حسبي الله ونعم الوكيل
والله يكفينا الشر

إقتباس الرسالة الأصلية كتبت بواسطة هـلالـي للنخاع الله يعوووضك خير إن شاء الله انت وكل من حصل له نفس الشي والله اني كنت افكر اوقف سيارتي بالحي اللي مقابل للاستاد بس قلت لا اوقف على طريق جابر والحمد لله جيت اركض لسيارتي بعد ما شفت الهوايل بطريقي للسياره بس الحمد لله ما صار شي والله يشل يد كل من فعل هالافعال اخووي انا اعترف انه انا اللي رميت القنبله وربي ما كنت قاصد اذي ياسر :sad: بس فكرت مع تحيه اللاعبين لنا تنفجر بس راحت على ياسر وكنت بالمدرج العلوي واللي كانو عندي عارفين اني ما كنت قاصد حتى من ردة فعلي بس الحمد لله ما صار بياسر شي ولعلمكم اقسم بالله اني جاي من الجبيل 400 كيلو ورجعت بعد المباراه ولعيوون الزعيم وابو سلطان تهوون والحمد لله رجعت وانا راضي ومستانس

الله يرجك يا هلالي للنخاع
بغيت تحرم الرجال من المباراة
وتحرمنا من فنه بس الله ستر



عالعموم الله يعوظكم جميعا في سياراتكم وعلى قول المثل حديد في حديد

اللــه يعوضك إن شاء اللــه .. والحمد للــه على سلامتك

الله يعوضك خيييييييييير

والله ينتقم منهم إلى سوو كذا

والله من جد شى يخلى الواحد ما يحضر للملعب

والجحلط هذولا تقووول انهم ماهم برجال امن

<<<<<<<مقهور وربي مقهور

أموووت واعرف ليه يسون كذه وش فايدتهم

^
^
^

ياحبيلك بس اجل مستحيل يتعرضون لااحد وانت ماتعرضت لهم .. على نياتك انت ياخوي

هالاشكال والله ماهمها ... تطب عليك سواء كنت محترم والا داااج ..

يابعدهم .. هذولي شلل جالسة تخرب وحنا نسكت .. ليه الدعوة مهزله .

ياعزيزي انا ماطلبت انه محمد بن فيصل يتدخل .. انا كل اللي بقوله .. لما يكون الحضور في المباريات القادمه قليل .. لايجون ويلومون الجمهور .. المفروض يلومون الامن اللي مايعرفون يحمون الجمهور من هالشلل

كل أمين وانا اخوك .. جعل ربي مايبلااك فيهم

يعلم الله اني كنا في السيارة وفي حالنا ..

على العمووم .. انت مو مجبور انك تصدق .. لكن انا حبيت ابرر موقفي ..

وكل الشكر للي ردوا .. والله لايريكم مكروه

تحياتي

والله اني حاس بقهرك ,, والحمدلله على سلامتك وسلامة
من كان معك ..

لكن الي ابغى اعرفه ليش يسوون كذا ذالحثاله ,, ياخي واحد يمشي مع
اخوياه ليه تعتدون عليه ؟؟؟ والله شي يقهر ,, فعلاً في ناس عايشين مثل
الحيوانات او اردى ,, الله يهديهم او ياخذهم

وبالنسبه للعسكر ورجال الأمن ,, فهم شاطرين يحكون كروشهم ويستهبلون على
الجمهور الحاضر ,, أما مسألة انهم يأدون واجبهم بضمير ,, فقليل والله منهم الي
يسويها ..!! واتمنى ان يفتح تحقيق ,, ويبحثون عن الفاعلين ,, ويعاقبونهم اقصى
عقاب ,, لأنهم حيوانات همجيه

إقتباس الرسالة الأصلية كتبت بواسطة نايـــف تدرووون ليييه عشان الدخول ببلااااااااااش اتحداكم نشوف هالاشكال اذا كان الحضور بفلوووس الاا اذا طبوا مع السوور

الله يشلهم ياااااااااااااااااااااارب

والله مهازل والله

أخوي هلالي للنخاع

خاف ربك يالظالم طيب والله لو كيف ماراحت

فكر لو ضربت راس احد وإلا عينه حرااااااام عليك ياشيخ والله حرراااااااااااااام

ياناس مافيه احساس مافيه مسئوليه

الله يهديك أخوي بس

أحي شجاعتك لكن تكفى لاتعود لهذا الحركا ت

اااااااااااه يالقهر من جد هالجحلط محسوبين علينا
من الاشيا اللي صارت بالملعب:
#الصواريخ اللي تنزل على اللي جالسين تحت بالدرجه الثانيه

#المطاقه اللي صارت بين الشوطين..مدرين شلون تجي هلاليين يتطاقون مع بعض شكلهم من جحلط النظيم

#صارت مطاقه من جهة ورا البيبان بين بزارين يوم جا واحد يفك بينهم ويتجمعون عليه ويطقونه والمشكله ان البزر قام يتلفظ على العسكر وهم مبسوطين يناظرون ويظحكون

#قاروره مويه انرمت على ابو سلطان وهو يدور على الجماهير يحييهم والله قلة حيا الله ياخذهم

اعجبني منظر شباب كل ماشافوا اهلاويه يسلمون عليهم ويقولون لهم هاردلك واللي اعجبني اكثر انهم يردون بابتسامه ياناس هذا اللي نبيه والله شي يفرح

عموما هالاشيا اللي صارت تخلي الواحد يفكر قبل يحظر مباراه المفروض يخلون عسكر بلبس مدني بين الجماهير

اعتقد أن هذا نوع من الارهاب لجماهير الزعيم حتى يمنعوهم من الحضور...........من جانب عصابات منظمة........
نرجو من ابو سلطان وأعضاء الشرف التدخل وحماية جماهيرهم من هؤلاء الشرذمة........

من جدك ذولي رجال امن ؟؟ بس فالحين على الولاعات يطقون اللي يحاول يهربها .. ولا الامور اللي تحصل برا ما همتهم ..
واحد من الشباب جايب ولاعة و دبجوه ودخلوه بالغرفة حقت الامن اللي كنها مخزن مدري وش كنها ..
ولا الامور اللي فعلا تمس الأمن ما يحركون ساكن فيها .. الله يخلف على بدلة رجال الامن اللي صار كل من هب و دب يلبسها .. للأسف صاروا رجال الأمن هم أقل الناس وعي والمفروض العكس ..