|
Art 7 ... وللغدر اشكــــــــال والـــــــوان ان يسرقك الحرامي ومن ثم يرجع ويقف مع اهل الجيران مواسي ومدافعا عنك فهذه والله الغبنه باشد انواعها هي والله قنوات الفشل والغباء والاستغلال قنوات art اليوم جالسين عند واحد من الشباب وتقفلت قناه السابعه art 7 وانا اذكر انها بتتشفر بس على بالي انه بتدخل ضمن باقة المشتركين لكاس العالم او الدوري الانجليزي والشامبيزليق حاولت بكذا تردد بس ماضبطت المهم دقيت على الاي ار تي بمكتبهم الي بجده كلمت هندي وقلت له ان قناة السابعه مقفله عندي قال لازم تدفع 240 ريال علشان نضيفها :eek: :eek: :eek: :eek: قلت انا مشترك من اول ليش ادفع زود قال هذي قناة بالحالها قلت طيب انا كنت مشترك بقناة الجزيرة الرياضيه وانتم الغيتوها وقلتم اي واحد مشترك بها يطلب اي قناة بديله والا يطلب تمديد العقد شهرين تقريبا قال صحيح هالكلام بس اطلب اي قناة الا art7 مسخررررررررررررررررررررررررررررررررررررره والله مسخرررررررررررررررررررررررررره الحين قبل الاشتراك كانت اعلانات انك بتشوف قنوات تشيلسي وبرشلونه وليفربول وبعض الانديه بعد كاس العالم علطول وحتى انك تخاف تصدم دعاياتهم من كبرها بالشوارع والى يومك ماشفنا شي سالته عنها .. قال لي بالخطه المستقبليه :wallbash: :wallbash: :wallbash: وكنا مشتركين بالجزيرة الرياضيه والغوها زي براد ابو اربع وقالوا مافيش الا اختيارين العجيب والي يموت من الضحك الباكي ان اشتراك الدوري السعودي 240 ريال واشتراك الدوري الاسباني + الدوري الايطالي + كاس انجلترا + عديد من البطولات الخليجيه والعربيه = 100 طبيعي جدا ان يتم حلب الشعب السعودي فوزارة الاعلام تقف موقف المشاهد في هذه الاحداث لو حدث هذا في دولة جيبوتي اجزم ان وزارة اعلامهم ستمنع تداول بطاقات قنوات الضفدع كامل وجعله يقف على الدوري يشوفه بلحاله من باعنا برخص بعنـــاه ببــــلاش شخصيا لن اشترك بها وناوي بشراء رسيفر دريم الي يفك كل المشفر وياشباب اشتروا دريم و دي اس ال و رسيفر دريم وعش ملك وبلاش استغلال وابتزاز واشتروا راحتكم من صالح كامل تضحك اليوم وباتسر تبكي يجيك من ياطى راسك وقنواتك بشركه اكبر ولتكن روتانا الرياضيه اخ بس اسباني ايطالي انجليزي صار بدالها درجه اولى وثانيه وسوري واردني :wallbash: :wallbash: :wallbash: ص : وزارة الاعلام للارشفه:sleep: |
اخوي الداب اقسم بالله انك ماغلطت وانها حاجة ترفع الضغط عموما انا اشتركت بكاس العالم وتعطلت قبل الافتتاح واتصلت وقالوا ربع ساعة وترجع ولكن مالذي حدث ما شفت مباريات الجولة الاولى للمجموعات الثلاث وبعد كاس العالم رميتها على ولد عمي وبعدين دريت ان بعض الشباب شروا صحن كبير ووجهوه شرق وجابلهم قناة مدغشقر وشافوا كاس العالم بـ300 ريال بس صحيح مابه معلق عربي بس شافوا بدون تقطيع ART زبالة (اكرمكم الله) ويستغلونا واحنا مهبل ولكن اتمنى ان يكذب الخبر الذي يقول ان الكالشيو سينظم اليها واتمنى ان تأتي روتانا الرياضية وتلعب في حسبة طالح ناقص ااااامييين تحيتي ميلان-7 |
والله انك صاادق شي يغبن انا مشترك في اي ار تي والجزيره وتقفلت قنااة الجزيره ولا سوويت شي قلت امكن من الجزيره والحين يشفروون قناة اي ار تي 7 ولا وبمتين وخمسين ريال كنها تستاهل من زين الدوري عااد مع احتراامي للدوري السعوودي والله انك صاادق الدوري الاسباني والايطاالي وكاس انكلترا بمية ويجوون هذوول لا اخرااج مثل النااس خايس بين قوسين ملااعب تسد النفس تعليق يقولي الكورة مدورة لا يشيخ الكورة مدورة يا شباب جاايب معلوومه جديده يعني قلة ادب ان شاءالله اني ماافكر اشترك فيها وخلهم يخسروون ان شاءالله والله قاهرني هالبكستااني ولا رده جااهز لما سااله صحفي وقاله انتو غالين متين وخمسين قاال انت كم تبيع الجريده قاال بريلين قال يعني ستين ريال بالشهر قال ايه قال انا بالشهر عشرين ريال وسكت الصحفي وقهررني والله يعطييك العاافيه وشكراً لك والله انهم غابنيني هالبكستاانيه من جد بكستااني يدور الرياال في ......... |
