يـخـرب بـيـتـك يا إيـاد مـدنـي شـوي شـوي علـيـنـا !! تلفـزيـونـكـم إنهـبـل يا رجـالـه - صفحة رقم 3 - نادي الهلال السعودي - شبكة الزعيم

سهل · #31 01/09/2006, 09:10 PM

هلا بابو سوير بالمجلس

موضوع نأمل ان يصل للمسئولين حتى تعود لنا القناة الاولى كما عهدناها
ليس لدي اضافه فقد شرحت وابدعت بس ودي اعرف
انت طالعن على خوالك والا عمانك

M e T o O o · #32 01/09/2006, 10:15 PM

يا هلا والله با بو ساره

والله انك جبتها يبو ساره .. تلفزيونا هالايام .. مهوب التلفزيون اللي قبل .. ,,

أجل من متى نسمع ان نور الشريف يطلع عندنا

ولا مشهد البانيو ع قولتك

..

انا متأكد ان ابو متعب ما درا عنه < < ليه جالسِ معه

ولا لوه داري كان شفته متشوت ع اقرب رحله :p

اللي ما هضمته شلون كان هو وزير الحج ؟؟ :p

شرفتنا يبو ساره .. ولا تحرمنآ من هـ الطله

..+نَآيِفُ+..

هلالي الروضه · #33 01/09/2006, 10:39 PM

يا مسكين يا اياد مدني والله وطحت وما احد سما عليك

انتم بتدخووون الجنه بس

صدى الامس · #34 02/09/2006, 12:24 AM

هلا ابو سارة .. يالله انك تحييه ..

اقول ماقلت قصيدة جديدة

<< والله يا انت نشبه بعد

يا بعدي تلفزيوننا لازم يواكب التطور ؟؟
والا تبي الناس يقولون عنا اننا متخلفين !!
لازم نشوف البانيو ولازم نشوف القصير وشوي شوي نشوف اللي من غير هدوم

!!

إقتباس


	أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله..

والله يا انت حقنه

الله لا يلوم ابوك

إقتباس


	هنا الوالد ألتفت علي وقد فقد أعصابه وقال :وش هالخنبقة الله يجزر عمر الظالم مانيب قايل عمرك .. وبحركة من حركات الكونغفو حقت الأولين صكني بالملعقة في خشتي ! واستطرد قائلاً : يالخسيس ياالهيس الأربد والله اني داري ان الدش اللي مركبه انت واخوانك يجيب قنوات فرنسا وتكذبون علي تقولون بس يجيب مباريات !

ابو سارة الصدز كانت على اي قمر

؟؟
يعني ترى غصب واحد اللي على الأوروبي تختلف عن اللي في عرب سات

<< ابو مدني متطلم وهو يحاول يصرف

إقتباس


	تدخلت كتيبة المشاة اللي هي أميمتي وقالت وش دخل خاله محمد هااه ؟! خاله محمد عيذه بالله مصلي مسمي مايدوس العيب.. ماجذبه والله الا انت واخوانك ,, الوالد طقته أم الركب وقام يبولع ريقه ..

كل قوي وفيه اللي اقوى منه

إقتباس


	ترانا نفهم وفينا مثقفين ويجي منا .. مدري من لاعب عليك وقال ان مشاهدينكم دلوخ !! عمر التطوير ماكان بالتعري والتحرر وجيبوا فلانه خلوها تقدم وأفلام مدري وش تبي وتجميع هالساقطين والساقطات ..

من اللي يقوله ؟؟
يا ابو سارة التطوير مايصير الا تسذا ؟؟
اجل تبي تتطور وانت ماتجيب هالحركات !! تبي تتطور وانت صاك على الحريم مايقدمون !!
تبي تتطور وانت ماتخلي عندك مذيعات !! تبي تتطور وانت ماتجيب خمخمه وتبويس وحركات !!
تبي تتطور وانت كل شي تسوي له قطع !! وإلخ ...

إقتباس


	أفلام وما أفلام هذي عادية في أي قنوات ثانيه .. لكن قناتنا قوية.. ترانا شعب له خصوصيته أو ماتدري ؟

اي خصوصية مهوب كلنا عيال 9 اشهر

يا بعدي هم مايدرون عن هالخصوصية اللي انت تقول

!!
والا لو دروا تسان ماشفت هالأمور

!!

ابو سارة مهوب ازين لي اكمل

..

إقتباس


	أمووت وأعرف ليش ماطقيتني الا يوم أنتهى المشهد ؟ كان بإمكانك تدبغني في منتصفه أو في بدايته لكن مدري وش سالفتك يا أبو عبدالله .. آآآآخ منك يامفتري ههههه

عشان يوم يطقك وهو على حق

ماوده يظلمك

تحياتي لك ابو سارة ولا تقطعنا انت من اخذت الترقية ;) وانت متغلي علينا

الفارس الحائر · #35 02/09/2006, 01:17 AM

ياهلا ومرحبتين فيك يابو ساره

الصراحة انا لاحظت القناة في الاخير (( خربوها))

شكلهم فاهمين ان تطور القناة باخراج الإغراءات

الله يهديك يابو مدني

وفي الاخير الف شكر لك
على الملاحظة الدقيقة ((والله من الفضاوة يابو ساره ))

الهلالي- ابوسارة · #36 02/09/2006, 02:22 AM

وصلني قبل قليل أن أياد مدني يبث الآن على الهواء فيلم للفنانة : نبيلة عبيد ! دون أي مراعاة للذوق العام وضارباً بمقال أبوسارة عرض الحائط

.. يخرب بيته وش أنا قاعد أكتب من الصبح ؟ يعني المسألة عناد يا إياد ؟ هههههههههههه الله يلعن الشيطان نسيت أشكركم وأقول يعطيكم العافية على مروركم ولي عوده مع كل رد وأشكر الجميع على ترحيبهم ومجاملاتهم الرقيقة ,

سهل يعطيك العافية على الترحيب وش رايك بس فيني وانا أعود إليكم من جديد

هاه ماتحس ان أشباهي تغيرت ؟

برايفت صدى الأمس :

لعنبو بليسك كامخ(ن) لك زقارة قبل ترد

ضاربه فيوزاتك ؟ وش اللي جحدتكم من عقب الترقية ؟ يابو الشباب ترانا في شبكة الزعيم مو فيذاك <<< يسمع بالتمويه

منور صدى منورين الجميع وإن قاله الله لي عوده ,

كنترول الزعيم · #37 02/09/2006, 02:50 AM

إقتباس

الرسالة الأصلية كتبت بواسطة الهلالي- ابوسارة


	وصلني قبل قليل أن أياد مدني يبث الآن على الهواء فيلم للفنانة : نبيلة عبيد ! دون أي مراعاة للذوق العام وضارباً بمقال أبوسارة عرض الحائط .. يخرب بيته وش أنا قاعد أكتب من الصبح ؟ يعني المسألة عناد يا إياد ؟ هههههههههههه

ابوساره وصلك الخبر والا انت مسنتر عند الشاشه

سامي (188) · #38 02/09/2006, 03:18 AM

حيا الله ابو سارة
الظاهر لازم واسطه عشان تكتب لنا وتوسع صدورنا

اما موضوعك اليوم غييييييييييييييييييييير
اكتشفت مو اياد مدني لحاله اللي منسم !!
فيه غيره زاد تنسيمهم

مشكووووووووووور ولا تحرمنا من تنسيمك

<<<< ياحبي لذا الوجه معبررر

تغريد · #39 02/09/2006, 03:19 AM

احس موضوعك هذا سوى دعايه قويه للقنوات السعوديه

الي ماكان يفتحها بيصير يفتحها

الهلالي- ابوسارة · #40 02/09/2006, 03:25 AM

إقتباس

الرسالة الأصلية كتبت بواسطة كنترول الزعيم


	ابوساره وصلك الخبر والا انت مسنتر عند الشاشه

ههههههههههههههههههههههههههههههههههههههههههههه

أقول يا غالي وش رايك في مستوى هلالنا هالموسم ؟ <<< يغير الموضوع يوم أحرجه كنترول

الاماكن كلها مشتاقه · #41 02/09/2006, 03:33 AM

ههههههههههههههههه

اذكرك ايام الثانوي كنت اتابع التلفزوين السعودي بس اللحين ما عاد اشوف

اصلا خربان من هالمدني

وبصراحه الشغله اللحين بتصير عناد بنك وبين مدني راح يكثف من الافلام والذي منه اهئ

يبغى يقهرك

طيب اظن لو تمدحه يبقفل القناو جرب وووشف

مشكور حبيبيبي على المووضع

تحياتي لك

الفيروسه الزرقاء · #42 02/09/2006, 04:04 AM

هلا بـ ابو ساره نور المقلط

..

إقتباس


	والله من زمان عن المجلس العام .. لي عنه فوق السنتين يمكن .. شكل المشرفين يقولون من هالبثر اللي دلّـه على مكاننا من جديد .؟ ..

إلا الله يعافيه اللي دلك ع مكانا الجديد

.. بـ صراحه وصلني مسج من بنت عمو

" صدى بـ يقول صدقتوا يوم قلتلكم ان هـ البنتين يراسلون بعض اذا نزل احد موضوع

"
المهم وصلني وانا جالسه فـ البلكونه

وماجلسنا إلا بعد ماهجدنا هـ البزارين

قمنا نسولف ونضحك ونسترجع الذكريات

، عاد جاء هـ المسج وقطع الجو

، جلست افكر ياربية وش منزل موضوع تعرف الفضول لاعب فيني لعب

، سالتها وردت ع بـ رد بااااارد

" توني مادخلت موضوعه

" .. انقسم عقلي قسمين

قسم مع السواليف وقسم وشو موضوعك

.
بعدين دريت وشو موضوعك عقب ماتعب عقلي

---> مانامت الا وهي عارفه وشو موضوعك

وافكورس اتصلت بـ الغلا وقالت لي موضوعك

ادري بـ تقولي فضولية عاد انت تعرف طبعي زين

ملقوفه نمبر تو

.. عاد منهو ينافسني الله أعلم

!

إقتباس


	يا إخوان يا أخوات والله اني جاي أحط راسي وأرقد .. مافي راسي نية لكتابة موضوع .. بس الشكوى لله .. فيه حدث مدوي خلاني أقتحم المنتدى عشان اكتب لكم عنه ..

وانا جايه بـ حط راسي وبـ رقد

... مافي راسي نية لـ كتابة ردود

... بس الشكوى لله .. اضطريت اكتب هـ الرد لاني شفت موضوع بوساره وقلت جاي من الجمهور علشان يفضفض

لأ لأ لازم أرد عليه

.

إقتباس


	يا جماعة الخير يالمسلمين يا النشامى .. تلفزيوننا العزيز من تالي مهوب صاحي أبد .. قسم بالله فيه بلاوي قاعده تصير من تالي بس مااحد طق لها خبر مدري ليه ..

تدري والله القناة السعودية مـ افكر اشوفها

ولا يجي اصلاً عـ بالي اشوفها

دامها خربت خل نشوف وش سوى ولد مدني ، شكله مسوي بلااااوي

.

إقتباس


	أذكر في السابق .. كانت الاعلانات التجارية يجيبون حريم متسترات محتشمات شوي قسم بالله ويلبسن دسوس .. ويقعدن يسولفن ويتميصلن ثم تقول وحده لخويتها : ماجربتي المنتج الفلاني ؟ تقول خويتها : لا واللهي ماجربتهوش .. تقوم خويتها تعطيها المنتج اللي يتكلم عنه الاعلان ثم بعدين تجي تشكرها وتقول فعلاً منتج مهوب صاحي فادني كثير وينتهي الاعلان ويا دار مادخلك شر ..

لووووووووووووووووووووووووووو

وووووووووووووووووووووووووووووووووووووووووول

حلوووووووووووووه منتج مهوب صاحي فادني كثير

لووووووووووووووووووووووووووووو

وووووووووووووووووووووووووووووووووووووووول

إقتباس


	"يبه أصب لك شاهي ؟ .. لا وانا ابوك توني متقهوي عند واحد .. لا يبه خلني أصب لك بياله على شاني ..بس ياولدي مالي فيه الحين والله .. ! وش اللي مالك فيه لا والله ان تشرب من يدي الجدا تراها بياله.. لعنتن تلعنك وانا أبوك وراك حقنه أقول لك ماأبي شي !"<<< طاح وجهه

الله من النشبه

يـ أخي قالك من البداية متقهوي

وشوله تحّن فوق رأسه وتلزم عليه

، أحسن اللي جاك

ولو أني منه بـ اقولك صب يـ وليدي وإذا صبيت بكب البيالة عليك

.. تخيل بس ابوك يسويها
فللللللللللللللله وقااا انه بيدخل مزاجي

وبـ وصيك تسلمني عليه اخذ حقي منك

.

إقتباس


	البطلة ممثلة شقراء كل الزين فيها

ايه ايه انتم تمدحون بـ الممثلات وانا إذا مدحت بـ البطل وابديت بس اعجابي فيه

قمتوا ع وشوي تضربوني

وانتم حلال تمدحون

، ماقلت لنا هـ الزينه وش اسمها

!

إقتباس


	مرة بنطلون مرة برمودا مرة تنورة قصيرة وانا مازلت صامد

بوساره مالاحظت شي

!
قلت كل أشكال الملابس عندهم

! وش تبي اجل بطله تلبس لك تنوره طويلة ! والله ماقد خبرت حتى لو ماهيب بطله ! يمكن تلاقي بطله لابسه لك ساري

بس ذي هندية موب امريكية

!

إقتباس


	موقفي الأن ضعيف لو غيرت القناة راح يشك الوالد إني ألعب عليه وان هالقناة مهيب مظبوطة وعلى باله قافطني .. خليت الأمور وانا أرجي خير واقول ماراح يطول المشهد أكثر ..

قل وقاا

أه بس عن النصب يـ بوساره قال أيش قال علشان الوالد لا يشك إلا مبسوط ع هـ المشهد وفـ نفسك تقول الله يـ أخذه هـ التلفزيون إن قطع هـ اللقطة

..

إقتباس


	وما طلعه المخرج بس الرجال اللي قاعد يكلمها أكيد يشوف !!

تبي باااااااعاااااااد المخرج يطلعها

!
وبعدين وش لك بـ اللي جالس يكلمها

، هو وياها يصلحون

كفار فـ كفار وش لك فيهم

و بعدين هذا ماراده المخرج

يعني كل ابو المصورين ع المخرج ع المؤلف مستانسين

.

إقتباس


	وش هالخنبقة الله يجزر عمر الظالم مانيب قايل عمرك ..

ظهرت هنا محبة الأب الحنون ع ولده الصغير

----->> وش تبي هـ البنت

!

إقتباس


	وبحركة من حركات الكونغفو حقت الأولين صكني بالملعقة في خشتي !

لوووووووووووووووووووووو

ووووووووووووووووووووووو

ووووووووووووووووووووول

ياحليله والله شايبكم

حلوووه الكونغفو

مووب هين ابوك

إقتباس


	تدخلت كتيبة المشاة اللي هي أميمتي وقالت وش دخل خاله محمد هااه ؟! خاله محمد عيذه بالله مصلي مسمي مايدوس العيب.. ماجذبه والله الا انت واخوانك ,, الوالد طقته أم الركب وقام يبولع ريقه ..

لووووووووووووووووووووووو

وووووووووووووووووووووووووووووووووول

ياحبيلها أمك

... ع طول ردتها له وجابت طاري اخوانه

سجلت هدف يهبببببببل

.

إقتباس


	المهم يوم شفتها قبست بين الوالد والوالده وانا اللي أحط رجلي وأطلع غرفتي وأجلس اكتب لكم هالموضوع ..

اغتنمت الفرصه

لو اني منك ماأطلع

اجلس اشوف أخرت هـ الطقاق ، بيطلعون فضايح بعض

ونستفيد فـ تصيدها

.

إقتباس


	لكن الفارسي أذكر أنه قصقص الفلم وقطع فيه تقطيعن مهوب صاحي وأختصره من ساعه ونصف إلى 23 دقيقه بس ..

زمن أول ولى

.

إقتباس


	عمر التطوير ماكان بالتعري والتحرر وجيبوا فلانه خلوها تقدم وأفلام مدري وش تبي وتجميع هالساقطين والساقطات .. أفلام وما أفلام هذي عادية في أي قنوات ثانيه .. لكن قناتنا قوية.. ترانا شعب له خصوصيته أو ماتدري ؟ البرامج الثقافيه في تلفزيونك دمار وقديمه شفناها مليون مرة من يوم اننا صغار.. وينك عنها وعن تطويرها؟ .. في الرياضه تلفزيونك دمار ومافيه بطولة كبرى نلقتوها لنا ومنتخبنا ماشفناه من سنة ونصف ولا أدري وش قاعد تسوي؟ ! في تلفزيونك أنواع الركاكة في الإخراج والتصوير ولا انت داري ! في تلفزيونك يعك المقدم ويلت ويعجن مليون مرة ولا عنده ثقه في نفسه مثل غيره من المقدمين في القنوات الاخرى..

صح لسانك

إقتباس


	رساله للمسؤؤلين (( أقول لاتتحمس واجد ))

ترى الحماس الزايد شييييييييييين

إقتباس


	المووضووع للنقاش وتجاذب الآراء ويمنع منعاً باتاً التطاول على المسؤؤلين وأولهم كاتب المووضوع

بوساره

خير إن شاء الله وش هـ الموضوع

وش فيها إذا حطوا افلام

! خلهم يتطورون ويجذبون المشاهدين

خلهم بـ كيفهم
وش عليك من إياد يصلح اللي يبي

لقافه فيك

صاجنا فـ ولد مدني

امزح

بس حبيت اجرب شوي اسبك والعب فـ اعصابك

.

إقتباس


	وكان معكم الناقد الفضائي أبو سارتن الهلالي وإلى اللقاء مع حكاية نقد جديدة وكشف حساب وزير آخر (( حطوا رجلينكم جاب العيد ))

اريجاتو بوساره ع هيك موضوع الخفيف ، طرحت لنا المشكله بـ اسلوبك المميز

، كرر هـ الزيارة ;) .

إقتباس


	أمووت وأعرف ليش ماطقيتني الا يوم أنتهى المشهد ؟ كان بإمكانك تدبغني في منتصفه أو في بدايته لكن مدري وش سالفتك يا أبو عبدالله .. آآآآخ منك يامفتري ههههه

اقولك ليه

لان شاف الوالدة الحبيبة بدت تعصب

فـ خوفاً ع مشاعرها قام طقك

.

الفيروسه الزرقاء

موج الخليج الأزرق · #43 02/09/2006, 04:11 AM

والله انك من أفضل الكتاب
وقناتنا فيها أكثر
الحريم أكثر من الرجال

هلاليه سنعه · #44 02/09/2006, 04:32 AM

هههههههههههههههههه
له فتره وهوو منفره تلفزيووننا .. اما الحريم اللي يطلعن بالدعايات
انا اوول استغرب ليش تلبس حجاب بالدعايه وفي المسلسل تطلع كاشفه الشعر ..؟؟ وش الحكمه ؟؟
الله يرحم ايام حسن كراني ماعاد فيه مع احلى الاماني

يعطيك العافيه اخوووي ابو ساره على الاسلووب الممتع والرائع ..
دمت بخير ..,,

عريب عبدالله · #45 02/09/2006, 06:13 AM

تسلم أبو ساره على هالكلام الرائع

ما انهبل التلفزيون الا بعد ما حطوا وزير الحج

هذا اللي فاقع قلبي أنه كان وزير الحج

بالحب والإشراق