01/02/2007, 05:48 PM
|
| مشرف سابق بمنتدى المجلس العام | | تاريخ التسجيل: 06/01/2001 المكان: w w w . a l z a e e m . n e t
مشاركات: 6,596
| |
إيه يالنادر ..ذكرتنا باسبوع الشجرة وأسبوع المرور ..والموضوع اللي المفروض يطبع مع السبورة وهو ماذا فعلت في الإجازة الصيفية ..
شف يالغالي .. من واقع الميدان في التعليم أقول لك إن هذه المادة ( مظلومة ) مع مادة الخط ..!!
ليش مظلومة .. لأنها عبارة عن حصة واحدة في الاسبوع ..وغالباً ما تكون لتكلمة النصاب الحصصي للمعلم ..!!!!
وخصوصا في الابتدائي تلقى معلم فنية أو بدنية يكملةن له بالمادة هذي أو أي تخصص ثاني - من غير نقص بالتخصص - وبهذا ( تأصل ) عن الطالب وولي الأمر إنها مادة تافهة ولا يبي لها شيء ..!!!
يعني تخيل ولي أمر جاي يشتكي معلم التعبير لأن أقل درجة حصل عليها الطالب في هالمادة ..طبعا الطالب ما يعرف يعبر أو يكتب فكرة ولما حصل على الدرجة المناسبة له جن جنون ولي الأمر ..ومع الأسف المدير بعد ..!!!
ترى أذكر لك هالمثال عشان تدري وش مستوى المادة عند الإدارة أو ولي الأمر .. كمادة أو نقول إيمان بالفكرة ..!!!
الآن ومن سنتين أو ثلاث ما أدري بالضبط .. تحولت المادة لمهارات محددة وعلى كل مهارة درجة يعني ماهوب شرط الفكرة أو المادة المكتوبة بدرجة ماهي كسب للمهارة المطلوبة .. ونقول عسى إنها بداية خير لهالمادة المظلومة ..
مع إن المشكلة الأساسية لها ما حُلت وهي معلم متخصص لها وكذلك الخط .. بالطريقة هذي له المجال إنه يبدع ويحقق اللي يبي .. وممكن تحاسبه أيضاً على الخطأ ..!!!
تصور معلم يدرس قواعد أو نحو وأدب وممكن بلاغة أو أي من مواد العربي وأيضاً معه مادة تعبير حصة واحدة في الأسبوع .. بالتأكيد إنها بتكون أقل جدية منه ومن الطلاب لأنهم بالطريقة هذي حطوها محطة إستراحة ..
ونفس الكلام ينطبق على الخط ..!!
الله يصلح الحال ونشوف الأمور زانت والسنة القادمة أو اللي بعدها بداية لمناهج جديدة وأسلوب مغاير ستطبق بشكل تدريجي ..نسأل الله أن يوفقهم ويكتب اللي فيه الخير ..
تحياتي لك يالنادر ،،،  |
