تحية طيبة للجميع .

إقتباس ان يسرقك الحرامي ومن ثم يرجع ويقف مع اهل الجيران مواسي ومدافعا عنك فهذه والله الغبنه باشد انواعها

هاذي من جد قوية وحصلت لي الله يكفيكم الشر .

بالنسبة للموضوعك اخوي فهد فعلا شي محزن اننا دائما مغلوب على امرنا في مثل هذه الامور وليس فقط في اشتراك القنوات الفضائية .

ارجع لصلب الموضوع انا حقيقة ما الوم شبكة وراديو وتليفزيون العرب بقدر ما الوم وزارة الاعلام يعني دوري ابطال وانجليزي وايطالي واسباني هذه مهي مشكلة ولكن ان تاتي للدوري السعودي ويتم تشفيره على باقة الاوائل ولا تملك الحق في ان تشترك فقط في الدوري السعودي وتجبر على ان تضيف معها قنوات انت لا تريدها هنا المشكلة الحقيقية وهاذي ما تلوم فيها القنوات بقدر ما تلوم فيها وزارة الاعلام ورعاية الشباب الي وقعت العقد

ما انكر ان للقنوات قدرة كبيرة على مواكبة اي حدث رياضية وتغطيته بشكل كامل ولكن في طريقة التعامل والابتزاز هنا نقف ونقول لا ولكن من يسمع

لحد الان وانا غير راضي عن وضع بيع بطقات وكامات الجزيرة ابتزاز عيني عينك تبيها بسعر 150 وانت طالع ولا روح وشف غيري تروح للوكيل يجبرك ان تشتري لسيفر خاص بالشركة لاجل يبيعك الكامة او البطاقة مو عاجبك روح اشرب من البحر


يعني بقية الدول مساكين وغلابة تتخفض لهم الاسعار وتباع في بعض الدول البطاقات والكامات بسعرها الاصلي وان كانت فيه زيادة فهي طفيفة ولا تقارن بما يحصل عندنا .

وسع صدرك وثق تماما حقوق الدوري السعودي مهي محبة واهتمام بالرياضة بقدر ماهي تعويض لفقدان الانجليزي وتحقيق مكاسب بطريقة لا استطيع ان اصفها الا بالابتزاز لان من المعقول ومقبول نوعا ما ان يكون الاشتراك فقط في الدوري السعودي دون اجبار المشاهد على الاشتراك في قنوات اخرى .


تقبل اصدق تحيه من اخوك
كرويف92