعي يعني موانا لوحدي اللي انضرب ...كل اخواني انضربوا معي الا اخواني الكبار:d والسبب هو ان الشايب الله يحفظه من الناس اللي ما يضرب اول ما تخطي يجلس يجمع الاخطاء الى يوم متنيل بستين نيله من ثم يمارس رياضته الغير محببه على جميع اخواني وانا واحد منهم:d لكن والله لو تدري وش ضربنا به بشيء غير متوقع ...ولا اقدر اقوله لكم عشان لا تقولون ابوك متوحش:d لكن اتوقع انه اكتفى بعدها واعتزل هذي الرياضه الاليمه الى يومك هذا ولكن لا باس من التوبيخ باسلوبه الخاص:d الله يعطيك العافيه خيوووو ابوطلو على موضوعك الماساوي:d سلااااااااااااااااااام |
عبث طفله .... ننتظر العوده لاتبطين علينا .. وخلك اول انثى تعترف بالتصفيق ( عاد البنت دايم مع الجدايل ):d إقتباس:
هلا والله ابو ناصر .. يسعدلي مساك يالغالي إقتباس:
شاكر لك ابو ناصر ... وسير علينا بهالموضوع .. وتفرج على سوالف الاعضاء .. ( فضايح الاعضاء ) :sick: للحديث بقيـــــــــــه : |
وعليكم السلام ورحمة الله وبركاته هلا بك اخوي ابو طلال.. الصراحه مااذكر متى اخر طقه بس اكيد ماكانت من الوالد الله يحفظه ويخليه لانه مايعترف بشي اسمه ضرب الا مع العيال طبعا:rolleyes: اذا كان في ضربه بالصغر فهي شد الجديله من الوالده ايام الابتدائي:d:d |
وعليكم السلام ورحمة الله وبركاته .. الله يهديك يخوي ناوي تفضحنا:d مممم آخر مرة انطقيت فيها كنت مخلصة الابتدائي وسببها كنت متهاوشة مع اختي :d وانطيقيت انا وياها بنفس طريقة الاخ الي يقول الطق جماعي عند ابوه:laugh: عوافي عالموضوع:d |
لكن والله لو تدري وش ضربنا به بشيء غير متوقع ...ولا اقدر اقوله لكم عشان لا تقولون ابوك متوحش:d اللي يشوف << ضرب الناس >> يهون عليه ضربه ههههههههههههههه جالسه أتفرج وأضحك عليهم أبو طلال يعطيك العافيه موضوع في وقته |
مالها داعي الفضايح ولا فيه كثير :d:d:d |
والله يا ابو طلال مدري وش اقولك ابوي ماعمره مد يده علي عودني على الكلام او الصراخ وهو والله تأثيره اقوى من الضرب :cry: الضرب تأثيره مؤقت ثواني وينتهي اما الكلام يبقى فالنفس مايمحي اسلوب سيئ في التربيه اتمنى ياابو طلال انت وغيرك من الأباء ما تستعملونة ضد ابنائكم عوافي خيو |
ابو طلال ماشاء الله عليك مواضيعك دايم جميله وتشد الانتباه بالنسبه لموضوع الضرب ابوي فيه ميزه مايضرب قدام أهلي يحشرني بغرفتي ويعطيني المقسوم وفي الضرب طبعا مايستخدم غير العقال ( بس عليه عقال تقول عجره ) كنت في أول متوسط ندرس انا وواحد من عيال عمي في نفس المدرسه نغزنا الشيطان قبل تبدأ الحصه الأولى وانحشنا من المدرسه ورحنا لبيتهم ورقدنا في الملحق عاد انا مسوي ذيب ومعطي المدرسه رقم البقاله لأنه مايفتح الصبح بس ابوي طلع اشطر مني رايح لهم من وراي ومعطيهم جواله ،، طبعا اتصلو على رقم البقاله محد رد ثم اتصلوا على جوال ابوي بعد مانمت وشبعت نوم رحت للبيت < من زد الدلاخه طبعا وجهي كله نوم امي شافت وجهي باين عليه النوم وماقالت شي ( ياحبي لها ماتبي تضلمني ) وابوي في العمل طبعا ومحد يدري عن نحشتي من البيت رجع ابوي العصر وشافني عند اخواني قال لي تعال وراح لغرفتي ،،، عاد انا طاح قلبي بعد مادخلت الغرفه سكر الغرفه وقفلها ( الباقي مشفر اذا عندك بروكسي ادخل ههههههههه ) بعد مادخلت نزل عقاله بكل هداوه وأريحيه وقال وين كنت الصبح ؟ عاد انا ووجهي مسوي ابي اجحد قلت في المدرسه ويعطيني الأولى ثم قال وين كنت اليوم الصبح عاد وانا اخووور قلت له في بيت عمي ويعطيني الثانيه قال قسم بالله لو تكذب علي لـ اعلقك في المروحه وانا احلف له اني كنت نايم في بيت عمي ونكبت ولد عمي معي وهو يعطيني المقسوم ويطلع بعد ماطلعت مريت من جنب امي قالت لي وانا اشوف وجهك بعد ماجيت من المدرسه كله نوم من عقبها الله يجزاه خير ويخليه ماعاد افكر انحاش حتى ولد عمي سحبت عليه ( طبعا سحبت عليه اسبوع بس هههههه ) |
هذا إللي ناوي يفضحنا :d بالنسبة للوالدة ماعمرها طقتني أما أبوي حدث ولاحرج :d آخر طقه ما أذكر متى كانت بس كل الطق إللي جاني يوم كنت في الإبتدائي ومن خشيت المتوسط ما أذكر إنه طقني يوم كنت في الإبتدائي عد واغلط كم كف على كم رفسة على كم لشطة بالعقال :d مرة طقني أنا مع أخوي بالعصا قمنا رحنا غرفته بدون ما يدري وكسرنا عصاته :d بس أبوي حكيم ما قال شي عوافي s13s |
وعليكم السلام ورحمة الله وبركاته .........! يعطيك العافية أخوي أبو طلال .........! والله ماأذكر متى أخر مرة لكن إذا ذكرت أبشر بقولك .. :d لكن سؤال أنت متى اخر مرة طقيت طلال ..؟ :d سؤال وجيه صح ..؟ يعطيك العافية |
ياعيني يابو طلال :d شكلك انضربت اليوم .. ولا ضربت فارس وتذكرت جلد ابوك لك ما اذكر اخر مره فرشني فيها الوالد. بس اذكر اقوى ضربه على بداية المراهقه والزحف :d اول مره اتأخرعن البيت اول مادخلت استقبلني الوالد الله يحفظه بمزهريه على راسي طبعاً راسي ماصار فيه شي الضرر جا للمزهريه وإلى الحين أذكر لون المزهريه لونها بني على ذهبي :( <-- يلعن هيييك تنسيق بالالوان الحين كبرنا ونقدر نتأخر . بس تصدق ان ضربة المزهريه ولا شي عند أبوي الشباب يعقلون بعد الضرب اما انا استمر على عادتي واتحمل الضرب بررب احك راسي :d |
| الوقت المعتمد في المنتدى بتوقيت جرينتش +3.
الوقت الان » 08:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd