#1  
قديم 09/04/2006, 02:19 AM
زعيــم جديــد
تاريخ التسجيل: 28/05/2002
مشاركات: 9
حســـبــي الله عليـــــهم .. (( صـــور ))

فــي البداية .. ألــف ألـــف مــبرووك فوز الزعـــيــم .. وهذي عادات الازرق .. من بطولة لبطولة والزعيم من يطوله

@@@@@@

بصراحة ماكان ودي اطرح الموضوع في هالوقت .. خاصة انه وقت فرحــه ... بس لما يصير لك الموقف اللي صار لنا وللكثير من الجماهير اللي شفتهم .. راح تعذرني ..

في البدايـــة .. الكل كان يطالب بحضوور الجمهوور .. من الرئيس الى اعضاء الشرف مرورا باللاعبين ... الكل كان يطالب بحضور كرنفال الفووز الهلالي ..

ومن الساعه 4 ونص .. ونحن في الملعب ..
من الساعه 4 ونص ونحن نشجع ..
من الساعه 4 ونص واصواتنا راحت من التشجيع

كل هـــذا لعيــوني الزعيــم .. ويستاهل اكثــر ..

لكن المصيبة لما تجيك مصيبتك من من جمهوورك .. ياجماعه اللي صار والله مايسكت .. اللي صار راح يخلي الجمهوور يمتنع عن حضوور الملاعب .. وانا اولهم ..

مثلي مثل اي مشجع رايح الملعب افرح واشجع فريقي .. مارحت عشان اطلع وبعدين يكسرون سيارتي ..

القصة بالتفصيل :

بعد ماانتهى تسليم الميداليات .. طلعنا من بوابه 4 .. المهم اول ماركبنا السيارة .. ونشووف قدامنا زحمه وفجأة وبدون سابق انذار .. تجمع على سيارتنا اكثر من 20 واحد .. ماندري وش يبون .. وقاموا يشوتون السيارة وهزوا السيارة هز .. طبعا احنا 3 .. يعني مستحيل نسوي شئ عليهم .. المهم قفلنا البيبان وحاولنا نمشي بس كان فيه سيارة قدامنا ... مصيرهم كان مثل مصيرنا .. طاحوا بهالاشكال .. وجينا بنرجع ورا ومع الاسف نفس الشئ السيارة اللي ورانا لها نفس المصير .. الوضع كان غريب .. تخيل كل سيارة عليها 20 الى 30 واحد .. وكل واحد مع عصيان الاعلام وجالس يرافس بالسيارة .. والقهر انك ماتدري وش يبون .. المهم مع كثر الضرب .. قزاز سيارتنا تكسر وخويي راحت عينه .. هذا غير الضربات اللي جت على البيبان .. والحمدالله رحمه من ربي .. لقينا مخرج وطلعنا منه .. وستر الله ماصدمنا واحد من هاللي يمشون ..

الزبده .. انه لما مشينا كنت اشوف جنبي سيارة كورولا .. اعتقد ان راعيها الله يهديه نزل من السيارة .. والمسكين ضربوه ضرب مايعلم فيه الا الله ..

صور من سيارتنا اللي تكسرت .. طبعا الصور كانت بالليل ومو واضحة مره :



هذا قزاز السيارة الخلفي متكسر .. ولاحظوا علم الهلال يرفرف





ضربه على باب السيارة .. بالعصا مدري برجله الله يكسر رجله .. الله يشله قولوا آمين



أمووت واعرف وشولن حاكين السيارة



ضربه من الباب الثاني .. والله لو اننا يهود ماسووا كذا






ياجماعه الموقف اللي صار صعب انه يوصف .. واللي يقهرك ان هالاشكال ماسكة علم هلال ويقالها تشجع ..

طيب لنفرض اني جيت انا واخوي الصغير وشاف هالاشياء . وش يكون موقفه .. اكيد بيكره شئ اسمه ملعب ويكره شئ اسمه هلال ..

اتمنى من كل قلبي .. قبل مايطالب اللاعبين والرئيس بالحضوور .. انهم يقدرون موقفنا ويعرفون وش اللي حاصل خلف اسوار الملعب .. صدقوني الواحد ماتسوى عليه تتكسر سيارته .. والثاني تنفقع عينه .. والسبب هالجحلط

فواصـــــــــل::

@@ من ضمن الاحداث الغريبه اللي حصلت .. ياسر القحطاني قبل ماتبدأ المبارة جا يبي يرمي الفنيله للجمهور .. المسكين جاه شرخ مدري صاروخ مدري وش تسمونه ذا ... الزبده انه جاه وانفجر تحت رجله .. طيب لنفرض انها جت بعينه .. وش راح يصير ........ امووت واعرف هاللي راميها . كان يفكر بعقله والا بشئ ثاني ..