يبن الحلال خلها على ربك ما دام رب البيت بالدف ضارب فشميه أهل البيت الرقص أساسا البلاء من الرئاسه العامة لرعاية الشباب الي سمحت لمثل هالأشكال بأستغلال الجماهير السعودية في البدايه بحرمان المشجعين من مباريات المنتخب السعودي و الأن بعض المباريات على قناتها حصريه و الله يستر من الجاي لا يشفرون مباريات الحارة :d بس ما أقول إلا : الله يرحمك يا فيصل بن فهد .. كان يسكت مثل هالأشكال و كان يبدى مصلحه العامة على المصلحه الخاصة و لا يعطيهم مجال لأستغلالنا و على كل حال خل الضفدع يشفره ما أضن يستاهل أنك تدفع 240 ريال بالسنه علشان الدوري السعودي أهم شيء مباريات الهلال أما غيره بالطقاق بس الي بط كبدي أنه دافع 300 مليون ريال بالدوري السعودي !! نعنبوا بليسك متبلي علينا تبي تشفر مباريات الدوري السعودي و تستقوي على الشعب طيب و الي ما عنده يدفع و الي ما يبي يدخل الدش وش يسوي بس كله كوم و إنه يخسر حقوق الدوري الإنجليزي علشان خاطر الدوري السعودي كوم ثاني بالله الدوري الإنجليزي تقارنه بالدروي السعودي ؟؟ يعني من أول نشترك و نقول دوري الإبطال و الدوري الإنجليزي يستاهل لكن من الموسم القادم دوري الإبطال فقط و حتى الدوري السعودي بتدفع زياده يعني مب في نفس الإشتراك <<< يقلع أبو الإستغلال |
نصب ونهب والضحية الشباب السعودي شكرا على الموضوع انا ماني مشترك بالارتي7 ابدا |
اها الدعوة استهبال انا اليوم اشوفها ماتشتغل القناة بعد ماشفروها الزلايب اجل الدعوة كذا استهبال الناس تطور وتفتح قنوات وتنافس بعضها ومفتوحة لمصلحة دوريها واحنا مشفرة انا ماراح اظمها مهوب كره بالدوري بس خل الاستغلال ينفعهم يعني اخبرهم كل ماتزيد قناة يضمونها لكن علشان يستغلونا كسعوديين يطلبون فلوس عليها هذا بحد ذاته استخفاف بالعقول خلهم على قناتهم اهم شئ بكرة نشوف المباراة على فكرة راح تكون بكره على 5 والسعوديه والدوري خله للضفدع |
بصراحة قناة استغلالية بس بصراحة احط مبلغ 720 في السنة علشان اشوف الدوري الإنجليزي و دوري ابطال اوروبا و دوري ابطال العرب و كأس العالم للأندية هاذي معقولة لكن ادفع 240 علشان الكرة السعودية ســــــــــــــــــامــــــحـــــــــونـــــــــــي بس و الله مو معقولة بالعربي ماتستاهل |
اخوي الثعبان الازرق من خبرت art و هي شبكة قائمة على استفزاز و استغلال المشترك و اكبر دليل كلامك و برضو لما تجي تشترك في القنوات الرياضيه يجبرونك الا بـ القوه تاخذ معها قنوات افلام و حكايات و طرب << عاد الله من زين برامج هـ القنوات :upset: و برضو التقطيع اللي صار لـ مشتركي كأس العالم يابن الحلال عساك سالم الله يصبرنا بس |
الله يصبرنا والله انا ما ادري اشترك ولا لا القهر انهم حذفوا الجزيرةوما يعوضونها بـ اي ار تي 7 انا مددت اشتراكي شهرين بس لو انا مكانك اموت قهر |
ايه والله قم الدنائه من القتاة السخيف اللي ماتميز بشي ابد الا شراء الحقوق والباقي عليه السلام (( استغلال)) |
بكيفه هالضفدع خله يناظر الدوري السعودي لحاله اذا جت مباراه للهلال شفتها بالبالتوك ولا اقرب مقهى |
تـبـي الـحــق يـافـهـــد ؟ هـو لاقـي لـه شـعـب يـنـضـحـك عـلـيـه ,’,’,’,’, اذا جـانـي أحـد يـقـول : وش نـسـوي وش بـيـديـنـا مـابـيـديـنـا شـي ؟ مـلـزومـيـن بـقـول لـه ::::::::::>> تـكـاتـفـوا عـلـيـه وبـيـجـيـكـم ذلـيـل .. هـذا رأيـي |
.. والله قمة البجاحـه !! حسبي الله عليهم !! اخوي الثعبان ياليت توضح ماهو دريم ؟ أخووك غشيم بهالحركات :d .. |
إقتباس:
s60s s60s s60s s60s s60s |
قلت كل ماكان في جعبتي .. وهذه القناة ستظل مستمرة مادامت الرقابة التجارية مرفوعة عنها !! أعان الله الجميع ,, |
| الوقت المعتمد في المنتدى بتوقيت جرينتش +3.
الوقت الان » 08:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd