#1  
قديم 21/05/2006, 06:55 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
كيف تجعل من نفسك نكته ؟ .. مفيد للجسم

السلام عليكم ورحمة الله وبركاته ...



ها هو الفارس المغوار الذي احببتوه صغارن وكبار يعود اليكم من جديد ليسجل اهدافن في المرمى لا يخشى الملعب..
8
8
8
مايحتاج تجيبون له مطوّع يقرأ عليه أبد



الكابتن ابو ساري يعود وهو بكامل قواة العقلية وكامل صحته وكامل الموسى <=== ماله دخل


مما لا شك فيه ومعروف لدى علماء النفس بمصطلح انقليزي ماعرفه أنا بصراحة أن الانسان أوقات الفراغ يتلجيء الى

عمل أمور سيئة للغاية ... وقبل لاحد يفهمن غلط سوف أضرب مثال ... وهو اطلاق الشائعات


ولربما جلست انت ونفسك وأهلك وشغالتكم ومجموعة من الاصدقاء وتسائلت ... وين ابوساري هالمدة ؟؟

طبعا أكيد كل واحد من أهلك وأصدقائك واللي قلت عليهم قالك توقع شخصي .. بس مايعني بالضرورة انه صح

اللي يقول لك بعد الأسهم جته حالة نفسية وانهيار عصبي مع العلم اني اسمع بالاسم ماشفتها على الطبيعة <== فاهم غلط

واللي يقول ابوساري صار مغرور ومتكبر وهذا استغفر الله استغفر الله ماصار ولا بيصير

واللي يقول ابوساري كذا وكذا <== متعلم كلمة كذا وكذا من شايب


خلونا من موضوع ابو ساري أدري ولهانين علي وتبون تسمعون عني اشياء كثير بس لاحقين الوقت قدامنا كثير

خلونا الحين بالموضوع اللي أبيكم فيه ..


ندخل في صلب الموضوع .... ورجاءن اللي ماله سنع بكرة القدم يطلع منها


سمعنا كل أبونا يالهلاليين أخبار تدور حول تجديد عقود ورحيل لاعبين ...

وكلنا تحمسنا مع هالأمور ... نبي نواف نبي كماتشو اطردوا فلان ( اللي هو المفرج بس مسوي ألمّح ) وجيبوا فلان ..

ولاعب عالمي بيجي الفريق وتقوطر سعابيلنا نبي نعرف منهو وبالأخير بيطلع مثل البرازيل بكاس العالم 62 ق . م ...

ونبي نسوي ونبي نفعل ... وكذا وكذا



هل فكرت عزيزي الهلالي أن هالأخبار 80% وهمي وغير صحيح بس تصرف عليك وقت وعاطفة واحاسيس


ولو فرضنا مثلا مثلا لاقدر الله .. كماتشو ماجدد ونواف راح للسد أو الاتحاد ... فرضا فرضا ...

هل بيوقف الهلال على لاعب .. باع حب الجماهير له .. باع فضل النادي في بروزه .. ؟

الهلال أبدا ودائما هو من يصنع نجومية اللاعبين ويظهر قدراتهم ...

أقرب مثال فهد الشمري وكامل الموسى ...

ياجماعة الخير تفاعلكم مع أخبار الانتقال والاشاعات اللي تصير تربك اللاعبين أولا وتربكنا كجماهير ثانيا ..

الهلال مقبل على موسم جديد .. نبي نبدأ فيه وعيوننا على اللقب الكبير ...

اتركوا للي يروح بسلامته ... التمياط و كماتشو الهلال من طلعهم وخلاهم نجوم ...

اذا أحد بينكر فضل الهلال عليه ويجحده بانتقال لتأمين مستقبله اتوقع ما يحتاج نتحسف عليه ..

أولا بالنسبة لكماتشو ..

لاعب جاي من الدرجة الثانية في البرازيل اذا هو موب فريق حواري ...

لاعب موهوب وانا احبه ... لكن لو نظرنا من طلعه وأبرزه .. بنلاقي الهلال من تكفل بتسليط الأضواء عليه ...


بالنسبة للتمياط ...

لاعب اصيب مرتين .. والهلال عالجه على حساب النادي . ومشى له راتب مثله مثل غيره ...

أتوقع اجحاف بحق الهلال اذا انتقل .. ونكران للجميل ...

يعني اذا بيقول انه بيأمن مستقبله ... أتوقع الهلال يوم يعالجه ويصبر عليه كان قصده يأمن مستقبل النادي ...



واللي بيروح يروح اللي يساعده ...


وأنا أتوقع إنها إشاعات فقط ... وياليت اننا مانكبرها ... واذا هو صدق الله يساعدهم

خلوا تركيزنا بالمطالبة بلاعبين ... بالمطالبة باعداد جيد للفريق ..

خلوا تركيزنا بالاشادة بلاعبي الموسم اللي راح للي قدموا مستويات جيدة .. واللي ماقدم نطالبه بالتركيز هالسنة ...

خلونا نركز على الخلل اللي بالفريق ووش اللي صار في نهاية الموسم ...




وأخيرا ...

بالنسبة لكيف تجعل من نفسك نكته ..؟


فحاول تشرب ماء كثير عشان يصير دمك خفيف <=== موب سامج أبد

والله فيه اشياء كثيرة تخليك نكته .. جرب تحلّق موس وتلبس سروال أخضر طويل وشف شكلك




نشوفكم على خير في موضوع قادم ... ومفاجأة كبيرة راح أقولها لكم <=== اللي بيصدقونك عاد

ولا حد يزعل مني .. تراني هلالي وابوي قد سلم على يوسف الثنيان

تحياتي القلبية لكم ... اللي يحبكم كثير .. أبوساري
اضافة رد مع اقتباس
  #2  
قديم 21/05/2006, 07:05 PM
موقوف
تاريخ التسجيل: 01/09/2005
مشاركات: 541
كامل العافية وكامل الموسى خخخخخخ

بس اخوي لاتكثر من الضحك بعدين والله يصير مالك قيمة بالمنتدى حقيقة والله اقلك بأمانة شكلك سخييييف
هذا ن اول مرة اشوفك تكتب موضوع بالنسبالي لانك تزود من النكات الي ماتضحك

كدا تصير محظ حش يعني يحشوا فيك ويقول سخيف وابله بكلمك بكل صراحة مع احترامي لك اخوي

لاتزودها بعدين يكتبوا بدال زعيم نشيط يكتبوا زعيم يحسب نفسه يضحك او عضو سخيف
خلاص اخوي لاتحسب انه دمك خفيف والله خرطي
اضافة رد مع اقتباس
  #3  
قديم 21/05/2006, 07:06 PM
موقوف
تاريخ التسجيل: 01/09/2005
مشاركات: 541
الحقيقة أنا مقرأت موضوعك ولا عد بقرأ مواضيعك اذا تبدأها بالسخافة هذي

سلام
اضافة رد مع اقتباس
  #4  
قديم 21/05/2006, 07:12 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,057
إقتباس
الرسالة الأصلية كتبت بواسطة the legend killer
كامل العافية وكامل الموسى خخخخخخ

بس اخوي لاتكثر من الضحك بعدين والله يصير مالك قيمة بالمنتدى حقيقة والله اقلك بأمانة شكلك سخييييف
هذا ن اول مرة اشوفك تكتب موضوع بالنسبالي لانك تزود من النكات الي ماتضحك

كدا تصير محظ حش يعني يحشوا فيك ويقول سخيف وابله بكلمك بكل صراحة مع احترامي لك اخوي

لاتزودها بعدين يكتبوا بدال زعيم نشيط يكتبوا زعيم يحسب نفسه يضحك او عضو سخيف
خلاص اخوي لاتحسب انه دمك خفيف والله خرطي

ههههههههههه

أبوساري.... شوف هذا الأخ اللي فوق شكله طبق كلامك وسى نفسه مسخرة مو نكتة بس

ماعليك منه..... لب موضوعك حلو بغض النظر عن النكت وغيرها..... المهم اننا فهمنا مقصودك

والله يعطيك العافية
اضافة رد مع اقتباس
  #5  
قديم 21/05/2006, 07:18 PM
زعيــم فعــال
تاريخ التسجيل: 20/12/2004
مشاركات: 306
ههههههههههههههههههههه

الله يرجك
اضافة رد مع اقتباس
  #6  
قديم 21/05/2006, 07:25 PM
زعيــم فعــال
تاريخ التسجيل: 29/01/2006
مشاركات: 373
اهلا بك اخى مجددا
اضافة رد مع اقتباس
  #7  
قديم 21/05/2006, 07:30 PM
زعيــم مميــز
تاريخ التسجيل: 11/10/2004
المكان: الريــ ( حيث الزحمة ) ـــاض
مشاركات: 7,051
كلامك صحيح


إقتباس
ولا حد يزعل مني .. تراني هلالي وابوي قد سلم على يوسف الثنيان

هههههههههههههههههه خخخخخخخخخخخخخخ
اضافة رد مع اقتباس
  #8  
قديم 21/05/2006, 08:31 PM
زعيــم متواصــل
تاريخ التسجيل: 05/12/2002
مشاركات: 103
هلا والله أخوي أبو ساري ومشكوور على موضوعك الجميل

بالنسبه للأخ the legend ياخي ما عجبك الموضوع أو ماعجبك صاحب الموضوع لاترد وفكنا من تعليقك وخل رأيك لنفسك أذا كان فيه أساءه لأي شخص وأتمنى اني ما أشوف مثل هالردود في منتدانا الغالي
اضافة رد مع اقتباس
  #9  
قديم 21/05/2006, 08:44 PM
زعيــم مميــز
تاريخ التسجيل: 16/10/2005
مشاركات: 15,366
ابو ساري لحست مخي حر11م عليك ياخي
اضافة رد مع اقتباس
  #10  
قديم 21/05/2006, 09:05 PM
زعيــم فعــال
تاريخ التسجيل: 01/09/2005
المكان: الرياض
مشاركات: 432
إقتباس
هل فكرت عزيزي الهلالي أن هالأخبار 80% وهمي وغير صحيح بس تصرف عليك وقت وعاطفة واحاسيس

الله يرجك ياشيخ .. بس تدري اثرت فيني هالجمله حيل

وتدري ماعليك منذا اللي مدري وش اسمه يوم قال عليك ذاك الشي
اسفهه يارجال ولا عليك منه

بالعكس وصلت اللي تبيه باسلوب رهيب (تغيير جو)
اضافة رد مع اقتباس
  #11  
قديم 21/05/2006, 09:47 PM
الصورة الرمزية الخاصة بـ الشبل الازرق
زعيــم متألــق
تاريخ التسجيل: 13/02/2002
المكان: الرياض
مشاركات: 1,104
ههههههههههههههههههههه

الله يرجك
اضافة رد مع اقتباس
  #12  
قديم 21/05/2006, 10:08 PM
الصورة الرمزية الخاصة بـ " MOHAMMED "
مشرف سابق في منتدى الكمبيوتر والإنترنت
تاريخ التسجيل: 07/07/2005
المكان: ..[ زمـن بـلا هويّــه ]..
مشاركات: 3,493
هـلا والله بـ أبـو ســاري

::
:
::


منـور . يـاخي من كثـر شـوقنـا لك نسينـاك << مـاهي راكبه صح


يـاهلا يـاهلا المهلـّي مـايولـّي

أبيـك بكـرا تسيـّـر علينـا ببيـت الشعـر أبـي آشـب لك << متـأثـر بشبـات بـعـد صـلاة الفجـر

بــس تـرى مـاقلت لنـا وينك المده هـذي كله ؟

يـاليـت بتجـاوبنـا إزا بتريـد



أخـوك / هِلالي
اضافة رد مع اقتباس
  #13  
قديم 21/05/2006, 10:32 PM
زعيــم فعــال
تاريخ التسجيل: 14/01/2006
مشاركات: 370
ما عليك منهم يا ابو ساري بس هم ثقيلين دم شوي عشان كذا ماعجبهم موضوعك

[email protected]
اضافة رد مع اقتباس
  #14  
قديم 21/05/2006, 10:34 PM
زعيــم فعــال
تاريخ التسجيل: 14/01/2006
مشاركات: 370
بس حلوة كامل الموسى خخخخخخخخخخخخخخخخ
اضافة رد مع اقتباس
  #15  
قديم 21/05/2006, 10:35 PM
زعيــم فعــال
تاريخ التسجيل: 14/01/2006
مشاركات: 370
بس ياخي اخاف يروح نواف التمياط
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:02 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube