بداية من هو هلالي الظهران في سطور؟وما الفرق بينه وبين عمر في الشخصيه ؟
هلالي الظهران انسان كسائر البشر يأكل ويشرب لكي يعيش وينام علشان يرقد وهو شبيه للاوادم<<احلف
منار الجزئيه الاولى من السؤال اتركها لك ولبقية الاخوان انتم اولى بها!!
اما الفرق بينهم..هلالي الظهران هو عمر وعمر هو هلالي الظهران!! انا بطبعي خجول مع اللي مااعرفهم ولا أمون عليهم وعلشان كذا ما أحتك كثير بغير الوسط اللي يحيط بي ..لكن مع الاهل والاصدقاء وكل اللي امون عليهم ماتشوفين الا شخصية هلالي الظهران تماما .. وأسلوبي في المنتدى يعكس واقعي لاني امون عليكم وعادكم من الربع .
إقتباس
لديك أسلوب جميل في الكتابة الفكاهيه ولكن في بعض الاحيان حينما أقراء لك
أرى في كتاباتك معنى مخفي في محتوى الموضوع
فهل أنت تعمل بالحكمه القائله.. المعنى في بطن الكاتب أم ماذا؟؟<<لا ادقق ببطن
اولا اشكرك على الاطراء.. بعدين لو لاحظتي اغلب مواضيعي تكون قصه واختمها بما يستفاد منها والعاده اضع نقطتين او ثلاثه على الاكثر تكون الفكره الاساسيه من الموضوع .. واكيد بيكون الموضوع فيه نقاط اخرى مختلفه اوضحها نوعا ما والقارئ الفطن اللي يقدر يستخلصها ..وانا لست ملزم بتوضيحها جميعها لاسباب منها .. حتى لايملئ القارئ من كثر الارشادات والاهم من ذلك حتى يشعر القارئ بقيمته وفطنته عندما يكتشف نقطه ما بعكس لو امليتها عليه ربما يشعر بنوع من الاستخفاف بقدراته,,
إقتباس
لكل منا طموح يسعى لتحقيقه..ماهي طموحاتك بالحياة وهل تحقق منها شي؟
اي انسان بطبعه طموح .. وانا لي طموحات كثيره وكبيره .. والحمدلله رب العالمين اغلب الامور اللي كنت اطمح لها في فترات سابقه تحققت والحمدلله .. وعن قناعه شخصيه انا احب اخطط للامور على درجات واحاول اوصلها خطوه بخطوه .. كمثال عام اذا كنت بالدور الارضي وابي اطلع للدور الخامس .. ما أفكر بالدور الخامس مباشره لأ .. ابدأ افكر اوصل للدور الاول وهكذا .. ومثل مايقولون أكل العنب حبه حبه,,
إقتباس
شخص تلجئ إليه دائماً عندما تواجهك مشكله ما..وشخص يلجا اليك عند المشكله؟
بحسب المشكله .. غالبا ما أحاول اواجه المشكله بنفسي ثم أشارك سعود ومهند معي واذا واجهت صعوبه اتوجه للوالد مباشره .. اما اللي يلجأوا لي فهم كثر ..
إقتباس
البعض يقولون بان من يتظاهر بالفكاهه والمرح فهو في الحقيقه حزين في داخله ما رايك بهذه المقوله؟
لا اتفق معها ابدا .. عموما التعميم في اي امر خطأ .. ليس كل مبتسم سعيد وليس كل مبتسم يخفي الحزن .. هي تختلف من انسان لاخر وحسب الظروف المحيطه..
إقتباس
نقطة تحول مررت بها في حياتك؟
عندما فضلت الالتحاق بنظام ارامكو CPC وجامعة البترول على دراسة الطب في جامعة الملك سعود..
إقتباس
هل تعتقد بان اعضاء المنتديات يظهرون بشخصياتهم الواقيعه ام با اقنعه مثاليه..؟
في الغالب بأقنعه مثاليه..
إقتباس
ليش الشباب ما يحبون يتزوجون بدري ويطفشون اهاليهم لين يتزوجون؟
والله تختلف من شاب لاخر ومن الصعب ان احكم على غيري .. عني شخصيا عرض علي الوالد انه يزوجني من بعد المرحله الثانويه مباشره .. لكن انا رفضت لقناعات شخصيه ابرزها اني رغبت في الاعتماد على نفسي وبناء مستقبلي بجهدي ثم الزواج بحسب امكانياتي اللي أوصل لها في المستقبل..
عموما انا ضد انه الشاب يتزوج على نفقة الاهل تماما .. لأنه بهالحاله ماعرف قيمة الزواج ولاعنده مسئوليه انه يتحمل الزواج وتبعاته مستقبلا .. طبعا مايمنع من المساعده لكن القصد الاعتماد عليهم كليا,,
إقتباس
وش شعورك يوم سمعت ان محمد الشلهوب ما خذا الجائزه؟ حسبي الله عليهم
كنت متوقع هالامر وتمنيت ان محمد مايسافر للجائزه .. لكن قدر الله وماشاء فعل,,
إقتباس
اخيرا خلصت ومشكور على سعه صدرك وتحملك لاسألتي...
والله يوفقك ويسعدك خالص التحيه لك منــار...
يعطيك الف الف عافيه منار .. بصراحه استمتعت جدا جدا جدا بالاسئله وعساني ما انحرم منكم..
هــلا والله وغـــــلا بأحلى ضيف نورنا هلا وغــلا هلالي الظهران..
حــياكـ الله وإن شالله مــاتتعبك أسألتنا
اهلا اهلا برعبوبه .. يامرحبا بالدوافير حقون ثالث اللي مالهم شوفه ماغير يحفرون بذا الكتب لا اله الا الله ..
