يعطيك الف عافية يالدابـ ..
ووالله نهب وسرقة وشق جيب عيني عينك ..يا عيال الي منب قايل ..
وش هالسرقة مشتركين بكاس العالم بفوق الالف و500 وجاي تقولي اشترك وادفع
زيادة ..مب انت لحالك الي كان متوقع ان الي مشتركين خلاص يكفيهم اشتراكههم
كل الي مشتركين كانو متوقعين هالشي ..
لكن نسينا ان مع الضفدع باشا توقع اي شي ...
ويأسفني ان اقولها بمرارة ..اني رحت امس واشتركت ب180..تسعة شهور ((الي باقي من اشتراك اي ار تي الاول ))..
وبالاخير ما اقول الا يا قلب لا تحزن ..



تحياتي

إقتباس الرسالة الأصلية كتبت بواسطة ميلان-7 [FONT=Monotype Koufi][SIZE=4][COLOR=navy]وبعدين دريت ان بعض الشباب شروا صحن كبير ووجهوه شرق وجابلهم قناة مدغشقر وشافوا كاس العالم بـ300 ريال بس صحيح مابه معلق عربي بس شافوا بدون تقطيع ميلان-7

وهذا الي شغالين عليه الهنود والبنغال
تدري ان الهندي الي يغس سيارتي ايام كاس العالم يقول مافاتتني الا اربع مباريات

استغربت كلت له وشلون يقول
انهم مسوين هالحركه وفاكين تشفير
ويشفون المباريات من قنوات ثانيه
والعجيب انها تعيد من بكرى الصبح
يعني تغطية كامله


حتى انه يقول
نفكر نسجل مباريات الادوار النهائيه بس يبي لنا فيديو


شف الاجانب وشلون تفكيرهم
يدرون ان ماحولك احد

إقتباس الرسالة الأصلية كتبت بواسطة هامور البورصه والحين يشفروون قناة اي ار تي 7 ولا وبمتين وخمسين ريال كنها تستاهل من زين الدوري عااد مع احتراامي للدوري السعوودي والله انك صاادق الدوري الاسباني والايطاالي وكاس انكلترا بمية ......

ارفع راسك انت سعودي

إقتباس الرسالة الأصلية كتبت بواسطة juve1897 يبن الحلال خلها على ربك ما دام رب البيت بالدف ضارب فشميه أهل البيت الرقص أساسا البلاء من الرئاسه العامة لرعاية الشباب الي سمحت لمثل هالأشكال بأستغلال الجماهير السعودية في البدايه بحرمان المشجعين من مباريات المنتخب السعودي و الأن بعض المباريات على قناتها حصريه و الله يستر من الجاي لا يشفرون مباريات الحارة بس ما أقول إلا : الله يرحمك يا فيصل بن فهد .. كان يسكت مثل هالأشكال و كان يبدى مصلحه العامة على المصلحه الخاصة و لا يعطيهم مجال لأستغلالنا

صدقت بكل كلمه

وتبون بعد تفكرون في هالكلام

شوفوا وشلون استطاعت الرياضيه السعوديه
بث مباريات امم اوربا ارضيا رغم تشفيرها بقناة الجزيره
ولم تستطع بث مباريات منتخبنا الاكثر اهميه ارضيا وهي مشفره بقنوات الاي ار تي

واضحه والله

إقتباس الرسالة الأصلية كتبت بواسطة زيدان5 نصب ونهب والضحية الشباب السعودي شكرا على الموضوع انا ماني مشترك بالارتي7 ابدا

ابرك لك
تحس انك شخص محترم على الاقل

إقتباس الرسالة الأصلية كتبت بواسطة iNtErIsTa خلهم على قناتهم اهم شئ بكرة نشوف المباراة على فكرة راح تكون بكره على 5 والسعوديه والدوري خله للضفدع

هذا الكلام الصح

إقتباس الرسالة الأصلية كتبت بواسطة مـيـلانـيـللـو تـبـي الـحــق يـافـهـــد ؟ هـو لاقـي لـه شـعـب يـنـضـحـك عـلـيـه ,’,’,’,’, اذا جـانـي أحـد يـقـول : وش نـسـوي وش بـيـديـنـا مـابـيـديـنـا شـي ؟ مـلـزومـيـن بـقـول لـه ::::::::::>> تـكـاتـفـوا عـلـيـه وبـيـجـيـكـم ذلـيـل .. هـذا رأيـي

وهو الراي الصحيح
بس ياتركي انا وانت وخمسه معنا
بنسويها

غيرك من القهاوي والشباب
مايبي يضيع مبارياته

شخصيا
لن ادفع ريال واحد
بها

والوعد رسيفر دريم وبس

إقتباس الرسالة الأصلية كتبت بواسطة ســــ 9 ـــــام .. والله قمة البجاحـه !! حسبي الله عليهم !! اخوي الثعبان ياليت توضح ماهو دريم ؟ أخووك غشيم بهالحركات ..

هذا رسيفر يفك القنوات المشفره
شخصيا ماعندي تفاصيل كامله عنه
بس انه رسيفر + دي اس ال
وتعيش ملك
شوتايم
اوربت
اي ار تي
السعوديه الثانيه
كلهن تشوفهن ببلاش

هذا مافهمته من واحد من الشباب امس


ناهيك ان فيه موضوع نزله احد العيال حول امكانيه انزال الاي ار تي عبر تركيب صحنين وقمرين و و و
لا اعرف تفاصيلها
بس اسال اي محل هنود
وصدقني
بيعرفون الكثيـــــــــــــــر عنها

إقتباس الرسالة الأصلية كتبت بواسطة فـارس الـزعـيـم !! وأزيدك من الشعر بيت أمس رحت لمحل الإشتراكات في البديعة على أني بشترك في ART 7 وعطيته الكرت قالي اشتراكك باقي فيه شهر وأنا مشترك قبل كاس العالم بشهرين تقريباً أو شهر يعني باقي فيه حوالي الـ 5 شهور عالعموم موب هذا حديثنا .. بس الآن نفرض أن اشتراكي باقي فيه شهر اوكي ؟ !! الزبده أني قلت له : طيب أنا أبي أشترك في ART 7 (فقط) .. قال لازم يكون عندك اشتراك في قنوات سبورت الـ 6 (وأكثر أو مثل) المدة اللي تبي تشترك فيها ART 7 يعني لو فرضنا أني أبي أشترك في ART 7 لمدة 6 شهور لازم يصير عندي اشتراك في قنوات سبورت الـ 6 لمدة 6 شهور أو أكثر أتمنى وضحت لكم الفكرة

مسخره مسخره مسخره

ماقالوا لك اشتركت بقنوات الافلام والا غاني
وفيه قنوات لكاس العالم القادمه لازم من الحين تشترك
وقنوات تشيلسي والانديه الي معه لازم تدفع رسووووووووومها



هبـــــــــــــــــــــــــال الي صاير وربي

وربعك بوزارة الاعلام نايمين

إقتباس الرسالة الأصلية كتبت بواسطة Pharma D اخوي الثعبان الازرق من خبرت art و هي شبكة قائمة على استفزاز و استغلال المشترك و اكبر دليل كلامك و برضو لما تجي تشترك في القنوات الرياضيه يجبرونك الا بـ القوه تاخذ معها قنوات افلام و حكايات و طرب << عاد الله من زين برامج هـ القنوات و برضو التقطيع اللي صار لـ مشتركي كأس العالم يابن الحلال عساك سالم الله يصبرنا بس

تحية طيبة للجميع .

إقتباس ان يسرقك الحرامي ومن ثم يرجع ويقف مع اهل الجيران مواسي ومدافعا عنك فهذه والله الغبنه باشد انواعها

هاذي من جد قوية وحصلت لي الله يكفيكم الشر .

بالنسبة للموضوعك اخوي فهد فعلا شي محزن اننا دائما مغلوب على امرنا في مثل هذه الامور وليس فقط في اشتراك القنوات الفضائية .

ارجع لصلب الموضوع انا حقيقة ما الوم شبكة وراديو وتليفزيون العرب بقدر ما الوم وزارة الاعلام يعني دوري ابطال وانجليزي وايطالي واسباني هذه مهي مشكلة ولكن ان تاتي للدوري السعودي ويتم تشفيره على باقة الاوائل ولا تملك الحق في ان تشترك فقط في الدوري السعودي وتجبر على ان تضيف معها قنوات انت لا تريدها هنا المشكلة الحقيقية وهاذي ما تلوم فيها القنوات بقدر ما تلوم فيها وزارة الاعلام ورعاية الشباب الي وقعت العقد

ما انكر ان للقنوات قدرة كبيرة على مواكبة اي حدث رياضية وتغطيته بشكل كامل ولكن في طريقة التعامل والابتزاز هنا نقف ونقول لا ولكن من يسمع

لحد الان وانا غير راضي عن وضع بيع بطقات وكامات الجزيرة ابتزاز عيني عينك تبيها بسعر 150 وانت طالع ولا روح وشف غيري تروح للوكيل يجبرك ان تشتري لسيفر خاص بالشركة لاجل يبيعك الكامة او البطاقة مو عاجبك روح اشرب من البحر


يعني بقية الدول مساكين وغلابة تتخفض لهم الاسعار وتباع في بعض الدول البطاقات والكامات بسعرها الاصلي وان كانت فيه زيادة فهي طفيفة ولا تقارن بما يحصل عندنا .

وسع صدرك وثق تماما حقوق الدوري السعودي مهي محبة واهتمام بالرياضة بقدر ماهي تعويض لفقدان الانجليزي وتحقيق مكاسب بطريقة لا استطيع ان اصفها الا بالابتزاز لان من المعقول ومقبول نوعا ما ان يكون الاشتراك فقط في الدوري السعودي دون اجبار المشاهد على الاشتراك في قنوات اخرى .


تقبل اصدق تحيه من اخوك
كرويف92

الا يامشترك فيها

الله عاد من زين هالدوري السعودي

هلا الداب

يا رجال صالح كامل مدعوم من الريس للاسف والا ما سوا هالعمايل وانا اخوك

بالنسبه لرسيفرات فك الشفرة دريم وطقتها .. هذي مهيب مضونه ابد خذها مني .. يقولون لك مضمونه بس تشتغل فترة وتقطع بعدين وانا مجربها

الشباب كفوا و وفوا .. وماعندي اي اضافه على كلامهم

الله ياخذك يا صالح كامل انت واللي وراك

فـ مان الله ,.,.,

اي والله شي يرفع الضغط

ياعله يخسر يارب واله لايوفقهم

إقتباس الرسالة الأصلية كتبت بواسطة كرويف92 تحية طيبة للجميع . هاذي من جد قوية وحصلت لي الله يكفيكم الشر . بالنسبة للموضوعك اخوي فهد فعلا شي محزن اننا دائما مغلوب على امرنا في مثل هذه الامور وليس فقط في اشتراك القنوات الفضائية . وسع صدرك وثق تماما حقوق الدوري السعودي مهي محبة واهتمام بالرياضة بقدر ماهي تعويض لفقدان الانجليزي وتحقيق مكاسب بطريقة لا استطيع ان اصفها الا بالابتزاز لان من المعقول ومقبول نوعا ما ان يكون الاشتراك فقط في الدوري السعودي دون اجبار المشاهد على الاشتراك في قنوات اخرى . تقبل اصدق تحيه من اخوك كرويف92

شي اكيـــــــد يابعدي
الان لو ننظر الى اي ار تي العام المقبل
سوف يكون معها الشامبيز ليق حصري

والا الاردني والسوري والدرجه الثانيه والمصارعه
هذي يشوفها صالح كامل

ااما الانجليزي والاسباني والايطالي
تلقاها بقنوات وان كانت اغلى
لكن تحترم المشاهد

هل تعلم ان اوربت قدمت الجزيرة الرياضيه مجانا لمشتركيها

والله ...فرق

اسعدني مرورك ياكرويف

إقتباس الرسالة الأصلية كتبت بواسطة hilalemooot هلا الداب يا رجال صالح كامل مدعوم من الريس للاسف والا ما سوا هالعمايل وانا اخوك بالنسبه لرسيفرات فك الشفرة دريم وطقتها .. هذي مهيب مضونه ابد خذها مني .. يقولون لك مضمونه بس تشتغل فترة وتقطع بعدين وانا مجربها فـ مان الله ,.,.,

هلالي موت
هذا القهر وهذي الغبنه الكبيره