الشاشه الفضية عندنا تعاني من هشــاشه

فعلاً القنوات عندنا لاتتطور أبداً ممكن أنها تقلد لكن يستحيل أنها تبتـكر!!!

مثلاً في القناة الرياضية مقدم البرنامج !!هو نفسه مذيع الأخبار !!

ينتقلون من طاولة لأخرى لا والمشكله وحنا نشوف

ركاكة في التقديم الجرأة في طرح الرأي معدومة الواسطات على افا من يشيل لدرجة ان اللي يتصلون على نفس البرنامج احيانا يكون ثلاثة ارباعهم من نفس عائلة المخرج أوم المعد أو المسؤل عن الاتصالات الهاتفيه

التطور اللي نطالب فيه مانقصد فيه التخلي عن الذوق العام والأدب التطور اللي نطالب فيه هو التغيير نبغى شي اسمه نقلة ينتشل هالوضع المزري كل شي عندنا مستنسخ من قنوات ثانيه وبطريقه بدائيه افكارنا مانبرمجها لواقع نستنى احد يبداء فيها عشان نتأكد من نجاحها مستحيل احنا نغامر

يعدون على الأصابع من يشاهدون القناة الأولى

الله يعطيك العافية الهلالي أبو سارة

حيـــاك الله ابو ساره ..

للأسف معاك حق بكل الي قلته....

إقتباس الحين لا .. الحين الوضع اختلف .. إياد مدني اكبر من هالاعلانات السطحيه

صار عندهم نسختين من الدعايه مره بحجاب ومره بدون
على بالهم تمويه يمكن

إقتباس أشوفه مكثف البرامج الحوارية النسائيه .. وساحب على محمد خيري والسليمان وعوني كنانه والشباب .. مدري هو بزعمه الحين انه يناصر حقوق المرأة ؟ أو على باله شوفونا ياعالم ترانا تحررنا والمرأة السعودية تقدمت وصارت تطلع كاشفه ! مدري هو عنده خبر أن نصفهن فلسطينيات والنصف الآخر من مصر أو مايدري أبو الشباب..

والي يقهر اكثر يتكلمون باسم السعوديات مصدقين اعمارهم

إقتباس الله يذكر الفارسي بالخير .. كان رجالن أجودي ومنظبط وماله في هالأمور

هذا الي كذا مايمشي حاله هالايام يستاهل:p خخخخخخخخ

إقتباس لكن الفارسي أذكر أنه قصقص الفلم وقطع فيه تقطيعن مهوب صاحي وأختصره من ساعه ونصف إلى 23 دقيقه بس ..

المسلسلات كانت 3 حلقات في 1


مانتمنى تلفزيونا يوصل لهالمستوى زي القنوات الثانيه
لكن ... الله يستر...

ابو سارتن قدس الله سره موجود

يامرحبا يامرحبا



المهم يابو سارة وراك مطول الغيبه .. ولا اعجبك الوضع هناك


اجل اطخم دقرت الظروف بوجهه


كلش يهون عند الكتاب اللي خبري خبرك


الشايب هو ووجه يقول تفسير الكريم المنان




المهم وراي طلعت من الموضوع ...


تعال هالحين وش تعوه كل هالانتقاد لـ الشيخ اياد مدني << اسمه مار علي ... اممممم ايه صح تذكرت مطعم بخاري


ياخي نبي نتطور اماهم يقولون التطور بالحريم والافلام ... وش جايك علينا نبي نساير الركب الحضاري

وبعدين ماسوى شي اياد اللهم كم لقطة رومانسية وكم مشهد فيه × بطل × يعني كلها اشياء خفيفة



لا تصجونن تراني اتسذب ...


اجل اذا هذولي الاشياء اللي عادي .. اجل وش اللي ممنوع !!!


اياد مدني .. كفاك عبثا ً فلا يزال بيننا رجال


المهم يابو سارة لاتطول ... انا حاس انك بترجع من قبل ماتكتب الموضوع اللي بالجمهور الهلالي ... وصدق احساسي



لاتقطعنا يا الغالي


ابو سارة .. سلم لي على ابو فهيد واكمخلي راسه على الطاير

<<< كم مرة قال المهم

<<<<< فاطسه من الضحك

(( بدت المصاله )) !

يازين المصاله بعد اذا صارت منك

البطلة دخلت الحمام أكرمكم الله .. أنا اللي في راسي أن المشهد راح ينقطع .. لكن للأسف أستمر المشهد والكاميرا لحقت الحرمة وسط الحمام وأبو الشباب مدني لحقهم بعد ولا قطع الصورة

منسجم ومتحمس عمنا لا تلومه

"يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه

هههههههههههههه والله ياانت نشبه بعد

المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع

من اللي يتجرأ ويتطاول على كاتب الموضوع

والله كلامك صحيح 100% ,أنا مايقهرني إلا المذيعات المصريات,والله ياهن غثيثات بالحيل بس الحمد لله أنا منذ مبطي مافتحت التلفزيون ..

والله انك فله وقلت لك قبل هالمره أسلوبك يجنننننننننن ..رووووووووعه

لا تحرمنا من ابداعاتك ..الله يعطيك العافيه

تصدقون عاد ؟

واحد من شوي يسألني متى ينعاد الفلم !

متى يعاد ؟ ياخي استغفر ربك بس ؟

عموماً راح يعيدونه بكرة العصر << كل تراب ههههههههه


نعنبو بليسكم ما أمداني أنشر الموضوع الا وناطين لي خمسطعشر واحد ؟ والله ماهوب حب فيني لكن البطلة الشقراء جابتكم على براطمكم واحد واحد هههههه

راجع لكم أيها الشعب الزلابة , أيها الشعب العربي المعوق .. يا أمة ضحكت من جهلها الأمم << أنت أولهم

عموماً لي عودة معكم بعدين لكن الحين بألقط نفسي وعلى المرقد كود أنام ساعتين وألحق الصلاة جزاني الله خير .. وتراني كاتبه في صبحية هالجمعه لسبب وحيد , كنت خايف أكتبه بالليل ويطلع لي مسقط العماني هههههههه


يالله برب ومشكورين جميع ,

^^^^^^^^^^^^^^^^^^^^^

هههههههههههههههههههههههههه

الله يرجك وتوقيعك..

اياد مدني اوسخ منه مافيه...وهو علماني بحت

والا وش الهدف من برنامج سؤال اليوم ولقاء مع الحريم والفتيات وكل وحدة واسمها..!!!!

والحين القناة الرياضية اللي يقدم الأخبار مذيعه..!!!!

الله لايوفقه هالنجس

مشكور ابو سارة يامنسسسسسسسسسسسسسسسم.....

أول شي ياهلا وغلا ومسهلا ..
زاد النور نورًا بـ طلتك ياأبو سارهـ ..
والمجلس مجلسك ومتى مابغيت تكتب موضوع تعال هنــا ..

شف .. منعًا للخبطه .. أنا اللون الأسود وأنت الأزرق .. :p

بسم الله نبـــــدأ ..


صبحهم بالنور والسرور .. الله حيهم كل واحدن باسمه .. واللي ماعنده اسم الله يحييه باسم أخوه (( بدت المصاله )) !


صبح صبح يابو سارهـ ..

والله من زمان عن المجلس العام .. لي عنه فوق السنتين يمكن .. شكل المشرفين يقولون من هالبثر اللي دلّـه على مكاننا من جديد .؟ ..


أول شي .. ليش ماتجي المجلس .. هاهـ <<<مسوي يمون :p
أنا شفــت إسمك من المتواجدين أمس وعلى ماأظن قبل أمس .. قلت أكيد أبو سارهـ عندهـ شي ..
الا تعال .. مب أنت اللي كاتب موضوع عن الإجازهـ اللي كنا ننتظرهـ بـ 16 رمضان ومكرمه ومدري أيش وآخر شي صارت بـ 23 !
تقل أذكر أنك أنت كتبت موضوع عن الإجازهـ الـ(خميس وجمعه) ..
عمومًا اسعدتنا بتواجدك هنـــا .. وإن شاء الله تكون بداية التواصل الدائم بينك وبين المجلس ..


يا إخوان يا أخوات والله اني جاي أحط راسي وأرقد .. مافي راسي نية لكتابة موضوع .. بس الشكوى لله .. فيه حدث مدوي خلاني أقتحم المنتدى عشان اكتب لكم عنه ..

كثر من الإقتحامات الله لا يهينك ..


يا جماعة الخير يالمسلمين يا النشامى .. تلفزيوننا العزيز من تالي مهوب صاحي أبد .. قسم بالله فيه بلاوي قاعده تصير من تالي بس مااحد طق لها خبر مدري ليه ..

والله أنا من تالي صايرن ماأفتح قنوات السعوديه (موليّه) ..
إذا جيت أفتح التلفزيون أبدا من 5 وفوق أو 4 وفوق إذا بغيت أشوف الرياضيه بتاعتنا عندهـ شي ولا لا :p


أذكر في السابق .. كانت الاعلانات التجارية يجيبون حريم متسترات محتشمات شوي قسم بالله ويلبسن دسوس .. ويقعدن يسولفن ويتميصلن ثم تقول وحده لخويتها : ماجربتي المنتج الفلاني ؟ تقول خويتها : لا واللهي ماجربتهوش .. تقوم خويتها تعطيها المنتج اللي يتكلم عنه الاعلان ثم بعدين تجي تشكرها وتقول فعلاً منتج مهوب صاحي فادني كثير وينتهي الاعلان ويا دار مادخلك شر ..

أذكر بعد بالإم بي سي بدون حجاب وبالسعوديه بـ حجاب :p


الحين لا .. الحين الوضع اختلف .. إياد مدني اكبر من هالاعلانات السطحيه

إذا ما طقت الحرمه الجنز .. وفلت الشعر .. وقامت تتدلع وتمشي باالكريم أو الشامبو وتهز عمرها .. مايعتبر هذا إعلان عند أبو مدني


يعني يبي يحاول ينافس الـ mbc وطقته ..!

أنا أذكر أن تلفزيوننا في السابق ينقلون مباراة أوروبية أو كأس عالم .. يقوم المخرج ياخذ فرة على الجمهور الحاضر للمباراة أو يتابع الأمواج اللي يسويها الجمهور.. ومن أول ظهور لمرأة متبرجه تنحاس الشاشه فوق حدر و النقل يتوقف ويحطون صورة ثابته على برج التلفزيون على بالهم منظر .. ثم تسمع محمد خيري يقول بصوت مقتضب : عذراُ للخلل الفني وسنعود لمواصلة البث بعد قليل <<< شكلهم راحوا يطقون المخرج الأوروبي ههههههه





جالس أنا والوالد في جو مفعم بالروحانية الأسرية .. في جو تملأه السكينة والوقار والحنان الأبوي .. وقاعدين نتفرج على القناة الأولى :-


جعله دوم هالإمفعام .. إفمعام .. إمعفام .. عيّـت تطلع الله يصلحه
جعله دوم هاللي أنت قلته .. <<<< ريح نفسك من الأول .. ;)


"يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه



لا تلزّم كثير منعًا للإحـــراج ..


..........

الله يصلحه ولد مدني .. أجل مسوي فيها تطور بـ هالخرابيط ..
ذكرتن بـ فلم كنا نشوفه على غصب 2 ..
وحدهـ تصفر للشرطي وتعطيه ذيك الإشارهـ اللي طارت عيوني معه
والله مب تبلي على مدني لكن المشهد هذا مر مرور الكرام ..
...
الحمد لله أنه جت على ملعقه ماجت على بياله ولا إحدى الأدوات الحادة ..
طيب ياأبو سارهـ عشان ماتشكك أبوك كان حطيت نغمة جوالك (تسنه) أحد يدق عليك ..
بعدين قل والله .. على أي قناة .. طيب طيب مع السلامه وغير القناة ويادار مادخلك شر ..
أنا عارف آن ذاك ماكنت تدري وش تسوي .. :p
أجل الله يحفظه يحسب غصب 2 قناة فرنســـا .. :p
أيه عاد تصدق لا فتح أبوي سيرة خوالي وأستلم واحد منهم حش تنط أمي وترد .. آخر شي تنهي الوالدهـ الحوار بـ (بس ولو) <<<تصريفه نستخدمه كثير عند اللزوم ..


يا عيال منتداي .. والله اني مانيب أدّعي الخير أو أقول اني ما أناظر أفلام .. لكن قسم بالله قوية ان تلفزيون المملكة العربية السعودية اللي ينقل الصلوات الخمس والتراويح والقيام يصير فيه هالتطور السخيف !

للأســف العين ترى والقلب يحزن لما هي ترى ..
لكن العين بصيرهـ واليد قصيرهـ ..


الله يذكر الفارسي بالخير .. كان رجالن أجودي ومنظبط وماله في هالأمور .. أذكر أنه قد جاب فيلم كنت قد شفته على الفيديو وكان فيلم مليء بالمشاهد الساخنه .. لكن الفارسي أذكر أنه قصقص الفلم وقطع فيه تقطيعن مهوب صاحي وأختصره من ساعه ونصف إلى 23 دقيقه بس ..

صح ان القصة أندمرت والبطلة ماشفناها أبد والمشاهد تخش في بعض وصار الفلم غير مترابط وغير مفهوم لكن يحسب للفارسي انه جاب فلم حلو وجديد ولم يخدش الذوق العام الله يذكرك بالخير ياابو فارسي.

هههههههههههههههههه
الله يذكرهـ بالخير ويكثر من أمثاله ..



واحد يقول لي قسم بالله يابو سارة ان في القناة الأولى من فترة جايبين نادية الجندي في فيلم وطالعه بقميص نوم يظهر أكثر مما يخفي ! هههههههههههههههه لعنبو بليسك يا إياد صاقع في باب الوزارة قبل تدخلها ؟ من جد أنواع اللحسة وقاااااضي هالوزير

مدري أحس أن أياد مدني يسمع بالتطور بس مايدري وشو هو .. :p
الله يهديك جايبن بنت الجندي على قنواتنا الموقرهـ ..
ليت من يحذرهـ عشان مانشوفه باتسر جايبن لي يسرا وعادل إمام وفيلم كامل وبدون تقطيع ..



رسالة لأبو مدني :

ترانا نفهم وفينا مثقفين ويجي منا .. مدري من لاعب عليك وقال ان مشاهدينكم دلوخ !! عمر التطوير ماكان بالتعري والتحرر وجيبوا فلانه خلوها تقدم وأفلام مدري وش تبي وتجميع هالساقطين والساقطات ..

أفلام وما أفلام هذي عادية في أي قنوات ثانيه .. لكن قناتنا قوية.. ترانا شعب له خصوصيته أو ماتدري ؟

البرامج الثقافيه في تلفزيونك دمار وقديمه شفناها مليون مرة من يوم اننا صغار.. وينك عنها وعن تطويرها؟ ..
في الرياضه تلفزيونك دمار ومافيه بطولة كبرى نلقتوها لنا ومنتخبنا ماشفناه من سنة ونصف ولا أدري وش قاعد تسوي؟ ! في تلفزيونك أنواع الركاكة في الإخراج والتصوير ولا انت داري ! في تلفزيونك يعك المقدم ويلت ويعجن مليون مرة ولا عنده ثقه في نفسه مثل غيره من المقدمين في القنوات الاخرى..

أعتقد أن كل ماتقدم تطويره أهم وأبدى من مشهد البانيو وأخواته ولاّ إيه يا مقلع



أروح كشنه ياأبو سارهـ على الدرر اللي قلته ..
وياليت تاصل له



رساله للمسؤؤلين (( أقول لاتتحمس واجد ))


والله إن كان الوضع جايز لكم .. فالله يخلف .. وان كان الوضع مايرضيكم فشوفوا لكم صرفة في هالوزير .. أقروا عليه ..عالجوه.. ودوه الصمعاني يتسويه أي شيء .. تراه مهوب جايبها لـ بر ولا تتفاجئون بكرة ان شفتوا في قناتنا راشد الماجد يغني مشكلني هو ودرزن الفرافير اللي معه

أنا مالي دخل


ختاماً .. آسف للإطالة وأدري أن بعض التقدميين ماراح يجوز لهم رأيي وطرحي فلا أقول لهم سوى : والله هذي الساعه المباركة انت وياه<<< حقيير ههههههه

طول ياأبو سارهـ وخذ راحتك ع الآخــر ..
وأعتقد رأيك يبي يعجبنا ويعجبهم رضوا أم أبوا <<<أسمع به بـ قسم الجمهور

المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع

وهو حد يأدر ..!












بس قبل لا أطلع :-

برايفت إلى والدي العزيز :-


أمووت وأعرف ليش ماطقيتني الا يوم أنتهى المشهد ؟ كان بإمكانك تدبغني في منتصفه أو في بدايته لكن مدري وش سالفتك يا أبو عبدالله .. آآآآخ منك يامفتري ههههه



كان منشغل شوي بعدين تفرغ لك :p




أنا اللي أبي أعرفه صدق هـذا وش يبي أحسه جاي غلط بين الكتيبة الزرقاء ..


أبو سارهـ .. أسفرت وأنورت وأمطرت بـ طلتك الـ غييييييير ..

ولا تحرمنا من جديدك ونقدك ومدحك ..

.....

بالمناسبه ..
في صورهـ بـ توقيعك كل ماشفته أضحك ..