السلام عليكم و رحمة الله و بركاته


والله زمان عن الرد و تنزيل المواضيع في المنتدى

مع ذالك كنت متابع للمواضيع





من ان وصلت الى هنا في امريكا و انا اتحسف على شي واحد ما درسته كامل الدراسه


كنت اتذكر كيف كنا ناخذ هذي المادة و كيف ننجح

بينما الان اعيش في هاجس حتى لا اعيد هذي المادة


مادة التعبير




الله علـــــــــــــــــــــــــيك يا مادة التعبير




يا كثر ما عبرنا عن اسبوع الشجره و العيدين و بر الوالدين




لكن هل من فائدة استفدناها من هذي المادة؟


هل علمتنا كيف نطور مهاراتنا في الكتابه و التعبير ؟


هل علمتنا اصول كتابة التعبير و التقرير و الخطبة و المقال؟


هل درجتك كانت تقل عن الدرجه العليا؟


هل مدرس المادة كان يعطيها ذاك الاهتمام؟


هل و هل و هل و تستمر قائمة هل و هل


و لكن الاجابة قد تكون غير اجابية


الان و من خلال مراحلي الاخيرة في مرحلة اللغة


ادرس مادة الكتابة و ليست التعبير كما هو معروف لدينا


هذي المادة احببتها لانها تعطيني كل ما هو مفيد لي في دراستي و حياتي


المدرس يعطي كل اهتمامه لطلبته


و يكثر علينا بالواجبات و المقالات و غيرها


اهم مادة هي لانها تتعلم منها القواعد و الكلمات و الكتابة و الاخطاء الاملائية


المدرس لا يفكر دائما في الحقيقة و لكن يبحث عن الاصول التي اتبعتها في كتابتك


و قواعدك و اخطائك الاملائية


يأخذ اسبوع او اسبوعين في شرح نقطة صغيره لطلبته حتى يستوعبوا كم هي هذه النقطة مهمة في مقالك


للنسئل انفسنا الان


اما حان الوقت للنراجع انفسنا في مهاراتنا في الكتابة و التعبير؟


اما حان الوقت لندرك كم هي مادة التعبير او الكتابة مهمة بالنسبة لحياتنا؟


اما حان الوقت للندرسها لجميع المراحل الدراسية؟


اما حان الوقت للنستخرج كتاباً يدرس مهارات الكتابة و التعبير؟




لان اطيل عليكم بالاسئلة


و لكن نريد جواب لهذي الاسئلة البسيطة






سلامـ

والله انك صاادق

لا يقول روحو عبرو في البيت والله ماذكر اني عبرت لنفسي اعطي اهلي يعبرون عني

شوف مهوب التعبير وبس التعليم عندنا ضااااااايع للأسف

.

هلا والله وغلا اخوي النادر ..

التعبير وما ادراك ماالتعبير .. كان الله يصلحه عله ..
تدخل الاستاذه الفصل ويالله اذا كان لها خلق تختار موضووع من هالمواضيع
وين سافرتو بالعطله .. رحله عائليه .. وتعطي مواضيع حقة المواسم
اللي هي صوم رمضان .. والعيد .. وواسبوع النظافه والنخله والشجره وغيرها وغيرها
واذا ماكان لها خلق تحط موضوع اختياري وكل وحده تحط اللي تبي ..

بس من جد كنت اكره هالماده واخاف منها لأن اسلوب الاستاذه كان شين
تخلي البنت تقرا عند البنات وانواع التطنز والفشايل وخاصه بالمتووسط ..
مثل ماقلت مافيه استفاده منها غير حشووو وصف كلام ..
وابشرك فيه بنات يوم كنا بالثانوي يدخلون علمي هربا من مادة التعبير ..
صارت هالماده شبح .. وبنات الادبي لما يخيروونهم بالاختبار في الماده
بين موضوع ادبي درس بالادب او موضووع ثاني خارج الماده علطوووول سيدا الغالبيه
يختارون الموضووع الادبي ..

ماعلموونا مهارات واشياء تحببنا بها الماده وتخلي الطلاب والطالبات يبدعووون ..
الله يصلحهم مدرسين ومدرسات العربي يبيلهم اعادة نظر وصياغه لمنهج التعبير ..
وماشاء الله زين انك استفدت بدراستك ..

موضووع مهم ورائــع .. اخوي النادر يعطيك الف عافيه ..
دمت بخيــر..’’

.

صادق .. شوف أنا أموت بمادةالتعبير .. لما كنت بإبتدائي كانت عندنا مدرسة الله يذكرها
بالخير .. مدرسة من جد .. ماتقبل أي موضوع تافه .. ماله قيمة على أن كنا صغار ,,
بمتوسط معلمتنا فاشلة بمعنى الكلمة تحس أن اللي تكتب موضوع سخيف أو عبقري
كلهم واحد .. ونفس المواضيع كل سنة ..(اليوم الدراسي )
ثانوي .. أسوأ جايبين لنا معلمة من إبتدائي قالت ( إكتبوا عن اليوم الدراسي )
قلت لها : لو سمحتي أنا ماأعرف أعبر عن هذا الموضوع لأنه مايصلح .. وش أقول :
اشتريت حقيبتي ولبست مريولي ..ورأيت صديقاتي ؟؟؟؟
عصبت : قالت : مافي إلا هذا .. قلت لها .. لا ماني كاتبة عنه .. وبالموت وافقت أكتب
موضوع ثاني .. لما قرأت موضوعي مافهمت الموضوع .. وماعجبها لأنه مايرتقي لعقلها
وعجبها موضوع بنت : لبست مريولي وسلمت على صديقاتي .. (بالله وش هالعقل )
هذا وأنا أدبي .. بس وش نسوي عاد ..
بس اللي يحبه يقدر يثقف نفسه .. احنا أخذنا بالمدرسة المقال والبحث والخطب وكل شي
بس تعتمد إستفادتي على المعلمة نفسها لما تكون فاهمة أو أي كلام ..
وتعتد على الشخص إذا يحب التعبير ولا لأ .. وموهبته أيضا ..
والله يوفقك بدراستك .. وترجع بالسلامة إن شاء الله ..

يارجال اصلا المادة تافهة جدااا,,

ولكن من ناحيتي فقط تعلمت منها الكثير جداا..

اسئل الاعضاء الكتاب من اين تعلموا التعبير بشكل لفظي,,

اسئل السامي كسمو الهلال واسئل القاضي والكلاسيكي والفيروسة الزرقاء,,

من اين تعلمو التعبير..

^^^^^^^^^^^^^^^^^^^^^^^^^
ماقصر أخوي البارق

هلا بالنادر

الله يوفقك ان شاء الله بدراستك


عندنا بمادة التعبير بدال مايحاولون ينمون قدرة الشخص على التخيل واقناع الاخرين برايه..

يحاولون يقتلون هالشىء ويحبطونه فوق ماهو محبط...


لذلك تجد عندنا ناس مايعرف يقول كلمتين على بعض مهوب عيب او نقص فيه لكن بسبب الاسلوب العقيم بمدارسنا وحتى جامعاتنا

مثل ماقالوا الاخوان موضوعات مكررة ومستهلكة حفظناها من اولى ابتدائي الين اخر سنة بالدراسة

المدرس يناظر حصة التعبير وكانها حصة فراغ يجلس ويمدد رجلينه ويقول يالله اكتبوا عن واحد من هالمواضيع المستهلكة


موضوع رائع يالنادر الله يعطيك العافية

بالنسبة لي مادة التعبير فادتني جدا لأن المعلمات اللي يدرسونا إياها متمكنات في اللغة ويجددون لنا في المواضيع ويصححون أخطائنا وبذلك أستفدت منها حتى تخرجت....

ماتذكر اني عبرت لنفسي اجي للبيت وبسلامت الاهل مايقصرون
وكنت اتضايق احيانا اما المدرس يقول عبروا بالفصلولما يقول عندي واحد بالفصل الله يذكره بالخير يعرف يعبر وكان دايم يعبرلي