|
الله يا مادة التعبير.....!! السلام عليكم و رحمة الله و بركاته :) والله زمان عن الرد و تنزيل المواضيع في المنتدى مع ذالك كنت متابع للمواضيع من ان وصلت الى هنا في امريكا و انا اتحسف على شي واحد ما درسته كامل الدراسه كنت اتذكر كيف كنا ناخذ هذي المادة و كيف ننجح بينما الان اعيش في هاجس حتى لا اعيد هذي المادة مادة التعبير الله علـــــــــــــــــــــــــيك يا مادة التعبير يا كثر ما عبرنا عن اسبوع الشجره و العيدين و بر الوالدين لكن هل من فائدة استفدناها من هذي المادة؟ هل علمتنا كيف نطور مهاراتنا في الكتابه و التعبير ؟ هل علمتنا اصول كتابة التعبير و التقرير و الخطبة و المقال؟ هل درجتك كانت تقل عن الدرجه العليا؟ هل مدرس المادة كان يعطيها ذاك الاهتمام؟ هل و هل و هل و تستمر قائمة هل و هل و لكن الاجابة قد تكون غير اجابية الان و من خلال مراحلي الاخيرة في مرحلة اللغة ادرس مادة الكتابة و ليست التعبير كما هو معروف لدينا هذي المادة احببتها لانها تعطيني كل ما هو مفيد لي في دراستي و حياتي المدرس يعطي كل اهتمامه لطلبته و يكثر علينا بالواجبات و المقالات و غيرها اهم مادة هي لانها تتعلم منها القواعد و الكلمات و الكتابة و الاخطاء الاملائية المدرس لا يفكر دائما في الحقيقة و لكن يبحث عن الاصول التي اتبعتها في كتابتك و قواعدك و اخطائك الاملائية يأخذ اسبوع او اسبوعين في شرح نقطة صغيره لطلبته حتى يستوعبوا كم هي هذه النقطة مهمة في مقالك للنسئل انفسنا الان اما حان الوقت للنراجع انفسنا في مهاراتنا في الكتابة و التعبير؟ اما حان الوقت لندرك كم هي مادة التعبير او الكتابة مهمة بالنسبة لحياتنا؟ اما حان الوقت للندرسها لجميع المراحل الدراسية؟ اما حان الوقت للنستخرج كتاباً يدرس مهارات الكتابة و التعبير؟ لان اطيل عليكم بالاسئلة و لكن نريد جواب لهذي الاسئلة البسيطة سلامـ |
والله انك صاادق لا يقول روحو عبرو في البيت والله ماذكر اني عبرت لنفسي اعطي اهلي يعبرون عني شوف مهوب التعبير وبس التعليم عندنا ضااااااايع للأسف |
هلا وغلا اخوي النادر ...s13s اجل عندهم تعبير في امريكا ...:D ياخي ذكرتني بموضوع دايم ناخذه في التعبير .. وهو كيف قضيت الاجازة الصيفية ... ياشيخ الى الجامعة وحنا نكتب عن ها الموضوع ونفس الاسلوب ونفس الاجازة ونفس ال... تصدق الدول العربية يهتمون اكثر منا في ها المادة فلذلك تشوف لغة بعضهم قوية وجزلة :p على فكرة الجو اليوم في الرياض s60s >>> جملة اعتراضية s60s ثانكيوا ماي فرند النادر ودمت بخير وعافية ,,, |
. هلا والله وغلا اخوي النادر .. التعبير وما ادراك ماالتعبير .. كان الله يصلحه عله ..:) تدخل الاستاذه الفصل ويالله اذا كان لها خلق تختار موضووع من هالمواضيع وين سافرتو بالعطله .. رحله عائليه .. وتعطي مواضيع حقة المواسم اللي هي صوم رمضان .. والعيد .. وواسبوع النظافه والنخله والشجره وغيرها وغيرها واذا ماكان لها خلق تحط موضوع اختياري وكل وحده تحط اللي تبي .. بس من جد كنت اكره هالماده واخاف منها لأن اسلوب الاستاذه كان شين تخلي البنت تقرا عند البنات وانواع التطنز والفشايل وخاصه بالمتووسط .. مثل ماقلت مافيه استفاده منها غير حشووو وصف كلام .. وابشرك فيه بنات يوم كنا بالثانوي يدخلون علمي هربا من مادة التعبير .. صارت هالماده شبح .. وبنات الادبي لما يخيروونهم بالاختبار في الماده بين موضوع ادبي درس بالادب او موضووع ثاني خارج الماده علطوووول سيدا الغالبيه يختارون الموضووع الادبي .. ماعلموونا مهارات واشياء تحببنا بها الماده وتخلي الطلاب والطالبات يبدعووون .. الله يصلحهم مدرسين ومدرسات العربي يبيلهم اعادة نظر وصياغه لمنهج التعبير .. وماشاء الله زين انك استفدت بدراستك .. موضووع مهم ورائــع .. اخوي النادر يعطيك الف عافيه .. دمت بخيــر..’’ . |
صادق .. شوف أنا أموت بمادةالتعبير .. لما كنت بإبتدائي كانت عندنا مدرسة الله يذكرها بالخير .. مدرسة من جد .. ماتقبل أي موضوع تافه .. ماله قيمة على أن كنا صغار ,, بمتوسط معلمتنا فاشلة بمعنى الكلمة تحس أن اللي تكتب موضوع سخيف أو عبقري كلهم واحد .. ونفس المواضيع كل سنة ..(اليوم الدراسي ) ثانوي .. أسوأ جايبين لنا معلمة من إبتدائي قالت ( إكتبوا عن اليوم الدراسي ) قلت لها : لو سمحتي أنا ماأعرف أعبر عن هذا الموضوع لأنه مايصلح .. وش أقول : اشتريت حقيبتي ولبست مريولي ..ورأيت صديقاتي ؟؟؟؟ عصبت : قالت : مافي إلا هذا .. قلت لها .. لا ماني كاتبة عنه .. وبالموت وافقت أكتب موضوع ثاني .. لما قرأت موضوعي مافهمت الموضوع .. وماعجبها لأنه مايرتقي لعقلها وعجبها موضوع بنت : لبست مريولي وسلمت على صديقاتي .. (بالله وش هالعقل ) هذا وأنا أدبي .. بس وش نسوي عاد .. بس اللي يحبه يقدر يثقف نفسه .. احنا أخذنا بالمدرسة المقال والبحث والخطب وكل شي بس تعتمد إستفادتي على المعلمة نفسها لما تكون فاهمة أو أي كلام .. وتعتد على الشخص إذا يحب التعبير ولا لأ .. وموهبته أيضا .. والله يوفقك بدراستك .. وترجع بالسلامة إن شاء الله .. |
انا بصف جنب هامور .. التعليم كله عندنا رايح فيها مو بس التعبير ! |
يارجال اصلا المادة تافهة جدااا,, ولكن من ناحيتي فقط تعلمت منها الكثير جداا.. اسئل الاعضاء الكتاب من اين تعلموا التعبير بشكل لفظي,, اسئل السامي كسمو الهلال واسئل القاضي والكلاسيكي والفيروسة الزرقاء,, من اين تعلمو التعبير.. |
إيه يالنادر ..ذكرتنا باسبوع الشجرة وأسبوع المرور ..والموضوع اللي المفروض يطبع مع السبورة وهو ماذا فعلت في الإجازة الصيفية ..:D:D شف يالغالي .. من واقع الميدان في التعليم أقول لك إن هذه المادة ( مظلومة ) مع مادة الخط ..!! ليش مظلومة .. لأنها عبارة عن حصة واحدة في الاسبوع ..وغالباً ما تكون لتكلمة النصاب الحصصي للمعلم ..!!!! وخصوصا في الابتدائي تلقى معلم فنية أو بدنية يكملةن له بالمادة هذي أو أي تخصص ثاني - من غير نقص بالتخصص - وبهذا ( تأصل ) عن الطالب وولي الأمر إنها مادة تافهة ولا يبي لها شيء ..!!! يعني تخيل ولي أمر جاي يشتكي معلم التعبير لأن أقل درجة حصل عليها الطالب في هالمادة ..طبعا الطالب ما يعرف يعبر أو يكتب فكرة ولما حصل على الدرجة المناسبة له جن جنون ولي الأمر ..ومع الأسف المدير بعد ..!!! ترى أذكر لك هالمثال عشان تدري وش مستوى المادة عند الإدارة أو ولي الأمر .. كمادة أو نقول إيمان بالفكرة ..!!! الآن ومن سنتين أو ثلاث ما أدري بالضبط .. تحولت المادة لمهارات محددة وعلى كل مهارة درجة يعني ماهوب شرط الفكرة أو المادة المكتوبة بدرجة ماهي كسب للمهارة المطلوبة .. ونقول عسى إنها بداية خير لهالمادة المظلومة ..:) مع إن المشكلة الأساسية لها ما حُلت وهي معلم متخصص لها وكذلك الخط .. بالطريقة هذي له المجال إنه يبدع ويحقق اللي يبي .. وممكن تحاسبه أيضاً على الخطأ ..!!! تصور معلم يدرس قواعد أو نحو وأدب وممكن بلاغة أو أي من مواد العربي وأيضاً معه مادة تعبير حصة واحدة في الأسبوع .. بالتأكيد إنها بتكون أقل جدية منه ومن الطلاب لأنهم بالطريقة هذي حطوها محطة إستراحة ..:( ونفس الكلام ينطبق على الخط ..!! الله يصلح الحال ونشوف الأمور زانت والسنة القادمة أو اللي بعدها بداية لمناهج جديدة وأسلوب مغاير ستطبق بشكل تدريجي ..نسأل الله أن يوفقهم ويكتب اللي فيه الخير ..:) تحياتي لك يالنادر ،،، |
^^^^^^^^^^^^^^^^^^^^^^^^^ ماقصر أخوي البارق |
كلامك واقعي يالنادر ,, واظن حالياً تعدل الحال نوعاً ما واصبحت مادة التعبير تشتمل على المهارات ولا تختص فقط بكتابة موضوع مقالي ولكن تشمل الخُطب والمسرحيات والتحقيقات وغيرها ,, لكن تبي الجد .. اشوف خواتي ولا وحده تكتب التعبير لنفسها يالوالده أوالوالد يكتب لهم ,, وهنا الخلل .. فمن الواجب على أولياء الأمورأن يكونوا اكثر حرصاً على بناتهم وأولادهم لإكتساب المهارات اكثر من حرصهم على الدرجات ,, وإذا مايقدرون يعبرون أو يكتبون حتى جملة واحدة مترابطة ,, فلازم أقوي من حصيلتهم اللغوية عن طريق القراءة ,, فتشجيع الأولاد والبنات على القراءة منذ الصغر ,, كفيل بتحسين مهارات الكتابه لديهم سواء من مهارات لغوية أو إملائية أو مهارات الأسلوب والقدرة على االربط بين الجمل , وكيفية ترجمة الأفكار من الرأس إلى الورقة بأسلوب جميل , بالإضافة إلى أنها تعمل على إتساع المدارك وزيادة المعارف واتساع الثقافة , من ناحيتي لم اكن اشتكي كثيراً من مادة التعبير , وكنت دائماً ما أُحصل على درجات جيدة فيها ,حتى في الإبتدائي لم أكن أجد أي صعوبة في السرد ولله الحمد , والسبب يعود إلى القصص , فعندما كنتُ طفلة ,كانت والدتي دائماً ما تشتري لي القصص بأنواعها سواء قصص الأنبياء او القصص الخيالية المشوقة والتي كانت تزيد صفحاتها عن 40صفحة , ومع ذلك كنتُ ما إن أبدأ في قراءة القصة حتى اندمج مع عالمها ولا ينفك الكتاب مني إلا وانا قد أنهيته , حتى لو كبُر الشخص وأراد من تحسين مستواه الثقافي واللغوي والإملائي والمعرفي .. فكل ما عليه هو الإكثار من القراءة , وليكن القرآن الكريم أول معالج لنا من هذا الضعف, |
هلا فيكـ النادر يالله ان تحية :) :) مادة التعبير ومادراك مالتعبير:rolleyes: للاسف طريقة التعليم لهالمادة المحببة لدى الكثير طريقة عقيمة المواضيع المطروحه لاتطور الكاتب مواضيع سطحية لايوجد بها خيال ولاتبني المواهب للاسف النظافة ..الماء ...المدرسة :eek: تطور التعبير في سنواته الاخيرة ولكن قتل الابداع من خلال ارغام الطالبة على كتابة تعبير مستعيره بالمجموعات :eek: للاسف في التعبير بمدارسناا تعبر لنفسك بتحط تعبير حلو لتطوير نفسك اما الدرجات على حسب المزاج بتاخذهاا الحمد لم تشكل لي مادة التعبير هاجس كانت محببة لدي صحيح ان المواضيع المطروحة لاتهي للكتابة ولاتحرك القلم ولكن كان لدي قدرة على الانتقاء الجيد والربط ولله الحمد شكرا لكـ النادر عودا حميدا :) الهنوووف كانت هنا ورحلت |
هلا بالنادر :) الله يوفقك ان شاء الله بدراستك:yes: عندنا بمادة التعبير بدال مايحاولون ينمون قدرة الشخص على التخيل واقناع الاخرين برايه.. يحاولون يقتلون هالشىء ويحبطونه فوق ماهو محبط... لذلك تجد عندنا ناس مايعرف يقول كلمتين على بعض مهوب عيب او نقص فيه لكن بسبب الاسلوب العقيم بمدارسنا وحتى جامعاتنا مثل ماقالوا الاخوان موضوعات مكررة ومستهلكة حفظناها من اولى ابتدائي الين اخر سنة بالدراسة المدرس يناظر حصة التعبير وكانها حصة فراغ يجلس ويمدد رجلينه ويقول يالله اكتبوا عن واحد من هالمواضيع المستهلكة موضوع رائع يالنادر الله يعطيك العافية :) |
بالنسبة لي مادة التعبير فادتني جدا لأن المعلمات اللي يدرسونا إياها متمكنات في اللغة ويجددون لنا في المواضيع ويصححون أخطائنا وبذلك أستفدت منها حتى تخرجت.... |
الله يعطيك ألف عافية يالنادر وعقبال التخرج ان شاء الله .. التعبيــر .. يمكن هو المادة الوحيدة اللي المفروض تكون تطبيق ..عندنا التعبير زي الواجب المنزلي.. عبّر في البيت ومن بكرة اصحح لك .. ويجي الطالب للبيت يعطي اخوه ولا اخته تعـبر له .. وانتهت السالفه .. !! التعبير .. موهبة نتفق على هالشيء هذا .. لكن مايمنع ان التعليم يحاول يبرز من عنده موهبه ويحاول ينشئ من اللي مايملك هالموهبة .. انسان يستطيع التعبير ..عن اي شيء يشعر فيه .. ماودنا نكون من اللي كثير يخونهم التعبير ..!!! الله يعطيك العافية .. |
ماتذكر اني عبرت لنفسي اجي للبيت وبسلامت الاهل مايقصرون وكنت اتضايق احيانا اما المدرس يقول عبروا بالفصلولما يقول عندي واحد بالفصل الله يذكره بالخير يعرف يعبر وكان دايم يعبرلي |
| الوقت المعتمد في المنتدى بتوقيت جرينتش +3.
الوقت الان » 11:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd