|
كيف تجعل من نفسك نكته ؟ .. مفيد للجسم السلام عليكم ورحمة الله وبركاته ... ها هو الفارس المغوار الذي احببتوه صغارن وكبار يعود اليكم من جديد ليسجل اهدافن في المرمى لا يخشى الملعب.. :d 8 8 8 مايحتاج تجيبون له مطوّع يقرأ عليه أبد :d الكابتن ابو ساري يعود وهو بكامل قواة العقلية وكامل صحته وكامل الموسى <=== ماله دخل :d مما لا شك فيه ومعروف لدى علماء النفس بمصطلح انقليزي ماعرفه أنا بصراحة :d أن الانسان أوقات الفراغ يتلجيء الى عمل أمور سيئة للغاية :d ... وقبل لاحد يفهمن غلط سوف أضرب مثال ... وهو اطلاق الشائعات :d ولربما جلست انت ونفسك وأهلك وشغالتكم ومجموعة من الاصدقاء وتسائلت ... وين ابوساري هالمدة ؟؟ طبعا أكيد كل واحد من أهلك وأصدقائك واللي قلت عليهم قالك توقع شخصي .. بس مايعني بالضرورة انه صح :d اللي يقول لك بعد الأسهم جته حالة نفسية وانهيار عصبي مع العلم اني اسمع بالاسم ماشفتها على الطبيعة <== فاهم غلط :d واللي يقول ابوساري صار مغرور ومتكبر وهذا استغفر الله استغفر الله ماصار ولا بيصير :d واللي يقول ابوساري كذا وكذا <== متعلم كلمة كذا وكذا من شايب :d خلونا من موضوع ابو ساري أدري ولهانين علي وتبون تسمعون عني اشياء كثير بس لاحقين الوقت قدامنا كثير :d :d خلونا الحين بالموضوع اللي أبيكم فيه .. :yes: ندخل في صلب الموضوع .... ورجاءن اللي ماله سنع بكرة القدم يطلع منها :d سمعنا كل أبونا يالهلاليين أخبار تدور حول تجديد عقود ورحيل لاعبين ... وكلنا تحمسنا مع هالأمور ... نبي نواف نبي كماتشو اطردوا فلان ( اللي هو المفرج بس مسوي ألمّح :d ) وجيبوا فلان .. ولاعب عالمي بيجي الفريق وتقوطر سعابيلنا نبي نعرف منهو وبالأخير بيطلع مثل البرازيل بكاس العالم 62 ق . م ... :d ونبي نسوي ونبي نفعل ... وكذا وكذا :d :d هل فكرت عزيزي الهلالي أن هالأخبار 80% وهمي وغير صحيح بس تصرف عليك وقت وعاطفة واحاسيس :d :d ولو فرضنا مثلا مثلا لاقدر الله .. كماتشو ماجدد ونواف راح للسد أو الاتحاد ... فرضا فرضا ... هل بيوقف الهلال على لاعب .. باع حب الجماهير له .. باع فضل النادي في بروزه .. ؟ الهلال أبدا ودائما هو من يصنع نجومية اللاعبين ويظهر قدراتهم ... أقرب مثال فهد الشمري وكامل الموسى ... ياجماعة الخير تفاعلكم مع أخبار الانتقال والاشاعات اللي تصير تربك اللاعبين أولا وتربكنا كجماهير ثانيا .. الهلال مقبل على موسم جديد .. نبي نبدأ فيه وعيوننا على اللقب الكبير ... اتركوا للي يروح بسلامته ... التمياط و كماتشو الهلال من طلعهم وخلاهم نجوم ... اذا أحد بينكر فضل الهلال عليه ويجحده بانتقال لتأمين مستقبله اتوقع ما يحتاج نتحسف عليه .. أولا بالنسبة لكماتشو .. لاعب جاي من الدرجة الثانية في البرازيل اذا هو موب فريق حواري ... :d لاعب موهوب وانا احبه ... لكن لو نظرنا من طلعه وأبرزه .. بنلاقي الهلال من تكفل بتسليط الأضواء عليه ... بالنسبة للتمياط ... لاعب اصيب مرتين .. والهلال عالجه على حساب النادي . ومشى له راتب مثله مثل غيره ... أتوقع اجحاف بحق الهلال اذا انتقل .. ونكران للجميل ... يعني اذا بيقول انه بيأمن مستقبله ... أتوقع الهلال يوم يعالجه ويصبر عليه كان قصده يأمن مستقبل النادي ... :) واللي بيروح يروح اللي يساعده ... وأنا أتوقع إنها إشاعات فقط ... وياليت اننا مانكبرها ... واذا هو صدق الله يساعدهم :yes: خلوا تركيزنا بالمطالبة بلاعبين ... بالمطالبة باعداد جيد للفريق .. خلوا تركيزنا بالاشادة بلاعبي الموسم اللي راح للي قدموا مستويات جيدة .. واللي ماقدم نطالبه بالتركيز هالسنة ... خلونا نركز على الخلل اللي بالفريق ووش اللي صار في نهاية الموسم ... وأخيرا ... بالنسبة لكيف تجعل من نفسك نكته ..؟ فحاول تشرب ماء كثير عشان يصير دمك خفيف <=== موب سامج أبد :d :d :d والله فيه اشياء كثيرة تخليك نكته .. جرب تحلّق موس وتلبس سروال أخضر طويل وشف شكلك :d :d نشوفكم على خير في موضوع قادم ... ومفاجأة كبيرة راح أقولها لكم <=== اللي بيصدقونك عاد :d ولا حد يزعل مني .. تراني هلالي وابوي قد سلم على يوسف الثنيان :d :d :d :d تحياتي القلبية لكم ... اللي يحبكم كثير .. أبوساري |
كامل العافية وكامل الموسى خخخخخخ بس اخوي لاتكثر من الضحك بعدين والله يصير مالك قيمة بالمنتدى حقيقة والله اقلك بأمانة شكلك سخييييف هذا ن اول مرة اشوفك تكتب موضوع بالنسبالي لانك تزود من النكات الي ماتضحك كدا تصير محظ حش يعني يحشوا فيك ويقول سخيف وابله بكلمك بكل صراحة مع احترامي لك اخوي لاتزودها بعدين يكتبوا بدال زعيم نشيط يكتبوا زعيم يحسب نفسه يضحك او عضو سخيف خلاص اخوي لاتحسب انه دمك خفيف والله خرطي |
الحقيقة أنا مقرأت موضوعك ولا عد بقرأ مواضيعك اذا تبدأها بالسخافة هذي سلام |
إقتباس:
أبوساري.... شوف هذا الأخ اللي فوق شكله طبق كلامك وسى نفسه مسخرة مو نكتة بس:D ماعليك منه..... لب موضوعك حلو بغض النظر عن النكت وغيرها..... المهم اننا فهمنا مقصودك والله يعطيك العافيةs13s |
ههههههههههههههههههههه الله يرجك |
اهلا بك اخى مجددا |
كلامك صحيح إقتباس:
|
هلا والله أخوي أبو ساري ومشكوور على موضوعك الجميل بالنسبه للأخ the legend ياخي ما عجبك الموضوع أو ماعجبك صاحب الموضوع لاترد وفكنا من تعليقك وخل رأيك لنفسك أذا كان فيه أساءه لأي شخص وأتمنى اني ما أشوف مثل هالردود في منتدانا الغالي |
ابو ساري لحست مخي حر11م عليك ياخي :D |
إقتباس:
وتدري ماعليك منذا اللي مدري وش اسمه يوم قال عليك ذاك الشي اسفهه يارجال ولا عليك منه بالعكس وصلت اللي تبيه باسلوب رهيب (تغيير جو) |
ههههههههههههههههههههه الله يرجك |
هـلا والله بـ أبـو ســاري s2s :: : :: منـور . يـاخي من كثـر شـوقنـا لك نسينـاك << مـاهي راكبه صح :D يـاهلا يـاهلا المهلـّي مـايولـّي :) أبيـك بكـرا تسيـّـر علينـا ببيـت الشعـر أبـي آشـب لك << متـأثـر بشبـات بـعـد صـلاة الفجـر :D بــس تـرى مـاقلت لنـا وينك المده هـذي كله ؟ :confused: يـاليـت بتجـاوبنـا إزا بتريـد s104s أخـوك / هِلالي |
|
بس حلوة كامل الموسى خخخخخخخخخخخخخخخخ |
بس ياخي اخاف يروح نواف التمياط |
| الوقت المعتمد في المنتدى بتوقيت جرينتش +3.
الوقت الان » 06:08 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd