يـخـرب بـيـتـك يا إيـاد مـدنـي شـوي شـوي علـيـنـا !! تلفـزيـونـكـم إنهـبـل يا رجـالـه - صفحة رقم 5 - نادي الهلال السعودي - شبكة الزعيم

دبــل كيــك · #61 04/09/2006, 11:30 AM

يـالـلـه ان تحـيـيـّـه ... وأبـركهـااا سـاااعـة يـووم صـفـطـت وتـكـيـت بـصـدر الـمـجلـس ...

مـيـزتـك أبـوسـاااارة .. ان ابـداااعـك مـثـل ورقـة بـيـضـاااا وعـلـيـهـااا سـهـمـيـن خـضـر مـتـعـاااكـسـاااات <<== قـصـده (الـريـفـريـش) .. أو أيـقـوونـة الـتـحـديـث لـغـيـر الـنـاااطـقـيـن بـالـعـنـقـلـيـزيـة ...

لـمـفـهـووم الـتـحـرر والانـفـتـاااح عـنـد ايـاااد ومـن هـم عـلى شـاااكـلـتـه ... تـصـبـح الـعـلااااقـة بـيـن الـرذيـلـة والـتـقـدم طـرديــة ...

عـنـدمـااا يـكـوون الـتـطـويـر مـرتـكـزاً عـلـى حـفـظ الـمـبـااااديء والأركـااان الأسـاااسـيـة لـشـخـصـيـة تـلـك الـمـنـظـوومـة ... يـحـمـل طـااابـعـهـااا ... ويـتـمـسـك بـفـضـااائـلـهـااا .. عـنـدهـاااا يـكـوون الـتـمـيـز ويـكوون الـتـطـور ..

أذكـر انـي قـرأت مـوقـفـاً لإيـاااد طـرطشـلـي ... فـي أحـد الـنـوااادي الأدبيـة .. كـااان يـسـتـهـزيء بـأحـد الـحـاااضـريـن لأنـه انتـقـد ابن زلـفـة .. وكـااان مـوقـفـه مـن قيـااادة الـمـرأة للسـيـاااراات مـوقـف الـمؤيـد بيـديـه ورجلـيـه ... بـعـدهـاا غسـلـت يـدي ..

وبـعـد ذااا الـمـشـهـد السـاااخـن ... الـلي تفـرجت علـيـه انت وشـااايـبـك ... تـوضـيـت وصليـت وسـمـيـت ...

لااا تـسـتـغـرب لااا شـفـت تـحذيـر لـمـن هـم دوون 18 سـنـة ... قـبـل احـد الأفـلاااام ... دااام نـوور الشـريـف جـااابـووه .. بـكـرة اصـبـر يـقـلبـوونـهـاا مسـلسـلاااات مـكـسـيـكـيـة ...

ابـوسـااارة ... الـمـعـذريـة .. والـلـه انـي مـسـتـعـجـل ... الااا كـاان شـكـيـتـلـك رد يـلـيـق بـكيـبـووردك ...

لـك مـنـي أرقـى تـحـيـة ..

أخـووكـ // دبــل كيــك ...

ولد وايل · #62 04/09/2006, 06:59 PM

يابو ساره على طاري الفارسي اول ماعينوه
كنت جالس انا وخالي وابوي
المهم جات مقدمة الاخبار في القناة الثانيه
وكانت متحجبه بس طالع شعرها شوي فوق الجبهه
المهم التفت خالي على ابوي وقال خربها الفارسي
لاحظ انها متحجبه اللهم ان قذلتها طالعه
والحين حدث ولا حرج من ابو حجوز
ياخي ذبحونا في المرأه ماندري من وين نلقاها من هالاهبل القصيبي
اللي من عينوه وهو ماغير توظيف في البنات وساحب على 300 الف تمساح عاطل
والا من هالتلفزيون وحركات مدني افندم
ياخي الحرم بالمدينه ماعاد يجيبونه في صلاة المغرب والعشاء
الا بالسنه حسنه ................... هزلت

هلالي@مدريدي · #63 05/09/2006, 05:05 AM

اعتقد انك يا ابو ساره تأثرت ببعض الكتاب في المنتديات الاخرى في هجومهم على اياد مدني

مع العلم انهم نفس الجماعه الي كان تهاجم احمد الرشيد وزير المعارف سابقاُ وبعد اقالة وقدوم شخص من الجماعه سكتوا
والان الهجوم على اياد مدني الى ان يتغير ويأتي شخص من الجماعه ويسكتوا
لماذا لا يهاجم النعيمي بتاع النفط ويأتي مكانه واحد من الجماعه معه دكتوراة من جامعة الامام

على هذا المنوال الى يصبح مجلس يوم الاثنين كله من الجماعه

القاضي · #64 05/09/2006, 10:51 AM

أزيدك من الشعر بيتاً .

هذا مقال كتبه الأخ كش ملك في الساحة السياسية يبعث على القلق:

** أيها الأحبة ......... السلام عليكم ورحمة الله وبركاته :

** إتصل بي قبل صلاة العصر أحد الأخوة (الثقات) وأطلعني على تفصيلات خبر مؤلم وخطير يبعث على الآسى وُينذر بشؤم خطير على مجتمعنا إذا لم يتمّ تدارك الأمر من قبل المسؤولين الكبار والعلماء والعمل على قطع دابر أصحابه وطردهم من مناصبهم .

** في خطوة تؤكد تسلط وزير الإعلام السعودي (إياد مدني) وحنقه على الإسلاميين ، تم يوم أمس (الأربعاء) إستدعاء رئيس تحرير جريدة (الجزيرة) والذي سمح بنشر تعقيب الشيخ (الفوزان) في الجريدة يوم أمس ، وقد ذهب لمقابلة الوزير نائب رئيس التحرير (منصور عثمان الزهراني) ، وقد تمّ التحقيق معه لمدّة أربع ساعات في الوزارة وأخيرا : ــ تمّ أخذ تعهد عليه بعدم نشر تعقيبات الشيخ (الفوزان) !!!!!!!!!!!

** الجدير بالذكر أيها الأخوة والأخوات أن الوزير (إياد مدني) هو الذي يدير رؤوساء تحرير الصحف السعودية ويجتمع بهم شهرياً لتوجيههم إلى ما ُيحب نشره .. وقد فشلت محاولاته في إيقاف ملحق جريدة المدينة الإسلامي (الرسالة) .

** ماذا بعد هذا ؟

** هل بقي شئ لم يفعله هذا الوزير لنتأكد من خطورة بقائه في منصبه ؟

** مؤامرة (إعلامية) كبيرة يخطط لها الوزير وينفذها رؤساء تحرير الصحف ضد كل ما يمت إلى ديننا وثوابتنا ومبادئنا وأخلاقنا .. حرب خفية ضد أهل الفضيلة والمنافحين عن العقيدة ..!!

** مؤامرة إعلامية (إقصائية) لخنق أصوات العلماء وإبعادهم عن الصحافة والتلفاز والنشر والصّدع بالحق .. وفتح أبواب الصحافة والتلفاز لكل ناعق ومبتذل ومفسد ليبث سموم قلمه وفكره على مجتمعنا وبيوتنا ..

** يجب على العلماء بشكل عام وعلى الشيخ (الفوزان) بشكل خاص أن لا يسكت أبداً عن هذه المؤامرة القذرة ، ويجب أن يرتفع صوت الحق على صوت الباطل ، ويجب أن نتحرك جميعا كل من موقعه وما يسعه من نصرة الحق وإيصال خبر تكرار هذه المؤامرات ضد ديننا وعلمائنا إلى وليّ الأمر والمطالبة بإقالة هذا الوزير الذي تجاوز صلاحياته وخان أمانته وعقّ مجتمعه ..

** المسؤولية تقع على العلماء أولاً وأخيرا .. وهانحن قد بلغنا ويشهد الله على أن ما بلغناه هو الحق والصدق ويبقى دورهم في المطالبة بتدخل وليّ الأمر وقطع دابر المفسدين وطردهم وليس الدور هاهنا هي (المناصحة) بل (التحذير) و (المطالبة) بسرعة معالجة الأمر فقد إستفحل وإستشرى .. ولا حول ولا قوة إلا بالله العلي العظيم .

** طفح الكيل وبلغ السيل الزبى يا خادم الحرمين ، وتعالت اصوات الغيورين ضد هذا الوزير الذي يبدو أن جرأته هذه ليست من فراغ ، وأنه مسنود الظهر ويجد دعما (لـوجـسـتـيـاً) من متنفذين آخرين ..!! لذلك فالجميع ينتظر أوامركم بالتدخل يا خادم الحرمين وإنقاذ مجتمعنا من تغريب المفسدين والخونة والمنافقين ، وتتبع وردم بؤر الفساد فيه وهي بؤر معلومة ومعروفة بمعالمها الفاسدة وبأصحابها المفسدين .

** أتمنى تثبيت الموضوع أو رفعه على الدوام ، ومن إحتسب في ذلك فإن الله جواد كريم ولا يضيع أجر المحسنين ولا الآمرين بالمعروف والناهين عن المنكر .

ــ أسأل الله أن يحفظ وليّ أمرنا خادم الحرمين الملك (عبدالله) ووليّ عهده ومن صدق مع وعده مع لله في الحكومة وأن يرزقهم البطانة الصالحة ويفضح خونة الدّين والوطن ، كما أسأل الله أن يحفظني وإياكم ويكتب لنا الأجر في الدنيا والآخرة ، آمين .

ــ الخميس : 7/8/1427هـ

** لكم الحب والتقدير ،،،

** أخــوكــــــــ كـش مـلـك ـــــــــــــم

المختـار · #65 05/09/2006, 03:09 PM

هلا والله ’’ أبو سارة ’’

ما أدري ليه كلما أقرأ لك موضوع أحس إني أقرأ أحد مواضيع ملك الإقلاع ’’ أبو برغش ’’

;)

فعلاً ما أدري ليه ’’

تقدر تفيدني ’’

ألف شكر على الموضوع المهم ’’

و أسأل الله أن يعجل بخلاص إعلامنا من إياد مدني ’’

الهلال حـبي · #66 05/09/2006, 03:26 PM

السلام عليكم

عوافي ابو سارة ؛ والصراحه مدني حس ان الدنيا تطورت وصار في اسهم وفي اغلاق سوق .. ونسب متدنيه

قال لنفسه وراني ماجدد عمري واتشبب .. والله العظيم اللي قاهرني انه قبل ماسك مكان حساس ووزارة عظيمه الا وهي وزارة الحج والاوقاف .. يعني يارجل اذا هذي علومك اجل على الدنيا السلام

لا والادهى والامر مسوين قريباً وكمنق سون وافلام جديده وكلها على حساب عيالنا واهلنا
نسأل الله السلامه والحمايه

تحيـــاتي ؛

الكلاسيكي · #67 05/09/2006, 04:39 PM

اول شي .. الله يخلي لك امك وابوك ..
ثاني شي حياك الله في المجلس العام .. من طول الغيبات جاب الغنايم ..
بس الظاهر انتا جبت البلاوي .. وحتودينا في مليون داهيه .. يابو الدواهي ..

اما عن قناتنا الاولى حدث ولاحرج .. تبغى تشوف السلبيات انبطح عند التلفزيون لمدة نصف ساعه
وراح تسجل 25 سلبيه .. من المذيعين والاسئله والبرامج والاعلانات وكل شي ..

تكلمنا كثير عن القناة الاولى وانا اعتبر هذا يدفع الكثير للاشتراك بشوتايم وربعها ..
ويكفي ان الحين نصف بيوت السعودين موجود فيها دش .. وهذا من زين القناة اللي عندنا ..

وصدقت والله وانا كنت ناوي اهرج عن الدعايات اللي فيقناتنا او القنوات الاخرى ..
بس كويس انك سبقتني وجبتها باسلوبك الرائع المحبوب ..

ولاتستغرب اذا شفت ابو شريف او احمد زكي مشخص بقناتنا .. مابعد بنت الجندي شي ..
الله المستعان .. صح ان الفارسي لك عليه .. بس ارحم شوي ..

بس كل شي لما نتكلم عنه اشوف انه يزيد .. علشان كذا ببلع لسانيس وبسكت << ماقصرت ..

كفييت ووفيت يابو ساره .. عقبال مانشوفك مسؤول ونشوف وش بتسوي <<<بينطرد ..
حياك الله اخوي .. ولاتغيب علينا .. الله الله بالنقد الرائع .. دمت بخير

فيلسوفة الكره 100% · #68 05/09/2006, 06:27 PM

مرحبا ..

ماشاء الله عليكم للحين تتابعون القناة الأولى ...

أنا أعرف ناس شايلنها من الرسيفر حقهم ....

مشكور ابو سارة على الموضوع ..

وزي ما قال الكلاسيكي لو عيونك في منصب وش بتسوي ..؟

هلاليه و افتخر · #69 06/09/2006, 01:15 AM

و الله هو حلو كذا بس مو حلو

و يعطيك العافيه

ريكيلمي · #70 06/09/2006, 09:52 AM

قسم بالله يا ولد انك مهرقل

موضوعك أكثر من رائع

و بالنسبة لأبو مدني مثل بعض الناس اللي يحسبون التطور في كشف الحريم في التلفزيونات

Colin Bell · #71 06/09/2006, 10:56 AM

صدقت والله الوضع تغير واياد مدني يحسب ان التطور بالتعري

Ronaldenho · #72 06/09/2006, 06:11 PM

الشرهه على اللي شاف هالقناة البايخه

بس عندي سؤال ؟!!

وش بلاهم خربوها مره وحده

يقولون انهم يجيبون حفلات وجلسات لأبو نوره

وأفلام من عهد نوح !!!

مسوين انهم متطورين !!!

ابونوف الهلالى · #73 07/09/2006, 12:27 AM

لللمعلوميه ياخوى ان الشيخ ابن باز رحمه الله تعالى حكم على العلماني اياد مدني بأنه مرتد عن الدين وانا شخصيا

قريت هذا الموضوع فى منتدي الثقافه االاسلاميه قبل اكثر من 6 شهور والله المستعان

الهلالي- ابوسارة · #74 07/09/2006, 09:38 AM

بسم الله الرحمن الرحيم ..

يا جماعة الخير والله فيني طبعن شين .. يمكن تسألوني تقولون وش هو ؟ راح أقول لكم مالكم دخل

.. لكن من جد آسف على التأخير لأني في قاموسي أعتبر كتابة الموضوع والله أسهل من الرد !

لما أكتب الموضوع أكون قاعد أسولف على نفسي , لكن لما أرد أكون قاعد أرد على أشخاص كبار ومميزين ولهم ثقلهم وهذي والله البلشة .. عموماً شاكر لكم ترحيبكم ويا مال السيل يا المجلس العام << يبيكم تغرقون عشان يفتك من الردود

في البداية أحب أقول لكم أن إياد مدني معطينا بالخامس ولا درى عني ولا عن موضوعي ولا عن ردودكم ! أجل ابن الذين آمنوا جايب أمس نبيلة عبيد وفاروق الفيشاوي ومحمودعبدالعزيز في فيلم واحد ! لا والله كملت ! هالثلاثي المهوي لو جاء الواحد منهم في فيلم سوى بلاوي لحاله , ياعبال يوم أجتمعوا ! (( خذوا بالكم من كلمة ياعبال ترى سارقها من جدتي لعيونكم

))

عموما قبل أرد أحب اقول للي حط ضحكة ومشى .. من الحين هذي ضحكة رد على ضحكتك :ههههههههههههههه وترانا خالصين ..

اللي حط وجه تعبيري من الحين أقول له يروح صفحة الوجيه التعبيرية وياخذ له خسمة وجيه على حسابي وترانا خالصين ..

اللي قال يعطيك العافية ومشى أحب أقول له من الحين ياخذ قطته : الله يعطيك العافية بعد انت .. وترانا خالصين ..

والحين عقب ماجريتكم على وجيهكم تعالوا أرد عليكم واحد واحد بس تكفون بالدور وبلاش مساقط ياللي واقف هناك .. ايه انت يا دبل كيك

<<< ياحبي لهالآدمي قسم بالله .

------------------------------

ردود الصفحة الأولى :-

الهنوف :-

الله حيها وابقها وأصلحها .. وش هالقهاوي والقدوع والسنع كله .. بيض الله وجهك وانا أخوك .. بس خلي عنك : يا والله اني يوم شفت هالبنية وانا اللي أسحب على بقية ردك وقعدت أتمقل !!

إقتباس

الله يهديك يا هنوف هالحين وش انا قاعد أقول من الصبح ؟ طاب في إياد مدني وتلفزيونه تجين ترزين هالماخوذه في الرد ههههههههههههههههههههه الدعوى عناد ياهنوف ؟

بعدين وش هالقفله :-

إقتباس


	الهنوووف كانت هنا ورحلت

وش اللي رحلت ! لا ياشيخه فال الله ولا فالك

مشكورة وأنا أخوك ومنورة وتواجدك كأول رد هذا فال حسن للموضوع عشان كذا تثبت ..

ملاحق دجاج :-

أم الجحده اللي كذا يا شيخ

محجوز وآخرتها ركبه ههههههههههههه عموماً منور ..

سندريلا الهلال :-

هلا والله سندريلا منورة الموضوع ياوخيتي.

إقتباس


	مثلاً في القناة الرياضية مقدم البرنامج !!هو نفسه مذيع الأخبار !!

تقولينه صادقه ..! ياختي الله يستر بكرة لا أفتح برنامج كل الرياضه وألقى حسن كراني هو اللي يقدم هههههه .. يا مال العافيه ياسندريلا ومنورة ..

نمر15 :-

هلا والله ومرحبا .. يازينك والله ويازين اسمك والرقم اللي معه ( قلب حب كبر قريح ))

إقتباس


	قد ابهرتني باسلوبك وبكتاباتك وانا من المتابعين لك واتذكر موضوعك الاخير في هذا المجلس واتذكر المقطع(حلوه مقطع مسوي صوت) الي يقول فيه ابوك شام ريحه بلوت

ياخي أخجلت كل التواضع اللي في جعبتي عقب هالكلام .. يا لبى قلبك لو تدري .. مشكووور يا نمر ياعساك تسلم دوم .

تغريد :

هلا والله أختي , على طاري المسلسلات أنا مايفقع مرارتي الا شي واحد :

أذكر أني لما كنت أتابع مسلسلات القناة الأولى من زمان .. نقعد نحتري الدعايات اللي عقب الأخبار تخلص عشان يبدأ المسلسل.. لا وتلقينا قاعدين نتطاق كل واحد يبي يحجز مكان حلو عند التلفزيون .. بالنهاية نتفاجأ بمحمد خيري او مزيد السبيعي يطلعون علينا طاقين الترسيمة ثم يقولون :

والآن ننتقل بكم الى تسجيل لحفل تخريج الدفعه الثالثه من القوات المسلحه على شرف صاحب السـ ( طوط طوط )) <<< هذا اللي بيجيب فيكم العيد بعد شوي

.. عاد وقتها شوفي التحطيم على أصوله .. هبلوا بنا حقين القناة الاولى قسم بالله

اييه يا تغريد خليها على ربك بس .. ومشكورة على المرور .

رعبوبة الزعيم :

هلا وخيتي رعبوبة .. منورة وانا أخوك .

إقتباس


	حتى المسلسلات الكويتيه كانوا يقطعونها تقطيع من 30 حلقه يخلونها 15 حلقه

هههههههههههههههههه عز الله صدقتي .. لا والمشكلة يجحدون الحلقة الأخيرة ولا يعرضونها

(( جابوا لنا جنون البقر حسبي الله عليهم ..! ))

هالحين مع إياد الوضع اختلف .. الولد يحن لأصوله وقام يعرض لنا أعمال مصريه عساهم يشوتونه في أقرب فرصة .. تسلمين على المرور .

iq1399 :

ياخي أروح وطي معك انت وهالاسم ههههههههههههههه وين ياعمي موديل جوال

إقتباس


	المهم يابو سارة وراك مطول الغيبه .. ولا اعجبك الوضع هناك اجل اطخم دقرت الظروف بوجهه كلش يهون عند الكتاب اللي خبري خبرك

وانا أخوك شبكة الزعيم بيتي الأول وراحتي فيها لكن في الاقلاع حرية طرح أكبر لأنه مخصص لهالنوعية من القصص العيارية اللي ذكرتها .. يعني لو أعرض وحده من هالقصتين بأي شبكة هلالية ماعني وعن ايقاف سنه كاملة وغرامة 100 ألف ريال <<< والله لو انك محمد نور

منور يا خلفهم ومشكور على متابعتي ولا توقف

20 ياسر الجابر 9 :-

إقتباس


	عالعموم أبو ساره لا تقطعنا مره سيّر علينا في الملجس لو تجي وتصك اللطمه وتقعد بالزاويه

ويييين أدق اللطمة وأتكي بآخر الفصل ههههههههههههههه والله لو اني من عرابجة الثانوي

منور ياغالي ومشكور على كلامك يابعدهم ..

أبو ريمان :-

هلا والله وغلا .. نعنبو بليس تو ما أنور الموضوع ... وش الموضوع الا المجلس العام بكبره .. وش الملجس العام الا الشبكة بكبرها ! وش الشبكه الا مدينة الملك عبدالعزيز كلها أنورت ياخوي يوم شيكت على الموضوع

وانا اخوك ما نقول الا الله يرزق حكام المسلمين البطانه الصالحه .. هم فيهم خير أكيد بس مايدرون وش يصير من الناس اللي تحتهم ! المشكلة أن العلمانيين هالفترة كلما لهم يصلون لمناصب مهمه في البلد والله يستر من الجاي .. أبوريمان أجحد العلمانيين والليبراليين والحكام كلهم .. بأقول لك سر :

منور الموضوع يا كبير وتسلم على مرورك .

القمرالهلاليية :-

هلا وانا أخوك .. مشكورة على مجاملاتك اللي أحرجتني أنا وكيبوردي ..

إقتباس


	من اللي يتجرأ ويتطاول على كاتب الموضوع والله انك فله وقلت لك قبل هالمره أسلوبك يجنننننننننن ..رووووووووعه

<< عاض اصبعه ويناظر بالأرض ووخدوده حمر

إقتباس


	والله كلامك صحيح 100% ,أنا مايقهرني إلا المذيعات المصريات,والله ياهن غثيثات بالحيل بس الحمد لله أنا منذ مبطي مافتحت التلفزيون ..

المشكلة أنهن محسوبات علينا سعوديات ! لا وجيهن تفتح النفس ولا تقديم زي الناس ..ياشيخه والله لو اني وزير ما أخليهم يقدمن ولا حتى طبق اليوم .. مشكورة قمرالهلاليية على المرور وتسلمين .

الهلالي أبوسارة :

ياخوي منيب راد عليك أقلب وجهك بس

ابويارا المغترب :

هلا والله وغلا ومسهلا .. منور أبو يارا ..

إقتباس


	اياد مدني اوسخ منه مافيه...وهو علماني بحت

والله بيني وبينك عجزت أعرف هو وش من لحية .. مرة علماني مرة صوفي مرة بقايا حج <<< وش يبي ذا

أبويارا يا مال العافيه فرحت بشوفة يوزرك وربي .. تسلم لي ياغالي .

الماسة الزرقاء :-

هلا والله بالماسة .. يعلم الله اني احترمك أختي في الله ومنورة الموضوع ومنورة مجلسنا العام ياخوك << ظف وجهك بس !!

إقتباس


	الله يكثر هالأحداث المدوية عشان نشوفك يومياً

يعني قصدك يستلج إياد مدني زيادة ؟

إقتباس


	والله وتغيرت قناة السعودية كلها هذا يصير فيها وإحنا ما ندري

ايه يحق لكم يا عملاء أوربت

إقتباس


	يبدو إن الأحداث هاذي تصير في كل بيت ,, الوالد إذا ما اعجبه شي في عياله قال جاذبينهم خوالهم ,, والأم بس تدافع عن اهلها واخوانها ...

بس خلي عنك .. والله ان كلمة يبدو ذي تعبت معها وانا أقراها .. حبتين يا يبدو ههههههه

مساكين الخوال عندنا في نجد ..اذا طلع ولد الأخت غبي أو مطفوق أو بثر أو شين .. قالوا طالعين عليهم ! انا من هالمنبر أطالب بتكوين لجنة نسميها : لجنة الدفاع عن حقوق الخوال !

8

8

8

بلاك والله رخمة طالعن على خوالك <<< أبوي اللي يتكلم مهوب أنا

الماسة منورة الموضوع لو داري انك بتردين علي كان طاب في إياد من مبطي .. مشكورة وخيتي .

هلالي القرعاء :

هلا والله فيك وفي أهل القرعاء كلهم .. لأجل عين تكرم مدينه وانا أخوك .. منور الموضوع

إقتباس


	والمجلس مجلسك ومتى مابغيت تكتب موضوع تعال هنــا ..

والله ما لي في المجلس الحين .. ممكن أروح أتسدح في المقلط ؟ <<< مااش ماصل ياعيال

إقتباس


	صبح صبح يابو سارهـ ..

هههههههههههههههههههههههههههههههههههههههههههههههههههههههه

ضحكت على هالكلمة لأنها ذكرتني بفيلم بوحه .. اللي مايدري وش بوحه ينتظر عند القناة الأولى ترى يسويها إياد ويعرضه

إقتباس


	والله أنا من تالي صايرن ماأفتح قنوات السعوديه (موليّه) ..

مدري ليش تذكرت مريم الصالح وانا أقرأ هالاقتباس خخخخخخ

إقتباس


	ذكرتن بـ فلم كنا نشوفه على غصب 2 .. وحدهـ تصفر للشرطي وتعطيه ذيك الإشارهـ اللي طارت عيوني معه والله مب تبلي على مدني لكن المشهد هذا مر مرور الكرام

لا خل عنك .. مشهدي اللي ذكرته بالموضوع أقوى من مشهدك .. لا تحاول

إقتباس


	بالمناسبه .. في صورهـ بـ توقيعك كل ماشفته أضحك

قصدك ملك الاستشوار ؟

الله لايخلينا منه قسم بالله رفع رووسنا في ألمانيا .. أحرج الحلاقين الالمانيين بهالاستشوار ووصل لهم رساله مفادها ان العرب يجي منهم ههههههههههههه

يعطيك العافيه على مرورك الممتع وكلامك الذرب وترحيبك اللي يسر الخاطر لا هنت يا اخوي ومشكور ..

قفلة :-

((

)) <<< هذا منهو ؟

هذا سلمكم الله واحد ليبرالي قاعد عند التلفزيون ويصفق مبسوط على اللي قاعد يسويه إياد !

((

)) <<< طيب هذا منهو ؟

هذا الله يلسم لي خششكم واحد مثلي ومثلكم فيه خير ومو عاجبه الوضع اللي حاصل !

أوووكي طيب هذا ((

)) منهو ؟

هذا إياد مدني يوم قرأ ردودكم وتعليقاتكم قام استخف المسيكين هههههههههههه

يالله تشااو أجمعين

أبو راس · #75 07/09/2006, 01:48 PM

يالله حيوه

المهمممممممممممممممم

كله كوم وقمار الخيل يوم الجمعة كوم ثاني

بس كيف افلامهم الأجنبية

يجيبون اشياء زينة ؟

يعني ميل جيبسون، توم كروز، راسيل كرو،

ولا حشف ..

ممكن نطلع له عذر نقول يمكن يبي يرفع الذوق الفني للشعب السعودي

بس ما دام تقول الفيشاوي و الشريف
والأجنبية ابو طاخ طيخ والسلام عليكم

احس ان الدعوة سلق بيض خربان