هـلا و الله .. [ برب اقرآ الفاتحة على الكرسي يقولون مات من وزنك يالفيل ] .. !
اززززيك يـاله عامل ايه ؟!
و الله شف يا دب انا كنت ناوي اخليك تحس انك بمن سيربح المليون و اعطيك خمسطعش سؤال سم لكن رحت لعبت كورة و قضت اللياقة لـذا ابعطيك سؤال سؤالين و اذا مافي مانع و لا سؤال ! [ أحسك قاعد تقول ذا ما يدري عن الشي الا متأخر اجل من سيربح المليونين يقول الى الان من سيربح المليون تووه ما درى انها تغيرت ,, الا صح نسيت اقولك ,,
" رمضان كريم " ] ..
بسم الله الرحمن الرحيمـ ,,
توكل على الله و اقرآ وردك ,,
اجب على الاسئلة التالية ..
أين تقع مدينة مقديشو ؟! << الاسم صح ؟!
ما اعرق مدينة بأوروبا ؟!
كم عدد سكان المملكة ؟!
انتهت الاسـئلة ,,
[ البراشيم ممنوعة ,, و القوقل ابوصي واحد يحجب الصفحة عنك ,, تحس انك بإختبار جغرافيا صح ] .. !
الظهراني ,,
معليش على الشطحة لكن ابشوف ثقافتك وش لون !
عارف انك ما تعرف كوعك من بوعك لكن ياله ننمي مهارات
اهلا وسهلا بك اخوي هلالي الظهران
الله الله وصرنا مهمين ومقابلات وحركات
مشكورين الاشراف على استضافه عضو مميز مثلك
عندي كم سوال ودي اطرحه عليك << بشر انفلق راسك
بداية من هو هلالي الظهران في سطور؟وما الفرق بينه وبين عمر في الشخصيه ؟
لديك أسلوب جميل في الكتابة الفكاهيه ولكن في بعض الاحيان حينما أقراء لك
أرى في كتاباتك معنى مخفي في محتوى الموضوع
فهل أنت تعمل بالحكمه القائله.. المعنى في بطن الكاتب أم ماذا؟؟<<لا ادقق ببطن
لكل منا طموح يسعى لتحقيقه..ماهي طموحاتك بالحياة وهل تحقق منها شي؟
شخص تلجئ إليه دائماً عندما تواجهك مشكله ما..وشخص يلجا اليك عند المشكله؟
البعض يقولون بان من يتظاهر بالفكاهه والمرح فهو في الحقيقه حزين في داخله ما رايك بهذه المقوله؟
نقطة تحول مررت بها في حياتك؟
هل تعتقد بان اعضاء المنتديات يظهرون بشخصياتهم الواقيعه ام با اقنعه مثاليه..؟
ليش الشباب ما يحبون يتزوجون بدري ويطفشون اهاليهم لين يتزوجون؟
وش شعورك يوم سمعت ان محمد الشلهوب ما خذا الجائزه؟ حسبي الله عليهم
اخيرا خلصت ومشكور على سعه صدرك وتحملك لاسألتي...
والله يوفقك ويسعدك خالص التحيه لك منــار...
هــلا والله وغـــــلا بأحلى ضيف نورنا هلا وغــلا هلالي الظهران..
حــياكـ الله وإن شالله مــاتتعبك أسألتنا
الســؤال الأول:وش يعني لكـ منتدى الزعيم والأعضاء اللي فيه؟؟
السؤال الثاني: موقف هزك وتـأثرت منه في حيــاتك؟؟
السـؤال الثالث:لك جـو خاص بالكتابه تكتب شعر أو خواطر أو أي شي وياليت تحط لنا
شي منها إن كنت تكتب ((إذا ماكان فيه شي من الخصوصيه))؟؟
السـؤال الرابع:من من الأعضــاء اللي تشوفه قريب حيل منك ومن من الأعضاء اللي تشوفه قريب
حيل من شخصيتكـ؟؟ومن من الأعــضاء اللي ترتاح له من المنتدى..؟؟
السـؤال الخامس والأخير:العنـا صديقك فهل تعرف وين يختفي ويختفي ثم يرجع<<سؤال محرج ؟؟
لاكن هل لقيت الصديق الي يضحي علشانك ؟؟؟؟؟؟؟؟؟ عني في هالزمن مأظن
هلا اخوي جراح .. الله يحيك وتسلم..
جراح ما تلاحظ ان سؤالك متناقض نوعا ما!!
يعني اوضح لك ببساطه .. انت تقول انك من السهل تضحي .. طيب حبيب قلبي تخيل انه انت صديقي وبالتالي لقيت اللي يضحي علشاني ..
شخصيا ولله الحمد ربي رزقني باثنين أعز من الاخوان .. تحطهم على الجرح يبرى ولو طلبتهم اللي بيدهم عطاني اياه من دون تفكير ..
سعود طلع يكمل دراسته بالخارج الله يرد سالم ويحقق مراده .. ومهند قريب مني عسى الله لايحرمني منه,,
<<< هذا المستخدم فااااطس من الضحك , الله يرج شياطينك , صندوق الجماعة مرة واحدة
قسم بالله مهببووول
<< إلى الحين مابعد اخذ نفس من زوود الضحك
هلا محمد .. دبر عمرك شم كالونيا ولا ازلط فص ثوم لا تبلشنا بك ..
إقتباس
المهم نرجع للاسئلة
* وش يعني لك فؤاد سنتر << يبيك تكب العشاء
فؤاد سنتر علاقتي فيه لا تتجاوز فدركرز ..
إقتباس
q1 / ماء أبو نص بكم ؟
هههههههههه وش هالسؤال .. امكن بنص !!
إقتباس
q2 / مرة من ذات المرارير قابلت واحدن لك دهر ماشفته , ويوم شفت خشته صديت عنه , وجاء ونشب في حلقك يقول , معقولة ماعرفتني ! , وش تقوله
ما اتوقع اني اصد عنه ااساسا .. لكن اذا انت ملزم اني اصد عنه بسفهه وامشي <<ماعنده وقت. .
إقتباس
q3 / تخيل انك في يوم من الايام , وفي مساء حالم , اتصل عليك واحد يحسب ان صاحب الرقم انثى , واول ما فتحت السماعة انت قال : يا هلا والله بهالصوت الناعم , وش لونك حبي , اخبارك , عرفتيني ! ... وش ردك عليه
بسلكله وامشي معه كود اني القط بوسه << مايوفر ..
إقتباس
q4 / ليه أبو ريالين يكتب على اللوحة " كل شيء بريالين " وهو يبيع اشياء بخمسة وعشرة واعلى ؟
يعني الحين وقفت على هالضعوف .. اذا صار راعي معرض السيارات يقولك بدون دفعه اولى وهـو يطلع قيمة السياره مرتين واللي ياخذ قرض يرجعه دبل فــ بحل لراعي الطفايس ..
واذا انت ملزم تعرف ليه .. بقولك لاننا شعب مانرضى الا اذا انصب علينا!!
إقتباس
فيه واحد صار رائد فضاء تدري كيف ؟
.
.
.
.
.
.
.
.
.
.
.
.
.
.
غير أسمه من خالد إلى رائد , وابوه اسمه فضاء ,, وكذا صار رائد فضاء
<<< ئئئئئئئئئئئئئئئئئئئئئئئئئئ <<< تراها ضحكة جديدة على الزيرو والحقوق غير محفوظة
هههههههه تصدق بايخه .. استلم هذي ..
عجوز مصرقعه قالها الدكتور معك فيروس بالمعده..قالت لا بعد لقيتوا وديع الصافي بالبنكرياس ..
حياك ربي محمد وعسى ما انحرم من هالطله ..
هلاليه و افتخر
إقتباس
يــا حـــــــي الله هـلااالــي الــظــهــرااااااااااااااااااااااااان
و الله ابـــد مـا عنــدي الا اللــقــاافـــه الله يـاخــذهـــا
اخـووي حـبـيـنـا نــحــيـــكـ طــال عــمركـ
و يــالله
ســلااااااااااااااااام
الله مير يحييك ويبقيك ..
اختي تواجدك ومشاركتك المعنويه تكفيني .. وهلا فيك انتي ولقافتك وكل من يعز عليك ,,
حياك ربي ..وتسلمين,,
=========================================
الحمدلله كذا انتهينا من الصفحه الاولى .. كنت ناوي اكمل بس حسبي الله عليه بن همام سد نفس الواحد:sad:
ايه ايه .. جيت والله جابك على قولة الشاعر الهولندي ..
اهلييين وسهلييين
كيف الحال
حيا الله الرومنسي .. وعلى طاري الشعراء الهولنديين بعطيكم هالابيات اللي اهدتني اياها بنت الرئيس الهولندي خلال زياره قصيره. .
عم السعد والخير في كل NATION
زاد الفرح وأما الزعل والحزن LESS
بأستثمر الفرصه وانت في VISITING
لعلي ارسل لك مع الزياره KISS
بلدنا تبارك ثم CONGRATULATION
عسا حياتك ياالسنافي HAPPINESS
إقتباس
س 1 / في ظل الازمه السياسيه بين امريكا والعراق .. ماعلاقه البطاطس بالحله ؟
صحيح صحيح .. العلاقه كانها شاروما بدون طحينيه او الهامبرجر من دون ثوم او كما قال رامسفيلد كأنها حلى أم علي من دون علي:D ..
إقتباس
س 2 / متى ناوي تتخرج لاني من عرفت هالمنتدى وانت طالب بالجامعه مامليت ؟
ايه ينصر دينك ياشيخ هذي الاشاعات والا بلاش ..
امكن كم مره كتبت ابيات لكن غير صالحه للنشر .. مو بزاعط عليك واقولك انها خصوصيه لا والله لكن لانها سطرت في اشخاص لو قلت اساميهم بس شاتوني انا وابياتي .. خويك ماتفيض عنده القريحه الا اذا دخل الدوره-الله يكرمكم-
اما نوع جوالي اتصالات .. اسمي الصدقي سواح .. اما الصدقي الصدقي عمر:p ..
إقتباس
س 4 / لمن تهدي هذه الابيات :
لاهدت نفسي ولاقلبي هدى بعد ماقد غاب صوتك والصدى ..
اهديها الى أميرة الرياض بغيابها ..والسنافي وسعود الخبر وقطو مشاكس ودلوعة البحرين .. كوكو وين مسجاتي ماتطلع ..<< وين يبو شريط SMS
إقتباس
س 5/ لمن تهدي هذا اللقاء ؟
اهديه الى العيال بالاستراحه واحب اوجه رساله لفهد واقوله ان ماجبت قطتك بكره لاتورينا خلقتك .. كما احب اهديه الى جميع المستمعين والمستمعات ولك خصوصا,,
إقتباس
يمكن لي باااك لاني بجمع لي كم سالفه عنك
سي يووو
حياك ربي ابو حميد .. وانا يحصلي اشوف البدر بالشهر مرتين واقول لا ..
ياهلا والله فيكـ .. وماشاءالله طالع رزه في ذا الكرسي
بصراحه من اول مادخلت المنتدى وطبعا صادفت فترة غياب لكـ ,, لكن رجعت انت
بـ موضوع كان قمه في الروعـه ,, ماقدرت وقتها اني ارد عليكـ وبجد خذلني الوقت لكن يسعدني اكون هنا اليوم ..
يمكن اروع فرصـه اني اعبر لكـ عن اعجابي بـ شخصيتكـ واللي بالفعل كانت
بعيده عن التكلف وبعيده عن التصنع .. واكبر دليل هو حب الاعضـاء لكـ ..
وهذا اكبر مكسب والله ,,
حيا الله مهند .. ارحب ياراعي الرماد وجعل ربي يكرمك وتكبر وتكبر ويعلي مرابتك واشوفك صرت جمر الحرف <<فاهم غلط
يارجل اخجلت تواضعي والله .. اطراءك على عيني راسي واشاده من شخص بحجمك اكيد لها عظيم التاثير على اخوك ..
إقتباس
انا عندي كم سؤال اذا تسمح لي ..
اما اذا تسمح .. ياشيخ انت لو تبيني اسأل بدالك ماعندي مانع .. ولو تفضل..
إقتباس
** بصراحه ودي توصف الجو العام اذا دخلت النت .. يعني وانت تكتب الردود / المواضيع كيف وضعكـ ( احس ان عندكـَ ازعاج ماادري ليه )
لا بالعكس .. الجو هادئ لابعد درجه ولو كان عندي شخص واحد ماأعرف اكتب اي كلمه!!
إقتباس
** ماقد تخيلت نفسكـ وين تكون او وين تتمنى تكون بعد خمس سنوات ....؟!!
والله أكذب عليك لو قلتلك فيه امنيه خاصه بعد خمس سنين .. لأني انتظر منعطف هام بحياتي بعد سنه ان شاء الله فيه تتحدد امور كثيره وتبنى عليها رؤى وتطلعات مستقبليه..وكل توجه يختلف تماما عن الاخر..
يعني بالعربي انا الان في الخطه الخمسيه الحاليه واللي بتنتهي بعد سنه باذن الله وبعدها نحط الخطه القادمه ..
إقتباس
** الصداقات عن طريق الانترنت .. غالبا مايكتب لها النجاح ماادري هل لكـ تجارب مع الصداقات هذي .. وكيف كانت ...؟!!
أكون معك صريح .. انا أعتز كثيرا بعلاقاتي النتيه اللي كونتها هنا بالشبكه او غيرها من الشبكات وافخر بصداقتي مع الكثير وتواصلي معهم من خلال النت .. لكن أغلب هالعلاقات ماتجاوزت النت والاشخاص اللي قابلتهم اكيد افخر بهم لكن ظلت علاقتي فيهم علاقة مناسبات ولم تتطور كثيرا والسبب انطوائي وانغلاقي على مجموعه محدده من الاصدقاء..
إقتباس
اعذرني لو طولت عليكـ
بس مافي احلى منها فرصه اني اعبر لكـ عن اعجابي .. وامنياتي لكـ بالتوفيق ,,
بصراحه يشرفني اني اتواجد هنا مع باقي الاحبه وعسى الله يديم المحبه بين الجميع
طبعا أنا اتذكرك قبل .. وكنت قبل لما اشوفك اقول ياربيييه وش هالغثه .. وبقدرة قادر تحول البغض إلى حب
طبعا الشكر موصول واسم إشارة وضمير متصل ومنفصل لأخواني اشرف المجلس العام على إستضافة القائد المحنك صاحب الشارب الطويل .. والخشم المقوس .. والشفاه الوردية .. والوجه ذو النظارة أخوي عمر ..
أخوي عمر قبل ماابدا .. يقولون صح اما بعد هم اذا كانوا بيكتبون مووضوع .. طيب بقول أنا أما قبل .. بحنكتك ونظرتك الثاقبة .. وش يدل ذلك ؟ إذا مافهمت بيجري عند الأخوان بإمكانك سؤالي متى ماأرد ت بس شرط يكون داخل وقت الذروة علشان يصرف
بداية .. أحب اعلمك أني دخلت نفس تخصصك .. هندسة كهربائية .. وأنا الآن مستوى ثالث .. في جامعة الملك سعود .. فضلا لاأمراَ أعتبرني أخوك اللي ماجابته امك .. وأدلي بدلوك وأعطيني كم شطحة... شطحه=نصيحة << قاموس ابو جلمبو
عزيزي ..
تخيل معي أن الحياة هي ريموت كنترول .. وأنت المتحكم ماهي باكورة مشاريعك <<قسمن قسمن قسمن من تأليفي
بصراحة أنصدمت لما شفت ترتيب جامعاتنا في السلم لجامعات العالم ... تتوقع وش سبب هذه النكسه .. وهل لديك حلول لذلك ؟ << يكلم وزير التعليم :p
تخيل .. يوم من الأأيام .. مررت بشارع مظلم .. ممتطيا سيارتك الفارهة مضيئا شمعات الزنون الأمامية .. وإذا بإمرأة تؤشر لك .. << حلوه تؤشر لك .. المعذرة مالقيت كلمة تناسب للجمله هذي :p
الموهم تبي توقف لها .. والا تعطيها رووووكبة وتمشي .. ؟
البعض ربط نزول مؤشر الأأسهم تحت حاجز الـ 8000بحلول البرد .. هل تتوقع انهم غطوه ببطانيه .. او لبسوه ع الأقل بجامه وشراب :p?
طايب .. تتوقع مامدا نسبة غباء من قُبِل بـ جامعة البترول والمعادن وفضل جامعة الملك سعود عيها ؟
مرة من المراري .. شائت قدرة الله وزهبت للشرقية.. طبعا أثناء وصولي .. سوو لي حفل اهالي المنطقة ... وسعدت بصراحة بذلك .. طبعا توي ماكملت ساعتين وأثناء ذهابي للكورنيش كان الشارع زحمة والإشارة صفراء مشيت يعني تعديت الإشارة طبعا وهي صفراء ..استوقفتني أحد الدوريات حفظها الله .. وكانوا طويلين العمر بيسامحوني .. فجأة .. يوم دروا انني من الرياض .. سيدا ع الحجز .. تتوقع .. يعني مجرد توقع بسيط ليش سووا كذا ؟
معليش بأتدخل بأمورك الخاصة شوي ..
كم السايز تبع البنطلون حقك ؟
وش نوع الجل اللي تحطه على شوشتك << بررررررررررررى
تروح للجامعة بشنطة والا حالتك حاله شايل نص مكتبتكم
بأعطيك كم عضو .. وعطنا فيه لو كلمتين ..
ابو لما
السامي كسمو الهلال
الهلال موتي
سندريلا الهلال
الهنوووف
تـرف
المعرفة
Me
أنت <<
تحب تشوف خشتك كل يوم في المرايه ;)
عاد آخر سؤال ...
وش رايك بالموضه اللي طايحين فيها بعض الأعضاءاللي هي بعد مايكتب الموضوع او الرد .. يكتب لك مدري مين مر من هنا << مايقصد أحد .. والا يكتب كن احمد مدري بخير << ممنوع الزعل ..
وأخيرا ..
قل آمين .. ياجعل هالأصابع اللي ترد على اسألتي انها تلبس البنية خاتم الخطوبه
هلا فيك اخوي الظهراني منور مغطي على زينة الشوارع ايام العيد ينورون الشوارع الكبيرة ويطفون الحارات
الحقيقة أنت منور كل يوم يا مهندس نبارك لك بالتخرج إن شاء الله
هلا بعريب والله .. ما أدري ليه احس انها ذبه بس تسلمين عموما .. والتخرج بوجودكم .. من هالحين تريك معزومه ولاتقولين كاني ولا ماني الدعوه فيها عوايل وفلة حجاج .. يعني اذا عندك أمنيه تجلسين بالمدرجات بحققها لك ان شاء الله ,,
إقتباس
بأسأل كم سؤال تبي تجاوب يعطيك العافية ماتبي أيضاً يعطيك العافيه
طيب سؤال .. اذا جاوبت وش لي << قالب الدعوه سمسره بس الشرهه على اللي جابك ..
إقتباس
أولاً لقيتوا طباخة لفريقكم بعد ما راحت خديجة والا لليوم ميتين جوع ؟؟؟
ابشرك الفريق اعتزلوا اعتزال جماعي لانهم اكتشفوا ان خديجه تزوجت وسحبت عليهم ,,
إقتباس
من تتمنى ياخذ الرئاسة الأمريكية بعد المملوح بوش
هيلاري كلينتون ؛ كوندليزا رايس ؛ رائدة الزعيم
كان ودي اختار مونيكا او حنان عشراوي لكن بما انك حددتي ثلاثه خلينا نسبر في اغوارهم ..
كونداليزا رايس .. مدري بس احس انها راضعه مع شغالتنا الحبشيه خديجه وهذيك الشغاله الله لايعيد ايامها كنت اكرهها لانها كانت تبتزني اما انفذ طلباتها ولا تسويلي حركات فيها قلة أدب ..بالتالي نستبعدها ..
رائدة الزعيم .. كان ودي اختارك خصوصا انك بنتنا ومنا فينا لكن خفت يقلب العالم حرب قصايد وتقلب الدنيا قصايد هجاء وتقوم حرب عالميه فقررنا بعد التشاور مع المستشارين تعيينك طباخة البيت الابيض
هيلاري كلينتون .. وقع عليها الترشيح لاني ماسك عليها صور يوم طنقرت من كيلنتون لمن خانها مع مونيكا ومصورها وهي باوضاع مخله بالتالي انا كاسرن عينها << سعودي ماعليه شرهه
إقتباس
لو قدر الله عليك وصرت رئيس أمريكا وش اول قرار ومن بتعين نائبتك
اول قرار بسويه اقلب امريكا من دوله جمهوريه الى دوله ملكيه وبعين نفسي ملك امريكا واللي براسه شي يطلعلي ..