@@ محمد بن فيصـــــــل .. انت على عيني وراسي وكل شئ لعيون الهلال يهـــون .. لكن صدقني بعد اللي صار امس .. صعب اني افكر انا او غيري من اللي صار لهم الموقف انهم يحضرون للملعب مره ثانيه .. يعني لما تجي المباراة الجايه والحضور قليل .. اتمنى انك ماتلوم الجمهور .. المفروض نلوم هالعسكر اللي تاركين هالجحلط.

@@ ادري ان معظم اللي يسوون هالاشياء مالهم اي علاقة بجمهور الهلال .. ولكن مجرد حضورهم يجعلنا نبتعد عنهم .

@@ آه بس لو عددهم قليــل .. كان ممكن نرتكب فيهم جريمة قتل .. بس صعبه 3 على 30

** نسخة من الموضوع لمنتديات شبكة الهلال.
** نسخة من الموضوع لمنتديات مدمي الشباك.
** نسخة من الموضوع لرئيس نادي الهلال.

تحــــيـاتي وتقـــديــري
اضافة رد مع اقتباس
  #2  
قديم 09/04/2006, 02:27 AM
الصورة الرمزية الخاصة بـ محب الذئب9
زعيــم مميــز
تاريخ التسجيل: 21/01/2006
المكان: ♥ S A M i ♥
مشاركات: 14,143
الله يعوضك خيييييييييير

والله ينتقم منهم إلى سوو كذا

والله من جد شى يخلى الواحد ما يحضر للملعب

والجحلط هذولا تقووول انهم ماهم برجال امن

<<<<<<<مقهور وربي مقهور
اضافة رد مع اقتباس
  #3  
قديم 09/04/2006, 02:35 AM
زعيــم فعــال
تاريخ التسجيل: 11/07/2005
مشاركات: 280
انا احس انهم الهمج المتخلفيييييييييييين

رجال الاضرار مدري الامن

مدري كيف مسمينهم رجال امن الحمد الله والشكر كل واحد راز خشته جعلها .........

وانا القزاز الخلفي انكسر

حسبي الله عليهم
اضافة رد مع اقتباس
  #4  
قديم 09/04/2006, 02:40 AM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
تخلف من امهـ والله...!!!

مستغرب أناا...ماابرحت العقول المتنكهـ لـ الحين...!!!

نااس كل همهاا التخريب والبربسهـ...!!!

الف مبروكـ البطولهـ

والله يعوضكم خير يـ الغالي

وحسبي الله ونعم الوكيل


تحياتي
اضافة رد مع اقتباس
  #5  
قديم 09/04/2006, 02:41 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
موانت اول واحديشتكي في المنتدى فيه مثلك واجد

اهم شي انكم سلمتو والحديد بداله حديد والله يكون بعونكم

انا كنت ناوي احضرفي الملعب بس تأخرت وجتني رساله من جوال الهلال ان الجماهيرغفيره 0وقلت ماني محصل مكان كويس0والحمدلله اني مارحت ومثل مايقولون كل تأخيره وفيهاخيره

وماني حاضراي مباراة خلاص
يمدحون ولدالخاله ناصرالاحمدوالاوربت
اضافة رد مع اقتباس
  #6  
قديم 09/04/2006, 02:44 AM
زعيــم متواصــل
تاريخ التسجيل: 12/07/2005
مشاركات: 83
تدرووون ليييه عشان الدخول ببلااااااااااش اتحداكم نشوف هالاشكال اذا كان الحضور بفلوووس الاا اذا طبوا مع السوور
اضافة رد مع اقتباس
  #7  
قديم 09/04/2006, 02:49 AM
زعيــم متألــق
تاريخ التسجيل: 13/11/2005
المكان: في قلبها
مشاركات: 1,141
الله يعوضك إن شاء الله .. والحمد لله على سلامتك

المشكلة أكثر من سبع سيارات صار لهم نفس الشيء...

عصابات الله لا يوفقهم
اضافة رد مع اقتباس
  #8  
قديم 09/04/2006, 03:41 AM
الصورة الرمزية الخاصة بـ **ABU S3OOD**
زعيــم مميــز
تاريخ التسجيل: 01/04/2002
المكان: K.S.A
مشاركات: 3,105
لازم توصل للمسئولين
اضافة رد مع اقتباس
  #9  
قديم 09/04/2006, 03:48 AM
زعيــم متواصــل
تاريخ التسجيل: 22/09/2004
مشاركات: 96
الصور ترفق لجريدة الرياض والجزيره وماراح يقصرون بنشر القضيه

جد شي ماينسكت عنه ابد

ارفففففع
اضافة رد مع اقتباس
  #10  
قديم 09/04/2006, 04:09 AM
زعيــم متألــق
تاريخ التسجيل: 22/10/2003
المكان: السعوديه
مشاركات: 1,222
يارجال ...أنت كسروها قدددددام عينك ... أنا يوم جيت إلا هم مكسرين الزجاج الأمامي والخلفي ...وزجاجة باب السائق والراكب الأمامي ...لا وماخذين الاستمارة؟؟؟ مدري وش يبون فيها مع إنها منتهيه !!!!!!!!!!!
وأوراق خاصة لي ماخذينها وريموت المسجل ...الظاهر يحسبونه جوووووووووال
... على العموم ...الاستمارة ...طلعنا جديدة اليوم لأن اللي اخذوها منتهية ....لكن الأوراق الخاصة ...والله ماتنفعهم بشء لكن الظاهر يبون يخربون وبس ....بالنسبة للزجاج ... الأنسان ماهمته القيمة ...لكن قهر تجي تلقاهم مكسرين السيارة ولاعبين فيها كذا ...زين بعد إن الهلال فاااايز والا كان علوووووووووووووووووووم ... مدري متى نتخلللللللللص من هالعينات
اضافة رد مع اقتباس
  #11  
قديم 09/04/2006, 04:12 AM
زعيــم فعــال
تاريخ التسجيل: 13/11/2005
المكان: الجبيل الصنآعيه
مشاركات: 476
الله يعوووضك خير إن شاء الله

انت وكل من حصل له نفس الشي

والله اني كنت افكر اوقف سيارتي بالحي اللي مقابل للاستاد

بس قلت لا اوقف على طريق جابر والحمد لله جيت اركض لسيارتي بعد ما شفت الهوايل بطريقي للسياره

بس الحمد لله ما صار شي

والله يشل يد كل من فعل هالافعال

إقتباس
الرسالة الأصلية كتبت بواسطة اسير المحبه
@@ من ضمن الاحداث الغريبه اللي حصلت .. ياسر القحطاني قبل ماتبدأ المبارة جا يبي يرمي الفنيله للجمهور .. المسكين جاه شرخ مدري صاروخ مدري وش تسمونه ذا ... الزبده انه جاه وانفجر تحت رجله .. طيب لنفرض انها جت بعينه .. وش راح يصير ........ امووت واعرف هاللي راميها . كان يفكر بعقله والا بشئ ثاني ..

اخووي انا اعترف انه انا اللي رميت القنبله وربي ما كنت قاصد اذي ياسر :sad:

بس فكرت مع تحيه اللاعبين لنا تنفجر بس راحت على ياسر وكنت بالمدرج العلوي واللي كانو عندي عارفين اني ما كنت قاصد حتى من ردة فعلي

بس الحمد لله ما صار بياسر شي

ولعلمكم اقسم بالله اني جاي من الجبيل 400 كيلو ورجعت بعد المباراه ولعيوون الزعيم وابو سلطان تهوون

والحمد لله رجعت وانا راضي ومستانس
اضافة رد مع اقتباس
  #12  
قديم 09/04/2006, 04:32 AM
زعيــم نشيــط
تاريخ التسجيل: 10/11/2004
المكان: المانيا
مشاركات: 718
والله شي يقهررررر

هذا اللي يجينا من المباريات المجانيه

المفرووض مافي ولا مباراة ببلاش تدفع تدخل والله ماتشوف هالاشكال
اضافة رد مع اقتباس
  #13  
قديم 09/04/2006, 06:05 AM
موقوف
تاريخ التسجيل: 17/08/2005
المكان: في قلب حبيبي
مشاركات: 1,052
الله يعوضك إن شاء الله .. والحمد لله على سلامتك
اضافة رد مع اقتباس
  #14  
قديم 09/04/2006, 06:19 AM
زعيــم فعــال
تاريخ التسجيل: 24/02/2003
مشاركات: 365
والله اني حاس بقهرك ,, والحمدلله على سلامتك وسلامة
من كان معك ..

لكن الي ابغى اعرفه ليش يسوون كذا ذالحثاله ,, ياخي واحد يمشي مع
اخوياه ليه تعتدون عليه ؟؟؟ والله شي يقهر ,, فعلاً في ناس عايشين مثل
الحيوانات او اردى ,, الله يهديهم او ياخذهم

وبالنسبه للعسكر ورجال الأمن ,, فهم شاطرين يحكون كروشهم ويستهبلون على
الجمهور الحاضر ,, أما مسألة انهم يأدون واجبهم بضمير ,, فقليل والله منهم الي
يسويها ..!! واتمنى ان يفتح تحقيق ,, ويبحثون عن الفاعلين ,, ويعاقبونهم اقصى
عقاب ,, لأنهم حيوانات همجيه
اضافة رد مع اقتباس
  #15  
قديم 09/04/2006, 06:29 AM
الصورة الرمزية الخاصة بـ عاااشق الدوخي
زعيــم متألــق
تاريخ التسجيل: 23/06/2005
المكان: الــــريــــاض
مشاركات: 1,227
حسبي الله ونعم الوكيل عليهم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube