بدايه .. أحب اعتذر للجميع على تأخري في الاجابه ..لكن قاتل الله الظروف الخارجه عن الاراده .. ولكني أتيت الان .. نعم نعم انا بينكم الان هل تصدقون ذلك؟!
دعونا نتشارك ونتجاذب أطراف الحديث ودعونا نقلب الافكار ونبطح بالاراء لعلي أرى موضع الزلل فأقومه او موضع التنسيم فأرقعه ..
هيا هيا قربوا مربط الاسئلة مني لأني تحمست ( ياخي لاعاد تكوك بعمرك الله يقلعك )
================================================
أسيرة الزعيم
إقتباس
شكراً لإشراف مجلسنا إستضافة نجم من نجوم هذا المكان
فقط ..
أحببنا أن نكون هنا لنقول أن لتواجد هلالي الظهران طابع لا يجيده إلا هو ..
أفكار جديدة .. سلاسة في الحبك .. فكاهية في الطرح ..
في حضوره يتألق وفي غيابه يترك أثراً ..
حفظك الله وحقق لك كل ماتتمناه أخي
حياك الله أختي أسيرة .. حقيقه أخجلتيني باشادتك حتى ضاعت مني الكلمات ,,
تواجدك واطلاعك فقط هو شرف كبير لي ! فكيف لي أن اشكرك على ماذكرتيه في شخصي البسيط ..
أتمنى أكون عند حسن ظنك وظن الجميع .. وأنا ممتن جدا لكل كلمه وشهادتك اعتز فيها,,
إقتباس
تنويه :
تظاهر بإتحاديتك إن كنت مع رئيس قسمكم .. فهو من محبي ذلك النادي
د. جميل باخشوين!!
ما أتوقع اسيره .. أكيد صار عندك التباس بالموضوع .. لانه لو اكتشف بس انه له علاقه بالرياضه حتى لو بالاسم بس باعتزل الوسط الرياضي كله << وش عنده ديل بييرو
أصلا لو اكتشف ان له ميول اتحاديه تركت له القسم بكبره ..
عموما تسلمين على التوصيه ولا يهمك اساسا لاني بعيد عن الخشاش حتى لو طق نسبه ,,
حياك فرصه مره ثانيه .. بس المره الجايه بقولك توجهي الى خانة مايفير .. وعاد تخيلي ان مايفير انا شاريها وباني فيها فندق والله لا أطفر فيك وبعدين لاتجين تترجين تقولين شوي واسددلك ..
إقتباس
إيه ذا يطلع ولد جيرانا .... بس ماقلتلي وش تبي فيه
لا بس خبرك الــ200 تفك أزمه .. وهالكرت بجيبي وقت العازه ,,
إقتباس
ليش يعني من بدّنا ماأخترت إلا ذولا تزوجهم
الجاحظ وابو ريمان قربوا يوصلون الشيخوخه وتو ما أعرسوا .. والهنووووف علشان لا تجلس توسوس ..
ورجاء لا تسألوني متى بعرس لأنه الى الان نانسي مااقتنعت انها تسكن مع اهلي في نفس البيت ..
إقتباس
وش دراك ...
اسكت فضحتني
وازيدك من الشعر بيت ... اتروج بفيمتو واتكحل بفحم وادهن شعري بوازلين ومافاد
يالله عاد جاوبني عطيتك رايي
اخخخخخخخخخخخ منكم يا النسوان .. تمسكنن حتى تمكنن ..
وش سؤالك طيب .. اها تذكرت لا لا ماعليك اشاعات .. زي الاشاعات اللي تقول ان نانسي تبي بيت بلحالها .. يعني لو بتسموني دب كان انتحر نص سكان الارض! قلتلهم تروا الانتحار حرام وربي بيدخلكم النار .. قالوا اذا انت دب حنا وش نطلع!! عموما الله يرحمهم كانوا مسوين زحمه ,,
هل أنت من الناس اللي يهتم بلبس الماركات ...
نظارتك ... جزمتك .... لبسك ..... بوكك .... حتى بعد شنطة لاب توبك
شوفي مابجلس ازاعط عليكم واقولكم حتى ملابسي الداخليه ماركه .. لكن هي كذا وكذا ..يعني ماني من الناس اللي يلبس ماركه وحتى لو مو مقتنع فيها ولاني باللي يترك شي عاجبه لانه مو ماركه!!
عموما .. الاغراض الخفيفه .. نظارات .. ابواك .. اقلام.. جزم الله يكرمكم (وهو فيه غير الدو ) .. غالبا ماركات .. والملابس اذا طلعت اتقضى ادور اللي يعجبني واذا كان ماركه زيادة خير وبركه ,,
إقتباس
اصوم اصوم اصوم وافطر على بصله .... متى قلت ذا العبارة ؟؟؟
نسيت
إقتباس
رسالة خاصه ماتوقعت تجي لك من من كانت ؟؟؟
ما أذكر ان فيه رسايل ماكنت اتوقعها .. لان كل الرسايل اللي تجيني سوااااليف وطلبات تعارف خخخخخخخ .. الا اذا كان الرسايل اللي يبون يسوون مقالب تعتبرينها غير متوقعه .. والقهر انه الى الان اربع مرات حاولوا يسوون فيني مقالب لكن في كل مره اكشفهم ..
إقتباس
فيه سؤال كان بمخي بس نسيته لاذكرته جيت وسدحته هنا ....