اما نائبتي بتكون سلافه فواخرجي حتى تشغل العالم عني ويفكوني ربعنا من شرهم ,,
إقتباس
أنت تمتلك مخيلة جميلة تترجمها بأسلوب مميز فما علاقة ذلك بالعولمة<<<أقصد هل لك طقوس معينة للكتابة
ابدا .. المهم يكون اللاب توب بحضني وترمس الشاهي على يميني والقهوه على يساري وأكون بلحالي حتى يشتغل الخيال وبس,,
إقتباس
ما اهم هدية قدمت لك والمناسبة
من ناحية القيمه .. كانت سياره جديده بدل من سياره صدمت فيها وتهشمت تماما ..
اما الهديه الاغلى على قلبي سأذكرها الان وكانت الاغلى لانها أتت بطريقه رائعه جدا بالرغم من بساطتها ولأنها من شخص عزيز جدا (قلوب من هنا لامريكاااا)..
قبل 3 سنوات وتحديدا في 26 مارس كنت بشقتي بالخبر مع ولد خالي واصر علي نخرج نتمشى مع اننا جايين من سفر! المهم خرجنا ولفينا بالسياره شوي الين توقف عند محلات فيفا للورود بشارع الظهران وقالي انتظر بالسياره دقايق وبجيك !
نزل من المحل وبيده باقة ورد طبيعيه كبيره وفتح الباب اللي من جهتي وحطها بحضني وركب السياره!
انا استغربت وسألته لمين هالباقه!!
رد علي وقال اقرأ الكرت!
الكرت كتب عليه"كل سنه وانت بخير يا الغالي .. وجعلها تبطي سنينك .. من فلان الفلاني الى الغالي عمر!!"
صارت السالفه ان هاك اليوم وافق عيد ميلادي اللي انا نفسي ناسيه وماتذكره الا هالشخص بالرغم انه ساكن في جده واتفق مع المحل انه يشتري نفس الباقه من جده ويستلمها ولد خالي بالخبر!
إقتباس
كلمة تهديها لهؤلاء الأشخاص
الوالده
الله يطولي بعمرك ياأغلى البشر وأتمنى رضاك عني طول العمر ..
إقتباس
الوالد
الله يخليك ذخر ويطول بعمرك .. ويكفيني لا سألوني من انت اقول بفخر وانا رافع راسي انا ولد الدكتور عبدالرحمن;) ..
إقتباس
اخوك رائد
النشمي ورجال من ظهر رجال ..انت المسؤول عن البيت ببعدي وانشغال الوالد وسفره وانت قدها وقدود;) ,,
إقتباس
هلالي الظهران
ورا ماتذلف وتفكنا من مصالتك ..
إقتباس
مدرس الرياضيات أولى إبتدائي
بصراحه ما أذكر من اللي درسني الرياضيات اول ابتدائي لانه امكن درسني فقه صف ثاني وجغرافيا صف رابع وتربيه بدنيه بسادس ..
إقتباس
خمس عضوات وخمس أعضاء تتابع مواضيعهم
بصراحه اللي اتابعهم كثير ومن الظلم اني احصرهم في 10 اشخاص فقط..
إقتباس
رائدة الزعيم بعيون الظهراني عيوبها ومزاياها
والله يارائده لي عشر دقايق ماعرفت اكتب حرف رد لهالسؤال! دايم هالاسئله صعبه خصوصا لا صارت عن ناسهم اعزهم وأقدرهم .. وانا شهادتي فيك مجروحه بقوه.. عموما مستحيل اني انسى منك هذيك الرساله لان الجميع دايم يجون يقرأون الموضوع ويضحكون ويمشون لكن انتي غير وهذا اكبر دليل على صفاء نيتك ونقاء سريرتك وحرصك على اخوانك .. والله يجزاك خير ويخليك ذخر ,,
إقتباس
وش رايك بالمطر لأني الحين أسمع صوته
خير ونعمه ورضا من رب العالمين..
إقتباس
أعتذر على الإطاله
وأشكرك على سعة صدرك وإجاباتك الجميلة
طال عمرك .. 
,, و القوقل ابوصي واحد يحجب الصفحة عنك 
هلا وغــلا هلالي الظهران..
..
..
..
الوضع العادي