الله يحييك .. لا والله وش حليل اسئلتك عند واحد بعدك بشوي يبدا بحرف بيكهام .. ياني اناظر من بعييييد كأنه واحد بقمة جبل ويناظر الهاويه تحت ,,
إقتباس
الســؤال الأول:وش يعني لكـ منتدى الزعيم والأعضاء اللي فيه؟؟
احد يدلني بسرعه على مخرج الطوارئ .. والله المنتدى يعني لي الكثير .. يكفي انه عرفني بناس مثلك وشرواك ويكفي ان اوقات طويله قضيتها بداخله .. باختصار المنتدى بيتي الخامس ,,
إقتباس
السؤال الثاني: موقف هزك وتـأثرت منه في حيــاتك؟؟
والله ما أذكر موقف معين سبب لي هذيك الهزه ولله الحمد .. لكن أذكر موقف أثر فيني كثير ..
هذا ياطويلة العمر قبل 3 سنوات باجازة عيد الفطر .. وكالعاده اذا عيدت بجده أكون بالشاليهات .. ويوميا من بعد صلاة العصر الين تغرب الشمس امارس هوايتي الاولى على الجيتس كي (دباب البحر) .. طبعا ايام العيد تكون زحمه والشباب والبنات انواع الاستهبال والاستعراضات بدبابتهم .. المهم المنطقه القريبه من المارينا (المرسى) تكون محوطه بحبل ثخين وعليه براميل وفيه فتحه صغيره زي المدخل والمخرج للي يبي يطلع برا .. الشاهد قبل المغرب بنص ساعه يتجمعوا الناس علشان يشوفون الغروب ويناظرون هبال راعين الجيتس كي وبدورهم الشباب انواع الاستعراض .. وأثناء الاستعراض كان في راعي دباب جاي من جهة المدخل وطاااير وواحد ثاني كان يمشي بالعرض قدام المدخل .. الشاهد ان الدبابين تصادموا وراعي الدباب اللي جاي من برا على سرعته ومن قوة الصدمه طار من الدباب بقوه وطاح على الحبل الثخين جهة الصدر .. وتوفى الشاب مباشره قدام عيني ثاني ايام العيد..
الموقف أثر فيني كثير خصوصا ان هالشاب دايما اتحدى انا واياه .. وتخيلت نفسي مكانه وتركت هبالي من عقبها,,
إقتباس
السـؤال الثالث:لك جـو خاص بالكتابه تكتب شعر أو خواطر أو أي شي وياليت تحط لنا
شي منها إن كنت تكتب ((إذا ماكان فيه شي من الخصوصيه))؟؟
والله مالي بهالامور ابد .. وكل اللي اكتبه ماينفع ينشر او حتى يقرأ ,,
إقتباس
السـؤال الرابع:من من الأعضــاء اللي تشوفه قريب حيل منك ومن من الأعضاء اللي تشوفه قريب
حيل من شخصيتكـ؟؟ومن من الأعــضاء اللي ترتاح له من المنتدى..؟؟
الاعضاء القريبين مني كثار والله واخاف اذكر احد وانسى البقيه فاتمنى تعذريني .. لكن ما أشوف عضو شخصيته قريبه مني!!
إقتباس
السـؤال الخامس والأخير:العنـا صديقك فهل تعرف وين يختفي ويختفي ثم يرجع<<سؤال محرج ؟؟
وشــكرا..
هالسؤال يتوجه لابو ريمان .. العنا صديقي في النت فقط .. مثله مثل ماجد وصدى والهاوي ووووو ...
حياك ربي .. وبالتوفيق ان شاء الله في الثانويه وحياتك عموما ,,
يعني ما لقيتوا الا هلالي الظهران يكون ضيف هوووون,,,
هلالي الظهران ,, أحسوه كتاب مفتوح لجميع الأعضاء,,
فنحن نعرف قصة حياتوه منذ نعومة أظافره مروراً بحصوله على لقب القوي,,,
ثم توقيفه في الناصريه,, وأخيراً اعلان زواجه من مرمر,,,<< بأتكفخ,,
هلا والله بالتميميه مصممة الغفله ( والله كل ماتذكرت كعيت ضحك )
من ناحية يبيلك تكفيخ يبيلك صراحه .. اجل انا صرت كتاب مفتوح انتي وهالخشم اللي من كبره لا ناظرتي في المرايه يقولك التتمه في المرايه القادمه ولا من زين الطبايع معلقه عليه حلق اذاني يعني شوفوني مودرن .. بس تدرين انا اشره على سهل بعد ولا تسأليني ليه لانه بس أعجبتني الكلمه ..
بصراحه كنت اتوقع اسئله من نوع معين تكشف هلالي الظهران لكن تفاجئت ان اغلب الاسئله سطحيه;) ,,
إقتباس
تيب,,, بما ان الفأس طاح بالرأس,,
واخترتوه وقضيتوا,,,
الشكوى لله,, أبسأل تبعاً,,<< تيب محد ضربك على يدك,,
صدق اللي قال .. اللي اختشوا ماتوا .. فيه ناس نقول عنهم غريبين وناس متناقضين وناس وجيههم مغسوله بمرق لكن انتي اشك انك المرقه نفسها ..
إقتباس
تيب,, والخطاب موجه الى الظهراني,,,
حياك الله ضيفاً عزيزاً,,,سعيدون بتواجدك معنا,,, <<بدري
واحلاة من يعلقك بمروحه وينغزها على رقم واحد .. الله يحيك طمطم ,,
إقتباس
أول شي تواسى وأجلس زين,,,عشان يكون ردك على مستوى قعدتك,,
شمر عن ساعديك,,
وسم بالله,,,
وجاوب على ماهو آت,,,
لا لازم انبطح حتى ينعدل وضع المخيخ عندي .. اصبري بانبطح ع بطني << عاد تخيلي سيقانه تلعب بالهوا ولابس ذيك الشرابات اللي مافسختهن من شهر ومن زين الطبايع هو قفاز بس مع البرد يصير جورب
إقتباس
1_
بسرااااااحه,, وبدون لف ودوران,,,,
وش يقرب لك شارع الظهران,,,بمعنى آخر,, تعرفه من جهة خوالك والا عمانك,,!!
راضعين سوا بس هو صايع وهايت بالشوارع فلقبوه بشارع نسبة الى شهرته .. بالاماريه ترى تغير اسمه وصار اسمه" طريق خادم الحرمين الشريفين الملك عبدالله بن عبدالعزيز ال سعود" << اول ماقريت اللوحه احسب ابو متعب بيزور الشرقيه ومسوين اعلان لكن بعد 3 شهور لاحظت انهم ماشالوا اللوحه وطلع اسم الشارع الجديد !
إقتباس
2_
هلالي الظهران,,,
راعي البعارين,,,
والكثير من الألقاب في خزنة شخص واحد,,,
برأيك ما سبب كثرتها,, هل هي الشهره مثلاً,,!!
هههههههههههههههههه اجل انتي فيذاك .. اعترفي وش يوزرك ,,
والله لا كثرة القاب ولاهم يحزنون! هلالي الظهران معرفي اما راعي البعارين فله مناسبه.. فيه مره من المرات جاء الاسطوره وحب يدلعني فقال هلالي الظهارين .. انا قلت حشى وشو ظهارين والله لو انها بعارين!! وكانت فيه سوسه اسمها نوير ازعجناها بالذب فلقطت الاسم واستغلت الفرصه وصارت تردده الين انتشر ,,
إقتباس
3_
عندك في يوم من الأيام أوف,, واتفقتوا مع الدكتور انكم تقدمون احدى المحاضرات في هذا اليوم (الأوف),,,
وتقوم من النوم<<أهم شي,,, وترز وجهك,, وتروح الجامعه,,,
ولما دخلت القاعه,,, اكتشفت أن المحاضره تكنسلت,, بحكم أن هذا اليوم أوف,,, وما أعجب الطلاب أن الدكتور ياخذ اوفهم,,,وتأجلت المحاضره,, ومحد نزل اعلان,,,
المهم ,, وقتها وش بتسوي,, واللوم تحطه على مين,,,على الدكتور ,,والا على الطلاب,,,<<موقف صاير لي وراااااااااااافع ضغطي,,,
اول خلي يصير عندي اووف بعدين نتفاهم . . لكن لو تم الاتفاق بين الدكتور والطلبه على هاليوم وأي طرف اخل بالاتفاق هو المسئول .. يعني لو ماحضر الدكتور مسئوليته والمحاضره تعتبر تمت واذا ماحضروا الطلاب يسجلوا غياب,,
ولو انا مكانك ماحضرت لا باليوم الاوف ولا باليوم الاعتيادي بس كانك بتخليني احضر بدالك وبنفس القاعه ممكن اغير رأيي ,,
إقتباس
4_
برأيك المناقشات في المنتديات,, وغيرها,,,
هل لها دور في تطوير الفكر,, وهل من الممكن انها تحقق نتيجه ايجابيه,,؟؟!! << مالي داعي وأنا أتفلسف,,,
بوجهة نظري تتحقق الايجابيه في حالتين .. اذا كان المشاركين في النقاش عندهم المام بالموضوع او ثقافه ممتازه تساعدهم .. ايضا كان الهدف من النقاش تبادل وجهات النظر وعدم المكابره في حالة الاقتناع باراء مختلفه وعدم التعصب لفكره او راي معين,,
لكن على ارض الواقع ارى الايجابيه محدوده!!
إقتباس
5_
بسراااحه,,
يقولون ما سويت سوي بك,,
وأنا كان ودي أتقعد لك,, وأسألك عشر طعش سؤال,,زي ما تقعدت لأحد ما هناك,,, <<ما يفوتن شي,,
بس يوم وصلت 4 تعبت,, وهونت,,,خاصه انه سؤال صعب,, يبي له مجهود جبار,,,
بس آآآآآخر سؤال,,
نصيحه توجهها لتمتم,,,
وووووووووووووووبس,,,
لا والله السالفه مو استقعاد .. بس اسئلتي اهدف من وراها شي واحاول اوصله .. بعدين انا مشكلتي امسك خط ولا اعرف اختصر .. حتى في مره كتبت موضوع وقبت بختصره وبعد الاختصار اكتشفت ان الموضوع صار أطول ..
تبين نصيحه ! عاد مالقيتي الا هلالي الظهران ينصح .. عموما انا تفاجئت بمتابعتك والمامك الكبير !! واقولك حرام عليك تحرمين نفسك وتحرمينا من قلمك ومشاركتك! بما انك متابعه ومتواجده فحبذا (متعوب عليها ) تشاركينا دايم علشان تفيدي وتستفيدي;) ,,
إقتباس
الله يهون عليك,,, وتحل زين,,,
حياك ربي التميميه .. ووالله العظيم سعدتك بتواجدك والدائم معي والاجمل متابعتك << في نفسه يقول وش البلشه لازم ننتبه
التميميه لها اسلوب مميز ومتفرده فيه فلا تحرمينا منه;) .. بالتوفيق,
الامنيات كثيره .. أبرزها رضا الله ورضا الوالدين .. تحقيق مخططاتي الدراسيه .. التوفيق بين العمل المتعلق بالتخصص والاعمال الخاصه مستقبلا .. الزواج بالمرأه التي تحقق كل طموحاتي .. الذريه الصالحه .. وغيرها الكثير ..
اما هدفي بالحياه فهو تحقيق جميع أمنياتي ,,
إقتباس
ثانيا/ أنت تقول أنك تحب المنطقه الشرقيه وتعشق الخبر..هل يوجد سر لهذا العشق؟
تشااااااااو
خليني انا اسألك .. هل قد سبق زرتي المنطقه الشرقيه وما أعجبتك او هل سمعتي بمن قدم للمنطقه الشرقيه ولم يعجب بها ويستمتع؟؟!!
الجواب أكيد لا. .
أحلى مشجعه حياك ريي .. أسعدتني مشاركتك وتواصلك .. في حفظ الله,,
الفارس الحائر
إقتباس
هلا وغلا باخوي عمر
وأنا أقرا الأسئلة والأجوبة تعبت على كذا ماراح أسئل إلا 15 سؤال علشان ماتطفش أمزح لاتصدق
حيا الله الغالي سعد .. منور المقابله والله ومنور المنتدى برجعتك .. يا الفارس سمعت باللي يقول .. "كذا من ربي حبيته بسرعه يوم لاقينه"! يا أخي سبحان الله لك بقلبي معزه خاصه ,,
إقتباس
الأسئلة بسيطة وكتابتها سهله
آخر سفره سافرت لها ؟؟ وأين ؟؟
اذا بتعتبر البحرين أو دبي سفره فهي الاخيره وكانت اكثر من مره من بداية الفصل ..اما فعليا اخر سفره كانت في اخر 3 اسابيع من الاجازه الصيفيه وكانت الى برشلونه والباما دي مايوركا "اسبانيا والى امستردام" هولندا"
إقتباس
أفضل دوله زرتها ؟ ودوله تتمنى زيارتها ؟؟
افضل دوله زرتها كانت النمسا .. اما اللي اتمناها كثير ابرزها .. ايطاليا- استراليا- جنوب افريقيا ,,
وعليكم السلام ورحمة الله وبركاته .. الله مير يحيك ويكبر مافيك ومن الخير ينطيك ومن كل حاسد وحاقد يحميك,,
إقتباس
طبعا أنا اتذكرك قبل .. وكنت قبل لما اشوفك اقول ياربيييه وش هالغثه .. وبقدرة قادر تحول البغض إلى حب
طبعا انا الى الان ما أعرفك! << قويه الله يقلعك
حيا الله بيكو .. وين الناس وليه رجعت ؟ << خبري الناس يسئلون وين رحت
طيب اذا مابه كلافه كيف تحول الغثا الى حب كود ان ربي يرزقني وأحبك ,,
إقتباس
طبعا الشكر موصول واسم إشارة وضمير متصل ومنفصل لأخواني اشرف المجلس العام على إستضافة القائد المحنك صاحب الشارب الطويل .. والخشم المقوس .. والشفاه الوردية .. والوجه ذو النظارة أخوي عمر ..
منهو ذا الأطخم ,,
إقتباس
أخوي عمر قبل ماابدا .. يقولون صح اما بعد هم اذا كانوا بيكتبون مووضوع .. طيب بقول أنا أما قبل .. بحنكتك ونظرتك الثاقبة .. وش يدل ذلك ؟ إذا مافهمت بيجري عند الأخوان بإمكانك سؤالي متى ماأرد ت بس شرط يكون داخل وقت الذروة علشان يصرف
أعاد هلالي الظهران مقعده الى الوراء ووضع اصبعه(الاصبع الكبير حق القدم) بأنفه وأطلق ريحا من فمه ثم قال .. هذه هي الليبراليه ياولدي
إقتباس
بداية .. أحب اعلمك أني دخلت نفس تخصصك .. هندسة كهربائية .. وأنا الآن مستوى ثالث .. في جامعة الملك سعود .. فضلا لاأمراَ أعتبرني أخوك اللي ماجابته امك .. وأدلي بدلوك وأعطيني كم شطحة... شطحه=نصيحة << قاموس ابو جلمبو
دامك اخوي واللي اصغر مني بعد .. يالله قم انقز وجيبلي اثنين كبده من البوفيه وانت مار البقاله جب ميرندا فراوله وبسكوت ابو ولد .
شوف وانا أخوك التخصص اتعب وانا اقول مطلوووب ومستقبله مضمون باذن الله بس يبيله شغل بصراحه .. يعني اذا براسك لعب وسربته ادخل اداره اصرفلك واذا انت صامل الله يوفقك وباذن الله تحقق كل اللي تبيه وبسهوله بعد..
اللي يقولك التخصص صعب فهو يلعب عليك .. مافي شي صعب مع الاهتمام ومافي شي سهل بالتطنيش .. الاليكتريكال اذا كنت هاوي هالشغله ان شاء تستمع وتبدع بعد ..
طبعا القسم يندرج تحته 6 اقسام كلها مهمه لكن بحسب طبيعة الوظائف ركز على اثنين وهم POWER & COMMUNICATION لان الشركات تطلب هالتخصصين بكثره وفيه غيرها مهمه مثل INSTRUMENT &ELECTROMAGNTIC لكن للأسف مالها تطبيقات بالسعوديه .. فحاول اذا اخترت الكورسات الاختياريه تركز عليهم ..
بالاضافه فيه شي مهم .. ركز على اللابات لانها بتفيدك كثير في فهم الماده .. واذا عندك سؤال او استشاره لا يردك الا الخاص,,
إقتباس
عزيزي ..
تخيل معي أن الحياة هي ريموت كنترول .. وأنت المتحكم ماهي باكورة مشاريعك <<قسمن قسمن قسمن من تأليفي
أقفل اغلب الكليات وافتح بدالها معاهد صناعيه وافتح مصانع وأشغل الشباب السعودي فيها ومتأكد انهم بيبدعون فيها..
إقتباس
بصراحة أنصدمت لما شفت ترتيب جامعاتنا في السلم لجامعات العالم ... تتوقع وش سبب هذه النكسه .. وهل لديك حلول لذلك ؟ << يكلم وزير التعليم
اولا الترتيب اراه غير منطقي واقعي تماما .. ثم النقطه الاهم هو معايير التقييم .. لان المعايير متعدده منها الابحاث العلميه والتحصيل العلمي للطلبه ومستوى الدكاتره والمتخصصين وهذي تنطبق على جامعاتنا لكن فيه معايير اخرى معتمده مثل تدريس الفن والموسيقى والرقص ومعايير مثل التعاون بين الطلبه والطالبات وغيرها من المعايير المعتمده مثل الفلسفه وغير المطبقه عندنا بالسعوديه لعادات المجتمع السعودي وتربيته الاسلاميه .. وهذه نقطه مهمه لها تأثير كبير على التصنيف ..
بالاضافه الى ان جامعاتنا ينقصها الكثير .. بدءا من الكادر التعليمي وبرأيي هذا اهم الاسباب واضربلك مثال .. معروف عندنا ان جامعة البترول افضل بمراحل من جامعة الملك سعود وعبدالعزيز ( حسب التصنيف العلمي المعتمد) .. طيب مافكرنا ليه ؟ اكيد ان طلاب البترول مثلهم مثل غيرهم وان كان فيه فارق بسيط .. لكن لو أخذنا طلاب البترول وحطيناهم بسعود والعكس بتلقى طلاب سعود ارتفع مستواهم وطلاب البترول انخفض مستواهم .. وهذا دليل على أهمية كادر التدريس والاهم من ذلك سياسة ادارة الجامعه,,
اضيف على ذلك ان البحوث العلميه معيار مهم جدا .. وجامعاتنا غير مهتمه ابد بهالامور وضعيفه جدا بهالمجال ,,
الاسباب تتعدد والشرح يطول ولعلي اكتفي بما ذكرت,,
إقتباس
تخيل .. يوم من الأأيام .. مررت بشارع مظلم .. ممتطيا سيارتك الفارهة مضيئا شمعات الزنون الأمامية .. وإذا بإمرأة تؤشر لك .. << حلوه تؤشر لك .. المعذرة مالقيت كلمة تناسب للجمله هذي
الموهم تبي توقف لها .. والا تعطيها رووووكبة وتمشي .. ؟
والله مهو ركبه الا بالشلوووت .. بسم الله الرحمن الرحيم .. تف تف .. حوالينا ولا علينا ..
إقتباس
البعض ربط نزول مؤشر الأأسهم تحت حاجز الـ 8000بحلول البرد .. هل تتوقع انهم غطوه ببطانيه .. او لبسوه ع الأقل بجامه وشراب ?
وابشرك مع المربعانيه بيوصل الــ 6000 وقل ماقالها هلالي الظهران .. وهذا الوضع الطبيعي للمؤشر وحسبي الله على اللي نصبوا على العالم!!
إقتباس
طايب .. تتوقع مامدا نسبة غباء من قُبِل بـ جامعة البترول والمعادن وفضل جامعة الملك سعود عيها ؟
فضل جامعة الملك سعود على جامعة البترول انها تقبل الطلبه الكديش المشوتين من جامعتنا ههههههههههه .. ومن زود البطره تعاملهم معامله خاصه باعتبارهم واجهة الجامعه مستقبلا ههههههههههههههههههههه
إقتباس
مرة من المراري .. شائت قدرة الله وزهبت للشرقية.. طبعا أثناء وصولي .. سوو لي حفل اهالي المنطقة ... وسعدت بصراحة بذلك .. طبعا توي ماكملت ساعتين وأثناء ذهابي للكورنيش كان الشارع زحمة والإشارة صفراء مشيت يعني تعديت الإشارة طبعا وهي صفراء ..استوقفتني أحد الدوريات حفظها الله .. وكانوا طويلين العمر بيسامحوني .. فجأة .. يوم دروا انني من الرياض .. سيدا ع الحجز .. تتوقع .. يعني مجرد توقع بسيط ليش سووا كذا ؟
ببساطه لان اعلى نسبة حوادث في العالم موجوده بالرياض!! ومرور الشرقيه بحكم عدم انشغالهم وندرة المتهورين قالوا خلينا نتسلى ونعلم شباب الرياض اداب الطريق .. والا شباب الشرقيه يكفيهم تنبيه ,,
إقتباس
معليش بأتدخل بأمورك الخاصة شوي ..
كم السايز تبع البنطلون حقك ؟
طلاطه وطلاطين << الله يذكرك بالخير يامرمر ,,
إقتباس
تروح للجامعة بشنطة والا حالتك حاله شايل نص مكتبتكم
لاهذي ولا هذي .. غالبا ما أشيل معي نوت فاضي وقلم فقط,,
إقتباس
بأعطيك كم عضو .. وعطنا فيه لو كلمتين ..
ابو لما
عاشق الشبكه الاول..
إقتباس
السامي كسمو الهلال
رائد الكتابه الفصيحه بالشبكات الهلاليه
إقتباس
الهلال موتي
صديق الجميع وطاقه مميزه
إقتباس
سندريلا الهلال
قطب من اقطاب المجلس العام
إقتباس
الهنوووف
فراشة المنتدى
إقتباس
تـرف
قلم أدبي مميز
إقتباس
المعرفة
محبوبة من الجميع
إقتباس
Me
ياعمي وخر .. قطعت نفسي الله يقطع ابليسك
إقتباس
أنت <<
ضحية مجتمع << رومانسي صح
إقتباس
تحب تشوف خشتك كل يوم في المرايه
اييييه لازم ..علشان اعد كم حبه جديده طلعت ,,
إقتباس
عاد آخر سؤال ...
وش رايك بالموضه اللي طايحين فيها بعض الأعضاءاللي هي بعد مايكتب الموضوع او الرد .. يكتب لك مدري مين مر من هنا << مايقصد أحد .. والا يكتب كن احمد مدري بخير << ممنوع الزعل ..
حريه شخصيه + حركه للفت الانتباه
إقتباس
وأخيرا ..
قل آمين .. ياجعل هالأصابع اللي ترد على اسألتي انها تلبس البنية خاتم الخطوبه
نشوووووووووفك على خير حبيبي ألبي ..
إلى اللقاء
الحمدلله مابغينا نخلص الله ياخذ ابليس ..
ماني بقايل امين .. تبي تدمرني اجل تبغاني اخذ 11 مره !! << لاتدققون رقم 11 هو لساني لانه دايم تطيح سعابيل والعقها ومره وحده اكتب في ه ,,
وعليكم السلام ورحمة الله .. الله يحييك يا الغالي .. منور وانا اخوك والله ان شوفة اعضاء بتاريخ تسجيل مبكر يفتح النفس ,,
إقتباس
وسؤالي .. ..
وشـ هو الليـ ناقصـ .. منتدى المجلس العامـ .. حتى يرجعـ لـ [[ بريقه ]] .. .. ؟
حتى يرجع بريقه!!
والله وانا اخوك أشوف المجلس العام بفتره من أجمل فتراته .. وعلشان اكون معك واقعي وصريح انا عاصرت الشبكه خلال السنتين الاخيرتين وأشوف المجلس من فترة 4 أشهر يمر بفترات مميزه جدا .. أذكر سابقا كان الموضوع يجلس بالصفحه الرئيسيه اسبوعين ويكون امر طبيعي لكن الان الموضوع خلال 3 ايام تجده بصفحات متأخره بالاضافه الى زياده ملحوظه باعداد المتميزين ..
اما قبل هالسنتين بصراحه ماعندي المام بالوضع ابدا وليتك اخوي توضح لنا حتى نستفيد منك ومن السابقين ..
اما اللي ينقص المجلس .. في نقطه أشوفها بصراحه ان العلاقه بين الاعضاء رسميه نوعا ما مما يجعل الاعضاء يحاولون الظهور بالمظهر المثالي المبالغ فيه .. وهذي رأيي الشخصي..
إقتباس
+
منـ هو العضو الليـ تفتقدهـ .. .. ؟
والله الاعضاء اللي غابوا عنا كثر وكثير منهم مميزين وبعضهم مقربين الى قلبي .. لكن في شخص دائما ما أذكره واقدره جدا جدا ودائما ما كان يوجهني بينه وبيني وهو الغائب الحاضر بقلبي / دبل كيــك;)
في نقطه عامه لو تسمحلي بذكرها وهي للجميع الاعضاء القدامى او الحاليين ..
العضو اللي يحب الشبكه مايفكر يتركها ابدا الا اذا كانوا بيظنون ان الشبكه بتتضرر بغيابهم فهم غلطانين! ومع ذلك لكل انسان ظروفه والغايب عذره معه,,
إقتباس
معاند .. ..
حياك الله اخوي معاند والساعه المباركه اللي سألتني فيه .. ومشكور يابعدي,,
... بعد إذنك هلالي الظهران ...
... تطرقت من خلال حديثك إلى تهم وجهتها إلى جامعة الملك سعود ...
... فأبت نفسي إلا أن أعلق عليها ...
... لن أتكلم عن الجامعه بأكملها ... لكن سأتكلم عن كلية الهندسه وبالأخص الهندسه الكهربائيه فقط !!!
إقتباس
معروف عندنا ان جامعة البترول افضل بمراحل من جامعة الملك سعود وعبدالعزيز ( حسب التصنيف العلمي المعتمد) .. طيب مافكرنا ليه ؟
... ميييييين قااااااال !!
... المصدر - ->> ياليت تقول ...
... إللي أعرف لا يوجد تصنيف معتمد يقول إن جامعة البترول أحسن من سعود !!!!
... غير إنه في أي صرح تعليمي بالعالم يوجد محاسن ويوجد مساوئ بل ليست الصروح التعليمة وحدها في كل مجالات الحياة وأصعدتها يوجد فيها الجيد ويوجد فيها الردئ ...
... أما بالنسبة للمقارنة فأنا ضد فكرة المقارنة بين الجامعات لأن كل جامعة لها طريقتها المميزة التي تميزها عن الأخري ...
إقتباس
اكيد ان طلاب البترول مثلهم مثل غيرهم وان كان فيه فارق بسيط .. لكن لو أخذنا طلاب البترول وحطيناهم بسعود والعكس بتلقى طلاب سعود ارتفع مستواهم وطلاب البترول انخفض مستواهم .. وهذا دليل على أهمية كادر التدريس والاهم من ذلك سياسة ادارة الجامعه,,
... يحلو لكثير من طلبة البترول التفاخر بتخرجهم من جامعتهم ، ويستدلون على أفضليتهم بتفضيل الشركات لهم ...
...نعم طالب جامعة البترول أفضل من طالب جامعة الملك سعود من ناحية اللغة الإنجليزية ( وهذا هو سبب تفضيل الشركات لطالب البترول ) ، وكثرة ظهورهم في (السلطة الرابعة) !!
... لكن الحقيقة التي يجب أن يعلمها كل أحد ... أنه لا توجد ( أدنى ) مقارنة بين طلاب كلية الهندسة في سعود ومهندسي البترول من ناحية القوة في التخصص ...
...طالب كلية الهندسة في سعود يبدأ دراسته التخصصية من أول يوم تطأ فيه قدمه الجامعة ، في الوقت الذي يستغرق زميله في البترول سنه كاملة في دراسة اللغة الإنجليزية (وشيء ) من الرياضيات ...
... طالب جامعة الملك سعود (الهندسة) لا يتخرج إلا بعد إنهائه 160ساعة ، منها 9 ساعات فقط للغة الإنجليزية ...
...بينما يتخرج طالب البترول بعد إنهائه 130 ساعة والأدهى والأمر أن طالب البترول درس من هذه الـ130 ساعة 30ساعة انجليزي ، و30ساعة (أعمال تطوعية) "قد لاتكون الأرقام دقيقه ولكن تقريبيه" وأترك لك تخيل الفرق بين خريجي الجامعتين (من ناحية التخصص) ...
... هذا الرأي لم آت به من أفكاري وتخيلاتي ، أو حتى قراءتي لمدلولات الخطة الدراسية للجامعتين بل سمعته من دكاترة من أعضاء هيئة التدريس بجامعة الملك سعود ...
... يجب أن نكون أكثر تعقلا في الحكم على طلبة الجامعتين ...
... نعم أقر وأعترف بتفوق جامعة البترول من ناحية التعامل مع الطالب والفرق بين الجامعتين من ناحية التسجيل في المواد والجداول ، لكن هذا لا يمنح طالب البترول الأفضلية على طالب الملك سعود ...
إقتباس
فضل جامعة الملك سعود على جامعة البترول انها تقبل الطلبه الكديش المشوتين من جامعتنا ههههههههههه .. ومن زود البطره تعاملهم معامله خاصه باعتبارهم واجهة الجامعه مستقبلا ههههههههههههههههههههه
... ليش كل هذي الإتهامات!!
... لا يزال طلبة جامعة البترول يحكمون من أبراجهم العاجية على طلبة الجامعات الأخرى وعلى رأسها أم الجامعات السعودية ( جامعة الملك سعود ) ...
... لطلبة البترول الحق في الفخر ببعض الإيجابيات التي لديهم ، لكن ليس لهم أن يتوجوا أنفسهم على عرش المهندسين السعوديين ...
... وللعلم في الماستر ... نجد طلاب جامعة البترول عند إكمالهم للدراسة في جامعة سعود يجدون صعوبه كبيرهـ في تخطي هذي المرحله ...
... فكيف يكون هؤلأ الطلبه واجهة لجامعة الملك سعود !! ..
... وأقوووول أخيراً أهل مكه أدرى بشعابها !!!!
... أعتذر عن إبداء رأيي إن كان في مكانه الغير الصحيح ولكن كلمة الحق لابد أن تقال !!!
... باااااااااك مرهـ أقين <--شكلها تااااقه خيمه في الموزووووع
... أول شي أشكر الإشراف على هالسلسله الممتعه
... ثانيا أشكر ضهرانو على الموافقه والسماح لنا بفسفسته
...تيب أممم عوندي مجموعة أسئلة بس
... و لازم تجاوب عليهم تيب <-- سدق <-- أجل
... معليش يعني كذا وإلاااا كذا
جاوب ولاااا تناقش
* - كم أخ لديك وكم أخت وما ترتيبك بينهم ؟...
* - الآن وبعد أكثر من أربعة عشر سنة من الدراسة.. هل ترى أن الطريق الذي سلكته هو الطريق الأمثل والأكمل ...
... أم أنك كنت تتمنى أن يتخلل هذا المشوار أمور لم يحققها لك الوقت أو الظروف أو القوانين ؟...
* - ماهي طقوسك عند الإمتحانات ؟...
* - حلم من أحلامك مات ، ماهو ؟...
* - جانب سلبي في شخصيتك عجزت عن التخلص منه ؟...
* - القلق .. ما المساحه التي يحتلها من ذاتك ؟...
* - موقف رعب مر فيك ؟...
* - مالأمنية الشريرة التي تكبرُ في داخلك كل يوم ؟...
* - مع الأشخاص الذين لا تحبهم كيف تتعامل معهم ؟...
* - لأي درجة تثق في الناس عبر الانترنت ؟ يعني هل من معرفتك لشخص ما مدة طويله عن طريق الانترنت فقط تؤمن بانك عرفته تماما ؟؟ على شخصيته الحقيقيه ؟...
* - إذا خُيّرتَ أن تعيش مرحلةً من عمرك مرةً ثانية, أي مرحلةٍ ستختار؟...
* - أيهما يحظى باهتمام هلالي الضهران ما يكتب على صفحات الجرائد أو ما تتناقله
المنتديات ؟ وأيهما بوجهة نظرك أصدق في نقل الخبر ؟...
* - ما رأيك بـ التصور اللي يقول إن العولمه ترادف الأمركه؟...
* - شخصية عالمية تعجبك... سواء شاعر أو كاتب أو عالم ؟...
* - شخصية خيالية في قصة أو قصيدة أو روايه ... حازت على إعجابك ؟...
* - لو شفت كلمة XL وش يطري عليك بسرعه جاوب وبكل أمانه ؟...
* - ممكن تورينا الديسكتوب تبعك ؟...
- لـ حاجةٍ في نفس يعقوب بس -
* - نوع الشيبس والشوكولاته والآيسكريم إللي تموت فيه ومن المستحيل تستغني عنه ؟...
* - وش سالفة أكبر مهاوشه صارت بينك وأحد إخوانك ... ولييييش صارت ... وماهي الأضرار إللي ترتبت عليها ؟...
* - حلل شخصية من شخصيات المنتدى مع عدم ذكرها.. شخصيه اعجبتك باي حال من الاحوال .. بغموضها ..طيبتها.. جاذبيتها.. ذكائها ؟...
* - كم نسبة المجامله في إجاباتك ؟...
* - من حسن حظك إنك طحت في ( محبوبة الزعيم )
ومع الكم هذا من الأسئله ... وش رايك فيها بصراحه ؟... ->الهاء ضمير متصل تعود على الأسئله
^
^
^
... آآآآآوتش ... :|
... وشو هذااااا ... وربي وربي وربي ماكونت أدري انو كذا مرة كثير :| sorry
... بس خلااااااس دنتا وئعت ومحدش سمى عليك
... هلالي الضهرانو ... أرقو الإقابه على الأسئلة إللي عوندها نقمه حمراء أما النقمه السماويه عااادتشي سرفني - ->>
إقتباس
الله يخليك ذخر ويطول بعمرك .. ويكفيني لا سألوني من انت اقول بفخر وانا رافع راسي انا ولد الدكتور عبدالرحمن ..
Me Too
Thanks to Allah ..
My DAD
Prof Dr. Abdulrahman
وعودة اضطرارية .. يصاحبها وجه (كان) عبوساَ .. ولكن بعد ان رأى أحد الردود من إحدى الآخوات الفاضلات فتح (بوزه)4*6 << مايقصد محبوبة ابدن ابدن ..
فعلا ظهر الحق .. كنت أبي أرد عليك .. بس الحمدلله لقينا من يرد ..
لاأخفي إعجابي بـ جامعة البترول .. ولكن ليس عذرا بأن اضعها أفضل من جامعة الملك سعود ..
فهاك مميزات تعتبر جامعة الملك سعود الوحيدة التي تملكها ..
سألت أحد المهندسين ..من لهم باع طويل في ذلك التخصص .. الحقيقة لم اسأله بل تشكيت من جامعة الملك سعود ومن انها مجرد كفاح وتعب دون فائدة عكس جامعة البترول .. فقال لي بالحرف الواحد يكفيك فخراَ بأن شهادتها تعتبر أقوى شهادة بالنسبة لتخصصك ..
عذراَ على الإطالة ..
قبل أن أختم .. احب أشكرك أختي محبوبه على توضيحك لمن لايعرف عن هذه الجامعة ..
عاد آخر سؤال ... وش رايك بالموضه اللي طايحين فيها بعض الأعضاءاللي هي بعد مايكتب الموضوع او الرد .. يكتب لك مدري مين مر من هنا << مايقصد أحد .. والا يكتب كن احمد مدري بخير << ممنوع الزعل ..
اضم صوتي لاخوي هلالي الظهران في النقطه الاولى والثانية اخالفه ..فلااجد فيها محاولة للفت انتباه فاعتبرها مثل نهايه مكالمة هاتفيه لكـ غالبا يكون كلمة متعود تقولها مثلا ....حياك الله ...ياهلا ...تامرين شي اوكـاختيارا العضو لون محدد لكتابتــة .هيك شي
هلاليه شرقاوية مش معقوووول ياهلا وغلا نورتي وعاش من شافكـ
عودة للمتالق هلالي الظهران
بصراحه الاعضاء فاقعين تسبدي اجل يمروون ويمدحوون فيك :p بدون مايسالونك يعني الموضوووع وش يقوول احنا نبي اسئله تبين لنا هلالي الظهران اكثر بردوو حرتي شووي حجروو له >>معصبه
المووضووووع اسمة لقاء مع هلالي الظهران مو القو السلام على هلالي الظهران >>خربتها :p
عودة للاسئلة ولسان حالي يقوول الله يعينكـ بس قدها وقدود بس هلالي الظهران شخصية محبوبة ومتميزة فيحق لنا التعمق بالاسئله
عاد بصيغ البعض باللهجة العامية علشان تكون اسهل
خطا لايمكن ان تغفرة مهما صار ...؟؟ تحدثت عن علاقه الاعضاء ومدى الرسميـة فيهاا.. وش السبب ..هل نوعيه المواضيع اجبرتهم على المثالية والرسمية مثلا .؟؟
بعض الاعضاء له طابع المزح والضحك والاخر الجدية من تتوقع من الاعضاء شخصيتة برى النت عكس شخصيتة الظاهرة لنـا . اتمنى ذكر الاسماء ....>> لايكثر . لاني اكتشفت من حديث البعض ان غالبيتهم غير واقع النت ويمكن انا اولهم ..؟؟
ماهو الشيء الذي على أساسه تقيم الناس.. أو بمعنى آخر ماهو الشيء الذي يرفع أصحابه في نظرك أو (ينزل بهم )..؟؟
ما هو تقييمك للوجود النسائي في المنتدى وهل ترى بأن عدد المشاركات(بكسر الراء) يليق بمجتعات تمتلك الآف المثقفات في شتى المجالات؟؟ إذا كنت ترى أن عددهن قليل هنا فما السبب في إعتقادك؟؟
وش رايك بالفتاة الرياضية (صاحبه الميول الرياضيه) ..هل ترى ان هالشي سلبي ويفقد من انوثتها ..عطنا رايكـ بدون مجامله لنـا بما اننا من محبين الزعيم ..؟؟
وشو هو الشي اللي سويته وتتمني لو يعود فيك الزمن و ما تسويه ؟؟
كم طولكـ وكم وزنكـ وش نوع جهاز الموبايل تبعك ..؟؟ >>>مالها داعي تحقيق :p
هل عشت قصـة حب سابقـة واذا كان لها نهاية فاذكرها ..؟؟ هل التدخين والشيشه شي ينقص رجولة الرجل وش رايكـ فيهم مثلا رجال دكتور اخلاق بس يدخن هل بتنظر لانجازةام للتدخين ...؟؟
هل الشهرة بالمنتدى شي يستحق الغرور ..للاسف نشاهد كتاب قابلو تميزهم باالغرور والتعالي بالمقابل كتاب متميزين قابلو تميزهم بالعفوية فاصبح المؤشر من القراء يزيد عند الفئه الثانية ويقل للاولى....؟؟
شخص او عضو او كاتب( غير الاعبين ) تتمنى ان يتواجد معنا بالمجلس او بالزعيم مثلا انا ودي ان ارى الكاتب علي معتوق العمري والهلالي ابو سارة وعودة المتالقين قلب الشلهوب ونواف الذهبي في مجلسنا من جديد .>>>طيب وش اسويلك ...؟؟
نلاحظ كثير في الاونة الاخيرة:p صار يسافر من غير اهله لدوور لاينعرف له مكان بالخريطه :p اسلووب مبالغ يعني:p برايكـ شاب مابعد تزوج امر ايجابي انه يسافر لدور خارج المملكة للسياحة ووهل تعتبر الاهل بموافقتهم رموو ولدهم على الفساد ويقولون ليش يغرق والاغلبية يكون معروف الهدف من سفرتــة وللاسف صار سفر الشاب من اسباب العنووسة عندنا ...؟؟؟
...اذا سنحت لك الفرصة لتلتقي بشخصيات معروفه وتحبها..بمن تتمنى ان تلتقي..بشخصيات :اسلاميه.. .. سياسيه... . رياضيه .. . ثقافيه... وفي المنتدى....
اتمنـى ان تكون هذي نهاية اسئلتي الا كانكـ تبيني ازود ماعندي مانع اخاف تطردني واتوهق يعني اذا تبي الجد احس اني مابعد سالت جالسة اسخن بس :p بس محد فتح لي مجال اتعمق
..
..
.
,,
,,
يعني ما شيه معه صح ؟؟
!! واقولك حرام عليك تحرمين نفسك وتحرمينا من قلمك ومشاركتك! بما انك متابعه ومتواجده فحبذا (متعوب عليها 
,,
sorry
الوضع المتطور