مسمار جحا يعني ,,
إقتباس
كني لمحت عزيمه أنا من المعازيم أو لا
أكيد انتي مايحتاج لك عزيمه .. من أهل البيت ,,
إقتباس
ياسفابي
حياك ربي فرصه .. وتسلمين على الاسئله بس كأني قريت اسئله أول بس ما أشوفها الحين!!
فمان الله .. واذا شفتي سواقكم سلمي عليه وقوليله سرائولوا ,,
حيا الله القمر الهلاليه .. منوره الموضوع والردود المثبته بعد << ماغار ابد
تسلمين على الاطراء والله وهذا من ذوقك ..
إقتباس
والله كان عندي أسئله كثيره بس ماقصروا الأعضاء اللي قبلي وأنت ماقصرت مشكوراً جاوبت الله يسلمك ..
بس ودي أعرف وش راح تسوي لو فرضاً يعني شفت بن همّام لحاله خاصة بعد ماعطى لقب أفضل لاعب لولد اخته<< ركز ترا لحاله
ســؤال وجيه ..
ابقوله انت بن همام؟ هو بيجاوب وباللحظه اللي ترمش فيها عينه ابمحطه بالعقال واتله من رقبته واجيب الحبل اللي كنا نلعب فيه شبرا امرا واربطه بلمبة الشارع( لاحظوا هذا كله باللحظه اللي رمش فيها عينه ) .. واخليه يومين وكل مامريت من عنده بقوله .. تفووو على سواد الوجه .. يعني انواع الاهانات ..وكل من مر هزئه ولعن خيره حتى الهنود وهم مارين يقولون .. اخخخخخ خييي (تعرفون الهنود الله يرجهم لابغوا يتفلون << وعععع ) تفووووو سديق وجه مال انت اسوود ..
إقتباس
وبس الله يوفقك في الدنيا والآخره ويزوجك قريباً غصب عليك
وما أنسى أقدم شكري لإشراف المجلس على الاستضافه الحلوه ..
ياحوووول ياذا العرس .. ابشرك ابعرس بس الى الان فيه هوشه كبيره بين بنات الرياض وبنات الشرقيه كلهم يبوني ,,
هو صحيح سمعت عن ناس مخفات بس زي كذا ماسمعت .. بس هالحين اختك شكو ؟
خليني اترجم اخاف بعدين تقولين شكو هذا لقبهم .. يعني اختك تكتب معنا؟ ولا متابعه؟ ولا انتي تمشين وتسولفين على خلق الله ؟
إقتباس
يعني ليش محبب لقلبكـ ملقووفه صح
ايه صح ملقوفه .. اما الاسم كذا من ربي حبيته!!
إقتباس
اجل صدقني ماعرفت الهنووووف زين
وانا مستودع للكثير رغم قصر معرفتي ببعضهم
ورغم فارق السن بيني وبينهم
يعني عندك سر تعال قولي
صادقه والله .. بس انا ماعرفت اوصل المعنى زين .. يعني عادتي ابقول شي معين وفجأه القى نفسي اذب وانسى السالفه .. القصد بــ (اللي بقلبها على لسانها) انه "الهنوووف انسانه تظهر مابقلبها وواضحه في تعاملها وحسن نيتها" ..
بس وش ذنبي اذا جتني الذبه بذاك الوقت وانا اسف والله ,,
إقتباس
وات
كلامك يبي له تفسير ادق
ممكن مثال يوضح استعجاليتي واذا شي خاص ابي الاجابه بعيده عن اعين الاخرين
هنوووفه انتظري رساله مني بس لمن افضى شوي ,,
إقتباس
س::.. لمن تقول هالعبارات من الاعضاء
الله يسامحــــــــــــك
دبل كيك واقوله جرحت القلب بغيابك ,,
إقتباس
الله لايحرمني منك
اعضاء المجلس العام
إقتباس
في امان الله
الى كل من اجبرته الظروف على الابتعاد
إقتباس
الدنيا ماتسووى
العنـــا
إقتباس
كل يوم تكبر بعيني
الهلالي- ابو ساره
إقتباس
انت انسان نادر
أبو ريمان
إقتباس
بدون مجاملات
الى كل من يجامل ليخدع!
إقتباس
مــــن تتـــــمنى أن يخــــلفك علـــــى هذا الكرســـــي؟
هالامر راجع لاشراف المجلس ورؤيتهم .. وان كانت مجرد امنيه فاتمنى ان يكون الهلالي- ابو ساره حتى يعوضكم شوي عن مصالتي وثقل طينتي
إقتباس
نزار قباني شاعر المراه فانت شاعر من ؟؟؟ >>مو شرط انك شاعر لكن لو كنت شاعر تحبين تكون شاعر منو..؟؟
شاعر المرأه
إقتباس
قرار تتمنى ان تتخذه دون استشارات احد ..؟؟
سؤالك مبهم نوعا ما! أغلب قراراتي تتم بدون استشارة احد!! لكن عموما القرارات التي لا أحبذها هي التي تفرض علي ,,
إقتباس
كلمة تريد سماعها ولم تسمعها الى الان ...؟؟
كلمة مــامــا << فاهم غلط
إقتباس
لكل عضوو هنا شخصيه خاصه وستايل خااص والبعض قد يختلف خارج اطار النت فيظهر بعكس ماهو عليــة عندك انا مثلا اختلف نوعا ما برى النت الزبده يعني انت برى النت شخص مررح وراهي ذبات ...؟؟
تمت الاجابه ع السؤال وبامكانك الرجوع لها,,
إقتباس
وشكرا لرحابت صدركـ وليس مستغرب عليكـ
العفو هنوووفه .. ولو ماسوينا شي بالعكس انا بكون الاسعد باسئلتكم لي ..
حياك ربي وانتظري بقية الاجابات ,,
بكل فخر هلاليه
إقتباس
هلاوغلا بـ هلالي الظهران
أول شيء أبقراء الأسئله الشباب وإذا كان فيه سؤال
كتبته لك على طول ...
مع أني أشوف أن الشباب ما قصروا في الأسئله كانك في أمتحاااااااان
الله يعينك
هلا والله وغلا بالهلاليه ..حياك الله ..
تواجدك وحضورك يكفيني واذا خطر ببالك شي لايردك الا الكيبورد..
لا امتحان ولاهم يحزنون صدقيني مثل العسل على قلبي ..
حياك ربي,,
============================================
الحمدلله تم الانتهاء من الصفحه الرابعه ..
بكره اربعاء صح؟ حلو أجل بكره كل واحد له شي عندي يجي ويضف قراشيعه ..
البارحه واحد من الشباب سأل سؤال يقول .. وش هو قمة النحس؟!
قال واحد .. انك تطيح من طياره على باص بنات وتطيح بحضن السواق .. وقال اخر .. انك توصل القريات على الحدود وتكتشف ان جوازك ناسيه بالرياض ..
اما انا قلت .. قمة النحس انك اذا فرغت نفسك وجيت تفتح الشبكه وترد على الخلق ..جاك الرد حاول مره اخرى !!
يا الربع بالله ماتحسونه استقصاد ! خصوصا وان اخر مره قبل لا اطلع شفت الحارس حق الشبكه يتفقد الاوضاع قمت صقعته بالنبيله وانحشت ,,
المهم .. نرجع لحبايب قلبي المزلبين ..
الكناري الأزرق
إقتباس
يؤ يؤ يؤ ,,
على كثر ما كنت اتمنى يجي الشتاء بسرعـة الان ودي يجي الصيف بسرعة و اول رحلة على كوبنهاجن ذي مدري وش اسمه !
يا دب ,,
انا اعرف ان اعرف مدينة بأوروبا [ البندقية ] ذيك اللي ساكنين فوق بحر ,,
" شكلك بدال ما تسئل مدرس جغرافيا سآلت مكانيكي انت و وجهك ] !
" دقيقه دقيقه توي افهم قصدك ,,انت الان تستهبل قاعد تقولي وشي اكثر مدينة حــاره تسبب نزول العرق ؟! " ..
[ ما شاء الله عليك كل اجوبك تقعد تستهبل و تضيع الهرجـهـ ] !
سلام ,,
طيب .. وبعدين!!
ماعرفت الحين هذا سؤال ولا تعليق ولا فضفضه ..
بس خليني اثري معلوماتك .. كوبنهاجن هذي عاصمة البقره الدنماركيه وزبدة لورباك اللي مقاطعينها وبعد هي عاصمة السن توب بس الناس تسوي نفسها ماتدري انه دنماركي ويشربونه ,,
اما مدينة البندقيه .. آآه يا البندقيه يالبى قلبك لو تدرين .. باذن الله اذا ربي كتب اجيب صورها لكم الصيف القادم,,
اما العرق فهو حاجه كويسه تجعلك في العلالي ولكنه مضر بالصحه ولذلك أنصح باستنشاق الغراء حيث انه متوفر في البقالات وسعره خمس ريال فقط ومفعوله سريع ,,
حياك الله كناري افندم .. بس بقولك شيء .. ولا اقولك خلاص سامحتك ..
اذكر وحده خبله فيها رجه .. بس قلبها طيب جدا وما أنسى هذاك التوقيع ابدا .. اما الاسم والتخصص فالكذب خيبه والله ما اذكر .. بس اذكر انك ساكنه بالرياض اذا ماني بواهم!!
إقتباس
3/ تذكر لعبة التحقيق الشخصي عـ المكشوف ؟
اكيد
إقتباس
4/ عبر عن هالأعضاء بكلمتين ::
** قلب الشلهوب ،،
عضو موقوف
إقتباس
** النادر ،،
خبير سيارات
إقتباس
** هلالكو ،،
ابو فهد صديق الجميع
إقتباس
** البرفسور ،،
ولد عم ولد وايل
إقتباس
** شرقــ هلاليه ـاويه ،،
عضوه مغبره
إقتباس
** نواف الذهبي ،،
مصعب ايضا عضو موقوف
إقتباس
5/ موقف أبكاك ولايمكن أن تنساه ؟
غرق طفلتين وأمهم قبل سنه تقريبا .. كنت بالشاليه انا وولد خالي وكان الوقت صبح ومافيه ناس الا قلييل .. طبت البنت الصغيره (4 سنوات) وبعدها اختها(7 سنوات) ومن بعدهم امهم (في العشرينات) .. البنت الصغيره ماتعرف تسبح واختها وامها يبون ينقذونها وهم مايعرفوا يسبحون! نزلنا ان وولد خالي .. هو طلع البنت الكبيره وانا خرجت الام .. رجعنا للبنت الصغيره .. واخيرا لقيتها لكن للأسف كانت جثه بيدي ..
منظر البنت- الله يرحمها- وانا حاملها بيدي مايغيب عن بالي .. والاسوا الحاله الهستيريه اللي كانت عليها الأم ..
إقتباس
6/ تلبس نظاره او لا ؟
احيانا ايه واحيانا لأ .. يعني البسها لكن اذا جيت بنام افسخها ,,
إقتباس
7/ أغلى هديه عندك ؟ ومن مين؟
جاويت على هالسؤال قبل .. بامكانك الرجوع اليها,,
إقتباس
8/ أفضل شاعر لديك؟
عبدالرحمن بن مساعد - حامد زيد - نزار قباني
إقتباس
9/ هل أنت انسان متسامح ... او مايقدر ينسى اذا احد اساء له ؟
جدا جدا جدا ولابعد الحدود!!
إقتباس
10/ لمن توجه كلمة عتب ولمن ترسل له قبلة <<< انواع الاحراجات هع ؟
لا لا الدين ممنوع والعتب مرفوع .. وقبلاتي واشواقي لكل من يعز هلالي الظهران,,
إقتباس
11/ لو قلنا لك لازم تغير نك نيمك ايش راح تسمي نفسك .؟
ســــواح
إقتباس
12/ وش نفسك فيه في هاللحظه الحين الحين بسرعه ؟؟
والله نفسي بحمام مغربي ومساج تايلندي ,,
إقتباس
14/ لاعب يطربك لعبه ؟؟
محليا .. ابو يعقوب سابقا والشلوب حاليا ,,
عالميا .. روبرتو باجيو
إقتباس
15/ شرأيك بالمهزلــة اللي صارت في ابوظبي في اختيار افضل لاعب اسيوي ؟
المهزله صارت من قبل ابو ظبي!! صارت من اول ما استبعدوا ياسر واخذوا الشلهوب لاسكات الاعلام السعودي وحتى يطبخوا طبختهم الماسخه .. ولا اذا جمعنا نقاط ياسر بتتجاوز الميه .. بس مانقول الا حسبي الله ونعم الوكيل ,,
بداية انا ماوجههت اي تهم لجامعة الملك سعود .. بل هي حقائق .. وساوضحها بالادله ان شاء الله;) ,,
إقتباس
... لن أتكلم عن الجامعه بأكملها ... لكن سأتكلم عن كلية الهندسه وبالأخص الهندسه الكهربائيه فقط !!!
بصراحه في البدايه استغربت يكون هالكلام من فتاه لأنه مافي اي علاقه بينكم وبين الهندسه لكن وضح الامر بعدين .. لكن بصراحه محبوبه مع احترامي لك وتقديري لك من يسمع ليس كمن يرى ويعايش .. ومع خالص احترامي واعتزازي وتقديري للدكتور عبدالرحمن لكن من الطبيعي ان ينحاز للجهه اللي ينتمي لها كما أنتمي انا لجهه اخرى!!
نقطه اخرى .. أكبر خطأ انك تقارنين بين الهندسه الكهربائيه في سعود والبترول .. لان الهندسه الكهربائيه في سعود احد فروع الهندسه من ضمن كليات متعدده بالجامعه بعكس جامعة البترول اللي يعتبر فيها الهندسه الكهربائيه تخصص رئيسي بل يعتبر واجهه للجامعه وهو اكبر قسم بالجامعه ويضم داخله اكبر عدد من الطلاب!!
إقتباس
... ميييييين قااااااال !!
... المصدر - ->> ياليت تقول ...
... إللي أعرف لا يوجد تصنيف معتمد يقول إن جامعة البترول أحسن من سعود !!!!
وعلشان أوفر عليك .. خذي هذا رابط الصفحه اللي فيها ترتيب جامعة الملك سعود .. والمركز هو 2910.. بالمناسبه مبروك لجامعة الملك سعود ومنسوبيها الانضمام للقائمه ولاول مره ;) ..
هذا التصنيف بين يدك وبامكانك التاكد .. مع العلم ان جامعة البترول كانت في سنه من السنين من ضمن افضل 500 جامعه بالعالم .. لكن حسبي الله على مدير الجامعه السابق وحاليا الجامعه في طريقها لما كانت عليه على يد الدكتور خالد السلطان;) ..
على فكره كيف تقارنين بين جامعه معترفه عالميا منذ سنواتها الاولى بجامعه لم تحصل على الاعتراف (الشهاده) الا قبل 3 سنوات!!!!!
إقتباس
... غير إنه في أي صرح تعليمي بالعالم يوجد محاسن ويوجد مساوئ بل ليست الصروح التعليمة وحدها في كل مجالات الحياة وأصعدتها يوجد فيها الجيد ويوجد فيها الردئ ...
شيء طبيعي ومؤكد .. لكن بالمنطق محبوبه ولو اخذناها بمبدأ نسبه وتناسب .. نسبة الرديء في جامعه عدد طلابها 9000 طالب مقارنه بجامعه عدد طلابها 68000 طالب تعتبر قليله بل ضئيله ..
والاهم من هذا وذاك معايير القبول في كلا الجامعتين .. يعني مع احترامي للجميع بامكاني ادخل مدرسه اهليه في المرحله الثانويه واجمع اعلى الدرجات وانقبل في الجامعه بسهوله لانها تاخذ 70 % من النسبه .. بعكس جامعة البترول اللي تاخذ 30% فقط من نسبة الثانويه بالاضافه الى 40% اختبار قدرات .. والاهم من كذا الجامعه تضع اختبار في المواد العلميه التي تحتاجها وبنسبة 30% وهنا الفرق ..
إقتباس
... يحلو لكثير من طلبة البترول التفاخر بتخرجهم من جامعتهم ، ويستدلون على أفضليتهم بتفضيل الشركات لهم ...
...نعم طالب جامعة البترول أفضل من طالب جامعة الملك سعود من ناحية اللغة الإنجليزية ( وهذا هو سبب تفضيل الشركات لطالب البترول ) ، وكثرة ظهورهم في (السلطة الرابعة) !!
هنا صعب احصرلك الشركات لكن بامكانك الرجوع لأي شركه والاستفسار منهم .. الفوارق كثيره وكبيره ايضا .. بشهادة الشركات والقائمين عليها ( من خلال يوم المهنه اللي يقام سنويا) ان الشركات تبحث عن طلاب البترول اولا .. والاسباب متعدده منها اللغه ..خريج البترول يجي مطبق أكثر وجاهز للعمل بعكس بقية الجامعات اللي تحتاج الى اعادة صياغه من جديد .. خريج البترول غالبا ماياتي منتظم والسبب النظام الصارم للجامعه بعكس بقية الجامعات .. وغيرها من الاسباب ..
وحتى أعطي مثال واضح وبحكم انتسابي لهم بأخذ اكبر شركة بالسعوديه شركة أرامكو السعوديه .. ليه من النادر جدا لا نرى اي خريج من سعود ضمن موظفي اكبر شركه سعوديه!!
وحتى اوضح اكثر .. عند شركة ارامكو نظام يطلق عليه CPC ويسمى نظام الموظفين تحت التدريب .. وطريقة النظام انه يقبل سنويا بحدود 200 طالب فقط تحت تختبارات خاصه توضع للمتقدمين .. ياطويلة العمر خلال السنه الاولى يدرسون الطلاب تحت اشراف ارامكو .. وبعد نهاية السنى الاولى يبتعثون الطلاب اما خارجيا الى احد الجامعات الامريكيه داخل امريكا وخارجها او يبتعثونهم داخليا الى جامعة البترول فقط ..
... لكن الحقيقة التي يجب أن يعلمها كل أحد ... أنه لا توجد ( أدنى ) مقارنة بين طلاب كلية الهندسة في سعود ومهندسي البترول من ناحية القوة في التخصص ...
هههههههههههههههه راجعي حساباتك .. وتأكدي من معلوماتك الخاطئه تماما ..
القوه في التخصص عند طلاب البترول والحين اوضح لك ..
إقتباس
...طالب كلية الهندسة في سعود يبدأ دراسته التخصصية من أول يوم تطأ فيه قدمه الجامعة ، في الوقت الذي يستغرق زميله في البترول سنه كاملة في دراسة اللغة الإنجليزية (وشيء ) من الرياضيات ...
... طالب جامعة الملك سعود (الهندسة) لا يتخرج إلا بعد إنهائه 160ساعة ، منها 9 ساعات فقط للغة الإنجليزية ...
...بينما يتخرج طالب البترول بعد إنهائه 130 ساعة والأدهى والأمر أن طالب البترول درس من هذه الـ130 ساعة 30ساعة انجليزي ، و30ساعة (أعمال تطوعية) "قد لاتكون الأرقام دقيقه ولكن تقريبيه"
اكيد ان حنا متفقين ان اللغه الانجليزيه ضروره ومثل ماعللتي سابقا انها سبب تفضيل وبالتالي دراستها افضل من عدمها ..
وتصحيحا لبقية معلوماتك الخاطئه .. صحيح ان طالب الهندسه في البترول يتخرج بعد 133 ساعه لكن اللي ماتعرفينه ان السنه الاولى (اللي يدرس بها انجليزي ورياضيات) غير محتسبه في المعدل تماما ومقدارها 28 ساعه!! يعني لو جمعنا الساعات اللي يدرسها طالب البترول تصير 161 ساعه لكن لم تحتسب السنه الاولى حتى لاتؤثر في المعدل ,,
ولو حسبنا ساعات مواد التخصص نلقى طلاب سعود يزيدون بعدد قليل .. وهنا يكمن الفرق ونقطة الافضليه للبترول!!
الفرق بين سعود والبترول .. ان سعود تعتمد على الكم والبترول تعتمد على الكيف .. في جميع النطاقات .. سواء من عدد الطلاب او عدد التخصصات او من نوعية المقررات ..
واللي يهمنا هنا هو المقررات .. وبشهادة المسئولين واحدهم الدكتور المسؤول عني في ادارته بشركة ارامكو (اذا تبين اسمه برسله خاص) ان جامعة البترول تتميز باختيار المقررات وتركيزها على النواحي المطلوبه وتغليب الجانب التطبيقي على الجانب النظري ..
بامكانك الرجوع للوالد وسؤاله عن المقررات .. تلقينها كبيره واغلبها كلام دش وفيها المفيد وغير المفيد وهذا اللي يشتت طلاب هندسة سعود .. بالعربي هم ياخذون الكورس وعقب ماينتهي ينسونه!! بعكس هندسة البترول اللي ترسخ المقررات والاساسيات ..
وفي نقطه مهمه ان المقررات عندنا مبنيه على المتوفر في سوق العمل بعكس سعود اللي تدرسهم المطلوب وغير المطلوب ولهذا الشركات يفضلون خريجي البترول لان عندهم المام اكبر بما تطبقه الشركات,,
إقتباس
وأترك لك تخيل الفرق بين خريجي الجامعتين (من ناحية التخصص) ...
ماهو رأيك الان؟؟!!
إقتباس
... هذا الرأي لم آت به من أفكاري وتخيلاتي ، أو حتى قراءتي لمدلولات الخطة الدراسية للجامعتين بل سمعته من دكاترة من أعضاء هيئة التدريس بجامعة الملك سعود ...
... يجب أن نكون أكثر تعقلا في الحكم على طلبة الجامعتين ...
... نعم أقر وأعترف بتفوق جامعة البترول من ناحية التعامل مع الطالب والفرق بين الجامعتين من ناحية التسجيل في المواد والجداول ، لكن هذا لا يمنح طالب البترول الأفضلية على طالب الملك سعود ...
ذكرت في البدايه ان السماع يختلف عن الرؤيه والمعايشه .. وماهو على أرض الواقع أكبر دليل .. اذهبي لأي شركه او مؤسسة عمل واستفسري منهم..
بالمناسبه سؤال بسيط .. لماذا يتهافت اغلب خريجي الثانويه على جامعة الملك فهد للبترول والمعادن؟؟
سؤال اخر اتمنى ترجعين فيه للوالد وهو .. بحكم ان نتائج القبول في البترول بعد جامعة الملك سعود .. كم عدد الطلاب اللي يسحبون ملفاتهم بعد انهاء اجراءات قبولهم؟؟ (لاتستغربي اذا سمعتي الاجابه)
إقتباس
... ليش كل هذي الإتهامات!!
... لا يزال طلبة جامعة البترول يحكمون من أبراجهم العاجية على طلبة الجامعات الأخرى وعلى رأسها أم الجامعات السعودية ( جامعة الملك سعود ) ...
... لطلبة البترول الحق في الفخر ببعض الإيجابيات التي لديهم ، لكن ليس لهم أن يتوجوا أنفسهم على عرش المهندسين السعوديين ...
عفوا محبوبه .. ردي هذا كان يحمل نوع من السخريه خصوصا وان السؤال كان ابتزازي ومامدى غباء طلاب البترول .. يعني على قولتهم مزحه برزحه .. والا ماتصل لدرجة ان طلاب سعود كديش يعني ..
لكن فعلا مهندسي البترول هم على عرش المهندسيين السعوديين بلا أدنى جدال ;) ,,
إقتباس
... وللعلم في الماستر ... نجد طلاب جامعة البترول عند إكمالهم للدراسة في جامعة سعود يجدون صعوبه كبيرهـ في تخطي هذي المرحله ...
... فكيف يكون هؤلأ الطلبه واجهة لجامعة الملك سعود !! ..
من باب العلم هذه تعتبر سلبيه كبيره !!
هذا نفس كلام زملائي اللي اخذوا البكالوريس في امريكا وبريطانيا وغيرها عندما ارادوا دراسة الماستر بالبترول واجهوا صعوبات كبيره وتعقيدات غير مبرره ابدا,,
وهذي مشكلة جامعتنا .. يحسبون ان الشطاره بالتعقيد والتعجيز!!
إقتباس
... وأقوووول أخيراً أهل مكه أدرى بشعابها !!!!
... أعتذر عن إبداء رأيي إن كان في مكانه الغير الصحيح ولكن كلمة الحق لابد أن تقال !!!
اكيد اهل مكه ادرى بشعابها والا وش دراك انتي بالهندسه خليك في التفصيل والتدبير اصرفلك << بينطق
محبوبه يعجبني فيك تصميمك واتمنى اشوف فيك خصلة الاقتناع وعدم المكابره .. جامعة البترول رائده في الهندسه بالمملكه وتغرد خارج السرب مثل ما جامعة سعود رائده في مجال الطب وغيرها من التخصصات ان وجد ..
الحين ذبي العجراء وسنعي شوشتك وحووتي ميك اب واتلعي على السرير .. وانا برجع بعدين واكمل بقية الاسئله ,,
... باااااااااك مرهـ أقين <--شكلها تااااقه خيمه في الموزووووع
هلا محبوبه اقين .. والله فرق أول احسك رابطه راسك وعاضه ثوبك وبيدك المكنسه والحين ماش من كثر الخلاقين والخرابيط اللي عليك منتي بقادره تمشين مما أثر على حاسة النطق ,,
وهنا لا يسعني أن اقول الا .. ياكلبو ياكلبو ,,
إقتباس
... أول شي أشكر الإشراف على هالسلسله الممتعه
... ثانيا أشكر ضهرانو على الموافقه والسماح لنا بفسفسته
فصفصي فصفصي بس اهم شي قشمي برا
إقتباس
...تيب أممم عوندي مجموعة أسئلة بس
... و لازم تجاوب عليهم تيب <-- سدق <-- أجل
... معليش يعني كذا وإلاااا كذا
جاوب ولاااا تناقش
شلون لا أناقش ؟! أصرف يعني .. بس ياحسره علي ماعرف ألف او أدور ,,
إقتباس
* - كم أخ لديك وكم أخت وما ترتيبك بينهم ؟...
كل ابونا سته .. أختي الدكتوره اللي أكبر مني متزوجه من ولد عمي الدكتور بعد ويكملون دراستهم بامريكا .. بعدها محسوبك .. وبعدين اخوي يدرس بجامعة عزوز وعقبه اخوي توجيهي واخواتي الصغار توهم بالابتدائي,,
إقتباس
* - الآن وبعد أكثر من أربعة عشر سنة من الدراسة.. هل ترى أن الطريق الذي سلكته هو الطريق الأمثل والأكمل ...
... أم أنك كنت تتمنى أن يتخلل هذا المشوار أمور لم يحققها لك الوقت أو الظروف أو القوانين ؟...
الحمدلله كانت مثاليه بدرجه كبيره .. سابقا كنت متحسف أني ماطلعت اكمل البكالوريس بامريكا لان الوالده وقتها رفضت وسبحان الله كان عندها بعد نظر وخصوصا ان كان لها تجربه مع الوالد ..لأن كثير من الشباب اللي طلعوا امريكا اما جلسوا هناك 3 سنوات متتاليه بدون زياره للسعوديه او بعضهم رجع هنا وماقدر يرجع مره ثانيه بسبب الفيزا وكملوا دراستهم هنا بالبترول!!
إقتباس
* - ماهي طقوسك عند الإمتحانات ؟...
عاديه جدا .. أهم شي أكون بلحالي والوضع هدوء ,,
إقتباس
* - حلم من أحلامك مات ، ماهو ؟...
والله توني شحليلي في مقتبل العمر وبدري على هالامور لان الاحلام الكبيره توها بالطريق سواء دراسه او عمل او زواج ..
اما ابرز حلم من الاحلام البسيطه اللي حتى لو ماتحققت مايكون له تأثير كبير علي هو تركي لكرة القدم واي رياضه فيها احتكاك قوي والسبب اصابه في الركبه اليسرى .. السائل الغضروفي اللي بصابونة الركبه انكب :p يعني لو يصير لي احتكاك قوي تصير أزمه .. ولولا الله ثم هالاصابه كان ماشفتوا رقعت وجهي هنا لان اي وقت فراغ عندي كان يروح كووووره ,,
إقتباس
* - جانب سلبي في شخصيتك عجزت عن التخلص منه ؟...
ما بزاعط عليكم واقولكم طيبتي أكبر عيوبي لاني اشوفها خصله مميزه ولله الحمد لكن الخصله اللي عجزت اتخلص منها وماظنيت اني اتخلص منها ابد هي الحرج المبالغ فيه مع عامة الناس .. كمثال بسيط لو اتصلت على خويي وقلت له نبي نروح نتغدى .. قالي طيب بس ترا معي فلان وانا معرفتي فيه سطحيه اقوم اصرفه واروح اتغدى لحالي !! وقيسي على هذا بقية الأمور ,,
إقتباس
* - القلق .. ما المساحه التي يحتلها من ذاتك ؟...
نسبه كبيره جدا .. لأني اقلق واهوجس في أتفه الامور ,,
إقتباس
* - موقف رعب مر فيك ؟...
يوووووووووه مواقف الرعب واجد .. ومن أرعب المواقف عندي ركوب الطيارات !! بالرغم من تعودي عليها ولرحلات تمتد لساعاااات!! امكن لهالرعب سبب وهو رحله من الرحلات قبل 6 او 7 سنين ..
الله لايعيدها من رحله كانت من الرياض الى ابها في الصيف وكان توقيت الرحله ظهرا .. يعني بعز السحب والامطار والرعود بأبها .. الشاهد ان هذيك الرحله كانت رعب بمعنى الكلمه .. مطبات هوائيه قويه جدا لدرجة ان المضيفين طاحوا بالممرات والعربيه اللي يوزعون فيها الاكل تشوفونها ماشيه بسرعة سنكليون بلحالها وماردها الا الحمامات اللي باخر الطياره .. والحريم والطفال صياح وصريخ وماتسمع الا دعاوي وألعن شي اذا اكلت مطب جامد تحس انك نقزت من على الكرسي وانه ماتحتك شي ..
فصارت عندي عقده مع اي هزه بسيطه بالطياره اتذكر هذيك الرحله واللي زاد الطين بله أني قريت كتاب اسمه على ما أظن(مواقف طيار) او شي من هالقبيل اللي ألفه عقيد طيار اسمه أنس على ما أظن والكتاب يتكلم عن حوادث الطيران والمواقف الصعبه ,,
إقتباس
* - مالأمنية الشريرة التي تكبرُ في داخلك كل يوم ؟...
* - مع الأشخاص الذين لا تحبهم كيف تتعامل معهم ؟...
يمدحون التصريف والحمدلله من ابرز المواهب التي حباني بها الله هي التصريف لدرجة انه ايام المراهقه اذا واحد من الشباب عمل له سالفه مع اهله وتوهق دق علي حتى ياخذ التصريفه المناسب ,,
إقتباس
* - لأي درجة تثق في الناس عبر الانترنت ؟ يعني هل من معرفتك لشخص ما مدة طويله عن طريق الانترنت فقط تؤمن بانك عرفته تماما ؟؟ على شخصيته الحقيقيه ؟...
الانترنت عالم مصغر يحاكي الواقع ينطبق عليه ماينطبق على الحياه العامه وان كان ببعض المحسنات والامور التجميليه ..
يعني اذا استمرت العلاقه عبر الانترنت فقط ما تفرق معي ان كان على شخصيته الحقيقيه ولا لأ لاني اتعامل معه من خلال هالشخصيه .. اما اذا تطورت العلاقه للعالم الحقيقي بيتضح من خلف هذه الشخصيه سواء كانت حقيقيه او وهميه ,,
عموما انا شخصيا وثقت وأثق في كثيرين من خلف معرفاتهم,,
إقتباس
* - إذا خُيّرتَ أن تعيش مرحلةً من عمرك مرةً ثانية, أي مرحلةٍ ستختار؟...
بالتأكيد مرحلة الطفوله لان الانسان لايحمل اي مسئوليات وهموم .. لكن واقعيا سأختار المرحله التي أمر بها حاليا ;) ,,
إقتباس
* - أيهما يحظى باهتمام هلالي الضهران ما يكتب على صفحات الجرائد أو ما تتناقله
المنتديات ؟ وأيهما بوجهة نظرك أصدق في نقل الخبر ؟...
هذا سؤال عام جدا .. لكن المصداقيه وتحري الدقه يولد عندي شعور بالثقه وبالتالي اتتبع هذا المصدر سواء كان صحيفه او منتدى او قناه فضائيه او اي وسيله اعلاميه ..
إقتباس
* - ما رأيك بـ التصور اللي يقول إن العولمه ترادف الأمركه؟...
كلام كويس:p .. بس سؤال .. الحين الكلام هو كذا صح ولا انتي شقبلتيه كالعاده؟!
إقتباس
* - شخصية عالمية تعجبك... سواء شاعر أو كاتب أو عالم ؟...
الامير بندر بن سلطان بن عبدالعزيز;)
إقتباس
* - شخصية خيالية في قصة أو قصيدة أو روايه ... حازت على إعجابك ؟...
أدهم صبري .. هذول حق روايات الجيب البوليسيه اللي يبيعوهن في مكتبة تهامه وسعرها 2 جنيه , ,
إقتباس
* - لو شفت كلمة XL وش يطري عليك بسرعه جاوب وبكل أمانه ؟...
والله ماطرالي شي!!
إقتباس
* - ممكن تورينا الديسكتوب تبعك ؟...
- لـ حاجةٍ في نفس يعقوب بس -
كما هو بدون اي تعديل!!
عاد انا عليمي بهالامور وهذا اللي طلع معي!!
إقتباس
* - نوع الشيبس والشوكولاته والآيسكريم إللي تموت فيه ومن المستحيل تستغني عنه ؟...
ليز بالجبنه الفرنسيه - جلكسي - ايس كريم السعوديه
إقتباس
* - وش سالفة أكبر مهاوشه صارت بينك وأحد إخوانك ... ولييييش صارت ... وماهي الأضرار إللي ترتبت عليها ؟...
يووووه زمان .. مع اخوي اللي اصغر مني والسبب ما أذكره بالضبط لكن أكيد كنت اضربه ثم استفزه .. والاضرار 7 غرز في مشط القدم اليسرى لانه رماني بقزازة عطر مشروخه من القاعده وكانت الضربه موجه للراس مباشره لكني تفاديتها بس للاسف لحقتني بالاخير .. هذاك اليوم خلص نص دمي ,,
إقتباس
* - حلل شخصية من شخصيات المنتدى مع عدم ذكرها.. شخصيه اعجبتك باي حال من الاحوال .. بغموضها ..طيبتها.. جاذبيتها.. ذكائها ؟...
يقول السيد اشراف .. لك الحق في عدم الاجابه على اي سؤال تراه غير مناسب .. لأني ادري بقول هالشخص مطفوق وثقيل طينه واسمه فلان
إقتباس
* - كم نسبة المجامله في إجاباتك ؟...
اغلب الاسئله عني كيف أجامل نفسي؟؟!!
وان كنتي تقصدين نسبة الصراحه.. اقولك تقريبا 99% طبعا للاسئله اللي جاوبتها اما اللي تصرفت مو بشغلي ,,
إقتباس
* - من حسن حظك إنك طحت في ( محبوبة الزعيم )
ومع الكم هذا من الأسئله ... وش رايك فيها بصراحه ؟... ->الهاء ضمير متصل تعود على الأسئله
تعجبني هالنوع من الاسئله المتعمقه واللي تستنطق فيني أشياء غير معلومه لأحد .. ومن حسن حظك والله انك جيتي بالاخير لان اللياقه من جد انتهت ومافيني حيل اروح يمين او يسار ,,
إقتباس
^
^
^
... آآآآآوتش ... :|
... وشو هذااااا ... وربي وربي وربي ماكونت أدري انو كذا مرة كثير :|
sorry
... بس خلااااااس دنتا وئعت ومحدش سمى عليك
لا ياشيخه .. ذنبي برقبتك والله
إقتباس
... هلالي الضهرانو ... أرقو الإقابه على الأسئلة إللي عوندها نقمه حمراء أما النقمه السماويه عااادتشي سرفني - ->>
هذا الناقص والله .. الا وش رايك تجاوبين انتي على الاسئله بعد ,,
إقتباس
Me Too
Thanks to Allah ..
My DAD
Prof Dr. Abdulrahman
Same your major
Electrical Engineering
والف نعم والله .. وخير خلف لخير سلف ان شاء الله ,,